انار بۇلت / شينجياڭ گازەتىنىڭ ءتىلشىسى ۋاڭ جيڭجيڭ 9 - ايدىڭ 15 - كۇنى ۇرىمجىدەن حابارلايدى. 9 - ايدىڭ 14 - كۇنى اۆتونوميالى رايون كۇز، قىس ماۋسىمىنداعى ساياحات قىزمەتىن ىلگەرىلەتۋ جونىندە تەلەۆيزور - تەلەفون ءماجىلىسىن اشىپ، الدىڭعى ءبىر مەزگىلدەگى تۇتاس رايوننىڭ ساياحات بازارى جاعدايىن حابارلاپ، كۇز، قىس ماۋسىمىنداعى ساياحاتتىڭ ءتۇيىندى قىزمەتتەرىن ورنالاستىردى، جايعاستىردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: تاياۋ مەزگىلدەن بەرى جەر - جەر، تاراۋلار ”ءتورتتى جاقسارتۋ“، ”التىنى اناعۇرلىم ىلگەرىلەتۋ“ جانە ”ءتورت رازى بولۋدى“ ارقاۋ ەتە وتىرىپ، بىرەۋى ارقىلى وزگەسىن تۇسپالداپ، ولقىلىقتاردى، ءالسىز تۇستاردى تولىقتىرىپ، نەگىزدىك قۇرىلعىلاردى ۇزدىكسىز كەمەلدەندىرىپ، قىزمەت وتەۋ دەڭگەيىن ۇزدىكسىز جوعارىلاتىپ، كۇتىپ الۋ قابىلەتىن ۇزدىكسىز جوعارىلاتىپ، تۇتاس رايوننىڭ جالپى تۇلعالىق ساياحات بازارى ورنىقتى تۇردە جوعارىلادى.
ءماجىلىس مىنالاردى باسا دارىپتەدى: جەر - جەر، تاراۋلار ساياسي دەڭگەيدى جوعارىلاتىپ، يدەيانى، تانىمدى ساياحات ارقىلى شينجياڭدى گۇلدەندىرۋ ستراتەگياسىمەن باتىل بىرلىككە كەلتىرىپ، ۇزدىكسىز جارىققا شىققان ورنىقتىلىقتىڭ پايداسىنان، ىندەتتەن ساقتانۋدىڭ پايداسىنان، ساياساتتىڭ پايداسىنان، بايلىق پايداسىنان تولىق پايدالانىپ، ىندەتتەن ساقتانۋ - تىزگىندەۋدى ۇدايلاندىرۋدى شىنايى يگەرۋ العى شارتىندا، ماسەلەنى باعدار ەتۋگە تاباندى بولىپ، ماسەلەنى رەتتەۋ - تۇزەتۋدى مىقتاپ يگەرىپ، ءونىمدى باقىلاۋدى كۇشەيتىپ، عىلمي ءبىر تۇتاس جوسپارلاۋدى كۇشەيتىپ، حاۋىپسىزدىك قورعانىس شەبىن مىقتاپ ورناتىپ، قىزمەت وتەۋ ونىمدىلىگىن جوعارىلاتىپ، ءسىڭىستى كىناراتتار مەن قاساڭ دەرتتەردى باتىل بەكىممەن الاستاپ، ساياحات كاسىبىنىڭ جوعارى ساپالى دامۋىن شەكتەيتىن كىلتەڭ كەدەرگىلەرىن بەرىك، باتىل تۇردە تالقانداۋ كەرەك.
ءماجىلىس مىنالاردى باسا دارىپتەدى: كۇز، قىس ماۋسىمىنداعى ساياحات قىزمەتىن دەن قويا، سۇيىسپەنشىلىكپەن، كۇش سالا ويداعىداي جوسپارلاپ، اۋىل - قىستاق ساياحاتىن جانداندىرىپ، اۋىل - قىستاقتاعى مول ساياحات بايلىعىنا سۇيەنىپ، شوعىرلى، ۇلاسقان ءتۇيىندى قىستاقتاردى تۇلعالاپ، اۋىل - قىستاق ساياحاتىنداعى ءتۇيىندى قالاشىقتاردى قالىپتاستىرۋ؛ ساياحات ونىمدەرىن اشىپ، ”شينجياڭدىقتار شينجياڭدى ساياحاتتاۋ“ قيمىلىن زور كۇشپەن ورىستەتىپ، شينجياڭ ىشىندەگى ساياحاتتىڭ كومەسكى كۇشىن ساۋلەلەندىرۋ؛ ساياحات كاسىپ كۇيىن بايىتىپ، ساياحات سارا ونىمدەرى قۇرىلىسىن وزەكتى باسەكەلىك كۇش قالىپتاستىرۋدىڭ ماڭىزدى تىرەگى ەتۋ؛ ۇگىتتەۋدى، تانىستىرۋدى كۇشەيتىپ، ”ينتەرنەت جەلىسىندە + ينتەرنەت جەلىسىنەن تىس“ بايلىق قاينارى ءوزارا تولىقتايتىن ۇگىتتەۋ، تانىستىرۋ فورماسىنان ويداعىداي پايدالانۋ كەرەك.
