انار بۇلت / شينجياڭ گازەتىنىڭ ءتىلشىسى ليۋ ي
التىن كۇزدىڭ 9 - ايىندا تيانشان الابىنداعى ءار ۇلت بۇقاراسى مول ءونىمنىڭ شاتتىعىنا شومدى.
”بيىل تاعى دا مول ءونىم جىلى بولدى، ءبىز ساپالى تۇقىم شيندۇڭ 22 - ءنومىرلى دۇمبە ءبيدايدان تاعى مول ءونىم الىپ، ءونىمدى دە، كىرىستى دە ارتتىردىق“، - دەدى شونجى اۋدانى شيبەيۋان قالاشىعى ليۋشۋحىزى قىستاعىنداعى ەگىنشى جۋ بيڭ، جۋىق جىلداردان بەرى پارتيانىڭ شارۋالارعا تيىمدىلىك جاساۋ ساياساتتارىنىڭ ەگىنشىلەرگە بەيىمدەلگەندىگىن، تۇتاس قىستاقتىڭ وسى زامانعى اۋىل شارۋاشىلىعى ءوندىرىس تەحنيكاسىن بەلسەندى جالپىلاستىرىپ، ەگىنشىلەردىڭ ءونىمدى ارتتىرىپ، مول ءونىم الۋ سەنىمى مەن بەكىمىنىڭ بارعان سايىن كۇشەيگەندىگىن ايتتى.
جۋ بيڭ 20 جىلدان استام ۋاقىت قىستاق پارتيا ياچەيكاسىنىڭ شۋجيى بولعان، استىق ەگۋدىڭ مايتالمانى، تۇتاس قىستاقتىڭ ءبيداي كاسىپ سالاسى دامۋىنىڭ كۋاگەرى. ”ءبيدايدىڭ سالىستىرمالى ونىمدىلىگى تومەن، تابىسىنىڭ كوپ ءبولىمى ۇكىمەتتىڭ قوسىمشا قاراجاتىنان كەلەدى“. جۋ بيڭ: بۇرىن استىق ءبىر تۇتاس ساتىپ الىنىپ، ءبىر تۇتاس جينالاتىن، ەگىنشىلەر اۋىل شارۋاشىلىعى ءوندىرىس بۋىندارىنىڭ قوسىمشا قاراجاتىنان يگىلىكتەنۋدەن سىرت، ساتىپ بەرۋ مولشەرىنە ساي باعا تىكە قوسىمشا قاراجاتىنان يگىلىكتەنەتىن، ءبىراق استىقتىڭ باعاسى ءبيدايدىڭ ساپاسىمەن، بازار قاجەتىمەن بايلانىستىرىلماعاندىقتان، استىق ەگۋدىڭ تابىسىندا ۇلكەن پارىق ءومىر ءسۇرىپ، ءبيدايدىڭ سالىستىرمالى ونىمدىلىگى تومەن بولۋ ماسەلەسى باستان - اياق شەشىلمەي كەلدى، - دەدى.
بۇل جاعدايدى وزگەرتۋ ءۇشىن اۆتونوميالى رايون ءبيدايدى ساتىپ الۋ، ساقتاۋ ءتۇزىمى رەفورماسى مەن ەگىستىك جەردىڭ قۇنارلىلىعىن قورعاۋ قوسىمشا قاراجاتىن بەرۋدى اتقارىپ، شارۋالاردىڭ استىق ەگۋ بەلسەندىلىگىن قورعاپ، ءبيداي وندىرىسىنە ءتىپتى دە جاقسى ورتا جاراتىپ بەردى.
”بۇل كۇندەرى ساپالى ءبيداي مانەرلەۋ كاسىپورىندارى تىكەلەي بازارعا كىرىپ ساتىپ الىپ، ساپالىسىنىڭ باعالى بولۋىن جۇزەگە اسىرىپ، تابىس بارعان سايىن جوعارىلادى“. جوۋ بيڭ: بيىل جەرگىلىكتى ورىننىڭ شيندۇڭ 22 - ءنومىرلى دۇمبە ءبيدايى تاماشا ساپاسىنا سۇيەنگەندىكتەن، ءار كيلوگرامىنىڭ ساتىلۋ باعاسى 2.74 يۋانعا جەتتى، - دەدى. ليۋشۋحىزى قىستاعىنىڭ تۇرعىندارى ىسىلعان ەگىس تەحنيكالارىنان پايدالانىپ، ساپالى تۇقىم جەتىلدىرۋ كاسىپورىندارىمەن ءبيداي ساپالى تۇقىمىن جەتىلدىرۋ تاپسىرىسىنا قول قويىپ، ءار كيلوگرام ءبيداي تۇقىمى بازار باعاسىنان تاعى 0.12 يۋان جوعارى بولىپ، 2.86 يۋانعا جەتتى، بيىل شيندۇڭ 22 - ءنومىرلى ءبيدايدىڭ باعاسى وتكەن جىلدارعا قاراعاندا ەڭ جوعارى ورەگە جەتتى.
”جاقسى ساپا بولعاننان كەيىن ساتۋ مەن كىرىس كىرگىزۋدەن الاڭدامايسىز“. جۋ بيڭ: ەگىستىك جەردىڭ قۇنارلىلىعىن قورعاۋ قوسىمشا قاراجاتى كىرىس جاعىندا ەگىنشىلەردىڭ مۇددەسىن قورعاپ قالماستان، ەرەكشە ساپالى بولۋدى باعدار ەتۋدى كورنەكتىلەندىرىپ، ەگىنشىلەردى ساپالى ءبيداي ەگۋگە جەتەكتەۋ ارقىلى پايداسىن جوعارىلاتتى، - دەدى.
ەگىستىك جەردىڭ قۇنارلىلىعىن قورعاۋ قوسىمشا قاراجاتى شارۋالاردى ەگىستىك جەردىڭ قۇنارلىلىعىن قورعاۋعا جەتەكتەيتىن حالىققا تيىمدىلىك جاساۋ ساياساتى، باستى ماقساتى استىق حاۋىپسىزدىگىن قامتاماسىز ەتىپ، شارۋالاردى ەگۋ قۇرىلىمىنا رەتتەۋ جۇرگىزۋگە بەلسەنە شابىتتاندىرۋ. تاياۋ جىلداردان بەرى رايونىمىز شارۋالارعا تيىمدىلىك جاساۋ ساياساتىنىڭ جەتەكتەۋ رولىن تولىق ساۋلەلەندىرىپ، دۇمبە ءبيداي ەگىستىك جەرىنىڭ قۇنارلىلىعىن قورعاۋ قوسىمشا قاراجاتى ولشەمىن تالاي رەت جوعارىلاتتى، 2017 - جىلعى ءار مۋىنا 100 يۋاننان قازىرگى 220 يۋانعا جوعارىلاپ، ءبيداي ءوندىرىسىنىڭ جالپىلىق ونىمدىلىگى بارعان سايىن جاقسارىپ، شارۋا وتباسىلارىنىڭ استىق ەگۋ بەلسەندىلىگى دە بارعان سايىن جوعارىلادى. سونىمەن بىرگە رايونىمىز قوسىمشا قاراجات اتقارۋ بارىسىندا دۇمبە ءبيداي ەگىلەتىن ەگىستىك جەرگە قوسىمشا قاراجات بەرۋدى الدىمەن قامتاماسىز ەتىپ، استىق ەگەتىن شارۋالاردى ساپا مەن ونىمدىلىكتى قاتار جوعارىلاتۋداي دامۋ جولىنا جەتەكتەدى.
ساياساتتىڭ اشىق جەتەكتەۋىنىڭ ارقاسىندا، ليۋشۋحىزى قىستاعى ەگىستىك جەردىڭ ساپاسىن جاقسارتۋ، سۋ مەن تىڭايتقىشتى ءبىر تۇلعالاندىرۋ تەحنيكاسىن جالپىلاستىرۋ سياقتى شارالار ارقىلى ەگىستىك جەردىڭ استىق ءتۇسىمى قۋاتىن ۇزدىكسىز جوعارىلاتىپ، ءداستۇرلى ءبيداي وندىرىسىندە ساپا وزگەرىسى تۋىلدى.
”بۇرىندارى بىرلىك ءونىمدى 550 كيلوگرامعا جەتكىزۋ ۇزدىك ناتيجە ەسەپتەلسە، بۇگىنگى تاڭدا تولىمدى ەسەپتەلەدى. بۇرىندارى ءبيداي ەگىلگەن جەرلەردى سۋارعاندا 24 ساعات بويى ادام ۇزىلمەيتىن، بۇگىنگى تاڭدا قول تەلەفونمەن زەردەلى سۋارۋ جۇيەسىن باسقارىپ سۋارۋعا، تىڭايتقىش بەرۋگە بولاتىن بولدى، ءبىرسىپىرا وزگەرىستەر استىق ەگەتىن ەگىنشىلەردىڭ ءوندىرىسىن، تۇرمىسىن تۇبەگەيلى وزگەرتتى“، - دەدى جۋ بيڭ.
”بۇرىندارى ءبيداي العاندا، ءبىز استىقتى استىق پۋنكتىنە اپارىپ ساتاتىنبىز، بۇگىنگى تاڭدا مانەرلەۋ كاسىپورىندارى ەگىنجاي باسىنا بارىپ ساتىپ الادى، شارۋالار ەگىنجاي ءىسىن ويداعىداي باسقارسا بولدى، باسقادان قام جەمەيدى“. جۋ بيڭ قۋانا بىلاي دەدى: پارتيانىڭ شارۋالارعا تيىمدىلىك جاساۋ ساياساتى جاقسى، ءبيداي وندىرىسىندە ساپانى كوتەرىپ، ونىمدىلىكتى ارتتىرۋدى جۇزەگە اسىرىپ قانا قويماي، ونان دا ماڭىزدىسى، جوعارى ساپالى دامۋ جولىنا ءتۇستى، بۇل تۇتاس قىستاقتاعىلاردىڭ ءبيداي وندىرۋگە دەگەن سەنىمىن نىعايتتى. كوپشىلىك وسى زامانعى اۋىل شارۋاشىلىعىنىڭ جوعارى ساپالى دامۋ جولىمەن باتىل ويداعىداي جۇرسە عانا، قىستاقتىڭ ءبيدايىنان، ءسوز جوق، اناعۇرلىم مول ءونىم الىناتىندىعىنا كامىل سەندى.
