تيانشان تورى   ›   جاڭالىقتار   ›   شينجياڭ حابارلارى

ىنتىماقتى بەرەكەلى شاڭىراقتا وتباسى - وتان سۇيىسپەنشىلىگىن تىلگە تيەك ەتتى

 — رايونىمىزداعى ءار ۇلت كادر - بۇقاراسى مەرەكەنى تويلادى

□ انار بۇلت / شينجياڭ گازەتىنىڭ تىلشىلەرى

  التىن كۇز مەزگىلى، قاۋىن - قاربىز، جەمىس - جيدەكتىڭ حوش ءيىسى اڭقيدى. جۇڭچيۋ مەرەكەسى كەلۋ بايلانىسىمەن، تيانشان الابىنداعى قىستاقتاردا تۇراتىن كادرلار، جۇپ قۇراپ، تۋىس بولعان كادرلار جانە ءار ۇلت جۇرتشىلىعى بىرگە، فورماسى الۋان ءتۇرلى جۇڭچيۋ مەرەكەسىن قۇتتىقتاۋ دوستىق بىرلەسكەن قيمىلدارىن ورىستەتىپ، وتباسى مەن وتاننىڭ توعىسۋىن، وتاننىڭ گۇلدەنۋىن تىلەگەن اقجارما تىلەكتەرىن ايتىستى، قۋانىشقا، اسەرگە، مەيىرگە تولى كورىنىستەر جەر - جەردە ۇزدىكسىز جارىققا شىقتى.

مەرەكەنى باس قوسىپ تويلاپ، پارتيانىڭ مەيىرىنە العىس ايتتى

  ”الدىمەن جاڭعاق ءدانى، مەيىز، راۋشانگۇل توسابى، بال سياقتى ماتەريالداردى بىرگە ارالاستىرىپ الىپ، ونان سوڭ قامىردىڭ اراسىنا سالىپ ءتۇيىپ قالىپتىڭ ورتاسىنا قويىپ، اقىرىن عانا باسساق بولدى دايىن بولادى“. 9 - ايدىڭ 17 - كۇنى حوتان قالاسى جييا اۋىلى شاقمالى قىستاعى قىستاق تۇرعىندار كوميتەتىندە، حوتان مينحۋان ازىق - تۇلىك مانەرلەۋ شەكتى سەرىكتەستىگىنىڭ بالكۇلشە شەبەرى گۇزالنۇر قاسىم قىزمەت اترەتىنىڭ مۇشەلەرى مەن قىستاق تۇرعىندارىنا ايكۇلشە جاساۋدى قولما - قول ۇيرەتىپ جاتىر ەكەن.

  ”بۇگىن قىزمەت اترەتىندەگىلەر مەن قىستاق تۇرعىندارى بىرگە ايكۇلشە جاسادى، وتە ءماندى بولدى، ايكۇلشە وتە ءدامدى ەكەن!“ - دەدى شينجياڭ ينجەنەريا شۋەيۋانىنان ”ۇعىسۋ، تيىمدىلىك جاساۋ، توعىستىرۋ“ بويىنشا وسى قىستاقتا تۇراتىن قىزمەت اترەتىنىڭ ورىنباسار باستىعى شياۋ پان.

  ءدوپ - دوڭگەلەك ايكۇلشەلەردى ۇستەلگە ءتىزىپ، ”ىنتىماق، جاراسىمدىلىق“ دەگەن جازۋلار ويىپ باسىلعان نانداردى قابىرعاعا ءىلىپ، جاڭادان جينالعان جۇگەرىدەن اۋلانىڭ ورتالىعىنا ”جۇڭچيۋ، باس قوسۋ“ دەگەن ارىپتەردى ءتىزىپ قويىپتى... 9 - ايدىڭ 19 - كۇنى تاڭەرتەڭ كوكتوعاي اۋداندىق پارتكوم ۇگىت بولىمىنەن كۇرتى اۋىلى دالا اۋىز قىستاعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى، تۋىستاسقان كادرلار قىستاقتاعى ساقا پارتيا مۇشەسى تاباراك قازىبەكتىڭ ۇيىنە كەلىپ، جۇڭچيۋ مەرەكەسىن شاتتىقپەن قارسى الۋ قيمىلى مايدانىن بىرگە دايىندادى.

  ”جۇڭچيۋ ءبىر ءۇيلى جان باس قوساتىن كۇن، ءبىز’تۋىستارىمىزبەن‘ بىرگە مەرەكە وتكىزگەندە توتەنشە باقىتتى سەزىنەمىز. بيىل استىقتان مول ءونىم الىپ قالماستان، ۇلتتار ىنتىماعىنىڭ دوستىق سۇيىسپەنشىلىگىنەن دە مول ءونىم الدىق، وتانىمىزدىڭ گۇلدەنىپ - كوركەيە بەرۋىن شىن جۇرەكتەن تىلەيمىز“، - دەدى تاباراك.

دوستىق سۇيىسپەنشىلىكتى اڭگىمەلەپ، جۇرەكتەردى توعىستىردى

  9 - ايدىڭ 15 - كۇنى ءپايزاۋات اۋدانى حوساۋات قالاشىعى شاللىق قىستاعىندا اۆتونوميالى رايوندىق سالىق ىستەرى مەكەمەسىنىڭ 2 - دارەجەلى شارلاۋشىسى جاڭ جياسۇن تاڭەرتەڭ ەرتە جۇپ قۇراعان تۋىسى مۇسا ناسىرديننىڭ ۇيىنە كەلىپ، ول ۇيدەگى 4 جاندى قىستاقتا وتكىزىلىپ جاتقان سۇيىسپەنشىلىكتى توعىستىرۋ ۇگىت لەكسيا قيمىلىنا ۇسىنىس ەتتى.

  ۇعىسۋعا قاراعاندا، اۆتونوميالى رايوندىق سالىق ىستەرى مەكەمەسى وسى رەتكى سۇيىسپەنشىلىكتى توعىستىرۋ ۇگىت لەكسيا قيمىلىن قىستاق تۇرعىندارىنىڭ ءوندىرىس، تۇرمىس جاعدايىمەن بىرلەستىرىپ، تۋىسىنا امال كورسەتىپ، جول قاراستىرىپ، تۇعىر ازىرلەپ، اۋىل شارۋاشىلىعىنا ساياتىن سالىق قاراجاتى تيىمدىلىك ساياساتىن زور كۇشپەن ۇگىتتەپ، نەگىزگى ساتىداعى بۇقارانىڭ وي جەلىسىن كەڭەيتۋىنە كومەكتەسكەن.

  توعىزتاراۋ اۋداندىق پارتكومنىڭ بىرلىكساپ بولىمىنەن، ساۋدا - ونەركاسىپشىلەر بىرلەستىگىنەن توعىزتاراۋ قالاشىعى گۇڭلياڭ الەۋمەتتىك اۋماعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن الەۋمەتتىك اۋماق ”ەكى كوميتەتى“ ”جۇڭچيۋ مەرەكەسىندە شاتتىقپەن باس قوسىپ، ۇلتتار ىنتىماقتاسا بىرگە مەرەكەنى تويلاۋ“ بىرلەسكەن دوستىق قيمىلىن ورىستەتتى.

  قىزمەت اترەتىنىڭ مۇشەسى چىن مىڭجۇن مەن تۇرعىن حالچىبي مامەت بىرگە ۇن يلەپ، قيما دايىنداپ، گۇل باسىپ جاتىر، ازدان سوڭ ادەمى ايكۇلشەلەر پىسىپ شىعادى. حالچىبي قۋانا: ”جۇڭچيۋ مەرەكەسىندە ءار ۇلتتىڭ ءبىر جەرگە جينالۋى توعىسقاندىق، ءتاپ - ءتاتتى ايكۇلشە جانە قاۋىن - قاربىز، جەمىس - جيدەكتى جەي وتىرىپ شاتتانا بيگە باستىق، قازىرگى تۇرمىسىمىز بالدان ءتاتتى“، - دەدى.

باقىتتى تىلگە تيەك ەتىپ، بولاشاققا كوز جىبەردى

  9 - ايدىڭ 15 - كۇنى تاڭەرتەڭ ەرتە، ءپىشان اۋدانى پىچان قالاشىعى لاڭگار قىستاعىنىڭ تۇرعىنى باكىر ابىلەز وتباسىنىڭ جۇزىمدىگىندەگى ءجۇزىم سورەسىنىڭ استىندا ءبىر توپ ەرىكتى قاربالاس جۇمىس ىستەپ جاتىر.

  وسى ەرىكتىلەر ءپىشان اۋداندىق حالىق ۇكىمەتى كەڭسەسىنىڭ پارتيالى كادرلارى ەدى. سول كۇنى ولار جۇپ قۇراپ تۋىستاسقان تۋىستارىنىڭ جۇزىمدىگىنە بارىپ، ءجۇزىم ۇزۋگە كومەكتەستى. پارتيا مۇشەسى قالبينۇر ومەر كۇلە سويلەپ: ”مەرەكە كەلۋ بايلانىسىمەن، ءبىز قىستاق تۇرعىندارىمەن بىرگە ەڭبەك ىستەپ، مەرەكەنى تويلاۋمەن بىرگە، مول ونىمگە دە كۋا بولدىق، كوپشىلىك قاتتى قۋانىشتى“، - دەدى.

  9 - ايدىڭ 18 - كۇنى ساۋان قالاسى چيانچۋانحۋداعى جياڭشينيۋان باعىمشىلىق الاڭىندا باعىمشى ليۋ اييۇن مەن قىزمەت اترەتىنىڭ مۇشەلەرى تورمەن وڭتۇستىك امەريكا اق قوساقتى سۋ شايانىن ۇستاۋدا. ”وتباسىمىزدىڭ سۋ ونىمدەرى باعىمشىلىعىنىڭ جەر اۋدانى 280 مۋ. جۋىقتان بەرى تاپسىرىس كوبەيدى، مەنىڭ جەتىسە الماي جاتقاندىعىمدى كورگەن قىزمەت اترەتىنىڭ مۇشەلەرى تۇگەل كەلىپ ماعان كومەكتەسىپ جاتىر“، - دەدى ليۋ اييۇن.

  ”جۇڭچيۋ قارساڭىندا قىزمەت اترەتى اۋلاۋعا قول ۇشىن بەرۋمەن بىرگە، ساتۋ ارناسىن كەڭەيتۋگە دە بەلسەنە كومەكتەسىپ، ەگىنشىلەردىڭ كىرىسىن ارتتىردى. ەرىكتىلەردىڭ ەگىنشىلەرگە كومەكتەسۋ قيمىلىنا قاتىناسۋ ارقىلى كوپشىلىكتىڭ بىرگە ءوندىرىس جۇرگىزىپ، تۇرمىس كەشىرۋ بارىسىندا سۇيىسپەنشىلىكتەرىن ارتتىرۋىنا جاعداي جاساۋ ءار ۇلت بۇقاراسىنىڭ قول ۇستاسا بىرگە ىلگەرىلەيتىن وڭ ەنەرگيانى تاسقىنداتۋىنا پايدالى“، - دەدى ساۋان قالالىق ۇكىمەت كەڭسەسىنەن شاڭحۋدي اۋىلى شياۋكاڭ قىستاعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي بيان شاۋبو.

  (ءتىلشى جاڭ تيڭ، قاتىناسقان تىلشىلەر ءپاريزات ابدۇل، ۋاڭ شينحۇڭ، جازيرا نەسىپبەك، جاڭ رۇيلين، ءرايدا، ەرىكتى تىلشىلەر حۋ جينلياڭ، لۋ شۋە)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.