تيانشان تورى   ›   جاڭالىقتار   ›   ماڭىزدى حابارلار

شي جينپيڭ شاڭحاي سەلبەستىك ۇيىمى مەن كوللەكتيۆ حاۋىپسىزدىك شارتى ۇيىمىنا مۇشە ەلدەر باسشىلارىنىڭ اۋعانستان ماسەلەسى جونىندەگى بىرلەسكەن باس قوسۋىنا قاتىناستى

  شينحۋا اگەنتتىگىنىڭ 9 - ايدىڭ 17 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 17 - كۇنى تۇستەن كەيىن بەيجيڭدە بەينە ەكران تاسىلىمەن شاڭحاي سەلبەستىك ۇيىمى مەن كوللەكتيۆ حاۋىپسىزدىك شارتى ۇيىمىنا مۇشە ەلدەر باسشىلارىنىڭ اۋعانستان ماسەلەسى جونىندەگى بىرلەسكەن باس قوسۋىنا قاتىناستى ءارى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: تاياۋدا اۋعانستان جاعدايىندا ءتۇبىرلى وزگەرىس تۋىلىپ، حالىقارالىق جاعدايعا، وڭىرلىك ارناعا جانە حاۋىپسىزدىككە، ورنىقتىلىققا ەلەۋلى ىقپال جاسادى. قازىر اۋعانستان كوپتەگەن قيىنشىلىقتار مەن سىن - سايىستارعا ءدوپ كەلىپ وتىر، قالىپتى ءتارتىپتى جەدەل قالپىنا كەلتىرىپ، جاعدايدىڭ بىرتە - بىرتە ارناعا ءتۇسۋىن جۇزەگە اسىرۋ −بارلىق اۋعانستان حالقىنىڭ شۇعىل ماڭىزدى مىندەتى، حالىقارالىق قوعام مەن وڭىردەگى ەلدەر دە قاداعالاي نازار اۋدارۋ كەرەك. شاڭحاي سەلبەستىك ۇيىمى مەن كوللەكتيۆ حاۋىپسىزدىك شارتى ۇيىمىنا مۇشە ەلدەردىڭ بارلىعى اۋعانستاننىڭ جاقىن كورشىلەرى، كوپشىلىك تاعدىرلاس ورتاق تۇلعا ءارى حاۋىپسىزدىك ورتاق تۇلعاسى. شەشۋشى ساتتە رولدارىن بىرگە ساۋلەلەندىرىپ، التىننان دا باعالى بەيبىتشىلىكتى، ورنىقتىلىقتى بىرگە قورعاۋ كەرەك.

  شي جينپيڭ بىلاي دەپ باسا دارىپتەدى: ءبىر ەلدىڭ ىسىنە سول ەلدىڭ حالقى جاۋاپتى بولۋى، حالىقاراداعى ىستەردى كوپشىلىك اقىلداسىپ ىستەۋ كەرەك. ءبىز اۋعانستاننىڭ يەلىك ۇقىعىنا، تاۋەلسىزدىگىنە، تەرريتوريا تۇتاستىعىنا قۇرمەت ەتۋ العى شارتىندا، ”اۋعانستاندىقتار جەتەكشى بولۋ، اۋعانستاندىقتار يەلىك ەتۋ“ نەگىزگى پرينسيبىن سايكەسە دايەكتىلەندىرىپ، اۋعانستانداعى ءار ۇلت حالقىنىڭ مەملەكەتتىڭ بولاشاعىن، تاعدىرىن وزدەرى يگەرۋىنە مۇمكىندىك جاساۋىمىز كەرەك.

  شاڭحاي سەلبەستىك ۇيىمى مەن كوللەكتيۆ حاۋىپسىزدىك شارتى ۇيىمى ەكى ۇيىمعا مۇشە ەلدەردىڭ وزگەشە باسىمدىعى مەن اركىمنىڭ ىقپالىن ويداعىداي ساۋلەلەندىرىپ، اۋعانستان ماسەلەسىن ساياسي جولمەن شەشۋ ۇلكەن بەتالىسىنا تاباندى بولىپ، اۋعانستاننىڭ بىلىقپالىقتى تەجەپ، ورنىقتىلىققا قايتا ورالىپ، بەيبىت قايتا قۇرۋ جولىنا ءتۇسۋىن ىلگەرىلەتىپ، ەڭ سوڭىندا وسى ءوڭىردىڭ جاپپاي حاۋىپسىزدىگىن، ورتاق حاۋىپسىزدىگىن، سەلبەستىك حاۋىپسىزدىگىن، باياندى حاۋىپسىزدىگىن جۇزەگە اسىرۋ كەرەك.

  شي جينپيڭ 3 ءتۇرلى پىكىر - ۇسىنىس ورتاعا قويدى.

  ءبىرىنشى، اۋعانستان جاعدايىنىڭ تەز ارادا وتپەلى كەزەڭنەن ورنىقتى ءوتۋىن ىلگەرىلەتۋ. اۋعانستاننىڭ ەل ىشىندەگى ءارقايسى جاقتاردىڭ تىلدەسۋ، كەڭەسۋ ارقىلى كەشىرىمشىل ساياسي ورنالاستىرۋ جاساۋىنا قولداۋ كورسەتۋ. اۋعانستان شەكاراسى ىشىندەگى لاڭكەستىك ۇيىمداردىڭ ارەكەت بەتالىسىنا ۇزدىكسىز نازار اۋدارىپ، اۋعانستاننىڭ قاتىستى جاقتارىن باتىل سوققى بەرۋگە قۋزاپ، ۇستىنەن وڭاۋ مەن تۇبىرىنەن وڭاۋعا بىردەي ءمان بەرۋ ءادىسىن قولدانىپ تۇبەگەيلى الاستاپ، اۋعانستاندى پانالاپ وتىرعان لاڭكەستىك كۇشتەردىڭ شار تاراپقا زيان جەتكىزۋىنەن ساقتانۋ كەرەك.

  ەكىنشى، اۋعانستانمەن بايلانىس جاساۋ، تىلدەسۋ. ۇستامدى بولۋ، ناقتى ىستەر تىندىرۋ تۇرعىسىن شىعار ءتۇيىن ەتىپ، اۋعانستانداعى ءارقايسى جاقپەن ىقپالداستىق ورىستەتىپ، اۋعانستان جاڭا بيلىك قۇرىلىمىنىڭ اناعۇرلىم اشىق، سيىسىمدى بولۋىنا، بايسالدى دا ورنىقتى ىشكى - سىرتقى ساياسات اتقارۋىنا، دۇنيە جۇزىندەگى ءارقايسى ەلمەن، اسىرەسە، توڭىرەكتەگى كورشى ەلدەرمەن تاتۋ - ءتاتتى وتۋىنە جەتەكشىلىك ەتۋ جانە ونى ىلگەرىلەتۋ كەرەك.

  ءۇشىنشى، اۋعانستان حالقىنىڭ قيىن وتكەلدەن وتۋىنە كومەكتەسۋ. اۋعانستانعا دەر كەزىندە ادامگەرشىلىك جانە ىندەتكە قارسى اتتانۋ جاعىندا قولداۋ كورسەتىپ، اۋعانستان حالقىنىڭ ۋايىمنان ارىلىپ، قيىنشىلىقتان قۇتىلۋىنا كومەكتەسۋ كەرەك. جۇڭگو جاق ءبىر توپ شۇعىل كومەك بەرۋ زاتتىق ماتەريالدارىن تەز ارادا جونەلتەتىندىگىن جاريالادى ءارى شاماسىنىڭ كەلىسىنشە ۇزدىكسىز ءتىپتى دە كوپ كومەكپەن قامدايدى. اۋعانستاننىڭ قيىنشىلىق جاعدايىن تۋدىرۋشى رەتىندە، كەيبىر ەلدەر بۇرىنعى تاجىريبە - ساباقتاردى ءتىپتى دە جاقسى قابىلداپ، اۋعانستاننىڭ بولاشاقتاعى دامۋى جونىنەن وتەۋگە ءتيىستى جاۋاپكەرشىلىكتەرىن ارقالاۋى كەرەك.

  شي جينپيڭ سوڭىندا بىلاي دەپ باسا دارىپتەدى: جۇڭگو جاق ءارقايسى جاقپەن بايلانىس جاساۋدى، سايكەسۋدى كۇشەيتىپ، قول ۇستاسا قۇلشىنىس جاساپ، اۋعانستان حالقىنىڭ نۇرلى بولاشاققا قادام تاستاۋىن قولداپ، وسى ءوڭىردىڭ باياندى بەيبىتشىلىگى مەن تىنىشتىعىن قورعاۋدى قالايدى.تاجىكستاننىڭ زۇڭتۇڭى راحمون باسشىلار باس قوسۋىن باسقاردى، قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى يمران حان، وزبەكستاننىڭ زۇڭتۇڭى ميرزيويەۆ، ارمەنيانىڭ زۇڭليى پاشنيان، بەلورۋسسيانىڭ زۇڭتۇڭى لۋكاشەنكو، يراننىڭ زۇڭتۇڭى لايشي باسشىلار باس قوسۋىنا قاتىناستى. رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي بەينە ەكران تاسىلىمەن باسشىلار باس قوسۋىنا قاتىناستى.

  ديڭ شۋەشياڭ، ياڭ جيەچى، حى ليفىڭ قاتارلىلار باسشىلار باس قوسۋىنا قاتىناستى.

  ءتوراعا شي جينپيڭنىڭ ەرەكشە ۋاكىلى رەتىندە، ۋاڭ ي تاجىكستاندا ناق مايداندا باسشىلار باس قوسۋىنا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.