تيانشان تورى   ›   جاڭالىقتار   ›   ماڭىزدى حابارلار

شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 21 - رەتكى ماجىلىسىنە قاتىناستى ءارى ماڭىزدى ءسوز سويلەدى

شاڭحاي سەلبەستىك ۇيىمىنىڭ ”شاڭحاي رۋحى“ تۋىن بيىك ۇستاپ، شاڭحاي سەلبەستىك ۇيىمىنىڭ اناعۇرلىم تىعىز تاعدىرلاس ورتاق تۇلعاسىن ورناتۋ كەرەكتىگىن باسا دارىپتەدى

  9 - ايدىڭ 17 - كۇنى مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 21 - رەتكى ماجىلىسىنە قاتىناستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  9 - ايدىڭ 17 - كۇنى مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 21 - رەتكى ماجىلىسىنە قاتىناستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

  شينحۋا اگەنتتىگىنىڭ 9 - ايدىڭ 17 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 17 - كۇنى تۇستەن كەيىن بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 21 - رەتكى ماجىلىسىنە قاتىناستى ءارى «اۋەلگى ماقساتتى ۇمىتپاي، قايراتتانا العا ىلگەرىلەپ، شاڭحاي سەلبەستىك ۇيىمى دامۋىنىڭ جاڭا ساپارىن باستايىق» دەگەن تاقىرىپتا ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: شاڭحاي سەلبەستىك ۇيىمى قۇرىلعان 20 جىلدان بەرى، باستان - اياق ”ءوزارا سەنۋ، ءوزارا پايدا جەتكىزۋ، تەپە - تەڭ بولۋ، كەڭەسۋ، الۋان ءتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ“ سىندى ”شاڭحاي رۋحىنا“ بويسۇنىپ، دۇنيە ءجۇزىنىڭ بەيبىتشىلىگىنە، دامۋىنا جانە ادامزاتتىڭ العا باسۋ ىستەرىنە كۇش سالىپ، جاڭاشا حالىقارالىق قارىم - قاتىناس پەن ادامزاتتىڭ تاعدىرلاس ورتاق تۇلعاسىن ورناتۋعا ماڭىزدى نازاريالىق جانە امالياتتىق ىزدەنىس جاسادى. ءبىز ساياسي ءوزارا سەنىمدىلىكتى بىرگە جەبەپ، ”وداقتاسپايتىن، قايتا سەرىكتەسەتىن، قارسىلاسپايتىن، قايتا تىلدەسەتىن“ شىت جاڭا ۇلگىنى جاراتتىق؛ حاۋىپسىزدىكتى، ورنىقتىلىقتى بىرگە قورعاپ، ەسىرتكى اتكەزشىلىگىنىڭ، ينتەرنەتتىك قىلمىستىڭ، مەملەكەت اتتاعان ۇيىمدىق قىلمىستىڭ ءورشۋ اۋقىمىن باتىل تەجەدىك؛ گۇلدەنۋدى، دامۋدى بىرگە جوسپارلاپ، وڭىرلىك ناقتى سەلبەستىكتىڭ تەرەڭدەي دامۋىن ىلگەرىلەتتىك؛ حالىقارالىق ءمورالدىق بورىشتى بىرگە ارقالاپ، كوپ جاقتىلىقتى جانە تۇتاس ادامزاتتىڭ ورتاق قۇنىن اسقاقتاتۋ جونىندە جارقىن ءۇن قاتىپ، زورەكەرلىك پەن وكتەم ساياسيعا قارسى تۇرۋ جونىندە ادىلەتتى تۇرعىدا تۇردىق.

  شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمى جاڭا تاريحي باستامادا تۇر. ءبىز ”شاڭحاي رۋحى“ تۋىن بيىك ۇستاپ، حالىقارالىق قارىم - قاتىناستىڭ دەموكراتيالانۋ تاريحي اعىنىندا العا ىلگەرىلەۋ بەتالىسىن يگەرىپ، ادامزاتتىڭ بىرگە دامۋ ايبىندى ارناسىندا ءوز دامۋىمىزدى ىلگەرىلەتىپ، شاڭحاي سەلبەستىك ۇيىمىنىڭ اناعۇرلىم تىعىز تاعدىرلاس ورتاق تۇلعاسىن ورناتىپ، دۇنيە ءجۇزىنىڭ باياندى بەيبىتشىلىگى مەن بىرگە گۇلدەنۋى ءۇشىن اناعۇرلىم زور ۇلەس قوسۋىمىز ءتيىس. شي جينپيڭ مىناداي 5 ءتۇرلى ۇسىنىستى ورتاعا قويدى:

  ءبىرىنشى، ىنتىماقتاسۋ، سەلبەسۋ جولىمەن ءجۇرۋ. ساياسي تىلدەسۋدى جانە بايلانىس جاساۋدى، سايكەسۋدى كۇشەيتىپ، ءبىر - ءبىرىنىڭ ءجىتى قاداعالاپ وتىرعان ۇيلەسىمدى ماسەلەلەرىنە قۇرمەت ەتىپ، سەلبەستىك بارىسىندا تۋىلعان ماسەلەلەردى دەر كەزىندە شەشىپ، شاڭحاي سەلبەستىك ۇيىمىنىڭ دامۋ بەتالىسىن بىرگە ورنىقتى يگەرۋ كەرەك. ءتۇزىم سەنىمىن بەكەمدەپ، ”اقىلمانسىپ“ ەمەۋرىنىنە باقتىرعىسى كەلەتىن ءپاتۋانى استە قابىلداماۋ، ءار ەلدىڭ ءوز مەملەكەت جاعدايىنا ۇيلەسەتىن دامۋ جولىندا جانە جونگە سالۋ ۇلگىسىندە ىزدەنىس جاساۋىن باتىل قولداپ، سىرتقى كۇشتەردىڭ ءارقانداي سىلتاۋمەن وڭىردەگى ەلدەردىڭ ىشكى ىسىنە كيلىگۋىنە استە جول قويماي، ءوز ەلىنىڭ دامۋ، العا باسۋ بولاشاق تاعدىرىن ءوز قولىندا بەرىك ۇستاۋ كەرەك.

  حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىن بەرىك ۇستانىپ، عىلىم رۋحىن اسقاقتاتىپ، حالىقارالىق ىندەتكە قارسى اتتانۋ سەلبەستىگىن ىشكەرىلەي ورىستەتىپ، ۆاكسينانى ءادىل، ۇيلەسىمدى ءبولۋدى ىلگەرىلەتىپ، ۆيرۋستىڭ تەگىن انىقتاۋدى ساياسيلاندىرۋعا باتىل قارسى تۇرۋ كەرەك. جۇڭگو جاق قازىرگە دەيىن 100 نەشە ەل مەن حالىقارالىق ۇيىمدى ءبىر ميلليارد 200 ميلليون ۆاكسينامەن جانە اۋەلگى سۇيىقتىقپەن قامداپ، تۇتاس جىلدا دۇنيە ءجۇزىن 2 ميلليارد ۆاكسينامەن قامداۋدى جەدەل جۇزەگە اسىرادى، وركەندەپ كەلە جاتقان ەلدەرمەن ىندەتكە قارسى اتتانۋ سەلبەستىگىن تەرەڭدەتىپ، جۇڭگو جاق ”جاڭا تيپتى ايدارشا ۆيرۋس ۆاكسيناسىن اتقارۋ جوسپارىنا“ اتاعان 100 ميلليون دوللاردان ويداعىداي پايدالانىپ، ادامزاتتىڭ ىندەتتى تۇبەگەيلى جەڭۋىنە ءتيىستى ۇلەسىن قوسادى.

  ەكىنشى، زەينەتتى دە، بەينەتتى دە بىرگە ارقالاۋ جولىمەن ءجۇرۋ. ورتاق، جالپىلىق، سەلبەستىك، باياندى بولعان حاۋىپسىزدىك كوزقاراسىنا تاباندى بولىپ، ”شىعىس تۇركستان ءىسلام قوزعالىسى“ قاتارلى ”ءۇش ءتۇرلى كۇشكە“ قاتاڭ سوققى بەرىپ، ۋلى شەگىمدىككە تيىم سالۋ، شەكارا قورعانىسى، كولەمدى قيمىلداعى اماندىقتى قورعاۋ سەلبەستىگىن تەرەڭدەتىپ، ۇيىمنىڭ حاۋىپسىزدىك سەلبەستىگى مەحانيزمىن تەزىرەك كەمەلدەندىرىپ، ءار ەلدىڭ باسقارۋ تاراۋلارىنىڭ ورنىقتىلىقتى قورعاۋ، توسىن جاعدايدى ءبىر جاقتى ەتۋ قابىلەتى قۇرىلىسىن كۇشەيتۋ كەرەك. ءارقايسى مۇشە ەلدەر ىستەستىكتى كۇشەيتىپ، اۋعانستان جاعدايىنىڭ وتپەلى كەزەڭنەن ورنىقتى ءوتىپ، شىن مانىندە بەيبىت، ورنىقتى، دامۋ جولىنا ءتۇسۋىن ىلگەرىلەتۋ ءتيىس.

  ءۇشىنشى، ەسىك اشۋ، توعىسۋ جولىمەن ءجۇرۋ. ساۋدا مەن قارجى قوسۋدى ەركىندەندىرۋدى، قولايلىلاندىرۋدى ۇزدىكسىز ىلگەرىلەتىپ، ادام، زات، قارجى، ساندى مالىمەتتەردىڭ حاۋىپسىز، ءتارتىپتى اينالىس جاساۋىن قامتاماسىز ەتىپ، سيفرلى ەكونوميكاداعى، جاسىل ەنەرگياداعى، وسى زامانعى اۋىل شارۋاشىلىعىنداعى سەلبەستىكتىڭ ارتۋ تۇيىندەرىن تۇلعالاۋ كەرەك. ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ ءار ەلدىڭ دامۋ ستراتەگياسىمەن جانە ەۆروپا - ازيا ەكونوميكالىق وداعى سياقتى وڭىرلىك سەلبەستىك باستامالارىمەن تەرەڭدەي ۇشتاسۋىن ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاپ، ءار ەلدىڭ ەكونوميكادا توعىسۋىن، دامۋدا قوسىلا ارەكەت ەتۋىن، جەتىستىكتەن بىرگە يگىلىكتەنۋىن جەبەۋ كەرەك.

  جۇڭگو جاق بازار ورايىنان ۇزدىكسىز بىرگە يگىلىكتەنىپ، كەلەشەكتەگى 5 جىلدا وسى ۇيىمداعى ەلدەرمەن جالپى ساۋدا سوماسىن 2 تريلليون 300 ميلليارد دوللارعا جەتكىزۋ نىساناسىن جۇزەگە اسىرۋعا كۇش سالۋدى قالايدى. جۇڭگو جاق جۇڭگو - شاڭحاي سەلبەستىك ۇيىمى ەكونوميكا - ساۋدا شۋەيۋانىن قۇرىپ، 2 - مەرزىمدىك ارناۋلى نەسيەنى جولعا قويىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىنە پايدالانىپ، وسى زامانعى ۇلاسۋ، تۇتاسۋ، نەگىزدىك قۇرىلعى قۇرىلىسى، جاسىل، تومەن كومىر قىشقىل گازدى باياندى دامۋ سياقتى نىساندارعا ءتۇيىندى تۇردە قولداۋ كورسەتەدى.

  ءتورتىنشى، ءوزارا ۇيرەنۋ، ءوزارا ۇلگى الۋ جولىمەن ءجۇرۋ. تۇرلىشە وركەنيەتتەردىڭ اۋىس - كۇيىس جاساۋىن، تىلدەسۋىن، جاراسىمدى بىرگە ءومىر ءسۇرۋىن دارىپتەپ، عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، كەدەيلەردى سۇيەمەلدەۋ سياقتى سالالاردا ءتىپتى دە كوپ حالىققا جاقىن، جۇرت تىلەگىن ۇيىستىراتىن نىسانداردى تۇلعالاۋ كەرەك. كەلەشەكتەگى 3 جىلدا جۇڭگو جاق شاڭحاي سەلبەستىك ۇيىمى ەلدەرىنەن كەدەيلەردى سۇيەمەلدەۋ بويىنشا 1000 ادامدى باۋلىپ، 10 لۋبان شەبەرحاناسىن سالىپ، ”جىبەك جولىنداعى بەرەكەلى شاڭىراق“ ارەكەتى اياسىندا دەنساۋلىق ساقتاۋ، سالاماتتىق، كەدەيلەردى سۇيەمەلدەۋ، قۇتقارۋ - كومەكتەسۋ، مادەنيەت، وقۋ - اعارتۋ سياقتى سالالاردا 30 سەلبەستىك نىسانىن ورىستەتەدى. جۇڭگو جاق كەلەر جىلى وسى ۇيىمنىڭ جاستار عىلىم - تەحنيكادا جاڭالىق اشۋ تالقى مىنبەرىن وتكىزىپ، وسى ۇيىمنىڭ ءداستۇرلى ءدارى - دارمەك كاسىپ سالاسى وداعىن قۇرۋدى دارىپتەيدى. ءار جاقتىڭ 2022 - جىلعى بەيجيڭ قىسقى وليمپياداسىنا، مۇگەدەكتەر قىسقى وليمپياداسىنا قاتىناسىپ، قاراپايىم، حاۋىپسىز، تارتىمدى وليمپيادا سالتاناتىن بىرگە وتكىزۋىن قارسى الامىز.

  بەسىنشى، ادىلدىك، تۋراشىلدىق جولىمەن ءجۇرۋ. ”مەزەتتىك كۇشتى - السىزدىك بىلەكتەن، ماڭگىلىك جەڭىس - جەڭىلىس جوسىننان“. حالىقاراداعى ىستەردى شەشۋدە ايتىلمىس ”ناقتى قۋات ورنىن“ شىعار ءتۇيىن ەتىپ، زورەكەرلىك، وكتەمدىك، وزبىرلىق ىستەۋگە بولمايدى، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىن بويسۇنۋ ولشەمى ەتىپ، اقىلداسۋ، بىرگە قۇرۋ، بىرگە يگىلىكتەنۋگە تاباندى بولىپ، شىن مانىندەگى كوپ جاقتىلىقتى امالياتتا ايگىلەپ، ايتىلمىس ”ەرەجە“ دەگەندى جەلەۋ ەتىپ حالىقارالىق ءتارتىپتى بۇلدىرۋگە، قارسىلاسۋ جانە بولشەكتەۋ ارەكەتىنە قارسى تۇرۋ كەرەك. ءوزارا پايدا جەتكىزىپ، بىرگە يگىلىككە كەنەلۋ سىندى سەلبەستىك كوزقاراسىن بەرىك ۇستانىپ، سيىسىمدى، جالپىعا ءتيىمدى دامۋ كەلەشەگىن جاراتۋ كەرەك.

  شي جينپيڭ بىلاي دەپ اتاپ كورسەتتى: ۇزدىكسىز گۇلدەنگەن ”شاڭحاي سەلبەستىك ۇيىمى ۇلكەن شاڭىراعىنىڭ“ دۇنيە جۇزىندەگى بارلىق العاباسار كۇشتەرمەن قول ۇستاسا العا ىلگەرىلەپ، بىرگە دۇنيە ءجۇزى بەيبىتشىلىگىنىڭ قۇرىلىسشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولاتىندىعىنا سەنەمىن.

  شي جينپيڭ ەڭ سوڭىندا بىلاي دەدى: ”شاڭحاي رۋحى“ تۋىن بيىك ۇستاپ، اۋەلگى ماقساتتى ۇمىتپاي، قايراتتانا العا ىلگەرىلەپ، ادامزاتتىڭ تاعدىرلاس ورتاق تۇلعاسىن ورناتۋ سىندى ومىردەگى دۇرىس جولدى بويلاپ، شاڭحاي سەلبەستىك ۇيىمى دامۋىنىڭ جاڭا ساپارىن باستايىق!

  شاڭحاي سەلبەستىك ۇيىمىنىڭ كەزەكشى ءتوراعا ەلى تاجىكستاننىڭ زۇڭتۇڭى راحمون ءماجىلىستى باسقاردى، قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى يمران حان، وزبەكستاننىڭ زۇڭتۇڭى ميرزيويەۆ قاتارلى مۇشە ەلدەردىڭ باسشىلارى، شاڭحاي سەلبەستىك ۇيىمىنىڭ باس حاتشىسى رومانوۆ، شاڭحاي سەلبەستىك ۇيىمى وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى گيوسوۆ قاتارلى تۇراقتى قۇرىلىمداردىڭ جاۋاپتىلارى، سونداي - اق بەلورۋسسيانىڭ زۇڭتۇڭى لۋكاشەنكو، يراننىڭ زۇڭتۇڭى لايشي قاتارلى باقىلاۋشى ەلدەردىڭ باسشىلارى جانە ءتوراعا ەلدەن كەلگەن قوناق تۇركمەنستاننىڭ زۇڭتۇڭى بەردىمۇحامەتوۆ ماجىلىسكە قاتىناستى. رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي، موڭعۇليانىڭ زۇڭتۇڭى كۋرۇلسۇك، بىرلەسكەن مەملەكەتتەر ۇيىمىنىڭ باس حاتشىسى گۋتەرەس بەينە ەكران تاسىلىمەن ماجىلىسكە قاتىناستى.

  ماجىلىسكە قاتىناسقان باسشىلار شاڭحاي سەلبەستىك ۇيىمى قۇرىلعان 20 جىلدان بەرگى ساياسي، ەكونوميكا، حاۋىپسىزدىك، گۋمانيتارلىق سياقتى سالالاردا قول جەتكىزگەن وراسان زور تابىستارعا جالپى بەتتىك قايىرىلا قاراپ، بەلسەندى باعا بەردى، ”شاڭحاي رۋحى“ نەگىزىندە ۇزدىكسىز ءوزارا قۇرمەت ەتىپ، ءوزارا قولداۋ كورسەتىپ، تەپە - تەڭ بولۋ، ءوزارا پايدالى سەرىكتەستىك قارىم - قاتىناس ورناتىپ، ورتاق مۇددەنى قورعاپ، جاڭا جاعدايلارعا، جاڭا سىن - سايىستارعا سەلبەسىپ توتەپ بەرىپ، شاڭحاي سەلبەستىك ۇيىمىنىڭ ۇزدىكسىز اقاۋسىز، ورنىقتى دامۋىن جەبەپ، ءوڭىردىڭ جالپى بەتتىك حاۋىپسىزدىگى مەن بىرگە گۇلدەنۋىن جەبەپ، جاڭاشا حالىقارالىق قارىم - قاتىناس پەن ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەتىندىكتەرىن ءبىلدىردى. تاراپتار مىنالاردى ءبىلدىردى: ىنتىماقتى كۇشەيتىپ، جاڭا تيپتى ايدارشا ۆيرۋس وكپە قابىنۋ ىندەتىنە سەلبەسىپ قارسى تۇرىپ، ۆاكسينا جاعىنداعى سەلبەستىكتى كۇشەيتىپ، ۆيرۋستىڭ تەگىن انىقتاۋدى ساياسيلاندىرۋعا قارسى تۇرۋ كەرەك. ەكونوميكا - ساۋدا، ەنەرگيا، جاڭالىق اشۋ، ۇلاسۋ - تۇتاسۋ، سيفرلى ەكونوميكا، قورشاعان ورتانى قورعاۋ سياقتى سالالارداعى سەلبەستىكتى تەرەڭدەتىپ، ادامدى نەگىز ەتۋگە تاباندى بولىپ، گۋمانيتارلىق اۋىس - كۇيىستى كۇشەيتىپ، باياندى دامۋدى جۇزەگە اسىرىپ، وڭىردەگى ەلدەردىڭ حالىقتارىن اناعۇرلىم جاقسى باقىتقا كەنەلتۋ كەرەك. كوپ جاقتىلىقتى قولداپ، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىن قورعاپ، حالىقارالىق قارىم - قاتىناستىڭ دەموكراتيالانۋىن جەبەپ، زورەكەرلىككە، سىڭار جاقتىلىققا قارسى تۇرىپ، دەموكراتيانى، ادامدىق ۇقىقتى جەلەۋ ەتىپ باسقا ەلدەردىڭ ىشكى ىسىنە كيلىگۋگە قارسى تۇرىپ، ءار ەلدىڭ دامۋ جولىن ءوز الدىنا تاڭداۋىن قولداۋ كەرەك. لاڭكەستىككە قارسى تۇرۋ سەلبەستىگىن ىشكەرىلەي كۇشەيتىپ، ”ءۇش ءتۇرلى كۇشكە“ جانە مەملەكەت اتتاعان قىلمىسقا كۇش بىرىكتىرىپ سوققى بەرىپ، ءوڭىردىڭ حاۋىپسىزدىگىن، ورنىقتىلىعىن تىزە قوسا قورعاۋ كەرەك. ”ءبىر بەلدەۋ، ءبىر جول“ باستاماسىنىڭ ەۆروپا - ازيا ەكونوميكالىق وداعى قۇرىلىسىمەن ۇشتاسۋىن ىلگەرىلەتۋدى قولداۋ كەرەك. تاراپتار مىنالاردى ءبىلدىردى: دەنە تاربيە سپورتىن ساياسيلاندىرۋعا قارسى تۇرامىز، جۇڭگونىڭ بەيجيڭ قىسقى وليمپياداسىن، مۇگەدەكتەر قىسقى وليمپياداسىن ءساتتى وتكىزۋىنە قولداۋ كورسەتەمىز. تاراپتار اۋعانستان جاعدايىنا ايرىقشا نازار اۋدارىپ، اۋعانستاننىڭ لاڭكەستىكتىڭ قاتەرىن جويىپ، بەيبىتشىلىك پەن قايتا قۇرۋدى جۇزەگە اسىرۋىن قولدايدى، شاڭحاي سەلبەستىك ۇيىمى وسى ءۇشىن بەلسەندى رول اتقارادى.

  ءماجىلىس يراندى مۇشە ەل ەتىپ قابىلداۋ ءتارتىبىن باستادى، ساۋد ارابياسىن، ەگيپەتتى، كاتاردى جاڭا تىلدەسۋ سەرىكتەرى ەتىپ قابىلدادى.

  ءماجىلىس وزبەكستاننىڭ شاڭحاي سەلبەستىك ۇيىمىنا كەزەكشى ءتوراعا ەل مىندەتىن وتكىزىپ الۋىن ۇيعاردى.

  مۇشە ەلدەر باسشىلارى «شاڭحاي سەلبەستىك ۇيىمى 20 جىلدىعىنىڭ دۋشانبە جارناماسىنا» قول قويدى ءارى ءبىر قىدىرۋ قاۋلىلاردى بەكىتتى. ءماجىلىس عىلىم - تەحنيكادا جاڭالىق اشۋ، استىق حاۋىپسىزدىگى سياقتى سالالارعا ساياتىن سەلبەستىك مالىمدەمەسىن دە جاريالادى.

  ديڭ شۋەشياڭ، ياڭ جيەچى، حى ليفىڭ قاتارلىلار ماجىلىسكە قاتىناستى.

  ءتوراعا شي جينپيڭنىڭ ەرەكشە ۋاكىلى رەتىندە، ۋاڭ ي تاجىكستاندا ناق مايداندا ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.