تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

بۇكىل مەملەكەتتىك ەكولوگيالىق قورشاعان ورتا جۇيەسىنىڭ ”14 - بەسجىلدىق“ مەزگىلىندەگى شينجياڭعا باعىتتامالى كومەكتەسۋ قىزمەتى ءماجىلىسى اشىلدى

  انار بۇلت / شينجياڭ گازەتىنىڭ ءتىلشىسى لي ياڭ 9 - ايدىڭ 18 - كۇنى ۇرىمجىدەن حابارلايدى. 9 - ايدىڭ 17 - كۇنى تۇستەن بۇرىن بۇكىل مەملەكەتتىڭ ەكولوگيالىق قورشاعان ورتا جۇيەسىنىڭ ”14 - بەسجىلدىق“ مەزگىلىندەگى شينجياڭعا باعىتتامالى كومەكتەسۋ قىزمەتى ءماجىلىسى اشىلدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، ەكولوگيالىق قورشاعان ورتا مينيسترلىگىنىڭ مينيسترى حۋاڭ رۇنچيۋ ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ ماجىلىسكە قاتىناستى. ەكولوگيالىق قورشاعان ورتا مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيسترى جاۋ يىڭمين ءماجىلىستى باسقاردى.

  حۋاڭ رۇنچيۋ بىلاي دەپ اتاپ كورسەتتى: ەكولوگيالىق قورشاعان ورتا جۇيەسىنىڭ شينجياڭعا باعىتتامالى كومەكتەسۋ قىزمەتىن ويداعىداي ىستەۋ − شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى ىلگەرىلەتۋدىڭ قاجەتتى تالابى، جۇڭحۋا ۇلتى ورتاق تۇلعا تانىمىن بەرىك ورناتۋدى ىلگەرىلەتۋدىڭ ماڭىزدى تۇتقاسى، شينجياڭنىڭ ەكونوميكاسىن، قوعامىن جوعارى ساپالى دامىتۋدى ىلگەرىلەتۋدىڭ رەال قاجەتى، سونداي - اق شينجياڭنىڭ ەكولوگيالىق وركەنيەت قۇرىلىسىن ىلگەرىلەتۋدە تىڭ ىلگەرىلەۋشىلىكتى جۇزەگە اسىرۋدىڭ شەشۋشى شاراسى. ”13 - بەسجىلدىقتان“ بەرى بۇكىل مەملەكەتتىڭ ەكولوگيالىق قورشاعان ورتا جۇيەسى شينجياڭعا باعىتتامالى كومەكتەسۋ قىزمەتىن ءبىر تۇتاس جوسپارلاپ، ىلگەرىلەتىپ، شينجياڭنىڭ لاستانۋدان ساقتانۋ - جونگە سالۋدان قامال الۋ شايقاسىن ويداعىداي جۇرگىزۋ، ەكولوگيالىق قورشاعان ورتا حاۋىپسىزدىگى قالتقىسىن بەكەمدەۋ، ەكولوگيالىق قورشاعان ورتانى جونگە سالۋ قابىلەتىن جوعارىلاتۋ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ جاعىندا قولداۋ كورسەتىپ، قىرۋار قىزمەتتەر ىستەپ، تىڭعىلىقتى ونىمدىلىككە قول جەتكىزدى. بۇكىل مەملەكەتتىڭ ەكولوگيالىق قورشاعان ورتا جۇيەسى شي جينپيڭنىڭ ەكولوگيالىق وركەنيەت يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، تاراۋلاردىڭ قىزمەت جاۋاپكەرشىلىگىن تۇراقتاندىرۋدى تياناق ەتىپ، ەكولوگيالىق قورشاعان ورتا ساپاسىن جالپى بەتتىك جاقسارتۋدى كوزدەپ، ىسكە كىرىسىپ، قازىرگى مەن ۇزاق بولاشاقتىڭ، تۇنىق سۋ، جاسىل تاۋ − باعالى بايلىقتىڭ، ەل ءىشى مەن حالىقارانىڭ، ”قان بەرۋ“ مەن ”قان جاساۋدىڭ“ قاتىناسىن ويداعىداي يگەرىپ، ەكولوگيالىق قورشاعان ورتا جۇيەسىنىڭ ”14 - بەسجىلدىق“ مەزگىلىندەگى شينجياڭعا باعىتتامالى كومەكتەسۋ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا دەم بەرەدى.

  شوكىرات زاكىر بىلاي دەپ اتاپ كورسەتتى: جۋىق جىلداردان بەرى ەكولوگيالىق قورشاعان ورتا مينيسترلىگى شي جينپيڭنىڭ ەكولوگيالىق وركەنيەت يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماستان دايەكتىلەندىرىپ، تياناقتاندىرىپ، بۇكىل مەملەكەتتىك ەكولوگيالىق قورشاعان ورتا جۇيەسىنىڭ شينجياڭعا باعىتتامالى كومەكتەسۋىن ماڭىزدى ساياسي مىندەت ەتىپ، شينجياڭنىڭ ەكولوگيالىق قورشاعان ورتانى قورعاۋ ىستەرىن ىلگەرىلەتۋدە وراسان زور تابىستارعا قول جەتكىزدى. ەكولوگيانى قورعاۋ تانىمى ۇزدىكسىز كۇشەيدى، لاستانۋدان ساقتانۋ - جونگە سالۋ تەبىنى ۇزدىكىسىز كۇشەيدى، ەكولوگيانى قورعاۋ قۇرىلىسى ۇزدىكسىز ىلگەرىلەدى، ەكولوگيالىق قورشاعان ورتا ۇزدىكسىز جاقساردى، ءار ۇلت بۇقاراسى ءتىپتى دە مول، ءتىپتى دە تاماشا حالىق تۇرمىسى ىرىس - قۇتىنا كەنەلدى. ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلسىنىڭ رۋحىن، وتە - موتە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋلارى بويىنشا شينجياڭعا كومەكتەسۋ قىزمەتىنىڭ ابزالدىلىقتارىن ويداعىداي پايدالانىپ، تۇلعالىق جاۋاپكەرشىلىكتى اتقارىپ، ءوندىرىسى دامىعان، تۇرمىسى باقۋاتتى، ەكولوگياسى تاماشا وركەنيەتتى دامۋ جولىمەن بۇلجىماي ءجۇرىپ، ەكونوميكالىق قۇرىلىمدى، ەنەرگيا قۇرىلىمىن ۇزدىكسىز ساپالىلاندىرىپ، ەڭ قاتاڭ ەكولوگيالىق قورشاعان ورتانى قورعاۋ ءتۇزىمىن، سۋ بايلىعىن باسقارۋ ءتۇزىمىن بۇلجىماستان اتقارىپ، تاۋ، سۋ، ورمان، ەگىنجاي، كول، جايلىم، ءشولدى ءبىر تۇلعالاندىرا قورعاۋ مەن جۇيەلى جونگە سالۋدى ءبىر تۇتاس جوسپارلاپ، ىلگەرىلەتىپ، جاسىل، تومەن كومىر قىشقىل گازدى دامۋ ۇلگىسىن جانە تۇرمىس ءتاسىلىن قالىپتاستىرۋدى ىلگەرىلەتىپ، اسپانى كوك، جەرى مانات، سۋى تۇنىق كورىكتى شينجياڭدى قۇلشىنا قۇرىپ، شينجياڭنىڭ ەكولوگيالىق وركەنيەت قۇرىلىسىنىڭ جاڭا جاعدايىن اشۋ كەرەك.

  اۆتونوميالى رايون جانە بيڭتۋان باسشىلارىنان پىڭ جيارۇي، جاروللا يسامدين، جاڭ يۇڭ ماجىلىسكە قاتىناستى.

  ماجىلىستە ەكولوگيالىق قورشاعان ورتا مينيسترلىگى جەكە - جەكە اۆتونوميالى رايونمەن، بيڭتۋانمەن ستراتەگيالىق سەلبەستىك جۇلگەلىك كەلىسىمىنە قول قويدى. بەيجيڭ قالاسىنىڭ، جىجياڭ ولكەسىنىڭ، انحۇي ولكەسىنىڭ، جياڭشي ولكەسىنىڭ، شىنجىن قالاسىنىڭ ەكولوگيالىق قورشاعان ورتا تاراۋلارىنداعى جاۋاپتى جولداستار اۋىس - كۇيىس جاساپ، ءسوز سويلەدى. 

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.