تيانشان تورى   ›   جاڭالىقتار   ›   سۋرەتتى حابار

حۋبەي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

چىن چۋانگو، يىڭ يۇڭ، شوكىرات زاكىر، ۋاڭ جۇنجىڭ قيمىلعا قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، لياڭ ليحۋا 9 - ايدىڭ 16 - كۇنى بۇراتالادان حابارلايدى. 9 - ايدىڭ 14 - كۇنىنەن 16 - كۇنىنە دەيىن، حۋبەي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى يىڭ يۇڭ حۋبەي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتىستى قيمىلدارعا قاتىناستى.

  شينجياڭداعى كەزىندە حۋبەي ولكەسىنىڭ پارتيا، ۇكىمەت ۋاكىلدەر ۇيىرمەسى بۇراتالا موڭعۇل اۆتونوميالى وبلىسىنا جانە بيڭتۋان 5 - شىسىنىڭ شۋاڭحى قالاسىنا بارىپ، اۋىل - قىستاقتاردى، كاسىپورىنداردى، مەكتەپتەردى، شيپاحانالاردى، تۋان - الاڭداردى، ليان - دۇيلەردى، شەكارا ەكونوميكالىق سەلبەستىك رايونى سياقتى جەرلەردى ىشكەرىلەي ارالاپ، شينجياڭعا كومەكتەسۋ نىساندارى قۇرىلىسىنىڭ ىلگەرىلەۋ جاعدايىن تەكسەردى، نەگىزگى ساتىداعى بۇقارادان احۋال ۇعىسىپ، شينجياڭعا كومەككە كەلگەن كادر - دارىندىلارعا امانداسىپ، ولاردان حال سۇرادى، باعىتتامالى كومەكتەسۋ قىزمەتى اڭگىمە ءماجىلىسىن اشتى ءارى شينجياڭعا كومەكتەسۋ زاتتىق ماتەريالدارىن جىلۋعا اتاۋ سالتىن وتكىزدى.

  9 - ايدىڭ 15 - كۇنى تۇستەن كەيىن، حۋبەي ولكەسى شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى جونىندەگى اڭگىمە ءماجىلىس بۇراتالا قالاسىندا اشىلدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل رايونداعى ءار ۇلت حالقى اتىنان، حۋبەي ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەدى: حۋبەي شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حۋبەيدا قىزمەت تەكسەرگەندە حۋبەي ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى سوزدەرىنىڭ رۋحىن مۇقيات دايەكتىلەندىرىپ، ”تىرەك تۇيىندەرىن قۇرۋدى، الدىڭعى لەكتە ءجۇرۋدى، جاڭا تاراۋ جازۋدى“ جەدەلدەتىپ، ەكونوميكالىق، قوعامدىق دامۋدا ايتارلىقتاي تابىستارعا قول جەتكىزدى، حۋبەيدىڭ بايتاق دالاسىندا جاندى دا جالىندى تاماشا جاعداي جارىققا شىقتى.

  چىن چۋانگو بىلاي دەدى: حۋبەي ولكەلىك پارتكوم مەن ولكەلىك ۇكىمەت باس شۋجي شي جينپيڭنىڭ تاپسىرماسىن ەستە بەرىك ساقتاپ، شينجياڭعا كومەكتەسۋ قىزمەتىن باستان - اياق كەلەلى ساياسي جاۋاپكەرشىلىك ەتىپ، شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، ”ۇيىرمە قۇراۋ ۇلگىسىندە، تۇتاس تىزبەكتىك، جالپى بارىستىق“ كومەكتەسۋ - سۇيەمەلدەۋدى كورنەكتىلەندىرىپ، ”قان بەرۋ“ مەن ”قان جاساۋدى“ قاتار جۇرگىزىپ، قازىنالىق قولداۋ مەن اقىل - پاراساتتىق قولداۋعا تەڭ ءمان بەرىپ، ”قاتتى بولشەك“ قۇرىلىسى مەن ”جۇمساق بولشەكتىڭ“ دەڭگەيىن جوعارىلاتۋدى قاتار قولدانىپ، بۇراتالا وبلىسى مەن بيڭتۋان 5 - شىسى شۋاڭحى قالاسىنىڭ ەكونوميكالىق، قوعامدىق دامۋىن پارمەندى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى. شينجياڭداعى ءار ۇلت حالقى بۇعان شىن جۇرەكتەن العىس ايتادى. شينجياڭ ”ءتورت تانىمدى“ ونان ارى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋى بويىنشا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، حۋبەيدىڭ قۇندى تاجىريبەلەرىنەن مۇقيات ۇيرەنىپ، ۇلگى الىپ، شينجياڭعا باعىتتامالى كومەكتەسۋ بويىنشا قىزمەت وتەۋدى، قامتاماسىز ەتۋدى بار كۇشپەن ويداعىداي ىستەپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، باعىتتامالى كومەكتەسۋدىڭ ەرەكشە باسىمدىعىن ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەۋدىڭ قۋاتتى قوزعاۋشى كۇشىنە جانە ءىس جۇزىندىك ارەكەتىنە شىن مانىندە اينالدىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنادى.

  يىڭ يۇڭ حۋبەي ولكەلىك پارتكوم، ولكەلىك ۇكىمەت جانە بۇكىل ولكە حالقى اتىنان شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىنىڭ ۇزاق ۋاقىتتان بەرى حۋبەيدىڭ ەكونوميكالىق، قوعامدىق دامۋىن زور كۇشپەن قولداعاندىعىنا، ىندەتتەن ساقتانۋ - تىزگىندەۋدەگى ۋحاندى قورعاۋ شايقاسىنا، حۋبەيدى قورعاۋ شايقاسىنا قالتقىسىز كومەك بەرگەندىگىنە شىن جۇرەكتەن العىس ايتتى! ول بىلاي دەدى: پارتيا 18 - قۇرىلتايىنان بەرى، شينجياڭ ەكونوميكالىق، قوعامدىق دامۋدا تاريحي جەتىستىكتەرگە قول جەتكىزدى، اسىرەسە، شينجياڭنىڭ قوعام ورنىقتىلىعى، ۇلتتار ىنتىماعى قىزمەتىندەگى تابىستارى وڭاي - وسپاق قولعا كەلمەگەن، بۇل كەرەمەت ناتيجە، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ اقيقات ۇلى كۇشى مەن امالياتتىق ۇلى كۇشىن تولىق ايگىلەدى، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ ۇلتتىق وڭىرلىك اۆتونوميا ءتۇزىمىنىڭ كورنەكتى ابزالدىلىعىن تولىق ايگىلەدى. حۋبەي مەن شينجياڭنىڭ اراسىن سانسىز تاۋ، وزەن ءبولىپ جاتقانىمەن، شينجياڭعا باعىتتامالى كومەكتەسۋ بەينە دانەكەر ىسپەتتى حۋبەي مەن شينجياڭدى تىعىز بايلانىستىردى. شينجياڭعا باعىتتامالى كومەكتەسكەن 22 جىلدان بەرى، حۋبەي مەن شينجياڭ ءبىر - بىرىنە قارايلاسىپ، بەينەت پەن زەينەتتى بىرگە وتكەرىپ، باۋىرلاستارداي ەتەنە بولىپ، تەرەڭ دوستىق ورناتتى.

  يىڭ يۇڭ بىلاي دەدى: شينجياڭ قىزمەتىن جاقسى ىستەۋ − ”مەملەكەتتىڭ ءىرى ءىسى“، بۇراتالا وبلىسىنا جانە بيڭتۋان 5 - شىسىنىڭ شۋاڭحى قالاسىنا باعىتتامالى كومەكتەسۋ حۋبەيدىڭ بۇلتارمايتىن، ءسوز جوق، ارقالاۋعا ءتيىستى كەلەلى ساياسي جاۋاپكەرشىلىگى. حۋبەي جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، شينجياڭنىڭ ۇزاق بولاشاقتىق جوبا - جوسپار جاساۋىنا، نەگىزدى بەكەمدەۋ شارالارىن اتقارۋىنا، باياندى تىنىشتىق جاعدايىن ساقتاۋىنا، باياندى جونگە سالۋ ىستەرىنە دەم بەرىپ، جۇڭحۋا ۇلتى ورتاق تۇلعا تانىمىن بىرگە بەكەمدەيدى. حالىققا تيىمدىلىك جاساۋ، نەگىزدى كۇشەيتۋ بەتالىسىنا تاباندى بولىپ، كۇش - قۋات پەن قارجىنى حالىق تۇرمىسىنا، نەگىزگى ساتىعا بەيىمدەيدى؛ نازاردى ءتۇيىندى سالالارعا شوعىرلاندىرىپ، شينجياڭنىڭ قاجەتى مەن حۋبەيدىڭ قابىلەتىن دالمە - ءدال ۇشتاستىرىپ، اقىل - پاراسات جاعىنان شينجياڭعا كومەكتەسۋدى كەڭەيتىپ، كاسىپ سالاسى ارقىلى شينجياڭعا كومەكتەسۋدى ناقتىلاندىرىپ، شينجياڭدى مادەنيەتپەن نارلەندىرۋدى تەرەڭدەتەدى؛ سەلبەسۋ - سايكەسۋ قىزمەت مەحانيزمىن كەمەلدەندىرىپ، جوعارى ساپالى، ماماندانعان شينجياڭعا كومەكتەسۋشى كادر - دارىندىلار قوسىنىن قۇرىپ، شينجياڭعا باعىتتامالى كومەكتەسۋ قىزمەتىنىڭ جالپىلىق ونىمدىلىگىن ۇزدىكسىز جوعارىلاتادى.

  اڭگىمە ماجىلىستە اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن، بيڭتۋان پارتكومىنىڭ تۇراقتى مۇشەسى، ورىنباسار سىليڭيۋانى ياۋ شينمين اۆتونوميالى رايوننىڭ، بيڭتۋاننىڭ ورنىقتىلىق، دامۋ جانە باعىتتامالى كومەكتەسۋ قىزمەتىنىڭ جاعدايىن تانىستىردى، حۋبەي ولكەسىنىڭ ورىنباسار باستىعى كى جۇن حۋبەي ولكەسىنىڭ ەكونوميكالىق، قوعامدىق دامۋ جانە باعىتتامالى كومەكتەسۋ قىزمەتىنىڭ جاعدايىن تانىستىردى.

  حۋبەي ولكەسىنىڭ باسشىلارىنان لي رۇڭسان، اۆتونوميالى رايوننىڭ جانە بيڭتۋاننىڭ باسشىلارىنان سارقىت اقان، توحتى ياقۇپ، ازەز مۇسا، لي جيدۇڭ قاتارلىلار قاتىستى قيمىلدارعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.