ءجۇزىم شارابى كاسىپ سالاسىنىڭ ءارى جاقسى، ءارى تەز دامۋىن بار كۇشپەن ىلگەرىلەتۋ كەرەك

اۆتونوميالى رايون ءجۇزىم شارابى كاسىپ سالاسىنىڭ دامۋىن سايكەستىرۋ، ىلگەرىلەتۋ ءماجىلىسىن اشتى

ءجۇزىم شارابى كاسىپ سالاسىنىڭ ءارى جاقسى، ءارى تەز دامۋىن بار كۇشپەن ىلگەرىلەتۋ كەرەك

　　انار بۇلت / شينجياڭ گازەتىنىڭ ءتىلشىسى جاڭ يانفاڭ 9 - ايدىڭ 20 - كۇنى ۇرىمجىدەن حابارلايدى. 9 - ايدىڭ 20 - كۇنى اۆتونوميالى رايون ءجۇزىم شارابى كاسىپ سالاسىنىڭ دامۋىن سايكەستىرۋ، ىلگەرىلەتۋ ءماجىلىسىن اشىپ، قاتىستى جاعدايلاردان بەرىلگەن مالىمەتتى تىڭداپ، قىزمەت جوباسىن اقىلداسىپ جاساپ، كەلەسى ساتىداعى مىندەتتەردى ورنالاستىردى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ءماجىلىستى باسقاردى ءارى ءسوز سويلەدى.

　　ءماجىلىس مىنالاردى اتاپ كورسەتتى: شينجياڭنىڭ ءجۇزىم شارابى كاسىپ سالاسى نەشە 10 جىلدىق دامۋ ارقىلى ەرەكشەلىگى ايقىن كاسىپ سالاسى ارناسىن بىرتىندەپ قالىپتاستىرىپ، شاراپ اشىتاتىن ءجۇزىم ەگۋ اۋماعى، ءجۇزىم شارابىنىڭ اۋەلگى شاراپ ءونىم مولشەرى سياقتى كورسەتكىشتەردە ەل ىشىندە ماڭىزدى ورىندى يەلەپ، ساپاسىن ءوسىرىپ، ونىمدىلىگىن ارتتىرۋدىڭ، جەدەل دامۋدىڭ نەگىزى مەن شارت - جاعدايىن ازىرلەدى. ءجۇزىم شارابى كاسىپ سالاسىنىڭ دامۋىن جەدەلدەتۋدىڭ كەلەلى ءمانىن جىعا تانىپ، اۆتونوميالى رايوندىق پارتكومنىڭ ءتۇرلى قىزمەت ورنالاستىرۋلارىن بۇلجىماي تياناقتاندىرىپ، ءجۇزىم شارابى كاسىپ سالاسىن شينجياڭنىڭ ەرەكشە، ابزال كاسىپ سالاسى رەتىندە يگەرىپ، شينجياڭنىڭ بۇكىل ەلدىڭ ءجۇزىم شارابى كاسىپ سالاسىنداعى ورنىن، رولىن بەكەمدەپ جانە جوعارىلاتىپ، ءجۇزىم شارابى كاسىپ سالاسىنىڭ ءارى جاقسى، ءارى تەز دامۋىن بار كۇشپەن ىلگەرىلەتۋ كەرەك.

　　ءماجىلىس مىنالاردى باسا دارىپتەدى: ساپالى شيكىزاتپەن قامتاماسىز ەتۋ قابىلەتىن كۇشەيتۋ، كاسىپورىنداردىڭ بازار اشۋىنا كومەكتەسۋ، شينجياڭنىڭ ءجۇزىم شارابى وڭىرلىك الەۋمەتتىك ايگىلى ماركاسىن جاراتۋ، كاسىپ سالاسىنىڭ توعىسا دامۋىن ىلگەرىلەتۋ سياقتى جاقتارعا كۇش سالىپ، رايونىمىزدىڭ ءجۇزىم شارابى كاسىپ سالاسىنىڭ دامۋ دەڭگەيىن ۇزدىكسىز جوعارىلاتۋ كەرەك. ۇيىمدىق قامتاماسىزدىقتى كۇشەيتىپ، ءار جاقتىڭ جاۋاپكەرشىلىگىن قاتايتىپ، قىزمەت بىرىككەن كۇشىن قالىپتاستىرۋ؛ تەكسەرىپ - زەرتتەۋدى ويداعىداي ورىستەتىپ، كاسىپ سالاسىنىڭ دامۋىن ىلگەرىلەتۋگە ورىندى ۇسىنىس بەرۋ؛ قولداۋ تەبىنىن ارتتىرىپ، تاماشا ورتا جاراتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، ءتۇرلى شارالاردىڭ پارمەندى ىلگەرىلەۋىن، ساياساتتاردىڭ تياناقتانىپ، ونىمدىلىك كورسەتۋىن جەدەل ىلگەرىلەتۋ كەرەك.

　　ماجىلىستە اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىندەگى قاتىستى جاۋاپتى جولداس ءجۇزىم شارابى كاسىپ سالاسىنىڭ دامۋىنا قاتىستى جاعدايلاردان مالىمەت بەردى؛ شينجياڭ اۋىل شارۋاشىلىعى داشۋەسى، اۆتونوميالى رايوندىق قوعامدىق عىلىمدار بىرلەستىگى، شينجياڭ قوعامدىق عىلىمدار اكادەمياسى، اۆتونوميالى رايوندىق مادەنيەت، ساياحات مەڭگەرمەسى سياقتى ورىندار پىكىر اۋىستىرىپ، ءسوز سويلەدى.

　　اۆتونوميالى رايوننىڭ باسشىلارىنان باداي، ماڭلىك سەيىت قاتارلىلار ماجىلىسكە قاتىناستى.