چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
حالىقتى وزەك ەتۋگە تاباندى بولىپ، ەكونوميكانىڭ جوعارى ساپالى دامۋىن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ كەرەك
بىرنەشە كۇننىڭ الدىندا اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو مارالباسى اۋدانى ونەركاسىپ باقشا رايونىنا بارىپ، كاسىپورىنداردىڭ جۇمىستاندىرۋدى جەبەۋ، سونداي - اق قىزمەتكەرلەردىڭ كىرىسىن ارتتىرۋ سياقتى جاعدايلاردى ەگجەي - تەگجەيلى ۇعىستى. □سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشسى ياۋ تۇڭ 9 - ايدىڭ 17 - كۇنى مارالباسىدان حابارلايدى. بىرنەشە كۇننىڭ الدىندا اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، حالىقتى وزەك ەتۋگە تاباندى بولىپ، ەكونوميكانىڭ جوعارى ساپالى دامۋىن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ كەرەك.
مارالباسى اۋدانىنداعى ەڭبەك شوعىرلانعان ورتا، شاعىن كاسىپورىندار باقشاسى سياقتى جەرلەردە چىن چۋانگو كيىم - كەشەك، ءجىپ ءيىرۋ، كەزدەمە توقۋ، شاش بۇيىمدارى سياقتى ءوندىرىس كاسىپورىندارىنا بارىپ، ءوندىرىستىڭ ءبىرىنشى شەبىن ىشكەرىلەي ارالاپ، كاسىپورىن جاۋاپتىلارىمەن جانە ءار ۇلت جۇمىسشى - قىزمەتكەرلەرىمەن بەتپە - بەت اڭگىمەلەسىپ، ەرەكشە كاسىپ سالاسىنىڭ دامۋى، شارۋالاردى كىرىستى ارتتىرۋعا جەتەكتەۋ سياقتى جاعدايلاردى تاپتەشتەي ۇعىستى. ول بىلاي دەدى: جۇمىستاندىرۋدى باعدار ەتۋگە تاباندى بولىپ، ەڭبەك شوعىرلانعان كاسىپ سالالارىن بار كۇشپەن دامىتىپ، ءار ۇلت بۇقاراسىنىڭ سول جەردە، جاقىن ماڭدا جۇمىستانۋى ءۇشىن ءتىپتى دە كوپ وراي ازىرلەۋ كەرەك. باسىمدىققا يە بايلىقتاردى تياناق ەتىپ، ەرەكشە كاسىپ سالاسى ارقىلى ساپالى كاسىپورىنداردى جەتىلدىرىپ، كاسىپورىنداردى دامىتۋ ارقىلى كاسىپ سالاسىنىڭ دەڭگەيىنىڭ جوعارىلاۋىن جەتەكتەپ، كاسىپ سالاسىن جەتىلدىرۋدى، كاسىپورىنداردى دامىتۋدى بۇقارانىڭ جۇمىستانۋىمەن، اۋىل - قىستاقتى گۇلدەندىرۋمەن، ۇلتتار ىنتىماعىمەن شىن مانىندە اناعۇرلىم ويداعىداي ءبىر تۇتاس ورنالاستىرىپ جوسپارلاپ، ءوزارا ىلگەرىلەتىپ، ءبىر - بىرىنە ساي كەلتىرۋ كەرەك.
مارالباسى اۋداندىق تەحنيك جۇمىسشىلار مەكتەبى جۇمىستاندىرۋدى باعدار ەتۋگە تاباندى بولىپ، وتباسى ىستەرى، اس - سۋ، اجارلاندىرۋ - شاشتارازىلىق، جەمىس - جيدەك، كوكونىس ەگىمشىلىگى، مال شارۋاشىلىعى، باعىمشىلىق، قۇرىلىس ينجەنەرياسى، ءىرى تيپتى ماشينالاردى مەڭگەرۋ سياقتى شەبەرلىك جۇمىس ءتۇرى باۋلۋىن جۇرگىزدى. چىن چۋانگو ناقتى جاتتىعۋ سەحىنا بارىپ، تاربيەلەۋ، وقىتۋ، شەبەرلىككە باۋلۋ سياقتى جاعدايلاردى ۇستىندە تەكسەرىپ كوردى. ول بىلاي دەدى: شارۋالاردىڭ قاجەتى مەن بازاردىڭ ءىس جۇزىندىگىن شىعار ءتۇيىن ەتىپ، باۋلۋ مازمۇنىن كەڭەيتىپ، باۋلۋ ۇلگىسىندە جاڭالىق اشىپ، باعىتتامالىلىعىن، ۇيلەسىمدىلىگىن جانە ناقتى ونىمدىلىگىن جوعارىلاتىپ، شارۋالاردىڭ وزىندىك ونەر يگەرۋىنە كومەكتەسىپ، ورنىقتى جۇمىستانۋدى، ۇزدىكسىز كىرىستى ارتتىرۋدى جۇزەگە اسىرىپ، اۋىل - قىستاقتى گۇلدەندىرۋگە دەم بەرۋ كەرەك.
اناكول اۋىلى عول ءمالى قىستاعى جۋىق جىلداردان بەرى گۇل - ءشوپ، شيە ەگىمشىلىگىن جانە اۋىل - قىستاق ساياحاتىن بەلسەنە دامىتىپ، جان باسىندىق ورتاشا جىلدىق كىرىسى 12 مىڭ يۋاننان استى. چىن چۋانگو قىستاقتىڭ پارتيا مۇشەلەرىنە، بۇقاراعا قىزمەت وتەۋ ورتالىعى، جاڭا داۋىردەگى وركەنيەتتى امالياتتا ايگىلەۋ ورنى سياقتى ورىندارعا بارىپ، قىستاقتا تۇراتىن ءبىرىنشى شۋجي، قىستاقتا تۇراتىن اترەت مۇشەلەرى، قىستاق كادرلارى قاتارلىلارمەن ىقىلاستى تۇردە اڭگىمەلەسىپ، نەگىزگى ساتىنىڭ ۇيىمدىق قۇرىلىسى، پارتيا تاريحىن ۇيرەنۋ تاربيەسى، شارۋالاردىڭ جۇمىستانىپ كىرىستى ارتتىرۋ، اۋىل - قىستاقتى گۇلدەندىرۋدى ىلگەرىلەتۋ سياقتى جاعدايلاردى ىشكەرىلەي ۇعىستى. ول بىلاي دەپ اتاپ كورسەتتى: جۇمىستاندىرۋدى باعدار ەتۋدى كورنەكتىلەندىرىپ، كاسىپ سالاسىن دامىتىپ، زورايتىپ، شارۋالاردىڭ كاسىپ سالاسىنىڭ ارتقان قۇن پايداسىنان ءتىپتى دە كوپ يگىلىكتەنۋىنە مۇمكىندىك جاساۋ كەرەك. نەگىزگى ساتىنىڭ ءبىرىنشى شەبىندەگى پارتيالى كادرلار اۋىلداستاردى ءبىر اراعا تىعىز ۇيىستىرىپ، بار ىنتاسىمەن، بار سۇيىسپەنشىلىگىمەن، بار كۇشىمەن ءار ۇلت بۇقاراسىنىڭ جۇمىسىن ويداعىداي ىستەپ، ناقتى تىندىرىپ، ”شۇعىل، قيىن، ۋايىمداعان، ءزارۋ“ ماسەلەلەردى ويداعىداي شەشىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتۋ كەرەك.
قىستاق تۇرعىنى ابدۇرەيىم روزىنىڭ وتباسىندا چىن چۋانگو ءبىر ءۇيلى جانمەن قورالانا وتىرىپ اڭگىمە دۇكەنىن قۇرىپ، ءوندىرىس، تۇرمىس، وتباسى كىرىسى، ەمدەلۋ، وقۋعا ءتۇسۋ سياقتى جاعدايلاردى ىقىلاستى تۇردە سۇراستىردى. ابدۇرەيىم روزى ءوزىنىڭ اۋداندا ۇيىمداستىرىلعان كۋرستان ۇيرەنگەن قۇرىلىس شەبەرلىگىنە سۇيەنىپ، قىستاقتا قۇرىلىستى كوتەرەگە الىپ ءۇي سالاتىندىعىن، ايەلىنىڭ وتباسىندا ەگىنشىلىكپەن اينالىساتىندىعىن، 3 بالاسىنىڭ باستاۋىش مەكتەپ وقىپ جاتقاندىعىن، وتباسىنىڭ جىلىنا 60 مىڭ يۋاننان استام كىرىس كىرگىزەتىندىگىن ايتتى. چىن چۋانگو مۇنى ەستىپ قاباعات قۋاندى، ولاردىڭ ەڭبەكشىلدىگىنە، اقىل - پاراساتىنا سۇيەنىپ كۇندەرىن اناعۇرلىم بالداي ءتاتتى وتكىزۋىنە، اناعۇرلىم تالپىنىسپەن وتكىزۋىنە تىلەۋلەستىك ءبىلدىردى.
چىن چۋانگو تاعى مارالباسى اۋدانى ايتكار مەشىتىنە كەلىپ، ءدىني قيمىلداردىڭ ورىستەتىلۋ جاعدايىن باسى - قاسىندا ۇعىسىپ، قالىڭ ءدىن سالاسىنداعى قايراتكەرلەردىڭ وتاندى ءسۇيۋ، ءدىندى قاستەرلەۋ تاڭداۋلى ءداستۇرىن بار كۇشپەن اسقاقتاتىپ، تۋرا جولدان، دۇرىس سەنىمنەن، دۇرىس ارەكەتتەن اۋىتقىماي، دىنگە سەنەتىن ءار ۇلت بۇقاراسىن قوعام ورنىقتىلىعى مەن باياندى تىنىشتىق ءۇشىن بەلسەنە ۇلەس قوسۋعا جەتەكتەۋىن ءۇمىت ەتتى.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماستان دايەكتىلەندىرىپ، تياناقتاندىرىپ، پارتيا تاريحىن ۇيرەنۋ تاربيەسىن قوزعاۋشى كۇش ەتىپ، اۋىل - قىستاقتى گۇلدەندىرۋ ستراتەگياسىن جاپپاي اتقارىپ، كورىكتى دە جايلى، شارۋاشىلىعى گۇلدەنگەن، حالقى بەرەكەلى سوتسياليستىك جاڭاشا اۋىل - قىستاقتى جەدەل قۇرۋ كەرەك. ەرەكشە كاسىپ سالاسىن دامىتىپ، زورايتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، 1 -، 2 -، 3 - كاسىپتەردىڭ توعىسا دامۋىن ىلگەرىلەتىپ، ەرەكشە باسىمدىققا يە كاسىپ سالاسىن جەتىلدىرىپ، زورايتىپ، ەڭبەك شوعىرلانعان كاسىپ سالاسىن بار كۇشپەن دامىتىپ، اۋىل - قىستاقتارعا، شارۋالارعا ءتىپتى دە مول، ءتىپتى دە ويداعىداي تيىمدىلىك جەتكىزۋ كەرەك. اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، ”ءتورتتى توقتاتپاۋدى“ تياناقتاندىرىپ، قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى، مەحانيزمىن اقاۋسىزداندىرىپ، كەمەلدەندىرىپ، اۋىل - قىستاق كاسىپ سالاسىن جەرگىلىكتى ورىننىڭ جاعدايىنا قاراي دامىتىپ، اۋىل - قىستاق قۇرىلىسى ارەكەتىن اتقارىپ، ىشكى دامۋ قوزعاۋشى كۇشى مەن دامۋ ومىرشەڭدىك كۇشىن كۇشەيتۋگە باسا ءمان بەرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جالپى بەتتىك ىلگەرىلەتۋمەن ءونىمدى ۇشتاستىرۋ كەرەك. حالىق تۇرمىسىنداعى ناقتى ىستەردى كۇش سالا ويداعىداي ىستەپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى الدىمەن ويلاستىرۋدى كۇشەيتىپ، حالىققا تيىمدىلىك جاساۋ ينجەنەرياسىن ىشكەرىلەي اتقارىپ، اۋىل - قىستاق نەگىزدىك قۇرىلعىلارىن جانە الەۋمەتتىك قىزمەت وتەۋ جۇيەسى قۇرىلىسىن كۇشەيتىپ، ءوندىرىس، تۇرمىس شارت - جاعدايىن جاقسارتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ۇلتتار ىنتىماعىن بەكەمدەپ، كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ورىستەتىپ، ۇلتتار ىنتىماعىنداعى، العاباسارلىعىنداعى وزات ورىن قۇرۋدى تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. ءدىننىڭ اقاۋسىز دامۋىن ىلگەرىلەتىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ەلىمىزدە ءدىندى جۇڭگوشالاندىرۋ بەتالىسىنا تاباندى بولىپ، شينجياڭدا ءىسلام ءدىنىنىڭ سوتسياليستىك قوعامعا ۇيلەسۋىن ىلگەرىلەتۋ كەرەك. ءبىر تۇتاس جوسپارلاپ، تەڭ ءمان بەرۋدى شىنايى ورىنداپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى سىندى ءتۇرلى قىزمەتتەردى تىڭعىلىقتى ويداعىداي ىستەۋ كەرەك.
اۆتونوميالى رايون باسشىلارىنان لي نيڭپيڭ قاتارلىلار بىرگە تەكسەرۋ - زەرتتەۋ جۇرگىزدى.
