− عارىشقا ادام الىپ ۇشۋ رۋحى جونىندە شولۋ
□ شينحۋا اگەنتتىگىنىڭ ءتىلشىسى لي گولي
التىن كۇز الاۋىنا شومعان ءشول - جازيرا دالا، روشۇيداعى توراڭعىلار جولاۋشىنىڭ ورالۋىن كۇتىپ الدى.
الدىن الا بەلگىلەنگەن مىندەت ورىندالعان سوڭ شىنجوۋ 12 - نومىرلىدەگى 3 عارىشكەر الەم كەڭىستىگىندەگى 3 ايلىق ۇشۋ مەرزىمىن اياقتاتىپ، قايتار جولىنا ءتۇسىپ، باتىس سولتۇستىكتىڭ ءشول - جازيرالى دالاسىنداعى دۇڭفىڭ قونۋ الاڭىنا ورالدى.
قايتا ورالعان ساتتە الەم كەڭىستىگى سول باياعى الەم كەڭىستىگى بولعانىمەن، جۇڭگولىقتار مەملەكەتتىڭ شىت جاڭا بيىگىن تاعى ءبىر رەت وسى ارادا بەلگى ەتىپ قالدىردى − شىنجوۋ الەم كەمەسى تۇڭعىش رەت تەز ۇشتاستى، ءتۇيىلىستى، تۇڭعىش رەت ءوزىنىڭ كەڭىستىك بەكەتىنە كىردى، الەم كەڭىستىگىندە ەڭ ۇزاق تۇردى، ەڭ ۇزاق مەرزىممەن بولمەدەن شىعىپ ارەكەت جاسادى...
بۇل جۇڭگو عارىش ىستەرىنىڭ جاڭا بيىگى، سونداي - اق جۇڭحۋا ۇلتىنىڭ جاڭا بيىگى.
جۇڭگو كەڭىستىك بەكەتى داۋىرىنە رەسمي كىرگەن ۋاقىت وسىندە تۇرىپ، جۇڭگو عارىش قىزمەتكەرلەرىنىڭ 29 جىلدان بەرى باسىپ وتكەن عالامات ساپارىنا قايتا قايىرىلا قاراساق، جۇڭحۋا ۇلتىنىڭ ۇلتتىق نامىسى مەن ماقتانىشىن قايتا - قايتا كوتەرگەن رۋحتى بايقاماي تۇرا المايمىز. بۇل رۋح عارىشقا ادام الىپ ۇشۋ رۋحى − جاپاعا ەرەكشە ءتوزىمدى، سوعىس جۇرگىزۋگە ەرەكشە قابىلەتتى، قامال الۋعا ەرەكشە قابىلەتتى، ۇلەس قوسۋعا ەرەكشە پەيىل بولۋ، سونداي - اق ۇلت رۋحىنا اينالعان باعالى بايلىق، ول ءار ۇرپاق عارىش قىزمەتكەرلەرىن اۋەلگى ماقساتتى ۇمىتپاۋعا، ۇزدىكسىز العا ىلگەرىلەۋگە ىنتالاندىرىپ كەلەدى.
(1)
1992 - جىلى 9 - ايدىڭ 21 - كۇنى پارتيا ورتالىق كوميتەتى جۇڭگونىڭ عارىشقا ادام الىپ ۇشۋ ينجەنەرياسىن رەسمي بەكىتىپ اتقاردى. سول كۇننەن باستاپ جۇڭگونىڭ عارىشقا ادام الىپ ۇشۋ ىستەرى ەرەسەن جاپالى دا قيىن شارت - جاعدايدا اقىرىن قادام الا باستادى.
سول كەزدە سوۆەت وداعى 3 - ۇرپاق الەم كەمەسىن الدەقاشان ۇشىرىپ، ”ساليۋت“ اتتى جانە ”بەيبىتشىلىك“ اتتى كەڭىستىك بەكەتىن سالىپ بولعان. ال، امەريكا الەم كەمەسىنەن عارىش ۇشاعىنا قاراي سەكىرۋدى ورىنداعان.
شەتەلدەن كەش قالعان جاعدايدا ءبارىن تىڭنان باستاعان سان مىڭداعان عىلمي - زەرتتەۋ قىزمەتكەرلەرى كۇندىز - ءتۇنى قامال الدى؛ جاراتىلىستىق ورتاسى ناشار ءشول - جازيرا دالادا شىجىعان كۇن مەن قۇمدى بوراندى ەلەڭ قۇرلى كورمەي، عارىشقا ادام الىپ ۇشاتىن الەم كەمەسىن ۇشىرۋ الاڭىن سالدى؛ سىناق رەتىندە ۇشىرۋ جۇمىس ءتارتىبى جوق قيىنشىلىق الدىندا، نولدەن باستاعان، 10 نەشە ادامنان ۇيىمداسقان تاقىرىپتىق گرۋپپا بۇكىل ەلدى ارالاپ 2000نان استام كۇندىز - ءتۇن تەكسەرۋ - زەرتتەۋ جۇرگىزىپ، سىناق رەتىندە ۇشىرۋ تەحنولوگياسىنىڭ شىت جاڭا جۇمىس ءتارتىبىن جوبالاپ شىقتى... قانشالىقتى ۇلكەن قيىنشىلىق بولسا دا جۇڭگونىڭ عارىش قىزمەتكەرلەرىن قايمىقتىرا العان جوق، ولار جاپانى داڭق، جاپانى قۋانىش دەپ ءبىلىپ، شوگەلدىلىكپەن ىستەپ، جاپا - ماشاقات پەن حاۋىپ - قاتەرلەرگە ءجيى - ءجيى قارسى اتتانىپ، فيزيولوگيا مەن پسيحولوگيانىڭ ەڭ جوعارى شەگىنە دۇركىن - دۇركىن سايىس جاريالادى.
1998 - جىلى 1 - ايدىڭ 5 - كۇنى اۋە ارمياسىنىڭ 1500دەن استام ۇزدىك ۇشقىشى اراسىنان دەن قويا تاڭدالعان 14 ادام بەيجيڭ عارىش قالاسىنا جينالىپ، جۇڭگونىڭ تۇڭعىش توپتاعى عارىشكەرى بولدى.
اسپان مەن الەم ەكى دۇنيە، سوۆەت وداعىنىڭ عارىشكەرى لەونوۆ جاعىنان وبرازدى تۇردە ”كوككە شىعاتىن باسپالداق“ دەپ اتالعان، بۇل كوپتەگەن جاپالى جاتتىعۋلاردى قامتيدى.
جوعارى جىلدامدىقپەن اينالاتىن سەنتردەن تەپكىش ماشينانىڭ ىشىندە ادەتتەگى ادامدار 3G دا 4G اۋىرلىق كۇش ۇدەۋىنە توزە الادى، ال عارىشكەرلەر 40 سەكۋندتاعى 8G اۋىرلىق كۇش ۇدەۋىنە ءتوزۋى كەرەك. جاتتىعۋ بارىسىندا ولاردىڭ بەس مۇشەسىنىڭ ءپىشىنى وزگەرىپ، كوز جاسى ەرىكسىز سىرتقا قاراي ۇشادى، كەۋدەسى قاتتى باسىلىپ، تىنىس الۋى ەرەسەن قيىنداسىپ بىلەگىن كوتەرە المايدى. ءبىر عارىشكەردىڭ شەشەسى كورگەن سوڭ، كوز جاسىن كولدەتە وتىرىپ قولىن سەرمەپ: ”كورمەيمىن، كورمەيمىن!“ دەي بەردى.
مۇنداي جاتتىعۋدى جاساعاندا عارىشكەرلەردىڭ قولىندا قىزىل ءتۇستى كنۋپكا بولادى، ەگەر شىداي الماسا، قىزىل كنۋپكانى دەرەۋ باسىپ، ۋاقىتشا توقتاتۋدى ءوتىنىش ەتۋگە بولادى. ءبىراق، كۇنى بۇگىنگە دەيىن بۇل قىزىل كنۋپكانى ەشكىم باسقان ەمەس.
”جاپا - ماشاقاتقا ەرەكشە ءتوزىمدى بولۋ“ عارىشقا ادام الىپ ۇشۋ سالاسىنداعى ەرەكشە قىزمەت ورتاسىنان قالىپتاسقان دەۋگە بولادى. ءدال وسىنداي رۋحتىڭ شابىتتاندىرۋىندا ينجەنەريالىق زەرتتەپ - جاساۋعا، قۇرۋعا جانە سىناق ەتۋگە قاتىناسقان جۇڭگونىڭ عارىش قىزمەتكەرلەرى ادام ويلاپ جەتە المايتىن ءتۇرلى قيىنشىلىقتاردى جەڭىپ، جۇڭحۋا ۇلتىنىڭ 1000 جىلدىق عارىشقا ۇشۋ ارمانىن جۇزەگە اسىردى.
(2)
ءومىر ساپارىندا ەڭ ۇلكەن شابىتتاندىرۋ كۇشى نە؟ جۇڭگونىڭ عارىشقا ادام الىپ ۇشۋدى زەرتتەۋگە، سىناق ەتۋگە قاتىناسقان قىزمەتكەرلەرىنىڭ تالعامى − جەكە ادامنىڭ دامۋىن وتاننىڭ عارىش ىستەرىنە تەرەڭ توعىستىرۋ.
2008 - جىلى 9 - ايدىڭ 27 - كۇنى قارا ءتۇستى ءتۇن پەردەسى مەن كوك ءتۇستى جەر شارىنىڭ شەندەسۋىندە، شىنجوۋ 7 - ءنومىرلىنىڭ عارىشكەرى جاي جىگاڭ ۇشى - قيىرسىز الەم كەڭىستىگىندە جۇڭگولىقتاردىڭ تۇڭعىش اياق ءىزىن قالدىردى، بەس جۇلدىزدى نارت قىزىل تۋ باياۋ جەلبىرەگەن سول ءبىر كورىنىس جۇڭگولىقتاردىڭ ماڭگىلىك ەستەمەسىنە اينالدى.
الايدا، وسى تاريحي ءساتتىڭ استارىندا قورقىنىشتى ءومىر مەن ءولىم سىناعى جاتىر ەدى.
جاي جىگاڭ بولمەدەن شىعاردا وربيتا بولمەسىنەن ءورت سيگنالى ءجيى - ءجيى ەستىلەدى. الەم كەڭىستىگىندە تۋىلۋدان ەڭ قورقاتىن وسى شىرعالاڭ الدىندا جاي جىگاڭ ەش ءارى - ءسارى بولماستان بولمەدەن سىرتقا شىعۋدى تاڭدادى. ول بىلاي دەدى: ”مەيلى قانداي جاعداي تۋىلسا دا، مىندەتتى ورىنداپ، بەس جۇلدىزدى قىزىل تۋدى الەم كەڭىستىگىندە بيىك جەلبىرەتۋىمىز كەرەك“.
بۇل سونىمەن بىرگە جۇڭگو عارىش قىزمەتكەرلەرىنىڭ ورتاق جۇرەك ءۇنى ەدى.
2003 - جىلى 10 - ايدىڭ 15 - كۇنى ساعات 9دا جيۋچۋان جاساندى سەرىك ۇشىرۋ ورتالىعىندا تۇتقيىل وزگەرىس تۋىلىپ، چاڭجىڭ 2 - ءنومىرلىF راكەتاسى شىنجوۋ 5 - ءنومىرلى الەم كەمەسىن الىپ، زەڭگىر كوككە تىك كوتەرىلدى. ياڭ لي - ۋي باستابىندا ءبارى ءساتتى بولعانداي سەزىندى، ءبىراق كوپ وتپەي اۋرەشىلىككە تاپ بولدى − راكەتا تۇتقيىل قاتتى سەلكىلدەپ، رەزونانس تۋدىردى.
بۇدان بۇرىن ول مۇنداي جاتتىعۋدى كورمەگەن.
”ادام توزگىسىز ازاپتان دەنە مۇشەلەرىم كۇل - تالقان بولىپ كەتكەندەي سەزىندىم“. ياڭ لي - ۋي: ”سول ساتتە قۇربان بولاتىن بولدىم دەپ ويلادىم“، - دەيدى.
ياڭ لي - ۋي قۇربان بولۋدان استە قورىقپايتىن. ساپارعا اتتاناردان بۇرىن، ول ءومىرىن قۇربان ەتۋگە ىشتەي دايىندىق جاساپ بولعان ەدى. ول ءوزى قۇربان بولىپ كەتسە كەلەسى مىندەت ورىندالماي، جۇڭگولىقتاردىڭ عارىشقا ۇشۋ ارمانىنىڭ جۇزەگە اسۋىنىڭ كەشەۋىلدەۋىنەن الاڭدادى.
رەزونانس 26 سەكۋند جالعاستى. كەيىن بىرەۋلەر: 26 سەكۋند جۇڭگو عارىشكەرلەرىنىڭ ەرجۇرەك، قورىقپايتىن، وتان ءۇشىن باسىن ءباي تىككەن ادال نيەتىنە كۋا بولدى، - دەپ باعا بەردى.
18 جىلدان كەيىن ”ءداۋىر رۋحى شياڭجياڭدى نۇرلاندىردى“ اتىنداعى جۇلدىزدى اسپانعا كوز جىبەرىپ، الەم سارايىن تىلگە تيەك ەتۋ قيمىلى بەيجيڭ مەن شياڭگاڭ − ەكى جەردە ءساتتى وتكىزىلدى. شياڭگاڭدىق ءبىر جاس وقۋشى ياڭ لي - ۋيدان: ”عارىشكەر دەگەن وسى كاسىپتىڭ ەڭ كەرەمەت جەرى قايسى دەپ بىلەسىز؟“، - دەپ سۇرايدى.
ياڭ لي - ۋي: ”الەم كەڭىستىگىندە بۇكىل دۇنيە جۇزىنە جۇڭگونىڭ مەملەكەت تۋىن كورسەتكەن كەزىم. ءدال سول ساتتە مەن ءوزىمدى ەڭ كەرەمەت سەزىندىم“، - دەپ جاۋاپ بەرەدى.
جەكە مۇراتتى وتاننىڭ تاعدىرىمەن تىعىز بايلانىستىرۋ، جەكە تالعامدى پارتيانىڭ قاجەتىمەن تىعىز بايلانىستىرۋ، جەكە مۇددەنى حالىقتىڭ مۇددەسىمەن تىعىز بايلانىستىرۋ − جۇڭگو عارىش قىزمەتكەرلەرىنىڭ شايقاس جۇرگىزۋگە ەرەكشە قابىلەتتى بولۋىنىڭ قاينارى، قيان - كەسكى شايقاس جۇرگىزۋگە ەرەكشە قابىلەتتى وسى جاۋىنگەر كوللەكتيۆتىڭ ۇزدىكسىز ەرەن ناتيجەلەر جاراتۋىنىڭ ەڭ ءتۇبىرلى سەبەبى.
(3)
عارىشقا ادام الىپ ۇشۋ − ءبىر مەملەكەتتىڭ جالپىلىق مەملەكەت قۋاتىن ولشەيتىن ماڭىزدى بەلگى. ءبىرشاما كەش باستالعانىمەن، جۇڭگو عارىش قىزمەتكەرلەرى باستان - اياق جوعارى باستامادا دامۋعا تاباندى بولىپ، دەربەس جاڭالىق اشىپ، قايراتتانا قامال الىپ، ءبىر قىدىرۋ وزەكتى تەحنيكالاردان ناتيجە جاراتىپ جانە ونى يگەرىپ، ءبىرشاما قىسقا ۋاقىت ىشىندە جۇڭگوشا عارىشقا ادام الىپ ۇشۋ ينجەنەرياسىن دامىتۋ جولىمەن ءجۇردى.
شىنجوۋ الەم كەمەسىن زەرتتەپ - جاساۋدان باستاپ حالىقارالىق 3 - ۇرپاق عارىشكەرلى الەم كەمەسىنىڭ ورەسىن كوزدەپ، 3 ادامعا 3 بولمە جوبالاۋ ۇلگىسىن تىكەلەي قولداندى؛ شىنجوۋ الەم كەمەسىن الىپ عارىشقا ۇشاتىن قاسيەتتى راكەتانى جاساۋ ءۇشىن، تاسىمال راكەتاسىن جوبالاۋ - جاساۋ قىزمەتكەرلەرى 1000عا جۋىق تەحنيكادان قامال الىپ، چاڭجىڭ 2 - ءنومىرلى F راكەتاسىن دۇنيە جۇزىنە اتى ايگىلى التىن راكەتاعا اينالدىردى؛ عارىشقا ادام الىپ ۇشۋ الاڭىن سالۋدا، جۇڭگوشا جالپى تۇلعالىق تەحنيكا جوباسىن قولداندى − پەرپەنديكۋليار جالپى قۇراستىرۋ، پەرپەنديكۋليار سىناق، پەرپەنديكۋليار تۇتاس تۇلعالىق تاسىمال، قاشىقتان ۇشىرۋدى سىناق ەتۋ دۇنيە ءجۇزىنىڭ الدىڭعى قاتارىنان ورىن الدى... ءبىر قىدىرۋ جاڭا تەحنيكالاردىڭ، جاڭا جاسامپازدىقتاردىڭ، جاڭا جەتىستىكتەردىڭ بارلىعى جۇڭگونىڭ عارىش قىزمەتكەرلەرىنىڭ جاڭالىق اشىپ، قامال الۋداعى اقىل - پاراسات جاۋھارى.
1999 - جىلى 11 - ايدىڭ 20 - كۇنى تاڭ ءسارى، باتىس سولتۇستىكتەگى ءشول - جازيرا دالا قويناۋى. سان مىڭداعان ادام سۇيەكتەن وتەتىن سارى ايازدا تەبىرەنە كۇتىپ تۇرىستى.
ساعات 6دان 30 مينۋت وتكەندە، چاڭجىڭ راكەتاسى جۇڭگو ءوزى زەرتتەپ جاساعان شىنجوۋ 1 - ءنومىرلى عارىشكەرسىز الەم كەمەسىن الىپ اسپان اياسىنا كوتەرىلدى ءارى كەلەسى كۇنى تاڭعا تاياۋ بەلگىلەنگەن قايتارىپ الۋ اۋماعىنا ءدال قوندى.
بۇل جۇڭگونىڭ عارىش ىستەرىنىڭ قىسقا عانا 7 جىلدا دامىعان ەلدەر 30 − 40 جىل ۋاقىت جۇمساپ جۇرگەن جولدى باسىپ بولعاندىعىن اڭعارتادى.
ەڭ لايساڭ جولعا عانا ەڭ انىق اياق ىزدەرى قالادى. وسىعان ۇقساس ءبىر ءتۇرلى رۋح، تەك سۇراپىل بوران - شاشىننىڭ سىنىنان، ساتسىزدىكتىڭ، جەڭىلىستىڭ شىڭداۋىنان وتكەندە عانا سۇيەككە ءسىڭىپ، كوڭىلگە تەرەڭ ۇيالايدى.
2021 - جىلى 5 - ايدىڭ 19 - كۇنى كەشتە، تيانجوۋ 2 - ءنومىرلى زات تاسىمال الەم كەمەسى ۇشىرۋعا 3 ساعاتقا جەتپەيتىن ۋاقىت قالعاندا، چاڭجىڭ 7 - ءنومىرلى الىستان مەڭگەرىلەتىن 3 - تاسىمال راكەتاسىنىڭ ءبىر قىسىم ءمان پارامەترىندە كەنەتتەن وزگەشە جاعداي بايقالىپ، ۇشۋدى كەيىنگە شەگەرۋگە ءماجبۇر بولدى.
بۇل راكەتانىڭ ءساتتى ۇشىرىلا الۋ - الماۋى جۇڭگو كەڭىستىك بەكەتى ”اسپان - جەر تاسىمال ءدالىزىنىڭ“ ءساتتى قۇرىلا الۋ - الماۋىنا سايادى، كەيىنگى ادام الىپ عارىشقا ۇشۋ جوسپارىنىڭ ءساتتى اتقارىلا الۋ - الماۋىنا تىپتەن سايادى.
كەلەسى ۇشىرۋ ۋاقىتىنا ءالى 9 كۇن بار. كىلتيپاننىڭ جاي - جاپسارىن انىقتاۋ ءۇشىن، سىناۋشىلار اترەتىنىڭ مۇشەلەرى كيىمدەرىن كيىپ، بەت بۇركەۋىشتەرىن تاعىپ، كورۋ ارالىعى 50 سانتيمەتر كەلەتىن بولمەنىڭ ەسىگىنەن راكەتا بولمەسىنە تالاي رەت كىرىپ ەگجەي - تەگجەيلى تەكسەردى.
5 - ايداعى حاينان، كەمە بولمەسىنىڭ سىرتىنداعى تەمپەراتۋرا 30 سەلتسي گرادۋستان، ىلعالدىق ％90تەن استامعا جەتەدى. ال، راكەتا بولمەسىنىڭ ىشىندە نولدەن تومەن 183 سەلتسي گرادۋستىق تومەن تەمپەراتۋرا. اسا زور تەمپەراتۋرا پارقى چاڭجىڭ 7 - ءنومىرلىنى سىناۋدا، ءاربىر سىناۋشىلار اترەتىنىڭ مۇشەسىن دە سىناۋدا. ولار بارلىعىندا العان بەتتەن قايتپاي، ارىنداي ءتۇسىپ، ماسەلە ورنىن تەزىرەك تۇراقتاندىرۋعا بەكىندى.
5 - ايدىڭ 25 - كۇنى ءنول كۇيىنە كەلتىرۋ قىزمەتى اياقتالۋعا تايادى. 5 - ايدىڭ 29 - كۇنى ساعات 20دان 55 مينۋت وتكەندە، راكەتا ءساتتى ۇشىرىلدى!
”ءنول كۇيىنە كەلتىرۋ“ جۇڭگو عارىشكەرلەرى جاساعان اتاۋ. ”كىلتيپاننىڭ سەبەبىن تۋ باسىنان باستاپ ىزدەۋ“ دەپ قاراپايىم تۇسىندىرۋگە بولاتىن بۇل سويلەمدى 5 مازمۇنعا اشالادى. ”ءنول كۇيىنە كەلتىرۋ“ پرينسيبى مەن تالاي رەتكى ۇشىرۋ سىناعىنىڭ شىڭداۋىنان ءوتىپ قالىپتاسقان قاتاڭ دا ساق، مۇقيات ستيل جۇڭگونىڭ عارىشقا ادام الىپ ۇشۋ ىسىندەگى تالاي رەتكى ءساتتى ۇشىرىلۋدى ورىندادى.
وسكەلەڭ بورىش جۇڭگو عارىش قىزمەتكەرلەرىنىڭ قامال الۋعا ەرەكشە شەبەر رۋحىن قاۋلاتتى دەۋگە بولادى، مۇنداي رۋح جۇڭگو عارىش قىزمەتكەرلەرىن جاپا - ماشاقات پەن حاۋىپ - قاتەردەن قورىقپاي، باتىلدىقپەن شىڭعا شىعىپ، قىسقا عانا 29 جىلدا ادام وتىرمايتىن ۇشۋدان ادام الىپ ۇشۋعا دەيىنگى، ءبىر ادام ءبىر كۇننەن كوپ ادام كوپ كۇنگە دەيىنگى، بولمە ىشىندەگى تاجىريبەدەن الەم كەڭىستىگىندە جۇرۋگە دەيىنگى، الەم كەمەسىن جالعىز ۇشىرۋدان قۇرام تۇلعالىنىڭ ورنىقتى اينالىس جاساۋىنا دەيىنگى عارىش ىستەرى كەرەمەتىن جاراتۋعا شابىتتاندىردى.
(4)
2021 - جىلى 6 - ايدىڭ 17 - كۇنى ساعات 9دان 22 مينۋت وتكەندە، چاڭجىڭ 2 - ءنومىرلى F الىستان مەڭگەرىلەتىن 12 - تاسىمال راكەتاسى جيۋچۋان جاساندى سەرىك ۇشىرۋ ورتالىعىندا وت الىپ اسپانعا كوتەرىلدى. شامامەن 573 سەكۋندتان كەيىن، الەم كەمەسى مەن راكەتا ءساتتى ءبولىنىپ، بەلگىلەنگەن وربيتاعا كىرىپ، 3 عارىشكەردى الەم كەڭىستىگىنە ءساتتى جەتكىزدى.
اتتاناردىڭ الدىندا 3 عارىشكەر ۇشىرۋ الاڭىنان نەشە كيلومەتر الىستاعى دۇڭفىڭ توڭكەرىستىك قۇرباندار قابىرستانىنا ارنايى باردى. يۋانشۋاي، جياڭجۇننان جاي وفيتسەر - جاۋىنگەرلەرگە، عىلىم - تەحنيكا قىزمەتكەرلەرىنە دەيىن، وتاننىڭ عارىش ىستەرى ءۇشىن ءومىرىن ارناعان 760 نەشە ادام وسىندا ۇزاق ۇيقىدا جاتىر.
پان رىنجين وسىلاردىڭ ءبىرى. 1998 - جىلى 4 - ايدىڭ 18 - كۇنى شىنجوۋ 1 - ءنومىرلى الەم كەمەسىنىڭ قاربالاس دايىندىعى ساتىندە، عارىشقا ادام الىپ ۇشۋ الاڭى ەلەكتروماگنيتتىق جاناستىرۋ قىزمەتىنىڭ جاۋاپتىسى پان رىنجين قىزمەت ورنىندا زورىققانىنان جىعىلىپ ءتۇستى.
كۇيەۋىنىڭ قىزمەتىن قولداۋ ءۇشىن، پان رىنجين شاڭحايداعى قىزمەتىنەن شەگىنىپ، كۇيەۋىنە ىلەسىپ ءشول - جازيرا دالاعا كەلىپ، عىلمي - زەرتتەۋ سىناعىنىڭ ءبىرىنشى شەبىنە كىرىستى. سىناۋ قىزمەتى كوبىنەسە دالادا جۇرگىزىلەدى، مەيلى شىجىعان جاز بولسىن، الدە قاقاعان قىس بولسىن، ول قىزمەت ورنىنان تاپجىلمادى.
سول كۇنى ءتۇن ورتاسىندا، پان رىنجين قان قۇسىپ كەنەتتەن جىعىلىپ ءتۇستى. حال ۇستىندە جاتقاندا، ول كۇيەۋىمەن: ”الەم كەمەسى اسپانعا كوتەرىلگەندە ءبىر - بىرىمىزگە ايتايىق“ دەپ ۋادەلەستى.
قاھارمان اتاق، مۇددە ىزدەمەي، تەك قانا الەمگە ۇشۋ ارمانىنىڭ جۇزەگە اسۋىن تىلەدى. بۇگىن ءبىز قۇرباندى وسىعان دەيىن 12 شىنجوۋ الەم كەمەسى ءوزىڭىز ۇزاق ۇيقىدا جاتقان جەردەن الەم كەڭىستىگىن بەتكە الدى، جۇڭگولىقتاردىڭ الەم كەڭىستىگىندەگى مەكەنى سالىنا باستادى دەپ جۇباتا الامىز.
جۇڭگو عارىش ىستەرى تاريحىنداعى كولەمى ايبىندى عاسىر اتتاعان ينجەنەريا رەتىندە، عارىشقا ادام الىپ ۇشۋ ينجەنەرياسى اتقارىلعاننان بەرى، بۇكىل ەلدەگى نەشە مىڭ ورىندى، نەشە 100 مىڭ ادامدى ات سالىسۋعا ۇيىستىردى. ولار الدىڭعى جاقتا، الدە ارتقى جاقتا بولسىن، اتاق - ابىرويعا بوي ۇرماي، كەلدى - كەتتىمەن ساناسپاي، ءبىر ورتاق نىسانا ءۇشىن قۇدىرەتتى بىرىككەن كۇش قالىپتاستىردى. عارىشكەرلەر جۇيەسىنىڭ باس جوبالاۋشىسى حۋاڭ ۋيفىن ايتقانداي، عارىشقا ادام الىپ ۇشۋ ىستەرى ناعىز ”جاي ىستەن كەرەمەت تۋدىرىپ، اتسىزدان ايگىلى جاسادى“.
رۋحتا تۇلعا بولمايدى، ءبىراق ول شەكسىز كۇش قاۋلاتىپ، ادامداردى اۋىر مىندەت ارقالاپ العا ىلگەرىلەپ، ارماندى جۇزەگە اسىرۋعا ىنتالاندىرادى. عارىشقا ادام الىپ ۇشۋ رۋحى جۇڭگو عارىش ىستەرى قىزمەتكەرلەرىنىڭ عىلىم - تەحنيكادا قۋاتتى ەل قۇرۋ ساپارىندا ورناتقان رۋحاني وشپەس ەسكەرتكىشى، ”ەكى بومبى، ءبىر جاساندى سەرىك“ رۋحاني تامىرىنىڭ جالعاسى ءارى ايقىن داۋىرلىك ەرەكشەلىككە يە قىمباتتى رۋحاني بايلىق، ول جۇڭحۋا ۇلتىن قۇلشىنا العا ىلگەرىلەپ، داۋىردەن اتتاپ ءوتىپ، ەرلىكپەن العا تالپىنۋعا ماڭگى شابىتتاندىرا بەرەدى.
(شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى)
