تيانشان تورى   ›   جاڭالىقتار   ›   ماڭىزدى حابارلار

پارتيانىڭ جالپى بەتتىك باسشىلىعىنا تيتتەي دە مىزعىماي تاباندى بولۋ جانە ونى كۇشەيتۋ كەرەك

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

پارتيانىڭ جالپى بەتتىك باسشىلىعىنا تيتتەي دە مىزعىماي تاباندى بولۋ جانە ونى كۇشەيتۋ كەرەك

  شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى. 9 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 18 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانىڭ جالپى بەتتىك باسشىلىعىنا تيتتەي دە مىزعىماي تاباندى بولۋ جانە ونى كۇشەيتۋ كەرەك» اتتى ماڭىزدى ماقالاسى جاريالانادى.

  ماقالادا مىنالار باسا دارىپتەلدى: جۇڭگونىڭ ەڭ ۇلكەن مەملەكەت جاعدايى − جۇڭگو كوممۋنيستىك پارتياسىنىڭ باسشىلىعى. جۇڭحۋا ۇلتىنىڭ تاياۋ زاماننان بەرگى 180 نەشە جىلدىق تاريحى، جۇڭگو كوممۋنيستىك پارتياسىنىڭ قۇرىلعاننان بەرگى 100 جىلدىق تاريحى، جۇڭحۋا حالىق رەسپۋبليكاسىنىڭ قۇرىلعاننان بەرگى 70 نەشە جىلدىق تاريحى جۇڭگو كوممۋنيستىك پارتياسى بولماسا جاڭا جۇڭگونىڭ بولماق ەمەس ەكەندىگىن، جۇڭحۋا ۇلتىنىڭ ۇلى گۇلدەنۋىنىڭ بولماق ەمەس ەكەندىگىن تولىق دالەلدەدى. تاريح پەن حالىق جۇڭگو كوممۋنيستىك پارتياسىن تاڭدادى. جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى، پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنىڭ دايەگى، تاعدىرىنىڭ دايەگى. ءبىزدىڭ ەل باسقارۋىمىزدىڭ ءتۇبىرى − جۇڭگو كوممۋنيستىك پارتياسىنىڭ باسشىلىعى جانە ەلىمىزدىڭ سوتسياليستىك ءتۇزىمى. بۇل تۇيىندە ەشنارسەدەن تايسالماۋىمىز، ايقىن تۋ ۇستاۋىمىز كەرەك.

  ماقالادا مىنالار اتاپ كورسەتىلدى: جۇڭگو كوممۋنيستىك پارتياسى − بيلىك باسىنداعى پارتيا، جۇڭگوشا سوتسياليزم ىستەرىنىڭ باسشىلىق ۇيتقىسى، جالپى جاعدايدى جالپىلاي مەڭگەرەتىن، ءار جاقتى سايكەستىرەتىن ورىندا تۇر. پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى، ەڭ جوعارى ساياسي باسشىلىق كۇش. جۇڭگو كوممۋنيستىك پارتياسى سىندى وسى پارمەندى باسشىلىق ۇيتقىعا تاباندى بولۋ − جۇڭحۋا ۇلتى تاعدىرىنىڭ دايەگى. پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ پارتيا مەن مەملەكەتتىڭ بولاشاق تاعدىرىنا سايادى، ءبىزدىڭ بارلىق ىستەرىمىز وسى نەگىزىندە قۇرىلعان، تۇگەلدەي وسى ەڭ ماندىك ەرەكشەلىكتەن جانە ەڭ ۇلكەن ابزالدىلىقتان تامىر العان. نە ءۇشىن ەلىمىزدە ورنىقتىلىق ۇزاق ۋاقىت ساقتالدى، بىلىقپالىق بولمادى؟ ەڭ ءتۇبىرلىسى ءبىز باستان - اياق جۇڭگو كوممۋنيستىك پارتياسىنىڭ باسشىلىعىنا تاباندى بولعاندىعىمىزدا. پارتيانىڭ باسشىلىعى − پارتيا مەن مەملەكەت ىستەرىن ۇزدىكسىز دامىتۋدىڭ ”التىن تىرەگى“.

  ماقالادا مىنالار اتاپ كورسەتىلدى: پارتيانىڭ باسشىلىق ءتۇزىمى − ەلىمىزدىڭ ءتۇبىرلى باسشىلىق ءتۇزىمى. پارتيانىڭ باسشىلىعى − پارتيا مەن مەملەكەتتىڭ ءتۇرلى قىزمەتتەرىن ويداعىداي ىستەۋدىڭ ءتۇبىرلى كەپىلى، ەلىمىزدىڭ ساياسي ورنىقتىلىعىنىڭ، ەكونوميكالىق دامۋىنىڭ، ۇلتتار ىنتىماعىنىڭ، قوعام ورنىقتىلىعىنىڭ ءتۇبىرلى تياناعى، مۇلدە، استە اۋىتقۋعا بولمايدى.

  ماقالادا مىنالار اتاپ كورسەتىلدى: پارتيانىڭ بارلىق قىزمەتكە باسشىلىعىن كۇشەيتۋ تالابى ءمانسىز، ابستراكت ەمەس، ونى ءار جاقتا، ءار بۋىندا تياناقتاندىرۋ جانە ايگىلەۋ كەرەك. پارتيانىڭ باسشىلىعى، ءسوز جوق، جان - جاقتى، جۇيەلى، تۇتاس تۇلعالى بولۋ كەرەك، ءسوز جوق، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جانە مەملەكەت قورعانىسى اسكەري قوسىنى، وتان تۇتاستىعى، ديپلوماتيالىق قىزمەت، پارتيا قۇرىلىسى سياقتى ءار جاقتان ايگىلەنۋى كەرەك. قايسى سالادا، قايسى جاقتا، قايسى بۋىندا ولقىلىق، دارمەنسىزدىك بولسا، مۇنىڭ بارلىعى پارتيانىڭ كۇش - قۋاتىن السىرەتىپ، پارتيا مەن مەملەكەت ىستەرىنە زيان جەتكىزەدى.

  ماقالادا مىنالار اتاپ كورسەتىلدى: جۇڭگو كوممۋنيستىك پارتياسىنىڭ باسشىلىعى − حالىقتىڭ وزىنە قوجايىن بولۋىن جۇزەگە اسىرۋعا قولداۋ كورسەتۋ جانە كەپىلدىك ەتۋ بولىپ تابىلادى. پارتيانىڭ حالىققا باسشىلىق ەتىپ ەل باسقارۋىنداعى، ەڭ ماڭىزدىسى، ءتۇرلى كۇردەلى ساياسي قارىم - قاتىناستى ويداعىداي ءبىر جاقتى ەتىپ، باستان - اياق پارتيا مەن مەملەكەت ىستەرىنىڭ دامۋىنىڭ دۇرىس ساياسي بەتالىسىن ساقتاۋ. جاڭا ساپاردا، ءبىز، ءسوز جوق، پارتيانىڭ جاپپاي باسشىلىعىنا تاباندى بولۋىمىز، پارتيانىڭ باسشىلىعىن ۇزدىكسىز كەمەلدەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”مەملەكەتتىڭ زور ءىسىن“ ەستە بەرىك ساقتاپ، پارتيانىڭ عىلمي بيلىك جۇرگىزۋ، دەموكراتيالىق بيلىك جۇرگىزۋ، زاڭ بويىنشا بيلىك جۇرگىزۋ ورەسىن ۇزدىكسىز جوعارىلاتىپ، پارتيانىڭ جالپى جاعدايدى جالپىلاي مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋىمىز كەرەك!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.