جاسىل شارۋا وتباسىلارىنا بەرىلەتىن شاعىن سومالى سەنىمدى قارىز
اۋىل شارۋاشىلىعىنان مول ءونىم الىپ، شارۋالاردىڭ كىرىسىن ارتتىرۋدى جەبەدى
□ انار بۇلت / شينجياڭ گازەتىنىڭ ءتىلشىسى ۋاڭ يۇڭفي
9 - ايدىڭ 17 - كۇنى تۇستە سانجى قالاسى ديانبا قالاشىعى ارچي قىستاعىنىڭ تۇرعىنى لي ۋىنجۇن مەن ايەلى ماقتا اتىزىندا ارام ءشوپ وتاپ، تاياۋ مەزگىلدە باستالاتىن ماقتا تەرۋ ماۋسىمىنا دايىندىق كورىپ جاتتى.
ءتىلشىنىڭ كەلگەنىن كورگەن لي ۋىنجۇن بيىلعى ماقتانىڭ ءوسۋ جاعدايىن اڭگىمەلەدى: ”ماقتانىڭ ءوسۋ جاعدايىن كورگەندە تومەننەن جوعارى قاراي قاراۋ كەرەك، ءبىرىنشى قىرتىس، ەكىنشى قىرتىس، ءۇشىنشى قىرتىس... قاراڭىز، ءار قىرتىستاعى ماقتا ساباعى ماقتا قاۋاشاعىنا تولىپتى ءارى ءتۇيىن جارعان قاۋاشاقتار ەرەكشە تولىق ەكەن، بۇل بيىل ماقتانىڭ ايتارلىقتاي ءونىم بەرەتىندىگىن تۇسىندىرەدى“.
ماقتادان مول ءونىم الۋ فينانس كاسىبىنىڭ قولداۋىنان قول ۇزە المايدى. 2019 - جىلى 11 - ايدا شينجياڭ سانجى اۋىل - قىستاق ساۋدا بانكەسى جارنا شەكتى سەرىكتەستىگى ينتەرنەتتە ”جاسىل شارۋا وتباسى شاعىن سومالى سەنىمدى قارىزىن باسقارۋ جۇيەسىن“ ىسكە قوسىپ، تۇتاس وبلىستا جاسىل شارۋا وتباسىلارىنا شاعىن سومالى سەنىمدى قارىز اقشانى سىناق رەتىندە تاراتتى.
لي ۋىنجۇن بيىل 500 مۋ جەرگە ماقتا ەگىپ، جاسىل شارۋا وتباسىلارىنا بەرىلەتىن شاعىن سومالى سەنىمدى قارىزدان 200 مىڭ يۋان الۋعا ءوتىنىش بەردى. ”بۇل قارىز اقشادان پايدالانىپ، ءبىز سۋلياۋ جارعاق، حيميالىق تىڭايتقىش سياقتى اۋىل شارۋاشىلىعى ماتەريالدارىن ساتىپ الىپ، كوز الداعى قيىنشىلىقتاردى شەشتىك“، - دەدى ليۋ ۋىنجۇن، - مەن قارىز اقشانىڭ جىلدىق ءوسىمى نەبارى ％5.75ەكەنىن، بۇرىنعىدان 4 پايىزعا جۋىق تومەن بولارىن ويلاماعان ەكەنمىن.
ءوسىمى تومەن عانا ەمەس، وسى قارىز اقشامەن اۋىل شارۋاشىلىعى ماتەريالدارىن ارزان باعادا ساتىپ الۋعا بولادى. ديانبا قالاشىعىندا تۇراتىن سانجى قالاسى چۇنشياچيۋدۇڭ اۋىل شارۋاشىلىعى ماتەريالدارىن ساتۋ بولىمىندە ءتىلشى سانجى اۋىل - قىستاق ساۋدا بانكەسى ديانبا تارماق بانكەسىنىڭ شارۋا وتباسىلارىنىڭ جاسىل شارۋا وتباسىلارىنا بەرىلەتىن شاعىن سومالى سەنىمدى قارىز اقشانى بانكە كارتچكاسىنان شىعارىپ الۋىنا ارنايى پايدالانۋى ءۇشىن، وسى دۇكەنگە ءبىر POS اپپاراتىن ورنالاستىرعانىن كوردى.
”شارۋالار وسى قارىز اقشامەن اۋىل شارۋاشىلىعى قۇرال - جابدىقتارىن ساتىپ السا، باعاسى وتە ارزان بولادى. كوپ ەلەمەنتتى سۋدا ەرىگىش تىڭايتقىشتى ايتار بولساق، كارتچكانى اپپاراتقا سۇيكەسە، بۇرىنعى نەسيەمەن الۋعا قاراعاندا، ءار تونناسى 200 يۋان ارزان بولادى. مەن كارتچكانى اپپاراتقا سۇيكەسەم بولعانى، اقشا ەسەبىمە تۇسەدى، نەسيەگە الاتىن اقشا ازايادى، اۋىل شارۋاشىلىعى قۇرال - جابدىقتارىنىڭ ساتىلۋ مولشەرى دە جوعارىلايدى“، − دەدى دۇكەننىڭ قوجايىنى مىڭ جاۋۋىن.
سانجى اۋىل شارۋاشىلىق ساۋدا بانكەسى ديانبا تارماق بانكەسىنىڭ باستىعى جياڭ شينشياڭ بىلاي دەدى: تاراتىلعان ءاربىر جاسىل شارۋا وتباسى شاعىن سومالى سەنىمدى قارىزىن شارۋا وتباسى تەك اۋىل شارۋاشىلىق قۇرال - جابدىقتارىن ساتىپ الۋعا عانا جۇمسايدى. ”بۇرىن شارۋالار قارىز اقشا الىپ باسقاعا پايدالانسا، كومەسكى حاۋىپ - قاتەر تۋىلاتىن. وسى ۇلگىنى قولدانعاننان كەيىن حاۋىپ - قاتەر ازايۋمەن بىرگە، اۋىل شارۋاشىلىعى قۇرال - جابدىقتارى دۇكەنىنىڭ شارۋا وتباسىلارىنا نەسيەگە بەرۋدەن تۋىلاتىن قارجىنى يەمدەنىپ الۋ ماسەلەسى دە شەشىلدى، سونداي - اق شارۋا وتباسىلارىنىڭ اۋىل شارۋاشىلىق قۇرال - جابدىقتارىن ساتىپ الۋىنىڭ جانە بانكەدەن قارىز اقشا الۋىنىڭ وزىندىك قۇنى دا تومەندەتىلىپ، 3 جاق بىردەي يگىلىككە كەنەلدى“.
جاسىل شارۋا وتباسى شاعىن سومالى سەنىمدى قارىزى سانجى وبلىسىنىڭ جاسىل فينانستاعى جاسامپاز ونىمدەرىنىڭ ءبىرى. بىلتىر جىل سوڭىنا دەيىن سانجى وبلىسى سىناق ءتۇيىنى ەتىلگەن 2700 وتباسىنا جاسىل شارۋا وتباسى شاعىن سومالى قارىزىنان 190 ميلليون يۋان بەرۋدى بەكىتىپ، ناق 160 ميلليون يۋانى پايدالانىلدى.
جاسىل شارۋا وتباسىلارىنا بەرىلەتىن شاعىن سومالى سەنىمدى قارىز بارعان سايىن كوپتەگەن شارۋا وتباسىلارىنىڭ قارسى الۋىنا يە بولدى. ديانبا قالاشىعى ارچي قىستاعىنىڭ تۇرعىنى ياۋ جىنشيا بيىل 40 مۋ جەرگە قاربىز ەگىپ، 150 مىڭ يۋان جاسىل شارۋا وتباسىلارىنا بەرىلەتىن شاعىن سومالى سەنىمدى قارىزىن الۋعا ءوتىنىش بەردى. ”بۇرىنعى قارىز اقشالاردىڭ جىلدىق ءوسىمى ％8 اينالاسىندا بولاتىن، بۇل قارىز اقشانىڭ ءوسىمى نەبارى ％5.75 عانا ەكەن، توتەنشە ءتيىمدى بولدى، پارتيانىڭ ابزال ساياساتىنا العىس ايتامىن“، - دەدى ول كۇلىپ.
