تيانشان تورى   ›   جاڭالىقتار   ›   ماڭىزدى حابارلار

شي جينپيڭ لاتىن امەريكاسى جانە كارايب ەلدەرى ورتاق تۇلعاسىنىڭ 6 - كەزەكتى باسشىلار ماجىلىسىندە بەينە ەكران ارقىلى ءسوز سويلەدى

9 - ايدىڭ 18 - كۇنى لاتىن امەريكاسى جانە كارايب ەلدەرى ورتاق تۇلعاسىنىڭ 6 - كەزەكتى باسشىلار ءماجىلىسى مەكسيكانىڭ استاناسى مەحيكو قالاسىندا وتكىزىلدى. لاتىن امەريكاسى جانە كارايب ەلدەرى ورتاق تۇلعاسىنا كەزەكتى ءتوراعا ەل مەكسيكانىڭ ۇسىنىسىمەن مەملەكەت ءتوراعاسى شي جينپيڭ باسشىلار ماجىلىسىندە بەينە ەكران ارقىلى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 9 - ايدىڭ 18 - كۇنى بەيجيڭنەن بەرگەن حابارى. 9 - ايدىڭ 18 - كۇنى لاتىن امەريكاسى جانە كارايب ەلدەرى ورتاق تۇلعاسىنىڭ 6 - كەزەكتى باسشىلار ءماجىلىسى مەكسيكانىڭ استاناسى مەحيكو قالاسىندا وتكىزىلدى. لاتىن امەريكاسى جانە كارايب ەلدەرى ورتاق تۇلعاسىنا كەزەكتى ءتوراعا ەل مەكسيكانىڭ ۇسىنىسىمەن مەملەكەت ءتوراعاسى شي جينپيڭ باسشىلار ماجىلىسىندە بەينە ەكران ارقىلى ءسوز سويلەدى.

  شي جينپيڭ بىلاي دەپ اتاپ كورسەتتى: 10 جىلدىڭ الدىندا لاتىن امەريكاسى جانە كارايب ەلدەرىنىڭ دەربەس ءوز - وزىنە قوجايىن بولۋعا، بىرلەسىپ ءوزىن الۋەتتەندىرۋگە ۇمتىلۋ قۇلشىنىسى ارقىلى لاتىن امەريكاسى جانە كارايب ەلدەرى ورتاق تۇلعاسى اۋقىمعا قاراي دۇنيەگە كەلدى، بۇل − وڭىرلىك ءبىر تۇلعالانۋ ۇردىسىندەگى بەلەستىك وقيعا. 10 جىل ىشىندە لاتىن امەريكاسى جانە كارايب ەلدەرى ورتاق تۇلعاسى ءوڭىردىڭ بەيبىتشىلىگىن، ورنىقتىلىعىن قورعاۋ، بىرگە دامۋدى جەبەۋ ءۇشىن ماڭىزدى رول اتقاردى. جۇڭگو جاق لاتىن امەريكاسى جانە كارايب ەلدەرى ورتاق تۇلعاسىمەن قارىم - قاتىناستى دامىتۋعا ايرىقشا ءمان بەرەدى، لاتىن امەريكاسى جانە كارايب ەلدەرى ورتاق تۇلعاسىنىڭ وڭىردەگى ەلدەردىڭ سەلبەستىك ورىستەتۋىن، سىن - سايىستارعا توتەپ بەرۋىن سايكەستىرۋىن قولدايدى. 2014 - جىلى 7 - ايدا مەن جانە وڭىردەگى ەلدەردىڭ باسشىلارى جۇڭگو − لاتىن امەريكاسى جانە كارايب ەلدەرى ورتاق تۇلعاسى تالقى مىنبەرىنىڭ قۇرىلعاندىعىن بىرگە جاريالاپ، جۇڭگو − لاتىن امەريكاسى جانە كارايب ەلدەرى جالپىلىق سەلبەستىگىنىڭ جاڭا جولىن اشتىق. 7 جىلدان بەرى جۇڭگو − لاتىن امەريكاسى جانە كارايب ەلدەرى ورتاق تۇلعاسى تالقى مىنبەرى قارىشتاپ دامىپ، جۇڭگو − لاتىن امەريكاسى جانە كارايب ەلدەرىنىڭ ءارقايسى سالالارىنداعى دوس كۇشتەردى ۇيىستىراتىن باستى تۇعىرعا اينالىپ، جۇڭگو − لاتىن امەريكاسى جانە كارايب ەلدەرى قارىم - قاتىناسىن تەرەڭدەتۋگە ماڭىزدى ۇلەس قوستى.

  شي جينپيڭ بىلاي دەپ باسا دارىپتەدى: حالىقارالىق اۋمالى - توكپەلى وزگەرىستى باستان كەشىرگەن جۇڭگو − لاتىن امەريكاسى جانە كارايب ەلدەرى قارىم - قاتىناسى تەپە - تەڭ بولعان، ءوزارا تيىمدىلىك جەتكىزگەن، جاڭالىق اشقان، ەسىك اشقان، حالىققا ءتيىمدى بولعان جاڭا داۋىرگە ءوتتى. جۇڭگو − لاتىن امەريكاسى جانە كارايب ەلدەرى دوستىعى كۇن وتكەن سايىن جاڭارىپ، جۇرت كوڭىلىنەن تەرەڭ ورىن الدى. بىلتىردان بەرى تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، جۇڭگو − لاتىن امەريكاسى جانە كارايب ەلدەرى ءبىر - بىرىنە قارايلاسىپ، ىندەتكە قارسى اتتانۋدىڭ جان - جاقتىلى سەلبەستىگىن ورىستەتتى. جۇڭگو جاق لاتىن امەريكاسى جانە كارايب ەلدەرىنە شاماسىنىڭ كەلگەنىنشە ۇزدىكسىز كومەكتەسىپ، وڭىردەگى ەلدەردىڭ ىندەتتى ەرتەرەك جەڭىپ، ەكونوميكالىق، قوعامدىق دامۋدى قالپىنا كەلتىرۋىنە دەم بەرەدى. جۇڭگو لاتىن امەريكاسى جانە كارايب ەلدەرىمەن بىرگە ۋاقىتتىق قيىندىقتى ەڭسەرىپ، بىرگە وراي جاراتىپ، جۇڭگو − لاتىن امەريكاسى جانە كارايب ەلدەرى تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋدى قالايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.