تيانشان تورى   ›   جاڭالىقتار   ›   ماڭىزدى حابارلار

شي جينپيڭ حالىقاراداعى دوستاردىڭ تۋىس - تۋعاندارىنا جاۋاپ حات قايتاردى

  شينحۋا اگەنتتىگىنىڭ 9 - ايدىڭ 17 - كۇنى بەيجيڭنەن بەرگەن حابارى. 9 - ايدىڭ 14 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ سىنوۋ، ما حايدى، اللەي، ەپستەين قاتارلى حالىقاراداعى دوستاردىڭ تۋىس - تۋعاندارىنا جاۋاپ حات قايتارىپ، كەزىندە جۇڭگو كوممۋنيستىك پارتياسىمەن جانە جۇڭگو حالقىمەن تار جول، تايعاق كەشۋلەردى وتكەرىپ، بەينەت پەن زەينەتتى بىرگە كەشىپ، تىزە قوسا شايقاس جاساپ، جۇڭگو توڭكەرىسى، قۇرىلىسى، رەفورما ىستەرى ءۇشىن قۇندى ۇلەس قوسقان حالىقاراداعى دوستاردى ىستىق ىقىلاسپەن ەسكە الدى.

  شي جينپيڭ حاتىندا بىلاي دەپ اتاپ كورسەتتى: 20 - عاسىردىڭ الدىڭعى جارتىسىندا سىنوۋ، ما حايدى، بەتيۋن، كى ديحۋا، اللەي، ەپستەين قاتارلى ءبىر قىدىرۋ حالىقاراداعى دوستار سوناۋ الىس قيىردان جۇڭگوعا كەلىپ، جۇڭگو كوممۋنيستىك پارتياسىمەن جانە جۇڭگو حالقىمەن تار جول، تايعاق كەشۋلەردى بىرگە وتكەرىپ، بەينەت پەن زەينەتتى بىرگە كەشىپ، تىزە قوسا شايقاس جاسادى. ءبىز ولاردىڭ جۇڭگو توڭكەرىسى، قۇرىلىسى، رەفورما ىستەرى ءۇشىن قوسقان قۇندى ۇلەستەرىن جانە جۇڭگو كوممۋنيستىك پارتياسىنا، جۇڭگو حالقىنا دەگەن شىنايى دوستىعىن قاشاندا ەستە بەرىك ساقتايمىز.

  شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى قۇرىلعان 100 جىلدان بەرى، ءداۋىر ۇندەۋىن اقتاپ، حالىقتىڭ كۇتكەن تىلەگىن جەردە قالدىرماي، حالىقاراداعى دوستاردىڭ سەنىمىن اقتاپ، جۇڭگو حالقىن ۇزاق ۋاقىت كۇرەس جۇرگىزۋگە ىنتىماقتاستىرىپ، باستاپ، جاپپاي دوڭگەلەك داۋلەتتى قوعام ورناتۋ سىندى ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭگو حالقىنا باسشىلىق ەتىپ جاپپاي سوتسياليستىك وسىزاماندانعان قۇدىرەتتى ەل ورناتۋ سىندى ەكىنشى 100 جىلدىق كۇرەس نىساناسىنا قاراي قادام تاستاپ، دۇنيە ءجۇزىنىڭ بەيبىتشىلىك جانە دامۋ ۇلى ءىسىن ۇزدىكسىز جەبەپ كەلەدى. سىزدەردىڭ جان اشىر جاقىندارىڭىزدىڭ سول كەزدەگى تالعامى بۇكىلدەي دۇرىس.

  شي جينپيڭ بىلاي دەپ اتاپ كورسەتتى: تاريح تولاس تاپپايدى، رۋح ۇرپاقتان - ۇرپاققا جالعاسادى. سىزدەردىڭ جان اشىر جاقىندارىڭىزدى ۇلگى تۇتىپ، جۇڭگو حالقى مەن دۇنيە ءجۇزى حالقىنىڭ دوستىعىن جانە سەلبەستىگىن كۇشەيتۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوسۋلارىڭىزدى ءۇمىت ەتەمىن!

  تاياۋدا سىنوۋ، ما حايدى، اللەي، ەپستەين، ميللەر، كرۋك، جىڭ لۇيچىڭ، لي شا، فرەي، ۋي لۋشى، يە حۋا، چىن بيدي قاتارلى حالىقاراداعى دوستاردىڭ 16 تۋىس - تۋعانى بىرلەسىپ، ءتوراعا شي جينپيڭگە حات جازىپ، جۇڭگو كوممۋنيستىك پارتياسىنىڭ 100 جىلدىق مەرەيتويىن قىزۋ قۇتتىقتادى، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جانە دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 76 جىلدىعى بايلانىسىمەن، جاپون شاپقىنشىلارىنا قارسى سوعىستاعى ارداگەر قۇربانداردى ورتاق ساعىنا ەسكە الاتىندىقتارىن، جان اشىر جاقىندارىنىڭ سول كەزدە جۇڭگو كوممۋنيستىك پارتياسىمەن جانە جۇڭگو حالقىمەن بىرگە جولداس بولۋدى تاڭداعاندىعىن داڭق سەزىنەتىندىكتەرىن جانە ماقتانىش ەتەتىندىكتەرىن، سونداي - اق ادامزاتتىڭ تاعدىرلاس ورتاق تۇلعاسى باستاماسىنىڭ جەتەكشىلىك ەتۋىندە، جاڭا داۋىردەگى ينتەرناتسيوناليزمدىك رۋحقا مۇراگەرلىك ەتىپ جانە ونى اسقاقتاتىپ، جۇڭگو مەن شەتەل حالقىنىڭ دوستىعىن نىعايتۋعا، جۇڭگونىڭ ەكىنشى 100 جىلدىق كۇرەس نىساناسىن جۇزەگە اسىرۋىن قولداۋعا تىڭ ۇلەس قوسۋدى قالايتىندىقتارىن ءبىلدىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.