تيانشان تورى   ›   جاڭالىقتار   ›   ماڭىزدى حابارلار

شي جينپيڭ تۇڭعىش كەزەكتى بەيدوۋدى كولەمدى قولدانۋ حالىقارالىق باسشىلار ماجىلىسىنە، جۇڭگو ساپا (حاڭجوۋ) جينالىسىنا جەكە - جەكە قۇتتىقتاۋ حات جولدادى

  شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى. 9 - ايدىڭ 16 - كۇنى مەملەكەت ءتوراعاسى شي جينپيڭ تۇڭعىش كەزەكتى بەيدوۋدى كولەمدى قولدانۋ حالىقارالىق باسشىلار ماجىلىسىنە قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: كەزەكتە بۇكىل الەمنىڭ سيفرلى دامۋى كۇن سايىن تەزدەپ، ۋاقىت - كەڭىستىك ينفورماتسياسى، ورىن بەلگىلەپ جول نۇسقاۋ قىزمەت وتەۋى ماڭىزدى جاڭاشا نەگىزدىك قۇرىلعىعا اينالدى. بىلتىر 7 - ايدا مەن بەيدوۋ 3 - ءنومىرلى بۇكىل الەمدىك جاساندى سەرىك ارقىلى جول نۇسقاۋ جۇيەسىنىڭ اشىلىپ قىزمەت وتەگەندىگىن جاريالاعاننان بەرى، بەيدوۋ جۇيەسى بۇكىل الەمنىڭ تەڭ جارتىسىنان استام ەلدەرىندە جانە وڭىرلەرىندە جالپىلاسىپ، قولدانىلىپ، بەيدوۋدى كولەمدى قولدانۋ بازارلانعان، كاسىپ سالالانعان، حالىقارالانعان دامۋدىڭ شەشۋشى كەزەڭىنە ءوتتى.

  شي جينپيڭ بىلاي دەپ باسا دارىپتەدى: بەيدوۋ جۇيەسى جۇڭگو حالقىن باقىتقا كەنەلتۋمەن بىرگە، دۇنيە جۇزىندەگى ءار ەل حالىقتارىن دا باقىتقا كەنەلتتى. جۇڭگو ەسىك اشىپ توعىسۋعا، سايكەسىپ سەلبەسۋگە، سيىسىمدى بولىپ ءوزارا تولىقتاۋعا، تابىستان بىرگە يگىلىكتەنۋگە تاباندى بولادى، ءار جاقپەن بىرگە بەيدوۋ جاساندى سەرىك ارقىلى جول نۇسقاۋ جۇيەسىنىڭ قۇرىلىسىن ىلگەرىلەتىپ، بەيدوۋ كاسىپ سالاسىنىڭ دامۋىن جەبەپ، بەيدوۋ جاساندى سەرىك ارقىلى جول نۇسقاۋ جۇيەسىنىڭ جەتىستىگىنەن بىرگە يگىلىكتەنىپ، بۇكىل الەمدىك جاساندى سەرىك ارقىلى جول نۇسقاۋ ىستەرىنىڭ العا باسۋىن جەبەپ، بەيدوۋ جۇيەسىنىڭ بۇكىل الەمگە اناعۇرلىم ويداعىداي قىزمەت وتەۋىنە، ادامزاتتى باقىتقا كەنەلتۋىنە مۇمكىندىك جاساۋدى قالايدى.

  تۇڭعىش كەزەكتى بەيدوۋدى كولەمدى قولدانۋ حالىقارالىق باسشىلار ءماجىلىسى سول كۇنى حۋنان ولكەسىنىڭ چاڭشا قالاسىندا اشىلدى، نەگىزگى تاقىرىبى ”بەيدوۋ دۇنيە جۇزىنە قىزمەت وتەپ، بولاشاققا قولدانىلمالى قۋات ۇستەيدى“.

  شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى. 9 - ايدىڭ 16 - كۇنى مەملەكەت ءتوراعاسى شي جينپيڭ جۇڭگو ساپا (حاڭجوۋ) جينالىسىنا قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: ساپا − ادامزاتتىڭ ءوندىرىسىنىڭ، تۇرمىسىنىڭ ماڭىزدى قامتاماسىزدىعى. ادامزات قوعامىنىڭ دامۋى بارىسىندا ءار رەتكى ساپا سالاسىنداعى وزگەرىستىڭ، جاڭالىق اشۋدىڭ بارلىعى ءوندىرىس تەحنيكاسىنىڭ العا باسۋىن جەبەدى، حالىقتىڭ تۇرمىس ساپاسىن ارتتىردى. جۇڭگو ساپانى جوعارىلاتۋ ارەكەتىنە كۇش سالىپ، ساپا ولشەمىن جوعارىلاتىپ، ساپانى جالپى بەتتىك باسقارۋدى كۇشەيتىپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، جوعارى ساپالى دامۋدى جەبەيدى. جۇڭگو دۇنيە جۇزىندەگى ءار ەلمەن بىرگە ساپا حالىقارالىق سەلبەستىگىن كۇشەيتىپ، ساپادا وزگەرىس جاساۋدى، جاڭالىق اشۋدى بىرگە جەبەپ، ساپا نەگىزگى قۇرىلعىلارىن ۇلاستىرۋدى، تۇتاستىرۋدى ىلگەرىلەتىپ، الەمدىك ەكونوميكانىڭ دامۋىن جەبەۋگە، ادامزاتتىڭ تاماشا بولاشاعىن جاراتۋعا ۇلەس قوسۋدى قالايدى.

  جۇڭگو ساپا (حاڭجوۋ) جينالىسى سول كۇنى جىجياڭ ولكەسىنىڭ حاڭجوۋ قالاسىندا اشىلدى، نەگىزگى تاقىرىبى ”ساپا، سيفر، جاسىل، توعىسۋ“، مەملەكەتتىك بازار باقىلاۋ - باسقارۋ باس مەكەمەسى، جىجياڭ ولكەلىك حالىق ۇكىمەتى مەن حاڭجوۋ قالالىق حالىق ۇكىمەتى بىرگە وتكىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.