تيانشان تورى   ›   جاڭالىقتار   ›   عىلىم-تەحنيكا

عىلىم - تەحنيكا مينيسترلىگى مەن رايونىمىز 2021 - جىلعى مينيسترلىك پەن رايون قىزمەت كەڭەسىن وتكىزدى

  انار بۇلت / شينجياڭ گازەتىنىڭ ءتىلشىسى لي ياڭ 9 - ايدىڭ 17 - كۇنى ۇرىمجىدەن حابارلايدى. 9 - ايدىڭ 17 - كۇنى تۇستەن كەيىن عىلىم - تەحنيكا مينيسترلىگى مەن اۆتونوميالى رايوندىق حالىق ۇكىمەتى ۇرىمجىدە 2021 - جىلعى مينيسترلىك پەن اۆتونوميالى رايوننىڭ قىزمەت كەڭەسىن وتكىزىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، سونداي - اق 8 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، شينجياڭنىڭ عىلىم - تەحنيكا ىستەرىنىڭ دامۋىن ىلگەرىلەتىپ، شينجياڭنىڭ جاڭالىق اشۋ قۇرىلىسىن جەدەلدەتتى.

  عىلىم - تەحنيكا مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ جىگاڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى.

  2007 - جىلى عىلىم - تەحنيكا مينيسترلىگى مەن رايونىمىز كەڭەسۋ مەحانيزمىن ورناتقاننان بەرى ەكى جاق 7 رەتكى كەڭەستەگى كەڭەس تاقىرىپتارىن تياناقتاندىرۋدى بىرگە ىلگەرىلەتتى ءارى قوماقتى تابىسقا قول جەتكىزدى. وسى رەت عىلىم - تەحنيكا مينيسترلىگى مەن اۆتونوميالى رايون نازاردى ”جىبەك جولى ەكونوميكالىق بەلدەۋى وڭىرىنەن عىلىم - تەحنيكادا جاڭالىق اشۋدىڭ بيىگىن قۇرۋ“، ”شينجياڭنىڭ قوعامىنىڭ ورنىقتىلىعى مەن ەكونوميكاسىنىڭ جوعارى ساپالى دامۋىنا تىرەك بولۋ“، ”عىلىم - تەحنيكادا جاڭالىق اشۋدىڭ ەكولوگيالىق ورتاسىن جاقسارتۋ، كەمەلدەندىرۋ“ سياقتى كەڭەس تاقىرىپتارىنا شوعىرلاندىرا وتىرىپ كەڭەس وتكىزدى.

  ۋاڭ جىگاڭ بىلاي دەپ اتاپ كورسەتتى: باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، ”14 - بەسجىلدىق“ مەزگىلىندەگى جاڭا ورايلاردى، جاڭا سىن - سايىستاردى عىلمي تانىپ جانە يگەرىپ، عىلىم - تەحنيكادا جاڭالىق اشۋدى اناعۇرلىم كورنەكتى ورىنعا قويىپ، جاڭالىق اشۋ ارقىلى دامۋعا دەم بەرۋ جولىمەن اۋىتقىماي ءجۇرىپ، عىلىم - تەحنيكادا جاڭالىق اشۋدى ەكونوميكالىق، قوعامدىق دامۋدى جەبەۋدىڭ، حالىق تۇرمىسىن جاقسارتۋدىڭ ماڭىزدى تاسىلىنە، ساياسات بەلگىلەۋ مەن تۇزىمدىك ورنالاستىرۋدىڭ وزەكتى فاكتورىنا، بۇكىل الەم كولەمىندەگى باسەكەگە، سەلبەستىككە ات سالىسۋدىڭ شەشۋشى مازمۇنىنا، وڭىرلىك كاسىپ سالالارىنىڭ تيبىن وزگەرتۋ مەن جالپىلىق ناقتى قۋاتىن جوعارىلاتۋدىڭ ماڭىزدى تىرەگىنە اينالدىرۋ كەرەك. جاڭالىق اشاتىن شينجياڭ قۇرۋدى جوعارى دەڭگەيدە جوبالاۋ مەن جۇيەلى جوسپارلاۋدى كۇشەيتىپ، كاسىپ سالالارىنىڭ تەحنيكادا جاڭالىق اشۋ قابىلەتىن جوعارىلاتىپ، ەرەكشە باسىم كاسىپ سالالارى مەن ستراتەگيالىق سيپاتتى جاڭادان كوركەيگەن كاسىپ سالالارىنىڭ دامۋىن جەدەلدەتىپ، جاڭا دامۋ ارناسىن قالىپتاستىرۋعا اناعۇرلىم كوپ كۇش قوسۋ كەرەك. قوعامدىق جونگە سالۋ مەن حالىق تۇرمىسىن قامتاماسىزداندىرۋ سالالارىنداعى عىلىم - تەحنيكانىڭ تىرەكتىلىك قۋاتىن جوعارىلاتىپ، حالىق تۇرمىسىنىڭ ىرىس - قۇتىن مولايتۋ كەرەك. سىرتقا ەسىك اشۋدا جاڭالىق اشا سەلبەسۋدى تەرەڭدەتىپ، شىعىس پەن باتىس بولىكتىڭ عىلىم - تەحنيكا سەلبەستىگىن كۇشەيتىپ، باسىم عىلمي زەرتتەۋ كۇشتەرىنىڭ شينجياڭعا شوعىرلانۋىن ىلگەرىلەتىپ، ساپالى عىلىم - تەحنيكا جەتىستىكتەرىنىڭ شينجياڭعا قاراي ويىسۋىن، كادەگە جاراۋىن جەبەۋ كەرەك.

  شوكىرات زاكىر بىلاي دەپ اتاپ كورسەتتى: يدەيا مەن ارەكەتتى باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىمەن باتىل بىرلىككە كەلتىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ جاڭالىق اشۋ ارقىلى دامۋعا دەم بەرۋ ستراتەگياسىن اتقارۋ جونىندەگى ورنالاستىرۋىمەن بىرلىككە كەلتىرىپ، جاڭا دامۋ ارناسىن قالىپتاستىرۋدىڭ عىلىم - تەحنيكادا جاڭالىق اشۋداعى ستراتەگيالىق جەدەلدەتۋ رولىن تولىق يگەرىپ، جاڭالىق اشاتىن شينجياڭ قۇرىلىسىن جەدەل ىلگەرىلەتۋ كەرەك. جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدى قوزعاۋشى كۇش ەتىپ، نازاردى ”10 ءىرى كاسىپ سالاسى“ سياقتى ءتۇيىندى سالالارعا شوعىرلاندىرىپ، وزەكتى، شەشۋشى تەحنيكالاردان قامال الۋدى جەدەلدەتىپ، جوعارى ساپالى دامۋدىڭ تىڭ قوزعاۋشى قۋاتىن جەتىلدىرۋ كەرەك. نازاردى حالىق تۇرمىسىن ۇزدىكسىز جاقسارتۋعا شوعىرلاندىرىپ، حالىق تۇرمىسىنا ساياتىن عىلىم - تەحنيكانى دامىتۋ دەڭگەيىن جوعارىلاتۋ كەرەك. نازاردى ستراتەگيالىق سايكەسۋدى كۇشەيتۋگە شوعىرلاندىرىپ، ءوڭىر اتتاعان عىلىم - تەحنيكا سەلبەستىگىندە تىڭ ونىمدىلىككە جەتۋدى ىلگەرىلەتۋ كەرەك، جاڭالىق اشۋدى جوعارى ساپالى دامۋعا جەتەكشىلىك ەتەتىن ءبىرىنشى قوزعاۋشى كۇش ەتۋگە تاباندى بولىپ، عىلىم - تەحنيكادا ءوزىن ەڭسەلەندىرۋدى، ءوزىن قۇدىرەتتەندىرۋدى دامۋدىڭ ستراتەگيالىق تىرەگى ەتىپ، جاڭالىق اشۋ ارقىلى دامۋعا دەم بەرۋ ستراتەگياسى مەن دارىندىلاردا قۋاتتى رايون ستراتەگياسىن ىشكەرىلەي اتقارىپ، فاكتوردى قوزعاۋشى كۇش ەتۋدەن جاڭالىق اشۋدى قوزعاۋشى كۇش ەتۋگە قاراي بۇرىلىس جاساۋدى جەدەلدەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا اناعۇرلىم پارمەندى عىلىم - تەحنيكالىق تىرەك جانە جاڭالىق اشۋ قاينار قوزعاۋشى كۇشىن ازىرلەۋ كەرەك.

  اۆتونوميالى رايون مەن بيڭتۋان باسشىلارىنان پىڭ جيارۇي، ماڭلىك سەيىت، لۋ شۇيپيڭ ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.