تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەكسيكانىڭ زۇڭتۇڭى لوپەزگە قۇتتىقتاۋ تەلەگرامماسىن جولدادى

مەكسيكا تاۋەلسىزدىك سوعىسى جەڭىسكە جەتكەندىگىنىڭ 200 جىلدىعى بايلانىسىمەن

شي جينپيڭ مەكسيكانىڭ زۇڭتۇڭى لوپەزگە قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 16 - كۇنى مەكسيكانىڭ زۇڭتۇڭى لوپەزگە تەلەگرامما جولداپ، مەكسيكا تاۋەلسىزدىك سوعىسى جەڭىسكە جەتكەندىگىنىڭ 200 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: مەكسيكا ۇزاق تاريحقا جانە شۇعىلالى مادەنيەتكە يە لاتىن امەريكاسىنداعى ماڭىزدى ەل. دامۋ اياق الىسىندا مەكسيكا حالقى ءوزىنىڭ مەملەكەت جاعدايىنا ۇيلەسەتىن دامۋ جولى جونىندە ىزدەنىس جاساپ، بۇكىل الەم كوز تىككەن تابىستارعا قول جەتكىزىپ، ادامزات وركەنيەتىنىڭ العا باسۋىنا وشپەس ۇلەس قوستى. كەزەكتە زۇڭتۇڭ مىرزا جاڭا دامۋدى، وزگەرىستى ىلگەرىلەتۋدە، جۇڭگو جاق ەلدەرىڭىزدىڭ مەملەكەت قۇرىلىسى ىستەرىندە جاڭا دا اناعۇرلىم زور تابىسقا ۇزدىكسىز قول جەتكىزۋىن شىن جۇرەكتەن تىلەيدى.

  شي جينپيڭ بىلاي دەپ باسا دارىپتەدى: جۇڭگو دا، مەكسيكا دا وركەندەپ كەلە جاتقان ەلدەر، كەڭ كولەمدى ورتاق مۇددەسى بار. 100 جىلدىق وزگەرىس پەن عاسىرلىق ىندەت الدىندا، جۇڭگو مەن مەكسيكا قيىندىقتاردى بىلەك بىرىكتىرە جەڭىپ، ءوزارا قارايلاسىپ، ەكى ەلدىڭ دوستىعىن جوعارى دەڭگەيگە كوتەردى. مەن جۇڭگو مەن مەكسيكا قارىم - قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ساياسي ءوزارا سەنىمدىلىكتى تەرەڭدەتىپ، ءوزارا پايدا جەتكىزۋ سەلبەستىگىن جەبەپ، جۇڭگو مەن مەكسيكا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.