شي جينپيڭ شانشيدىڭ يۇيلين قالاسىندا قىزمەت تەكسەرگەندە بىلاي دەپ باسا دارىپتەدى
يدەيانى ازات ەتىپ، رەفورما جاساپ، جاڭالىق اشىپ، كۇش ۇستىنە كۇش قوسىپ، شانشيدىڭ جوعارى ساپالى دامۋىنىڭ جاڭا تاراۋىن جازۋ كەرەك
9 - ايدىڭ 13 - كۇنىنەن 14 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شانشي ولكەسىنىڭ يۇيلين قالاسىندا قىزمەت تەكسەردى. سۋرەتتە: 9 - ايدىڭ 13 - كۇنى تۇستەن بۇرىن شي جينپيڭ مەملەكەتتىك ەنەرگيا توبى يۇيلين حيميا ونەركاسىپ شەكتى سەرىكتەستىگىندە قىزمەت تەكسەرگەن كەزدە، كاسىپورىننىڭ جۇمىسشى - قىزمەتكەرلەر ۋاكىلدەرىمەن ىقىلاستى تۇردە پىكىرلەستى.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
9- ايدىڭ 13 - كۇنىنەن 14 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شانشي ولكەسىنىڭ يۇيلين قالاسىندا قىزمەت تەكسەردى. سۋرەتتە: 9 - ايدىڭ 14 - كۇنى تۇستەن كەيىن شي جينپيڭ سۇيدى اۋدانى جاڭجيابيان قالاشىعى حاۋجياچياۋ قىستاعىندا قىزمەت تەكسەرگەن كەزدە، اۋىلداستارعا قول بۇلعاپ قۇرمەت ءبىلدىردى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 9 - ايدىڭ 15 - كۇنى يۇيليننەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا شانشي ولكەسىنىڭ يۇيلين قالاسىندا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، داڭقتى توڭكەرىستىك ءداستۇردى اسقاقتاتىپ، يدەيانى ازات ەتىپ، رەفورما جاساپ، جاڭالىق اشىپ، كۇش ۇستىنە كۇش قوسىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاۋدى شىن مانىندە ويداعىداي يگەرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، جاڭا دامۋ ارناسىنا اناعۇرلىم ويداعىداي قىزمەت وتەپ جانە توعىسىپ، شانشيدىڭ جوعارى ساپالى دامۋىنىڭ جاڭا تاراۋىن جازۋ كەرەك.
9 - ايدىڭ 13 - كۇنىنەن 14 - كۇنىنە دەيىن شي جينپيڭ شانشي ولكەلىك پارتكومنىڭ شۋجيى ليۋ گوجۇڭنىڭ، ولكە باستىعى جاۋ يدىنىڭ سەرىك بولۋىندا كاسىپورىن، اۋىل - قىستاق، مەكتەپ، توڭكەرىستىك بايىرعى جۇرت سياقتىلاردى ىشكەرىلەي ارالاپ، تەكسەرۋ - زەرتتەۋ جۇرگىزدى.
9 - ايدىڭ 13 - كۇنى تۇستەن بۇرىن شي جينپيڭ الدىمەن مەملەكەتتىك ەنەرگيا توبى يۇيلين حيميا ونەركاسىپ شەكتى سەرىكتەستىگىنە كەلىپ، اينالمالى ەكونوميكا بويىنشا كومىردەن كەشەندى پايدالانۋ نىسانىنىڭ جوبا قۇرىلىسىنىڭ جۇمىس جۇرگىزۋ جاعدايىن ۇعىستى. ورتالىق مەڭگەرۋ بولمەسىندە شي جينپيڭ نىسان ونىمدەرى كورمەسىن كورىپ، كاسىپورىننىڭ جاڭالىق اشا دامۋعا تاباندى بولۋ، حاۋىپسىز، ورنىقتى، تازا جۇمىس اينالىمىنا تاباندى بولۋ ادىستەرىن تۇراقتاندىردى. ونان سوڭ، شي جينپيڭ جىلىنا 400 مىڭ توننا ەتيلەن گليكول ءوندىرۋ نىسانىنىڭ جۇمىس باسىن كوزدەن كەشىرىپ، كومىر حيميا ونەركاسىبىنىڭ ىشكەرىلەي دامۋىنا قاتىستى جاعدايلاردى ۇعىسىپ، كاسىپورىن جۇمىسشى - قىزمەتكەرلەرىنىڭ ۋاكىلدەرىمەن ىقىلاستى تۇردە اڭگىمەلەستى. ول بىلاي دەپ باسا دارىپتەدى: يۇيلين − مەملەكەتتىڭ ماڭىزدى ەنەرگيا بازاسى، مەملەكەتتىڭ ەكونوميكالىق، قوعامدىق دامۋىنا ماڭىزدى ۇلەس قوستى. كومىر ەلىمىزدىڭ نەگىزگى تۇلعالىق ەنەرگياسى، جاسىل، تومەن كومىر قىشقىل گازدى دامۋ بەتالىسى بويىنشا كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى جۇزەگە اسىرۋ نىسانا - مىندەتىنە تۋرالانىپ، مەملەكەت جاعدايىن تياناق ەتىپ، جالپى مولشەردى تىزگىندەپ، تومەنگى شەكتى ساقتاپ، ءتارتىپتى تۇردە مولشەرىن ازايتىپ، ورنىن باستىرىپ، كومىر تۇتىنۋدىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتۋ كەرەك. كومىر حيميا ونەركاسىبى كاسىپ سالاسىنىڭ كومەسكى كۇشى زور، بولاشاعى كەڭ، حيميا ونەركاسىبى شيكىزاتى رەتىندەگى كومىردەن كەشەندى پايدالانۋ ونىمدىلىگىن جوعارىلاتىپ، كومىر حيميا ونەركاسىبى كاسىپ سالاسىنىڭ جوعارى دەڭگەيلى، كوپ نەگىزدى، تومەن كومىر قىشقىل گازدى دامۋىن جەبەپ، عىلىم - تەحنيكادا جاڭالىق اشۋدى كۇشەيتۋدى ەڭ كوكەي تەستى مىندەت ەتىپ، شەشۋشى، وزەكتى تەحنيكالاردان قامال الۋدى جەدەلدەتىپ، كومىر نەگىزدى ەرەكشە جانار زات، كومىر نەگىزدى بيولوگيالىق ىدىرامالى ماتەريال سياقتىلاردى بەلسەنە دامىتۋ كەرەك.
9 - ايدىڭ 13 - كۇنى تۇستەن كەيىن شي جينپيڭ ميجى اۋدانى يىنجوۋ ءمالىسى گاۋشيگوۋ قىستاعىنا بارىپ قىزمەت تەكسەردى، تەكسەرۋ - زەرتتەۋ جۇرگىزدى. تاۋ قويناۋلارى اراسىندا جەمىس باقشاسى، ورماندى القاپ، ساتىلى اتىز، تۇنبا توسپالار رەتىمەن ورنالاسىپ، كۇز باسىنداعى سارى توپىراقتى ءۇستىرت جاسىل جەلەك جامىلىپ تۇر. جول بويى شي جينپيڭ اۆتوكولىكتەن ءتۇسىپ اتىز باسىنا بارىپ، سوك كۇرىشتىڭ، تارىنىڭ، جۇگەرىنىڭ ءوسۋ جاعدايىن تەكسەرىپ كورىپ، اتىزدا ەڭبەك ەتىپ جاتقان اۋىلداستارمەن شارۋا جايلى اڭگىمە دۇكەنىن قۇرىپ، ولاردىڭ ءوندىرىس، تيجارات، وتباسى كىرىسى، ەمدەۋ قامتاماسىزداندىرۋى، پەرزەنتتەرىنىڭ وقۋعا ءتۇسۋى، جۇمىستانۋى سياقتى جاعدايلارىن سۇراستىردى. گاۋشيگوۋ قىستاعىنداعى لۇڭتوۋشان تاۋىنىڭ باسىندا شي جينپيڭ شانشي ولكەسىنىڭ ەكولوگيالىق وركەنيەت قۇرىلىسى جانە گاۋشيگوۋ قىستاعىنىڭ سارى توپىراقتى بۇيرات - جىلعالار ءوڭىرىن كەشەندى جونگە سالۋ جاعدايى جونىندەگى تانىستىرۋدى تىڭدادى. شي جينپيڭ بىلاي دەپ اتاپ كورسەتتى: گاۋشيگوۋ قىستاعى − سارى توپىراقتى ءۇستىرت ەكولوگياسىن جونگە سالۋدىڭ ۇلگىسى، سىزدەر ەكولوگيالىق وركەنيەت قۇرىلىسىن قاجىماس تاباندىلىقپەن ورىستەتىپ، داۋىرمەن بىرگە العا باسىپ، اۋىل - قىستاق ىستەرىن دامىتىپ جاتىرسىزدار، بۇل جۇرگەن جولدارىڭىز دۇرىس. تۇنىق سۋ، جاسىل تاۋ − باعالى بايلىق ۇستانىمىن ىشكەرىلەي دايەكتىلەندىرىپ، ەكولوگيانى جونگە سالۋ مەن ەرەكشە كاسىپ سالاسن دامىتۋدى جاندى ۇشتاستىرىپ، ەكولوگيا مەن ەكونوميكا سايكەستى داميتىن، ادام مەن تابيعات جاراسىمدى قاتار ءومىر سۇرەتىن جولمەن ءجۇرۋ كەرەك.
شي جينپيڭ گاۋشيگوۋ قىستاعىنان اتتانىپ، ميجى اۋدانى قالاشىعىنىڭ شىعىس وڭتۇستىگىندەگى ياڭجياگوۋ توڭكەرىستىك بايىرعى جۇرتىنا كەلدى. 1947 - جىلدىڭ اياعىندا ماۋ زىدۇڭ جولداس ورتالىق ورگاندى باستاپ ياڭجياگوۋ قىستاعىنا كەلىپ، بۇل جەردە 4 ايدان استام ۋاقىت تۇرىپ، شايقاس جاساپ، بۇكىل ەلدى ازات ەتۋ سوعىسىنا جانە باتىس سولتۇستىك سوعىس مايدانىنا قولباسشىلىق ەتىپ، جەر رەفورماسى قوزعالىسىن جۇرگىزۋگە باسشىلىق ەتكەن بولاتىن. شي جينپيڭ جۇڭگو كوممۋنيستىك پارتياسى ورتالىق كوميتەتىنىڭ ”جەلتوقسان ءماجىلىسىنىڭ“ بايىرعى جۇرتى، ماۋ زىدۇڭنىڭ بايىرعى تۇراعى، جوۋ ىنلايدىڭ بايىرعى تۇراعى سياقتىلاردى ەكسكۋرسيالاپ، توڭكەرىس تاريحىن ەسكە ءتۇسىرىپ، توڭكەرىستىك اعا بۋىنداردىڭ ۇشان تەڭىز ۇلى ەڭبەكتەرىن ساعىنا ەسكە الدى. شي جينپيڭ بىلاي دەپ باسا دارىپتەدى: ساياسات پەن تاكتيكا − پارتيانىڭ جانى. 100 جىلدان بەرى، پارتيامىزدىڭ يدەيانى بىرلىككە كەلتىرىپ، اياق الىستى بىرلىككە كەلتىرىپ، ءبىر نيەتپەن ىنتىماقتاسا العا باسا الۋىنىڭ، توڭكەرىستىڭ، قۇرىلىستىڭ، رەفورمانىڭ ۇلى جەڭىسى مەن شۇعىلالى تابىستارىنا قول جەتكىزە الۋىنىڭ سەبەبى، پارتيامىزدىڭ ماركسيزمنىڭ جەتەكشىلىگىنە تاباندى بولىپ، بيىكتە تۇرىپ الىستى بولجاپ، بولماشى بەلگىسىنەن بولاشاعىن اڭعارىپ، رەال ماسەلەلەردى شەشۋمەن قوسا، ستراتەگيالىق ماسەلەلەردى دە شەشىپ، اۋقىمعا ءدال تۇجىرىم جاساپ جانە ونى يگەرىپ، ءىس جۇزىندىككە ۇيلەسەتىن نىسانا - مىندەتتەردى، ساياسات - تاكتيكالاردى بەلگىلەۋىندە. پارتيانىڭ باسشىلىعىنا باستان - اياق تاباندى بولىپ جانە ونى كەمەلدەندىرىپ، پارتيانىڭ عىلمي بيلىك جۇرگىزۋ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ دەڭگەيىن ۇزدىكسىز جوعارىلاتىپ، پارتيانىڭ جالپى جاعدايدى جالپىلاي مەڭگەرەتىن، ءار جاقتى سايكەستىرەتىن باسشى ۇيتقىلىق رولىن تولىق ساۋلەلەندىرۋ كەرەك. ماركسيزمنىڭ نەگىزگى قاعيدالارىنا تاباندى بولىپ، ماركسيزم ارقىلى ءداۋىردى باقىلاۋ، ءداۋىردى يگەرۋ، داۋىرگە جەتەكشىلىك ەتۋ، سونىمەن بىرگە، شىندىقتى ءىس جۇزىنەن ىزدەۋگە تاباندى بولىپ، ەلىمىزدىڭ ءىس جۇزىندىگىن نەگىزگە الىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتۋ كەرەك. شي جينپيڭ بىلاي دەپ اتاپ كورسەتتى: قىزىل بايلىقتان تولىق پايدالانىپ، پارتيا تاريحىن ۇيرەنۋ تاربيەسىن تەرەڭدەتىپ، قىزىل قان تامىردى ۇزدىكسىز جالعاستىرۋ كەرەك.
9 - ايدىڭ 14 - كۇنى تۇستەن بۇرىن شي جينپيڭ جۇڭگو كوممۋنيستىك پارتياسى سۇيدى ايماقتىق كوميتەتىنىڭ بايىرعى جۇرتىنا بارىپ، بايىرعى جۇرتتىڭ ورنالاسىمى جانە ءبىر ءبولىم قالپىنا كەلگەن كورىنىستەردى زەردەلەي تەكسەرىپ كورىپ، قاتىستى ارناۋلى تاقىرىپتىق كورمەنى ەكسكۋرسيالادى. شي جينپيڭ بىلاي دەپ اتاپ كورسەتتى: وسىناۋ تەرەڭ توڭكەرىستىك تاريحقا قايىرىلا قاراساق، اعا بۋىن توڭكەرىسشىلەردىڭ ”پارتيانىڭ مۇددەسىن ءبىرىنشى ورىنعا قويۋعا“ تاباندى بولعاندىعىن، ”ەڭ كوپ ەڭبەكشى حالىق جاعىندا تۇرۋعا“ تاباندى بولعاندىعىن، ”بۇقارامەن قاشاندا ءبىر نيەت، ءبىر تىلەكتە بولۋعا“ تاباندى بولعاندىعىن كورەمىز، بۇل كەلەلى تاربيەلىك مانگە يە. جۇڭگو كوممۋنيستىك پارتياسى حالىققا باسشىلىق ەتىپ، توڭكەرىستىڭ جەڭىسىنە قول جەتكىزۋدە حالىقتىڭ قالاۋىنا قول جەتكىزە ءبىلدى، سان ميلليونداعان حالىق بۇقاراسى ءبىز جاقتا تۇرۋدى باتىل تاڭدادى. ءبىز توڭكەرىستىك ءداستۇر مەن تاڭداۋلى ستيلدى جالعاستىرىپ جانە ساۋلەلەندىرىپ، حالىقتىڭ مۇددەسىن باستان - اياق ەڭ جوعارى ورىنعا قويىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ بۇقارالىق لۋشيانىن دايەكتىلەندىرىپ، حالىقتىڭ نەگىزگى تۇلعالىق ورنىنا قۇرمەت ەتىپ، باستان - اياق حالىقپەن بىرگە بولىپ، حالىق ويلاعاندى ويلاپ، حالىقپەن بىرگە ىستەۋىمىز كەرەك.
وسىدان كەيىن شي جينپيڭ سۇيدى تاجىريبە ورتا مەكتەبىنە كەلىپ، ىلگەرىندى - كەيىندى ساباقحانانى، گيمناستيكا الاڭىن ارالاپ، وقۋشىلاردىڭ حاتكەرلىك جاتتىعۋىن جانە دەنە شىنىقتىرۋىن كورىپ، ولارمەن ىقىلاستى تۇردە اڭگىمەلەستى. ول بىلاي دەپ اتاپ كورسەتتى: جۇڭحۋا وركەنيەتى تەرەڭنەن تامىر الىپ، ۇزىلمەي جالعاسۋىنىڭ نەگىزى وقۋ - اعارتۋدا. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ نەگىزى وقۋ - اعارتۋدا. ءبىزدىڭ وقۋ - اعارتۋدى جۇرگىزۋىمىز حالىقتىڭ جالپىلىق ساپاسىن جوعارىلاتۋ، ادامنىڭ جان - جاقتى دامۋىن جەبەۋ، قوعامنىڭ وركەنيەت دەڭگەيىن جوعارىلاتۋ، مادەنيەت سەنىمىن بەكەمدەۋ، بۇكىل ۇلتتىڭ جاسامپازدىق ومىرشەڭدىگىن ارتتىرۋ ءۇشىن بولىپ تابىلادى. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، پارتيانى ءسۇيۋ، وتاندى ءسۇيۋ، حالىقتى ءسۇيۋ، سوتسياليزمدى ءسۇيۋ سۇيىسپەنشىلىگىن نىعايتىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋعا قۇلشىنۋىمىز كەرەك. وقۋ - اعارتۋ، وقىتۋ رەفورماسىن تەرەڭدەتىپ، مەكتەپ تاربيەسىنىڭ نەگىزگى شەپتىك رولىن كۇشەيتىپ، مەكتەپتىڭ وقىتۋ ساپاسىن جاپپاي جوعارىلاتىپ، اسا اۋىر بولىپ وتىرعان وقۋ اۋىرتپالىعى مەن مەكتەپ سىرتىنداعى تاربيەلەۋ اۋىرتپالىعىن شىن مانىندە جەڭىلدەتىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك. سوڭىندا شي جينپيڭ وقۋشىلاردى ەسىل شاقتارىن قاستەرلەپ، ءوزىن جەتىلدىرىپ، ءمورالدى بولىپ، قۇلشىنا ۇيرەنىپ، العا باسىپ، دەنە قۋاتىن كۇشەيتىپ، ەرىك - جىگەرىن شىڭداپ، مەملەكەتكە، حالىققا، قوعامعا جارامدى ادام بولۋعا ىنتالاندىردى.
شانشيدىڭ تاريحى ۇزاق، مادەنيەت مۇرالارى مول. شي جينپيڭ سۇيدى اۋدانىنداعى بەيزاتتىق مادەنيەت مۇرالارى كورمە سارايىنا كەلىپ، تاس ويما، سۇيدى اماندىق كىتابى، قاعاز قيما، حالىق ءانى، بالشىق ءمۇسىن سياقتى كورمەلەردى كورىپ، جەرگىلىكتى ورىننىڭ ءداستۇرلى مادەنيەتىن قورعاۋ جانە جالعاستىرۋ قىزمەتىن تۇراقتاندىردى. كورمە سارايىنىڭ سىرتىندا سولتۇستىك شانشيدىڭ ياڭگى ءبيى ويىنى قويىلىپ جاتتى. شي جينپيڭ وسى اراداعى جۇرتشىلىقپەن امانداستى. ول بىلاي دەپ اتاپ كورسەتتى: سۇيدى − سارى توپىراقتى مادەنيەتتىڭ ماڭىزدى وشاعىنىڭ ءبىرى، بەيزاتتىق مادەنيەت مۇرا بايلىعى مول، تاڭداۋلى حالىقتىق كوركەمونەر جەتىلدىرىپ، دامىتىپ، سولتۇستىك شانشي حالقىنىڭ ىستىق ىقىلاسىن، قاراپايىمدىعىن، دارقاندىعىن ايگىلەگەن. حالىقتىق كوركەمونەر − جۇڭحۋا ۇلتىنىڭ باعالى بايلىعى، اتا - بابادان قالعان وسى اسىل مۇرالاردى ويداعىداي قورعاۋ، ويداعىداي جالعاستىرۋ، ويداعىداي پايدالانۋ تاريحي مادەنيەت ساباقتاستىعىن جالعاستىرۋدا، مادەنيەتتە قۋاتتى سوتسياليستىك ەل قۇرۋدا كەلەلى ماڭىز الادى. سوتسياليستىك وزەكتى قۇن كوزقاراسىن جەتەكشى ەتۋگە تاباندى بولىپ، جاسامپازدىقپەن تۇرلەندىرۋگە، جاڭالىق اشا دامىتۋعا تاباندى بولىپ، ءداستۇرلى مادەنيەت پەن وسى زامانعى تۇرمىستىڭ ۇشتاسۋ ءتۇيىنىن تاۋىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرۋ كەرەك.
سۇيدى اۋدانى قالاشىعىنىڭ باتىس وڭتۇستىگىندەگى جاڭجيابيان قالاشىعى حاۋجياچياۋ قىستاعى − سۇيدى ايماقتىق پارتكوم جاپون شاپقىنشىلارىنا قارسى سوعىس كەزىندە تەكسەرۋ - زەرتتەۋ جۇرگىزۋ ارقىلى بايقالعان ۇلگىلى قىستاق، ”بارشا قىستاق حاۋجياچياۋدان ۇيرەنۋ، بارلىق ادام ليۋ يۇيحوۋدان ۇيرەنۋ“ قيمىلىن ورىستەتۋ ارقىلى زور ءوندىرىس ناۋقانىن كوتەرگەن. پارتيا 18 - قۇرىلتايىنان بەرى حاۋجياچياۋ قىستاعى ەرەكشە كاسىپتەردى بەلسەنە دامىتىپ، قىستاقتىڭ بەت - بەينەسىندە جانە قىستاق تۇرعىندارىنىڭ تۇرمىسىندا تەرەڭ وزگەرىستەر تۋدىرىپ، ”كەدەيلىكتەن ارىلتۋدان قامال الۋدىڭ مەملەكەتتىك ۇلگىسى“ دەگەن داڭقتى اتاققا قول جەتكىزدى. 9 - ايدىڭ 14 - كۇنى تۇستەن كەيىن شي جينپيڭ وسى اراعا كەلىپ، قىستاق تاريحى كورمەسىن ەگجەي - تەگجەيلى كورىپ شىعىپ، وسى ”قىزىل تاۋلى قىستاقتىڭ“ داڭقتى توڭكەرىستىك تاريحىن جانە توڭكەرىستىك ءداستۇردى جالعاستىرۋ جاعدايىن ۇعىستى. وسىدان كەيىن شي جينپيڭ قىستاق تۇرعىنى حوۋ جىرۇڭنىڭ ۇيىنە امانداسا باردى. كەزىندە اۋرۋ سەبەبىنەن كەدەيلەسكەن حوۋ جىرۇڭ وتباسى ءار دارەجەلى كومەكتەسۋ - سۇيەمەلدەۋدىڭ جانە ءوز قۇلشىنىسىنىڭ ارقاسىندا 2016 - جىلى كەدەيلىكتەن ارىلعان. شي جينپيڭ بىلاي دەپ باسا دارىپتەدى: سىزدەردىڭ وتباسى تۇرمىستارىڭىزدىڭ بارعان سايىن جاقسارىپ، وشارلى شاڭىراققا اينالعاندارىڭىزدى كورىپ ايرىقشا ءسۇيىندىم. اۋىلداستاردىڭ جاقسى تۇرمىس كەشىرۋىنە مۇمكىندىك جاساۋ پارتيامىزدىڭ باستان - اياق بۇلجىمايتىن اۋەلگى ماقساتى مەن بورىشى، كوممۋنيستىك پارتيا وسى ءىستى ويداعىداي ىستەپ، ۇزدىكسىز جاقسى جاۋاپناما تاپسىرۋ كەرەك. بۇكىل پارتيا، بۇكىل ەل، بۇكىل قوعام كەدەيلىكتەن ارىلتۋدان قامال الۋ رۋحىن زور كۇشپەن اسقاقتاتىپ، قايراتتانا ۇمتىلىپ، ءوز كۇشىنە سۇيەنىپ ءومىر ءسۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزۋ كەرەك.
قىستاقتىڭ جەمىس - جيدەك، كوكونىس جىلىجايى بازاسىندا شي جينپيڭ وسى قىستاقتىڭ كاسىپ سالاسىن جوسپارلاۋ، دامىتۋ جاعدايىن ەگجەي - تەگجەيلى ۇعىسىپ، جىلىجايعا كىرىپ ءجۇزىمنىڭ ءوسۋ جاعدايىن تەكسەرىپ كوردى. قىستاقتىڭ ءوزارا كومەكتەسۋ باقىت اۋلاسىندا، قىستاق دەنساۋلىق ساقتاۋ پۋنكتىندە شي جينپيڭ قىستاقتاعى قارتتارمەن، ەمدەۋ - كۇتىمدەۋ قىزمەتكەرلەرىمەن، ت.ب ىقىلاستى تۇردە اڭگىمەلەستى. ول بىلاي دەپ اتاپ كورسەتتى: حاۋجياچياۋعا كەلىپ مەن تەرەڭ تاربيە الدىم، ۇلكەن وي ءتۇيدىم. تاۋ قويناۋىندا بايۋ جولىن تاۋىپ، جاقسى تۇرمىس كەشىرۋدە جاقسى ساياساتقا، جۇرتتىڭ قۇلشىنىسىنا، تابيعاتقا سۇيەنگەن ەكەنسىزدەر. بۇل اراداعىلار ىستەي العاندى باسقا جەرلەر دە ىستەي الۋعا ءتيىس. ماڭىزدىسى، ىشكەرىلەي تەكسەرۋ - زەرتتەۋ جۇرگىزىپ، جاعدايدى ءداپ باسىپ يگەرىپ، ماسەلەنى جەتە ءتۇسىنىپ، ءادىسىن تاۋىپ، تاجىريبەلەردى قورىتىندىلاپ، تيپتەردىڭ جەتەكشىلىك، ۇلگىلىك رولىن ۇزدىكسىز ساۋلەلەندىرىپ، پارتيا ياچەيكاسىن ويداعىداي قۇرىپ، باستاماشىلاردى ويداعىداي تاڭداپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرۋ كەرەك.
قىستاقتان اتتاناردا شي جينپيڭ اۋىلداستارعا تەرەڭ سۇيىسپەنشىلىكپەن بىلاي دەدى: مەيلى توڭكەرىستىك سوعىس جىلدارىنداعى زور ءوندىرىس ناۋقانى بولسىن، الدە جاڭا داۋىردەگى كەدەيلىكتەن ارىلتۋدان قامال الۋ شايقاسى بولسىن، حاۋجياچياۋلىقتار باستان - اياق قاجىرلىلىقپەن قايراتتانا العا ۇمتىلىپ، ءورىس اشا جاڭالىق اشتى. سىزدەردىڭ تاڭداۋلى ءداستۇردى ۇزدىكسىز ساۋلەلەندىرىپ، پارتيانىڭ مەيىرىنە العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، باتىلدىقپەن ەلدەن وزىپ، ۇمتىلا ايانباي ىستەپ، حاۋجياچياۋ قىستاعىن اۋىل - قىستاقتى گۇلدەندىرۋدىڭ ۇلگىسى ەتىپ قۇرىپ شىعۋعا قۇلشىنۋلارىڭىزدى ءۇمىت ەتەمىن.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
