3 عارىشكەر حاۋىپسىز، ءساتتى تۇردە بولمەدەن شىقتى
شينحۋا اگەنتتىگىنىڭ 9 - ايدىڭ 17 - كۇنى جيۋچۋاننان بەرگەن حابارى (تىلشىلەر لي يۇن، جاڭ ميمي). جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ حابارىنا قاراعاندا، بەيجيڭ ۋاقىتى 2021 - جىلى 9 - ايدىڭ 17 - كۇنى ساعات 13تەن 34مينۋت وتكەندە، شىنجوۋ 12 - ءنومىرلى عارىشكەرلى الەم كەمەسىنىڭ قايتا ورالۋ بولمەسى دۇڭفىڭ قونۋ الاڭىنا ءساتتى قوندى، ۇشۋ مىندەتىن ورىنداعان عارىشكەرلەر نيە حايشىڭ، ليۋ بوميڭ، تاڭ حۇڭبو بولمەدەن حاۋىپسىز، ءساتتى شىقتى، دەنساۋلىق جاعدايلارى جاقسى، كەڭىستىك بەكەتى ساتىسىندا تۇڭعىش رەت ادام الىپ ۇشۋ مىندەتى تابىسپەن ورىندالدى. بۇل ءارى دۇڭفىڭ قونۋ الاڭىنىڭ عارىشكەرلى الەم كەمەسىنىڭ ىزدەۋ، قايتارىپ الۋ مىندەتىن تۇڭعىش رەت ورىنداۋى بولىپ تابىلادى.