− ۋاڭ ي ءتوراعا شي جينپيڭنىڭ شاڭحاي سەلبەستىك ۇيىمى باسشىلار باس قوسۋىنا قاتىناسقاندىعىن تىلگە تيەك ەتتى
شينحۋا اگەنتتىگىنىڭ 9 - ايدىڭ 18 - كۇنى بەيجيڭنەن بەرگەن حابارى. 9 - ايدىڭ 17 - كۇنى ءتوراعا شي جينپيڭ بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 21 - رەتكى ماجىلىسىنە قاتىناستى. ءتوراعا شي جينپيڭنىڭ توتەنشە ۋاكىلى رەتىندە، ناق ۇستىندە ماجىلىسكە قاتىناسقان مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي ماجىلىسكە قاتىناسقاننان كەيىن تىلشىلەرگە ءتوراعا شي جينپيڭنىڭ وسى رەت شاڭحاي سەلبەستىك ۇيىمى باسشىلار باس قوسۋىنا قاتىناسۋىنىڭ ماڭىزدى جەتىستىگى مەن كەلەلى ماڭىزىن تانىستىردى.
ۋاڭ ي بىلاي دەدى: بۇل پارتيا قۇرىلعاندىعىنىڭ 100 جىلدىعىن سالتاناتپەن تويلاعاننان كەيىن، ءتوراعا شي جينپيڭ قاتىناسقان ءبىر رەتكى ماڭىزدى باسشىلار ءماجىلىسى، سونداي - اق بيىل ەلىمىز ەۆروپا - ازيا وڭىرىنە باعىتتاپ قولدانعان ەڭ ماڭىزدى كوپ جاقتى ديپلوماتيالىق قيمىل. بيىل شاڭحاي سەلبەستىك ۇيىمى قۇرىلعاندىعىنىڭ 20 جىلدىعى. 20 جىلدان بەرى شاڭحاي سەلبەستىك ۇيىمى ”شاڭحاي رۋحىن“ اسقاقتاتۋعا تاباندى بولىپ، شۇعىلالى دامۋ تابىستارىنا قول جەتكىزىپ، مول سەلبەستىك تاجىريبەلەرىن توپتاپ، ءوڭىردىڭ حاۋىپسىزدىگىن، ورنىقتىلىعىن قورعاۋعا، ءار ەلدىڭ دامۋىنا، گۇلدەنۋىنە دەم بەرۋگە ”شاڭحاي سەلبەستىك ۇيىمىنىڭ كۇش - قۋاتىن“ ارنادى، جاڭاشا حالىقارالىق قاتىناس ورناتۋ مەن ادامزاتتىڭ تاعدىرلاس ورتاق تۇلعاسىن قۇرۋعا ماڭىزدى نازاريالىق جانە امالياتتىق ىزدەنىس جاسادى. قازىرءجۇز جىلدىق وزگەرىس پەن عاسىرلىق ىندەت شىرما - شاتۋ قاباتتاسىپ، حالىقارالىق جاعدايدا كۇردەلى دە تەرەڭ وزگەرىس بولدى. مۇشە ەلدەر حالىقتارى شاڭحاي سەلبەستىك ۇيىمىنىڭ دامۋ تابىستارىنان تابىستى تاجىريبە قابىلداپ، اۋەلگى ماقساتتان، بورىشتان العا باسۋعا كۇش - قۋات الىپ، وڭىردەگى ەلدەردىڭ ورنىقتىلىقتى ساقتاۋىن، دامۋدى جەبەۋىن قولداۋ، حالىقارالىق قوعامنىڭ ادىلدىكتى، تۋراشىلدىقتى قورعاۋىنا باستاماشىلدىق ەتۋ جاۋاپكەرشىلىگى مەن بورىشىن اناعۇرلىم ويداعىداي ارقالاۋىن كۇتۋدە. جوعارىداعىداي جاعدايدا، ءتوراعا شي جينپيڭنىڭ شاڭحاي سەلبەستىك ۇيىمىنىڭ 20 جىلدىعىن اتاپ ءوتۋ باسشىلار ماجىلىسىنە قاتىناسۋى ۇيىمنىڭ دۇرىس دامۋ بەتالىسىن يگەرىپ، ۇيىمنىڭ بولاشاق دامۋ كارتيناسىن كەسكىندەپ، اناعۇرلىم بەرىك شاڭحاي سەلبەستىك ۇيىمى تاعدىرلاس ورتاق تۇلعاسىن قۇرۋدا ايرىقشا كەلەلى ماڭىز الادى.
ۋاڭ ي بىلاي دەدى: باسشىلار ماجىلىسىندە، ءتوراعا شي جينپيڭ «اۋەلگى ماقساتتى ۇمىتپاي، قايراتتانا العا ىلگەرىلەپ، شاڭحاي سەلبەستىك ۇيىمى دامۋىنىڭ جاڭا ساپارىن باستايىق» دەگەن تاقىرىپتا ماڭىزدى ءسوز سويلەدى. شاڭحاي سەلبەستىك ۇيىمىنىڭ وزگەشە بارىسىن ەسكە العان ءتوراعا شي جينپيڭ ساياسي ءوزارا سەنىمدىلىكتى بىرگە جەبەۋ، حاۋىپسىزدىكتى، ورنىقتىلىقتى بىرگە قورعاۋ، گۇلدەنۋدى، دامۋدى بىرگە جوسپارلاۋ، حالىقارالىق ءمورالدىق بورىشتى بىرگە ارقالاۋ سىندى ”شاڭحاي سەلبەستىك ۇيىمى تاجىريبەسىن“ قورىتىندىلادى. شاڭحاي سەلبەستىك ۇيىمىنىڭ نۇرلى بولاشاعىنا كوز جىبەرگەن ءتوراعا شي جينپيڭ ىنتىماقتاسۋ، سەلبەسۋ جولىمەن ءجۇرۋ، زەينەتتى دە، بەينەتتى دە بىرگە وتكەرۋ جولىمەن ءجۇرۋ، ەسىك اشۋ، توعىسۋ جولىمەن ءجۇرۋ، ءوزارا ۇيرەنۋ، ءوزارا ۇلگى الۋ جولىمەن ءجۇرۋ، ادىلدىك، تۋراشىلدىق جولىمەن ءجۇرۋ سىندى ”جۇڭگو جوباسىن“ ورتاعا قويدى. ءتوراعا شي جينپيڭنىڭ ماڭىزدى ءسوزىنىڭ يدەياسى تەرەڭ، مازمۇنى باي، جۇڭگو جاقتىڭ شاڭحاي سەلبەستىك ۇيىمىنىڭ ىرگەسىن قالاۋشى ماڭىزدى مۇشە ەل رەتىندە شاڭحاي سەلبەستىك ۇيىمىنىڭ دامۋىنا ءمان بەرگەندىگىن جانە وعان جەتەكشىلىك ەتكەندىگىن ايگىلەپ، ءتوراعا شي جينپيڭنىڭ ءىرى ەل كوسەمىندىك دارقان پەيىلى مەن ستيلىن كورسەتتى. ءتوراعا شي جينپيڭ ماجىلىسكە قاتىناسقان ءار ەل باسشىلارىمەن وسى ۇيىمنىڭ دامۋ تابىستارى مەن سەلبەستىك بولاشاعى، كەلەلى حالىقارالىق جانە وڭىرلىك ماسەلەلەر توڭىرەگىندە ىشكەرىلەي پىكىر اۋىستىرىپ، جاڭا جاعدايدا حاۋىپ - قاتەرلەرگە، سىن - سايىستارعا قول ۇستاسا توتەپ بەرۋدىڭ، ءوڭىردىڭ ورنىقتىلىعىن، دامۋىن جەبەۋدىڭ جاڭا وي جەلىسى مەن جاڭا شارالارىن بىرگە تالقىلاپ، ءبىر قىدىرۋ ماڭىزدى ورتاق تانىمعا كەلدى. ماجىلىسكە قاتىناسقان ءار ەلدىڭ باسشىلارى شاڭحاي سەلبەستىك ۇيىمىنىڭ 20 جىلدىق دامۋ جەتىستىكتەرىن تولىق تۇراقتاندىرىپ، جۇڭگو جاق ورتاعا قويعان ماڭىزدى باستامانى جوعارى باعالاپ، شاڭحاي سەلبەستىك ۇيىمىنىڭ ءار سالاداعى سەلبەستىگىن تەرەڭدەتىپ، جاڭا ساپارعا اتتانىپ، جاڭا دامۋعا ۇمتىلۋعا ءبىر اۋىزدان قوسىلدى. باسشىلار ءماجىلىسى قول جەتكىزگەن جەتىستىكتەر ۇيىمنىڭ بولاشاقتاعى دامۋىنا ماڭىزدى ىقپال كورسەتەدى، سونداي - اق ءوڭىردىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا وڭ ەنەرگيا ۇستەيدى.
ءبىرىنشى، ”شاڭحاي رۋحى“ تۋىن بيىك ۇستاپ، ىنتىماقتاسۋدى، سەلبەسۋدى ىلگەرىلەتتى. ”شاڭحاي رۋحى“ وسى ۇيىمنىڭ وزەكتى ۇستانىمى، ىنتىماقتاسۋ، سەلبەسۋ وسى ۇيىمنىڭ جەڭىسكە جەتۋدەگى اسىلى. ءتوراعا شي جينپيڭ ساياسي تىلدەسۋدى جانە بايلانىس جاساۋدى، سايكەسۋدى كۇشەيتىپ، ءبىر - ءبىرىنىڭ ءجىتى قاداعالاپ وتىرعان ۇيلەسىمدى ماسەلەلەرىنە قۇرمەت ەتۋ؛ ءتۇزىم سەنىمىن بەكەمدەپ، ءار ەلدىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىن قولداۋ؛ حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىن بەرىك ۇستانىپ، عىلىم رۋحىن اسقاقتاتىپ، حالىقارالىق ىندەتكە قارسى اتتانۋ سەلبەستىگىن ىشكەرىلەي ورىستەتىپ، ۆاكسينانى ءادىل، ۇيلەسىمدى ءبولۋدى ىلگەرىلەتىپ، ۆيرۋستىڭ تەگىن انىقتاۋدى ساياسيلاندىرۋعا باتىل قارسى تۇرۋ كەرەكتىگىن اتاپ كورسەتتى. باسشىلار ءماجىلىسىنىڭ جارناماسىندا مۇشە ەلدەردىڭ ساياسي ءوزارا سەنىمدىلىكتى ارتتىرۋ، جاڭا تيپتى ايدارشا ۆيرۋس وكپە قابىنۋ ىندەتىن ساياسيلاندىرۋعا قارسى تۇرۋ قاتارلىلار جونىندەگى ءبىر اۋىزدى تۇرعىسى قايتالاي دارىپتەلدى، باسشىلار ءماجىلىسى تاعى مۇشە ەلدەردىڭ جاڭا تيپتى ايدارشا ۆيرۋس وكپە قابىنۋ ىندەتىنىڭ ەكونوميكاعا، قوعامعا ءتيىمسىز ىقپالىن جويۋدىڭ 2021 - جىلدان 2023 - جىلعا دەيىنگى ورتاق ۇسىنىس شارا جوسپارىن بەكىتىپ، مۇشە ەلدەردىڭ ىندەت سياقتى سىن - سايىستارعا قول ۇستاسا توتەپ بەرىپ، بىرگە دامۋدى جەبەۋ سەنىمى مەن بەكىمىن ايگىلەدى.
ەكىنشى، جاڭا حاۋىپسىزدىك كوزقاراسىنا تاباندى بولىپ، بەينەتتى دە، زەينەتتى دە بىرگە ارقالاۋدى شىنايى ىسكە اسىردى. كۇردەلى دە الماعايىپ وڭىرلىك حاۋىپسىزدىك جاعدايى الدىندا، ءتوراعا شي جينپيڭ بىلاي دەپ اتاپ كورسەتتى: ورتاق، جالپىلىق، سەلبەستىك، باياندىلىق سىندى حاۋىپسىزدىك كوزقاراسىنا تاباندى بولىپ، ”شىعىس تۇركستان ءىسلام قوزعالىسى“ قاتارلى ”ءۇش ءتۇرلى كۇشكە“ قاتاڭ سوققى بەرىپ، ەسىرتكىگە تيىم سالۋ، شەكارا قورعانىسى سەلبەستىگىن تەرەڭدەتىپ، ۇيىمنىڭ حاۋىپسىزدىك سەلبەستىگى مەحانيزمىن تەزىرەك كەمەلدەندىرىپ، ۇشقارىلىققا قارسى تۇرۋ شارتى سياقتى زاڭدىق حۇجاتتاردى تياناقتاندىرۋدى ىلگەرىلەتىپ، ءار ەلدىڭ باسقارۋ تاراۋلارىنىڭ ورنىقتىلىقتى قورعاۋ، توسىن جاعدايدى ءبىر جاقتى ەتۋ قابىلەتى قۇرىلىسىن كۇشەيتۋ كەرەك. اۋعانستان جاعدايى جونىندە، ءتوراعا شي جينپيڭ بىلاي دەپ باسا دارىپتەدى: ”شاڭحاي سەلبەستىك ۇيىمى − اۋعانستان بايلانىس گرۋپپاسى“ سياقتى تۇعىرلاردان ويداعىداي پايدالانىپ، اۋعانستاندى كەڭ اۋقىمدى، سيىسىمدى ساياسي قۇرىلىم ورناتىپ، ورنىقتى، بايىپتى ىشكى - سىرتقى ساياسات جۇرگىزىپ، بارلىق فورماداعى لاڭكەستىككە باتىل سوققى بەرىپ، توڭىرەكتەگى ەلدەرمەن تاتۋ قاتار تۇرۋعا جەتەكتەۋ كەرەك. وسى رەتكى باسشىلار ءماجىلىسى ”ءۇش ءتۇرلى كۇشكە“ سوققى بەرۋ، ەسىرتكىگە تيىم سالۋ، حالىقارالىق ينفورماتسيا حاۋىپسىزدىگىن قامتاماسىز ەتۋ سياقتى كوپتەگەن حۇجاتتاردى بەكىتىپ، ءار جاقتىڭ حاۋىپسىزدىك ورتاق تۇلعاسىن ورناتۋى ءۇشىن قۇرىش قورعان ورناتادى.
ءۇشىنشى، ناقتى سەلبەستىكتى تەرەڭدەتىپ، ەسىك اشۋدى، توعىسۋدى ىلگەرىلەتتى. شاڭحاي سەلبەستىك ۇيىمىنا مۇشە ەلدەردىڭ ءبارى ەكونوميكانى گۇلدەندىرۋدىڭ، حالىق تۇرمىسىن جاقسارتۋدىڭ ماڭىزدى مىندەتىنە ءدوپ كەلىپ وتىر، ءوزارا پايدا جەتكىزۋ، سەلبەسۋ − ىندەتتىڭ سوققىسىنا توتەپ بەرۋدەگى، ەكونوميكانىڭ جاندانۋىن جەبەۋدەگى تاماشا امال. بۇل جونىندە، ءتوراعا شي جينپيڭ بىلاي دەپ اتاپ كورسەتتى: ساۋدا مەن قارجى قوسۋدى ەركىندەندىرۋدى، قولايلىلاندىرۋدى ۇزدىكسىز ىلگەرىلەتىپ، سيفرلى ەكونوميكاداعى، جاسىل ەنەرگياداعى، وسى زامانعى اۋىل شارۋاشىلىعىنداعى سەلبەستىكتىڭ ارتۋ تۇيىندەرىن تۇلعالاپ، ”ءبىر بەلدەۋ، ءبىر جولدى“ بىرگە قۇرۋدىڭ ءار ەلدىڭ دامۋ ستراتەگياسىمەن، سونداي - اق ەۆروپا - ازيا ەكونوميكالىق وداعى سياقتى وڭىرلىك سەلبەستىكتەرمەن تەرەڭدەي ۇشتاسۋىن ىلگەرىلەتۋ كەرەك. ءتوراعا شي جينپيڭ الداعى 5 جىلدا جۇڭگونىڭ وسى ۇيىمعا مۇشە ەلدەرمەن جالپى ساۋدا سوماسىن 2 تريلليون 300 ميلليارد دوللارعا جەتكىزىپ، شاڭحاي سەلبەستىك ۇيىمى بانكە بىرلەستىگى اياسىندا 2 - مەرزىمدىك ارناۋلى قارىز اقشانى جولعا قويىپ، وسىزاماندانعان ۇلاسۋ - تۇتاسۋ، نەگىزدىك قۇرىلعى قۇرىلىسى، جاسىل، تومەن كومىر قىشقىل گازدى باياندى دامۋ سياقتى ”ءبىر بەلدەۋ، ءبىر جول“ سەلبەستىك نىساندارىنا ءتۇيىندى تۇردە قولداۋ كورسەتەتىندىگىن جاريالادى. باسشىلار ءماجىلىسى جاسىل ەكونوميكا، استىق حاۋىپسىزدىگى سياقتى سالالىق سەلبەستىك جونىندەگى حۇجاتتاردى بەكىتتى، ءارقانداي سىلتاۋمەن كەمسىتۋ سيپاتتى ءتاسىل قولدانىپ سيفرلى ەكونوميكا مەن حابارلاسۋ تەحنيكاسىنىڭ دامۋىنا كەدەرگىلىك جاساۋعا قارسى تۇردى، مۇشە ەلدەر ونەركاسىپ، ەنەرگيا مينيسترلەرى ءماجىلىسى مەحانيزمىن قۇرۋدى ۇيعاردى، جۇڭگونىڭ 2 - كەزەكتى بىرلەسكەن مەملەكەتتەر ۇيىمى الەمدىك باياندى قاتىناس جينالىسىن وتكىزۋىن قارسى الدى. ءار جاق جۇڭگو جاق ورتاعا قويعان باستامانى قارسى الىپ، ءار ەلدىڭ ەكونوميكالىق، قوعامدىق دامۋى ىندەتتىڭ سوققىسىنا ۇشىراعان كەزدە، جۇڭگو جاق شىن نيەتپەن ءار جاقپەن دامۋ ورايىن ءبولىسىپ، جاۋاپكەرشىلىك ارقالايتىن ءىرى ەل وبرازىن ايگىلەدى دەپ قارادى.
ءتورتىنشى، ءوزارا ۇيرەنۋدى، ءوزارا ۇلگى الۋدى كۇشەيتىپ، تاتۋ كورشىلىك دوستىقتى جەبەدى. وركەنيەتتەردىڭ ءوزارا ۇلگى الۋىنىڭ جانە حالىق تىلەگىنىڭ تۇتاسۋى ارقاسىندا، شاڭحاي سەلبەستىك ۇيىمى يدەولوگيا، قوعامدىق ءتۇزىم، دامۋ جولى جاعىنداعى ايىرماشىلىقتاردان اتتاپ ءوتىپ، جاڭاشا مەملەكەتتەر قارىم - قاتىناسىنىڭ ۇلگىسىن ورناتتى. شاڭحاي سەلبەستىك ۇيىمى دامۋىنىڭ حالىق تىلەگى نەگىزىن ونان ارى بەكەمدەۋ ءۇشىن، ءتوراعا شي جينپيڭ عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، كەدەيلەردى سۇيەمەلدەۋ سياقتى كوپتەگەن سالالارداعى سەلبەستىك باستاماسىن ورتا قويدى، بۇل الداعى 3 جىلدا جۇڭگو جاقتىڭ شاڭحاي سەلبەستىك ۇيىمىنا مۇشە ەلدەرگە كەدەيلەردى سۇيەمەلدەۋ بويىنشا 1000 ادام باۋلىپ بەرۋ، 10 لۋبان شەبەرحاناسىن قۇرۋ، دەنساۋلىق ساقتاۋ، سالاماتتىق سياقتى سالالاردا 30 سەلبەستىك نىسانىن ورىستەتۋ، جاستار عىلىم - تەحنيكادا جاڭالىق اشۋ تالقى مىنبەرىن وتكىزۋ، ءداستۇرلى ءدارى - دارمەك كاسىپ سالاسى وداعىن قۇرۋ سياقتىلاردى قامتيدى. باسشىلار ءماجىلسى جۇڭگو جاق دارىپتەگەن عىلىم - تەحنيكادا جاڭالىق اشۋ سالاسىنداعى سەلبەستىكتى كۇشەيتۋ جونىندەگى مالىمدەمەنى جاريالاپ، قورشاعان ورتانى قورعاۋ، مادەنيەت، ساياحات، جاستار سياقتى سالالارداعى سەلبەستىك حۇجاتتارىن بەكىتىپ، جۇڭگو جاقتىڭ 2022 - جىلى بەيجيڭ قىسقى وليمپيادا سپورت جارىسىن جانە مۇگەدەكتەر قىسقى وليمپيادا سپورت جارىسىن وتكىزۋىن قارسى الىپ، مۇشە ەلدەردىڭ وسى ۇيىمنىڭ دامۋ جەتىستىكتەرىمەن ءار ەل حالىقتارىن اناعۇرلىم جاقسى يگىلىككە كەنەلتۋدى كۇتۋدەي ورتاق ارمان - تىلەگىن ايگىلەدى.
بەسىنشى، ادىلدىكتى، تۋراشىلدىقتى قورعاپ، كوپ جاقتىلىقتى امالياتتا ايگىلەدى. حالىقاراداعى ىستەردى شەشۋدە ايتىلمىس ”ناقتى قۋات ورنىن“ شىعار ءتۇيىن ەتۋگە، زورەكەرلىك، وكتەمدىك، وزبىرلىق ىستەۋگە بولمايدى، بىرلەسكەن مەملەكەتتەر ۇيىمى ۋستاۆىنىڭ باستى ماقساتى مەن پرينسيبىن بويسۇنۋ ولشەمى ەتىپ، اقىلداسۋعا، بىرگە قۇرۋعا، بىرگە يگىلىكتەنۋگە تاباندى بولۋ كەرەك. ءتوراعا شي جينپيڭ مىنالاردى دارىپتەدى: شىن مانىندەگى كوپ جاقتىلىقتى امالياتتا ايگىلەپ، ەرەجەنى جەلەۋ ەتىپ حالىقارالىق ءتارتىپتى بۇلدىرۋگە قارسى تۇرۋ، قارسىلاسۋ جانە بولشەكتەۋ ارەكەتىنە قارسى تۇرۋ؛ ءوزارا پايدا جەتكىزىپ، تەڭ يگىلىككە كەنەلۋ سىندى سەلبەستىك كوزقاراسىن بەرىك ساقتاپ، ساۋدانىڭ، قارجى قوسۋدىڭ، تەحنيكانىڭ اراسىن بولەتىن بيىك داۋالدى، قامالدى شاعىپ، سيىسىمدى، جالپىعا ءتيىمدى دامۋ كەلەشەگىن قالىپتاستىرۋ كەرەك. شاڭحاي سەلبەستىك ۇيىمىنا مۇشە ەلدەر بىلاي دەپ قارادى: بۇل دارىپتەمەلەر ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قارىم - قاتىناس ورناتۋدى ىلگەرىلەتۋدە، ادامزاتتىڭ تاعدىرلاس ورتاق تۇلعاسىن ورناتۋدىڭ ورتاق ۇستانىمىن قالىپتاستىرۋدا كەلەلى رەال ماڭىزعا يە. ءار جاق بىلاي دەپ باسا دارىپتەدى: شاڭحاي سەلبەستىك ۇيىمى كوپ جاقتىلىقتا ۇزدىكسىز بەرىك تۇرىپ، توپتاندىرۋ، يدەولوگيالاندىرۋ جانە قارسىلاسۋ ويى ارقىلى ەلەۋلى حالىقارالىق جانە وڭىرلىك ماسەلەلەردى شەشۋگە قارسى تۇرىپ، بىرلەسكەن مەملەكەتتەر ۇيىمىنىڭ سەنترلى سايكەستىرۋ رولىمەن كوپ ۇيەكتەنگەن دۇنيە ارناسىن ورناتىپ، بەيبىتشىلىك، دامۋ سىندى دۇنيە ءجۇزى اعىمىنا ۇيلەسۋدى قۋاتتاپ، دۇنيە ءجۇزىنىڭ ادىلدىگىن، تۋراشىلدىعىن قورعاۋعا ”شاڭحاي سەلبەستىك ۇيىمى ءۇنىن“ شىعارۋى كەرەك.
ۋاڭ ي بىلاي دەدى: وسى رەتكى باسشىلار ءماجىلىسى يراندى مۇشە ەلدىككە قابىلداۋ ءتارتىبىن باستادى، ساۋد ارابياسىن، ەگيپەتتى، كاتاردى جاڭا كەڭەس سەرىكتەرى ەتىپ قابىلداۋدى ۇيعاردى. ”شاڭحاي سەلبەستىك ۇيىمى ۇلكەن شاڭىراعىنىڭ“ ۇزدىكسىز دامۋى، ۇلعايۋى شاڭحاي سەلبەستىك ۇيىمىنىڭ سەلبەستىك ۇستانىمىنىڭ قۇدىرەتتى باۋراۋ كۇشىن ايگىلەدى. ءبىز شاڭحاي سەلبەستىك ۇيىمنىڭ ”شاڭحاي رۋحىن“ ۇزدىكسىز اسقاقتاتىپ، باسقا ەلدەرمەن جانە حالىقارالىق ۇيىمدارمەن دوستىق سەلبەستىك قارىم - قاتىناسىن دامىتىپ، اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ ساتىدا ءار سالاداعى سەلبەستىكتى ىلگەرىلەتىپ، وڭىرلىك جانە حالىقارالىق ىستەردە اناعۇرلىم زور سىندارلى رول اتقارىپ، اناعۇرلىم بەرىك شاڭحاي سەلبەستىك ۇيىمى تاعدىرلاس ورتاق تۇلعاسىن ورناتۋدى ىلگەرىلەتۋ، شاڭحاي سەلبەستىك ۇيىمى دامۋىنىڭ جاڭا تاراۋىن باستاۋ ءۇشىن قاجىماي - تالماي قۇلشىناتىندىعىنا سەنەمىز.
ۋاڭ ي بىلاي دەدى: سول كۇنى ءتوراعا شي جينپيڭ تاعى بەينە ەكران تاسىلىمەن شاڭحاي سەلبەستىك ۇيىمىنىڭ جانە كوللەكتيۆ حاۋىپسىزدىك شارتى ۇيىمىنا مۇشە ەلدەر باسشىلارىنىڭ اۋعانستان ماسەلەسى جونىندەگى بىرلەسكەن باس قوسۋىنا قاتىناستى. ءتوراعا شي جينپيڭ جۇڭگو جاقتىڭ اۋعانستان جاعدايى جونىندەگى پرينسيپتىك تۇرعىسىن بايانداپ، ءار جاقتىڭ اۋعانستاننىڭ يەلىك ۇقىعىنا، تاۋەلسىزدىگىنە، تەرريتوريا تۇتاستىعىنا قۇرمەت ەتۋ العى شارتىندا، ”اۋعانستاندىقتار باس بولۋ، اۋعانستاندىقتار يە بولۋ“ پرينسيبىن دايەكتىلەندىرۋگە كومەكتەسىپ، اۋعانستان حالقىنىڭ ءوز - وزىنە قوجايىن بولا وتىرىپ مەملەكەتتىڭ بولاشاعىن، تاعدىرىن مەڭگەرۋىنە مۇمكىندىك جاساۋ كەرەكتىگىن باسا دارىپتەدى. ءتوراعا شي جينپيڭ وسى جونىندە 3 ۇسىنىستى ورتاعا قويدى: ءبىرىنشى، اۋعانستان جاعدايىنىڭ تەزىرەك ورنىقتى وتكەرىلۋىن ىلگەرىلەتۋ. اۋعانستاننىڭ ەل ىشىندەگى ءار جاقتىڭ تىلدەسۋ، كەڭەسۋ ارقىلى ەرتەرەك سيىسىمدى ساياسي ورنالاستىرۋعا قول جەتكىزىپ، ۇستىنەن وڭاۋ مەن تۇبىرىنەن وڭاۋدى بىردەي جۇرگىزۋ ادىسىمەن لاڭكەستىك كۇشتەردى تۇبىرىنەن جويۋىنا قولداۋ كورسەتۋ كەرەك. ەكىنشى، اۋعانستانمەن كەزدەسۋ، تىلدەسۋ وتكىزۋ. زەردەلى دە ناقتى تۇرعىنى شىعار ءتۇيىن ەتىپ، اۋعانستانداعى ءار جاقتارمەن ىقپالداستىق جاساپ، اۋعانستاندى بايىپتى، ورنىقتى ىشكى - سىرتقى ساياسات ۇستانۋعا جەتەكتەۋ كەرەك. ءۇشىنشى، اۋعانستان حالقىنىڭ قيىن كەزەڭنەن وتۋىنە كومەكتەسۋ. اۋعانستانعا گۋمانيتارلىق جانە ىندەتكە قارسى اتتانۋ جاعىنان دەر كەزىندە قولداۋ كورسەتۋ كەرەك، جۇڭگو جاق ءبىر توپ شۇعىل كومەك زاتتىق ماتەريالىن تەزىرەك جونەلتەدى ءارى قولىنان كەلگەنىنشە ۇزدىكسىز كومەكتەسەدى. ءتوراعا شي جينپيڭ مىنانى دا باسا دارىپتەدى: اۋعانستاندى مۇشكىل جاعدايعا قالدىرۋشى رەتىندە، كەيبىر ەلدەر وتكەندەگىدەن كوبىرەك ساباق قابىلداپ، اۋعانستاننىڭ بولاشاقتاعى دامۋى ءۇشىن وتەۋگە ءتيىستى جاۋاپكەرشىلىگىن ارقالاۋ كەرەك.
ۋاڭ ي سوڭىندا مىنالاردى ءبىلدىردى: اۋعانستان تاريحىندا جاڭا پاراق اشىلۋدا، وراي مەن سىن - سايىس، قيىنشىلىق پەن ءۇمىت قاتار ءومىر ءسۇرىپ وتىر. شاڭحاي سەلبەستىك ۇيىمى مەن كوللەكتيۆ حاۋىپسىزدىك شارتى ۇيىمىنا مۇشە ەلدەردىڭ بارلىعى اۋعانستاننىڭ جاقىن كورشىلەرى، بىرلەسكەن باسشىلار باس قوسۋىن وتكىزۋ ەكى ۇيىمنىڭ ەرەكشە ارتىقشىلىعى مەن ءارقايسىسىنىڭ ىقپالىن ساۋلەلەندىرىپ، حالىقارالىق قوعامعا اۋعانستاننىڭ بىلىقپالىقتى تيىپ، ورنىقتىلىققا قايتا ورالۋىن، بەيبىتشىلىكتى قايتا ورناتۋىن ىلگەرىلەتۋ جونىندە بەلسەندى سيگنال تاراتۋعا سەپتىگىن تيگىزەدى. ءار ەلدىڭ پىكىرلەسۋدى، سايكەسۋدى كۇشەيتىپ، قول ۇستاسا قۇلشىنىپ، اۋعانستان حالقىنىڭ جارقىن بولاشاقتى بەتكە الىپ، ءوڭىردىڭ باياندى بەيبىتشىلىگىن، تىنىشتىعىن قورعاۋىنا قولداۋ كورسەتەتىندىگىنە سەنەمىز.
