شي جينپيڭ شانشيدە تۇراتىن اسكەري ءبولىمنىڭ بەلگىلى بازاسىن كوزدەن كەشىرگەندە بىلاي دەپ باسا دارىپتەدى
نازاردى سوعىسقا دايىندالۋعا، سوعىس جۇرگىزۋگە شوعىرلاندىرىپ، جاڭالىق اشا دامۋدى جەدەلدەتىپ، بورىشتى - مىندەتتى اتقارۋ قابىلەتىن جاپپاي جوعارىلاتۋ كەرەك
9 - ايدىڭ 15 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شانشيدە تۇراتىن اسكەري ءبولىمنىڭ بەلگىلى بازاسىن كوزدەن كەشىرىپ، تەكسەرۋ - زەرتتەۋ جۇرگىزدى. سۋرەتتە: شي جينپيڭ بازانىڭ قىزمەت مالىمەتىن تىڭداعاننان كەيىن ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 9 - ايدىڭ 16 - كۇنى شي - اننان بەرگەن حابارى (ءتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 15 - كۇنى شانشيدە تۇراتىن اسكەري ءبولىمنىڭ بەلگىلى بازاسىن كوزدەن كەشىرىپ، تەكسەرۋ - زەرتتەۋ جۇرگىزىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بازاداعى بارلىق وفيتسەرلەردەن، جاۋىنگەرلەردەن شىن ىقىلاستى حال سۇرادى. ول بىلاي دەپ باسا دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، نازاردى سوعىسقا دايىندالۋعا، سوعىس جۇرگىزۋگە شوعىرلاندىرىپ، جاڭالىق اشا دامۋدى جەدەلدەتىپ، بورىشتى - مىندەتتى اتقارۋ قابىلەتىن جاپپاي جوعارىلاتىپ، دۇنيە جۇزىندە بىرەگەي ارميا قۇرۋ، عارىش ىستەرىندە قۋاتتى مەملەكەت قۇرۋ ءۇشىن اناعۇرلىم زور ۇلەس قوسۋ كەرەك.
التىن كۇز مەزگىلى، بايىرعى قالا شي - اندا كۇن شايداي اشىق، كوركەم كورىنىس كوز تارتادى. تۇستەن بۇرىن ساعات 10نان 30 مينۋت مولشەرىندە، شي جينپيڭ بازانىڭ گازارما اۋماعىنا كەلدى. قىزۋ شاپالاق ءۇنى ىشىندە، شي جينپيڭ شي - اندا تۇراتىن اسكەري ءبولىمنىڭ وفيتسەر - جاۋىنگەرلەرىنىڭ ۋاكىلدەرىن ىقىلاستى تۇردە قابىلداپ، كوپشىلىكپەن بىرگە سۋرەتكە ءتۇسىپ، ەستەلىك قالدىردى.
وسىدان سوڭ شي جينپيڭ بازانىڭ قىزمەت مالىمەتىن تىڭدادى ءارى ماڭىزدى ءسوز سويلەدى. شي جينپيڭ بازانىڭ ۇزاق ۋاقىتتان بەرى ەلىمىزدىڭ عارىش ىستەرىنىڭ دامۋى ءۇشىن ماڭىزدى رول اتقارعاندىعىن تولىق تۇراقتاندىردى. ول بىلاي دەپ باسا دارىپتەدى: عارىشقا ۇشۋدىڭ جيىلىگى ارتقان، تالابى جوعارىلاعان ءىس جۇزىندىككە ۇيلەسىپ، ۇيىمداستىرۋ ۇلگىسىن ساپالىلاندىرىپ، ولشەۋ - مەڭگەرۋ تەحنيكاسى مەن تاسىلىندە جاڭالىق اشىپ، ولشەۋ - مەڭگەرۋدىڭ دالدىگىنە، سەنىمدىلىگىنە، تولىق تابىستى بولۋىنا شىنايى كەپىلدىك ەتۋ كەرەك. مەملەكەتتىڭ الەم كەڭىستىگى جۇيەسىنىڭ جۇمىس اينالىمىن، باسقارۋدى ءبىر تۇتاس جوسپارلاپ اتقارىپ، باسقارۋ مەن پايدالانۋدىڭ ونىمدىلىگىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: عارىشتىق مال - مۇلىك − مەملەكەتتىڭ ستراتەگيالىق مال - مۇلكى، ونى ويداعىداي باسقارۋ، ويداعىداي پايدالانۋ، ونان دا ماڭىزدىسى، ويداعىداي قورعاۋ كەرەك. قورعانۋ كۇشتەرى قۇرىلىسىن جاپپاي كۇشەيتىپ، توتەپ بەرۋ مەن زاپاس ساقتاۋ، بۇلدىرۋگە قارسى تۇرۋ جانە ساقتاۋ، ينفورماتسيالىق قورعانۋ قابىلەتىن جوعارىلاتۋ كەرەك. الەم كەڭىستىگىندەگى قاتىناستى باسقارۋدى كۇشەيتىپ، الەم كەڭىستىگى جۇيەسىنىڭ ورنىقتى، ءتارتىپتى اينالىمىنا شىنايى كەپىلدىك ەتۋ كەرەك. الەم كەڭىستىگىنىڭ حاۋىپسىزدىگى جونىندە حالىقارالىق سەلبەستىك ورىستەتىپ، الەم كەڭىستىگى داعدارىسىن باسقارۋ - مەڭگەرۋ جانە جالپىلىق جونگە سالۋ ونىمدىلىگىن جوعارىلاتۋ كەرەك.
شي جينپيڭ بىلاي دەپ باسا دارىپتەدى: بازا ارقالاعان ءتۇرلى مىندەتتەردى ويداعىداي ورىنداۋدا، ءسوز جوق، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءار جاقتاعى قۇرىلىستارىن جاپپاي ىلگەرىلەتىپ، پارتيانىڭ جاسامپاز نازاريالارىمەن قارۋلانۋدى تەرەڭدەتىپ، پارتيا تاريحىن ۇيرەنۋ تاربيەسىن ويداعىداي يگەرىپ، ”ەكى بومبى، ءبىر جاساندى سەرىك“ رۋحىن، عارىشتىق ولشەۋ - مەڭگەرۋ رۋحىن ويداعىداي ساۋلەلەندىرىپ، وفيتسەر - جاۋىنگەرلەردىڭ پارتيانىڭ قولباسشىلىعىنا قۇلاق اساتىن، بورىش اتقاراتىن يدەيالىق - ساياسي نەگىزىن بەكەمدەپ، اسكەري ءبولىمنىڭ كىرشىكسىزدىگىن، بەكەمدىگىن جانە وسكەلەڭ شوعىرلى ءبىر تۇتاستىعىن ساقتاۋ كەرەك. دارىندىلار قىزمەتىن باعىتتامالى تۇردە ويداعىداي ىستەپ، دارىندىلار تىرەگىن نىعايتۋ كەرەك. مىزعىماس تاباندىلىقپەن نەگىزگى ساتىنى يگەرىپ، نەگىز قالاپ، كوكىرەك كەرنەگەن ىستىق ىنتامەن وفيتسەر - جاۋىنگەرلەردى ۋايىمنان ارىلتىپ، قيىنشىلىعىن شەشىپ، ءىس تىندىراتىن، ناتيجە شىعاراتىن بەلسەندىلىكتى تولىق جۇمىلدىرىپ، بازا قۇرىلىسىنىڭ جاڭا جاعدايىن ۇزدىكسىز اشۋ كەرەك.
شۇي چيلياڭ قاتارلىلار قيمىلعا قاتىناستى.
