لي جياڭحى:
قىستاق تۇرعىندارىن اۋىل - قىستاقتى گۇلدەندىرۋ جولىن جاقسى باسۋعا باستادى
□ انار بۇلت / شينجياڭ گازەتىنىڭ ءتىلشىسى لياڭ ليحۋا، ەرىكتى ءتىلشى لي شيا
”وتكەن ءبىر جىلدا تۇتاس قىستاقتاعىلار جۇدىرىقتاي جۇمىلىپ، اۋىل - قىستاقتى گۇلدەندىرۋ جولىندا ارشىندى قاداممەن العا باستى، قىستاق تۇرعىندارىنىڭ تۇرمىسى بارعان سايىن جاقسارا ءتۇستى“، - دەدى 9 - ايدىڭ 17 - كۇنى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعان ءبىر جىلدان بەرى ىنتىماق قىستاعىنىڭ كۇننەن - كۇنگە جاڭارعان تاماشا بەينەسىن ەسكە العان اۆتونوميالى رايوندىق پارتكوم ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ ياركەن اۋدانى باعاۋات اۋىلى ىنتىماق قىستاعىندا تۇراتىن ءبىرىنشى شۋجيى لي جياڭحى تەبىرەنىسپەن.
ىنتىماق قىستاعى كەزىندە اۆتونوميالى رايون دارەجەلى اۋىر كەدەي قىستاق بولاتىن. 2018 - جىلى 1 - ايدا لي جياڭحى ىرىقتىلىقپەن ءوتىنىش بەرىپ، ىنتىماق قىستاعىنا كەلىپ ءبىرىنشى شۋجيلىك مىندەت وتەدى.
3 جىلدان استام ۋاقىتتان بەرى لي جياڭحى قىزمەت اترەتىن باستاپ، جاپالى، ناقتى قىزمەتتەر ىستەپ، قونىس ورتاسىن وڭاپ، جول شارت - جاعدايىن جاقسارتىپ، كىرىستى ارتتىرۋ ارنالارىن كەڭەيتىپ، قىستاق تۇرعىندارىنىڭ رۋحاني مادەنيەت تۇرمىسىن بايىتتى... كەزىندەگى ارتتا قالعان قىستاق قازىر ياركەن اۋدانىنداعى اۋىل - قىستاقتى گۇلدەندىرۋدەن ۇلگى كورسەتۋدەگى جەتەكشى قىستاق قاتارىنا ءوتتى.
لي جياڭحىنىڭ ەڭبەگىن قىستاق تۇرعىندارى كوزدەرىمەن كورىپ، كوڭىلدەرىنە ءتۇيىپ كەلدى. ”لي شۋجي قايتپاڭىزشى، ءبىزدىڭ دامىپ اۋقاتتانۋىمىزعا جالعاستى جەتەكشىلىك ەتىڭىز“. بيىل 1 - ايدا قىستاقتا تۇرۋ قىزمەت ۋاقىتى تولىپ قايتاتىن كەزىندە قىستاق تۇرعىندارى ونى قايتۋعا قيمادى.
”قايتپايمىن، قىستاق تۇرعىندارىنىڭ تىلەگى مەنىڭ جاۋاپكەرشىلىگىم، پارتيالى كادر رەتىندە قىستاق تۇرعىندارىمەن بىرگە اۋىل - قىستاقتى گۇلدەندىرۋ جولىمەن ويداعىداي ءجۇرۋ باس تارتۋعا كەلمەيتىن جاۋاپكەرشىلىگىم“، - دەيدى لي جياڭحى.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمىن، مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدىڭ ورگانيكالى ۇشتاسۋىن ۇزدىكسىز ىلگەرىلەتۋدى باسا دارىپتەدى. لي جياڭحى باس شۋجيدىڭ تاپسىرماسىن قاشاندا ەسىندە بەرىك ساقتاپ كەلەدى.
اۋىل - قىستاقتى گۇلدەندىرۋدىڭ تەتىگى − كاسىپ سالاسىن گۇلدەندىرۋ. ىنتىماق قىستاعىندا 10 مىڭ 792 مۋ ەگىستىك جەر بار، مۇنىڭ ىشىندە ماقتا ەگىلەتىن جەر اۋدانى 7200 مۋ. ساپانى جوعارىلاتىپ، ونىمدىلىكتى ارتتىرۋ ءۇشىن، لي جياڭحى مەن قىستاق ”ەكى كوميتەتى“ جۇڭگو اۋىل شارۋاشىلىق عىلىم اكادەمياسىنىڭ ماقتا زەرتتەۋ ورنىمەن بەلسەنە بايلانىس جاساپ، ماقتا تۇقىمىن ساپالىلاندىردى، بيىل جۇڭميان 88 - ءنومىرلى ماقتا تۇقىمىن ەنگىزدى، ونىڭ مۋ باسىندىق كىرىسىن 300 يۋان دا 500 يۋان ارتتىرۋعا بولادى.
قىستاق تۇرعىندارىنىڭ جاقىن ماڭدا جۇمىستانىپ، كىرىستەرىنىڭ ورنىقتى ارتۋىن جەبەۋ ءۇشىن بيىل 5 - ايدا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ قىستاقتاعى ۇلتتار ىنتىماعى مادەنيەت الاڭىن جاڭالاپ، ”باقىت شارۋاشىلىق قۇرۋ بازارىن“ كەڭەيتىپ، قىستاقتاعى بۇقارالىق ۇلكەن ساحنانى، كەشكى بازاردى، ”10 شاعىن دۇكەندى“ ءبىر تۇلعالاندىرىپ، ىنتىماق قىستاعى بۇقارالىق شارۋاشىلىق قۇرۋ كوشەسىن قۇرىپ، كەشكى شارۋاشىلىقتى دامىتتى، جەكە تيجارات ورىندارى بۇرىنعى 42دەن 120عا كوبەيدى.
”ادەبيەت - كوركەمونەر كونسەرتى + كەشكى بازار“ ۇلگىسى ارقىلى ىنتىماق قىستاعىنىڭ بۇقارالىق شارۋاشىلىق قۇرۋ كوشەسى تۇتاس اۋىلدىڭ 11 قىستاعىنداعى جانە ماڭايداعى اۋىل - قالاشىقتاردىڭ قىستاق تۇرعىندارىن وسى اراعا كەلىپ شارۋاشىلىق جۇرگىزۋگە جانە تۇتىنۋعا باۋرادى. ادەبيەت - كوركەمونەر كونسەرتىنىڭ جەبەۋىندە كەشكى بازار ساۋداسى كۇسەت بولىپ، ءاربىر جايما ورنىنىڭ ءار كۇنگى كەشكى كىرىسى 300 يۋاننان استى.
كەزىندە ارحيۆ تۇرعىزىلىپ، كارتچكالاندىرىلعان كەدەي وتباسى اركىن سەيىت قازىر كەشكى بازاردان شاراپحانا، قاقتاما ساتۋ جايماسىن اشىپ وتىر، ءتۇرلى كىرىستەرىن قوسقاندا ءار جىلى 60 مىڭ يۋاننان استام كىرىس كىرگىزەدى. ”پارتيانىڭ ابزال ساياساتىنىڭ ارقاسىندا ءبىزدىڭ اۋقاتتانۋ سەنىمىمىز بارعان سايىن نىعايا ءتۇستى“، - دەدى اركىن جۇزىنە باقىت كۇلكىسى ءۇيىرىلىپ.
لي جياڭحى ءۇرتىس 2 جىل اۆتونوميالى رايوننان اۋىر كەدەي قىستاقتارعا بارعان ءبىرىنشى شۋجيلەر اراسىنان وزات جەكە بولىپ باعالاندى، 2020 - جىلى لي جياڭحىنىڭ وتباسى ”مەملەكەتتىك ەڭ تاماشا وتباسى“ بولىپ باعالاندى. لي جياڭحى بىلاي دەدى: اۋىل - قىستاقتى گۇلدەندىرۋ جولىندا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قىستاق تۇرعىندارىنىڭ كىرىستەرىن ارتتىرۋ ارنالارىن مۇمكىندىكتىڭ بارىنشا كەڭەيتىپ، قىستاق تۇرعىندارىن اناعۇرلىم تاماشا تۇرمىسقا باستايمىن.
