شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى. 9 - ايدىڭ 15 - كۇنى مەملەكەت ءتوراعاسى شي جينپيڭ 2021 ”ءبىر بەلدەۋ، ءبىر جول“ . ۇلى قورعان حالىقارالىق حالىقتىق مادەنيەت - كوركەمونەر مەرەكەسىنە قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: وركەنيەت اۋىس - كۇيىس جاساۋمەن ايشىقتى. مەن ” ءبىر بەلدەۋ، ءبىر جول“ باستاماسىن العا قويعان 8 جىلدان بەرى، ءارقايسى جاقتاردىڭ بىرگە ات سالىسۋ مەن قۇلشىنۋىندا، ”ءبىر بەلدەۋ، ءبىر جولدى“ بىرگە قۇرۋدا بەلسەندى تابىستارعا قول جەتكىزىپ، بىرگە قۇراتىن ەلدەر حالقىنىڭ ىرىس - قۇتىن جەبەدى، سونداي - اق بىرگە قۇراتىن ەلدەردىڭ وركەنيەت اۋىس - كۇيىسىن، تىلدەسۋىن جەبەدى. ”ءبىر بەلدەۋ، ءبىر جول“ . ۇلى قورعان حالىقارالىق حالىقتىق مادەنيەت - كوركەمونەر مەرەكەسىن وتكىزۋ جىبەك جولىنىڭ جانە ۇلى قورعاننىڭ دۇنيە جۇزىلىك مادەنيەت مۇراسى قۇنىن ايگىلەپ، ءار ەلدىڭ حالىقتىق مادەنيەت - كوركەمونەرىنە ساحنا ازىرلەۋگە، ءار ەل حالقىنىڭ اۋىس - كۇيىس جاساۋىنا، تىلدەسۋىنە كوپىر سالۋعا، تۇرلىشە وركەنيەتتەردىڭ اۋىس - كۇيىس جاساۋىنا، ءوزارا ۇلگى الۋىنا دانەكەر ورناتۋعا ءتيىمدى. جۇڭگو تەرەزەسى تەڭ بولۋ، ءوزارا ۇلگى الۋ، تىلدەسۋ، سيىسىمدى بولۋداي وركەنيەت كوزقاراسىنان جازباي، ءار ەلمەن بىرگە ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتىپ، جاراسىمدى ءارى ءوز ەرەكشەلىگىن ساقتاۋعا تاباندى بولىپ، كوركەمدىكتەن ورتاقتاسۋدى دارىپتەپ، ادامزات وركەنيەتىنىڭ العا باسۋىنا اناعۇرلىم زور ۇلەس قوسۋدى قالايدى.
2021 ”ءبىر بەلدەۋ، ءبىر جول“. ۇلى قورعان حالىقارالىق حالىقتىق مادەنيەت - كوركەمونەر مەرەكەسى سول كۇنى حىبەي ولكەسىنىڭ لاڭفاڭ قالاسىندا باستالدى، نەگىزگى تاقىرىبى −”مادەنيەت - كوركەمونەردى توعىستىرۋ. ’ءبىر بەلدەۋ ، ءبىر جولدى‘ بىرگە قۇرۋ“، ونى مادەنيەت جانە ساياحات مينيسترلىگى، حىبەي ولكەلىك حالىق ۇكىمەتى بىرلەسىپ وتكىزدى.
