تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

”شاعىن ناقتى ىستەردى“ ويداعىداي ىستەپ، ”ءىرى حالىق تۇرمىسىنا“ قىزمەت وتەدى

حوتان ايماعى:

”شاعىن ناقتى ىستەردى“ ويداعىداي ىستەپ، ”ءىرى حالىق تۇرمىسىنا“ قىزمەت وتەدى

انار بۇلت / شينجياڭ گازەتىنىڭ ءتىلشىسى ءپاريزات ابدۇل

  پارتيا تاريحىن ۇيرەنۋ تاربيەسى ورىستەتىلگەننەن بەرى، حوتان ايماعى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ تەرەڭدەۋىن، ناقتىلانۋىن، كوكەيگە ۇيالاۋىن ۇزدىكسىز ىلگەرىلەتىپ، حالىققا تيىمدىلىك جاساۋ ساياساتتارىن تياناقتاندىرۋدى تىعىز ارقاۋ ەتىپ، زەيىن - زەردەنى، سۇيىسپەنشىلىكتى، كۇش - قۋاتتى بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن شەشۋگە ارناپ، ناقتى ىستەردىڭ تياناقتانۋىنا، ناقتىلانۋىنا شىنايى كەپىلدىك ەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز نىعايتتى.

اۆتوكولىك توقتاتۋ قيىن بولۋ ماسەلەسىن شەشىپ، باقىت سەزىمىن ارتتىردى

  پارتيا تاريحىن ۇيرەنۋ تاربيەسى ورىستەتىلگەننەن بەرى، حوتان ايماعى قالا تۇرعىندارىنىڭ اۆتوكولىك توقتاتۋ قيىن بولۋ ماسەلەسىن شەشۋدى بۇقارا ءۇشىن ناقتى ءىس ىستەۋ امالياتتىق قيمىلىنداعى ماڭىزدى قىزمەت رەتىندە كۇن تارتىپكە ەنگىزىپ، كورنەكتى ونىمدىلىككە قول جەتكىزدى.

  حوتان قالاسىن مىسالعا الساق، قازىر حوتان قالاسىندا موتورلى اۆتوكولىكتەردىڭ ساقتالۋ مولشەرى 80 مىڭنان اسقان، تىركەلگەن، ەستەلىككە الدىرعان تيجارات جۇرگىزۋ سيپاتىندىق اۆتوكولىك توقتاتۋ الاڭىنان 112سى، سالىنىپ بولعان تيجارات جۇرگىزۋ سيپاتىندىق ۋاقىتشا اۆتوكولىك توقتاتۋ ورنىنان 12 مىڭى عانا بار بولىپ، جىلجىمالى اۆتوكولىكتەردى قوسقاندا، اۆتوكولىك توقتاتۋ ورنى قاجەتتى مۇلدە قاناعاتتاندىرا الماعان.

  حوتان ايماعى قازىرگى بايلىقتان تولىق پايدالانىپ، قازىرگى بار اۆتوكولىك توقتاتۋ قۇرىلعىلارىن رەتتەپ، اۆتوكولىك توقتاتۋ بايلىعىنان جەتىسىنشە پايدالاندى؛ قالا الەۋمەتتىك اۆتوكولىكتەردى توقتاتۋ قۇرىلىس نىساندارىنا بەلسەنە ءوتىنىش بەرىپ، تىڭنان الەۋمەتتىك اۆتوكولىك توقتاتۋ ورنىن سالدى. بيىل حوتان قالاسى اۆتوكولىك توقتاتۋ الاڭى قۇرىلىسى تەبىنىن ارتتىرىپ، تۇرعىندار كوپ، اۆتوكولىك توقتاتۋ ورنى از بولعان شاعىن اۋماقتاردىڭ ماڭىنان تىڭنان 3 جەردەن اۆتوكولىك توقتاتۋ ورنىن سالدى، جاڭادان 270 اۆتوكولىك توقتاتۋ ورنىن كوبەيتتى، قازىر بۇلار پايدالانۋعا بەرىلدى؛ جول بويىنىڭ ەكى جاعىنان لايىقتى ورىن تاڭداپ، اۆتوكولىك توقتاتۋ ورنىن بەلگىلەپ، كوشە بويىنداعى 5 جەردەن اۆتوكولىك توقتاتۋ ءتۇيىنىن كوبەيتىپ سالىپ، 1400 اۆتوكولىك توقتاتۋ ورنىن جاڭادان كوبەيتتى. 4 جەردەن تۇندە اۆتوكولىكتى تەگىن توقتاتۋ اۋماعىن بەلگىلەپ، ۋاقىتشا اۆتوكولىك توقتاتۋ ورنىنان 500ىن كوبەيتتى، اۆتوكولىك توقتاتۋ ۋاقىتى ساعات 20دان كەلەسى كۇنى ساعات 9عا دەيىن بولدى.

  ”مەن بيىل جاڭا اۆتوكولىك ساتىپ الدىم، شاعىن اۋماقتان اۆتوكولىك توقتاتۋ ورنىن تابۋ تىم قيىن، قازىر وسى ماڭدا جاڭا اۆتوكولىك توقتاتۋ الاڭى بولدى، اۆتوكولىك توقتاتۋ اقىسى دا ارزان، بۇعان ءدان ريزامىن“، - دەدى حوتان قالاسى حۋانحۋ شاعىن اۋماعىنىڭ تۇرعىنى گاۋ حۇڭشياڭ.

”كومىردى ەلەكترگە وزگەرتۋدى“ اتقارىپ، قىستى مامىراجاي وتكىزىپ، جۇرەكتى، ءتىپتى، مەيىرگە بولەدى

   ”’كومىردى ەلەكترگە وزگەرتۋ‘ ينجەنەرياسى اتقارىلعاننان كەيىن، ءبىزدىڭ ەلەكتردەن پايدالانىپ جىلىنۋىمىز ەرەكشە قولايلى بولدى، ءۇيىمىز تازا دا رەتتى بولۋمەن بىرگە، ەرەكشە جىلى بولدى“، - دەدى 9 - ايدىڭ 15 - كۇنى قاراقاش اۋدانى جاھانباع اۋىلى داريا بويى قىستاعىنىڭ تۇرعىنى بۇايشام قۇددىس قۋانىشپەن.

  2019 - جىلى بۇايشام ءوز ءۇيىنىڭ شاعىن اۋلاسىن ەرەكشەلىككە يە حالىقتىق تۇسەلحانا ەتىپ وزگەرتتى، 3 بولمەگە اۋلانى قوسقاندا، ەڭ كوپ بولعاندا، 40 ادام قوندىرۋعا بولادى. ”بۇرىن 8 -، 9 - ايلاردا - اق قىستا جىلىنۋعا ىستەتىلەتىن وتىن، كومىردى دايىنداي باستايتىنبىز، قىس بويى ءۇيىمىز قاپ - قارا ىس بولىپ كەتەتىن. بيىل ۇيدە ەلەكترمەن جىلىنا باستادىق، ۇيدەگى بولمەلەر تازا دا رەتتى بولدى“، - دەدى بۇايشام.

  2020 - جىلى حوتان ايماعى ءبىر ميلليارد 250 ميلليون يۋان قارجى قوسىپ، 8 اۋدان، قالاداعى 323 قىستاقتا ”كومىردى ەلەكترگە وزگەرتۋ“ ينجەنەريا قۇرىلىسىن جۇرگىزىپ، 99 مىڭ 191 بۇقارا وتباسىن يگىلىككە كەنەلدىردى. پارتيا تاريحىن ۇيرەنۋ تاربيەسى ورىستەتىلگەننەن بەرى، حوتان ايماعى ”كومىردى ەلەكترگە وزگەرتۋ“ ينجەنەريا قۇرىلىسىن بەلسەندىلىكپەن جۇرگىزىپ، اۋىل - قىستاقتىڭ تازا ەنەرگيادان پايدالانىپ جىلىنۋىن تاعى دا تىڭ بەلەسكە كوتەردى.

  ”كومىردى ەلەكترگە وزگەرتۋ“ ينجەنەرياسى بۇقارانىڭ جىلۋمەن قامدالۋ شارت - جاعدايىن جاقسارتىپ قانا قالماستان، كوپتەگەن قىستاق تۇرعىندارىن جۇمىستانۋ قىزمەت ورنىمەن دە قامدادى. حوتان قالاسى شارباع اۋىلى باش اچچيۇ قىستاعىنىڭ تۇرعىنى ءىلياس اسكار يگىلىككە كەنەلۋشىلەردىڭ ءبىرى.

  ”مەنىڭ ’كومىردى ەلەكترگە وزگەرتۋ‘ ينجەنەرياسىنا قاتىناسىپ، قىزمەت ىستەگەنىمە 3 جىل بولدى، قازىر مايتالمان جۇمىسشىعا اينالدىم. بىلتىر 50 مىڭ يۋان كىرىس تاپتىم“، - دەدى ءىلياس. بيىل حوتان ايماعىندا ”كومىردى ەلەكترگە وزگەرتۋ“ ينجەنەرياسىنىڭ كۇندىك جۇمىسشى ىستەتۋ مولشەرى 1000 ادامعا جەتتى، جۇمىسشى ىستەتۋ شوعىرلى اۋىل - قالاشىقتا جەرگىلىكتى ۇكىمەت تاراۋلارى جۇمىسشى ىستەتۋشى ورىندارمەن بىرلەسىپ، جۇمىسقا شىعاردان بۇرىنعى باۋلۋ كۋرسىن اشىپ، قىستاق تۇرعىندارىنىڭ تەحنيكا ۇيرەنۋىنە كومەكتەستى.

  بيىل حوتان ايماعى جالپى 8 اۋدان، قالاداعى 120 مىڭنان استام وتباسىنا اۋىل - قىستاقتاردا ”كومىردى ەلەكترگە وزگەرتۋدى“ وتباسىلارىنا جەتكىزۋ ينجەنەرياسىن جۇرگىزدى. 9 - ايعا دەيىن 110 مىڭنان استام وتباسىنىڭ وزگەرتۋ جۇمىسى ورىندالىپ بولدى.

شاعىن اۋماق جاڭاشا تۇسكە ەنىپ، بۇقارانىڭ جۇزىنەن شات كۇلكى ەستى

  9 - ايدىڭ 9 - كۇنى ءتىلشى لوپ اۋدانىنداعى يۋانديڭ شاعىن اۋماعىنا بارعاندا، اكتالىپ جاڭارتىلعان تۇرعىندار عيماراتىن كوردى، تۇرعىنداردىڭ كەيبىرەۋى سەيىلدەپ، كەيبىرەۋى ۇزىن اعاش ورىندىقتا اڭگىمە دۇكەن قۇرىپ وتىر ەكەن.

  ”بۇرىن شاعىن اۋماقتىڭ جولى ويلى - شۇڭقىر، كەدىر - بۇدىر بولاتىن. قازىر جول بەتى تەپ - تەگىس، جول شىراقتارى جارقىراپ تۇر“، - دەدى تۇرعىن لي سايشيا قۋانىشپەن.

  يۋانديڭ شاعىن اۋماعى لوپ اۋدانىندا ءبىرشاما ەرتە سالىنعان شاعىن اۋماقتاردىڭ ءبىرى، وندا 60 وتباسى تۇرادى، شاعىن اۋماقتىڭ نەگىزدىك قۇرىلعىلارى بارىنشا ەسكىرگەن. بيىل يۋانديڭ شاعىن اۋماعى ەسكى، كونە شاعىن اۋماقتاردى جاڭالاۋ نىسانىنا كىرگىزىلگەننەن كەيىن، قۇرىلىس جۇرگىزەتىن ورىن الەۋمەتتىك اۋماقتىڭ جولىن قاتتىلاندىردى، تۇرعىندار عيماراتىنىڭ سىرتقى تامىن جىلۋ ساقتاۋ جانە سۋ وتۋدەن ساقتانۋ بويىنشا ءبىر جاقتى ەتتى، سۋ ىعىستىرۋ، سۋ قۇبىرى تورىن جاڭالاپ، جول شىراعى، قوقىر - قوقسىق ساندىعى سياقتى قۇرىلعىلاردى جاڭادان ورناتتى.

  پارتيا تاريحىن ۇيرەنۋ تاربيەسى ورىستەتىلگەننەن بەرى، حوتان ايماعى ەسكى، كونە شاعىن اۋماقتاردى جاڭالاۋدى ىلگەرىلەتۋدى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىمەن بىرلەستىرىپ، حالىقتان اقىل - كەڭەس سۇراپ، حالىقتىڭ قاجەتىن ۇعىسىپ، بۇقارانىڭ ويى مەن وزگەرتۋ قاجەتىن ۇعىسىپ، ەسكى، كونە شاعىن اۋماقتاردى جاڭالاۋ جوسپارىن عىلمي جاساپ، ەسكى، كونە شاعىن اۋماقتاردىڭ نەگىزدىك قۇرىلعىلارىنىڭ ولقىلىقتارىن تولىقتاپ، الەۋمەتتىك اۋماقتاردى جونگە سالۋ قىزمەت وتەۋ قابىلەتىن كەمەلدەندىرىپ، تۇرعىنداردىڭ تۇرمىس ساپاسىن جوعارىلاتتى.

  بيىل جىل سوڭىنان ىلگەرى حوتان ايماعى 34 ەسكى، كونە شاعىن اۋماقتى وزگەرتۋ مىندەتىن ورىنداۋدى، جالپى 119 ميلليون 400 مىڭ يۋان قارجى قوسىپ، 4881 وتباسىن يگىلىككە كەنەلتۋدى جوسپارلادى، قازىر مۇنىڭ بارلىعى جۇمىس باستاپ، قۇرىلىس جۇرگىزۋدە.

  حوتان ايماقتىق تۇرعىن ءۇي جانە قالا - اۋىل قۇرىلىسى مەكەمەسى قالا قۇرىلىسى ءبولىمىنىڭ باستىعى لي جىڭچياۋ بىلاي دەدى: ەسكى، كونە شاعىن اۋماقتار جاڭالانعاننان كەيىن، شاعىن اۋماق ورتاسى كورنەكتى جاقسارىپ، بۇقارانىڭ الەۋمەتتىك قيمىل جاساۋ ءورىسى كەڭەيدى، بۇقارانىڭ سىرتقا شىعۋ، اۆتوكولىك توقتاتۋ، سەيىلدەۋ سياقتى ”شۇعىل، قيىن، ۋايىمداعان، ءزارۋ“ ماسەلەلەرى شەشىم ەتىلىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى جوعارىلادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.