انار بۇلت / شينجياڭ گازەتىنىڭ ءتىلشىسى لي ياڭ 9 - ايدىڭ 20 - كۇنى ۇرىمجىدەن حابارلايدى. 9 - ايدىڭ 18 - كۇنى تۇستەن كەيىن، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 136 - رەتكى ۇنەمىلىك ىستەر ءماجىلىسىن باسقارىپ اشىپ، قامتاماسىز ەتۋ سيپاتىنداعى جالدامالى تۇرعىن ۇيلەردى دامىتۋ، اسىرە اپات سيپاتتى اۋا رايىنان ساقتانۋدى جانە وعان توتەپ بەرۋدى كۇشەيتۋ، ”14 - بەسجىلدىقتاعى“ ينفورماتسيالانىپ دامۋدى جەبەۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: قامتاماسىز ەتۋ سيپاتىنداعى جالدامالى تۇرعىن ۇيلەردى دامىتۋ قالاداعى تۇرعىن ءۇي ماسەلەسىن شەشۋدىڭ ءونىمدى جولى، ادامدى وزەك ەتكەن جاڭاشا قالا - قالاشىقتاندىرۋ قۇرىلىسىن ىلگەرىلەتۋدە، ءار ۇلت بۇقاراسىنىڭ تۇرعىلىقتى ءۇيى بولۋىن جەبەۋدە ماڭىزدى رول اتقارادى. حالىقتى وزەك ەتۋگە تاباندى بولىپ، تۇرعىن ءۇيدىڭ ساۋدالاۋعا ەمەس، تۇرۋعا ارنالعان سيپاتىنا تاباندى بولىپ، تۇرعىن ءۇيدىڭ حالىق تۇرمىسىنا پايدالانىلۋ ەرەكشەلىگىن كورنەكتىلەندىرىپ، قامتاماسىز ەتۋ سيپاتىنداعى جالدامالى تۇرعىن ۇيلەرمەن قامداۋدى كەڭەيتىپ، كوپ تۇلعادا قامدالاتىن، كوپ ارنامەن قامتاماسىز ەتىلەتىن، جالداۋ مەن ساتىپ الۋ قاتار جۇرگىزىلەتىن تۇرعىن ءۇي ءتۇزىمىن ورناتۋدى جەبەپ، جۇڭحۋا ۇلتى ورتاق تۇلعا تانىمىن ونان ارى بەرىك ورناتىپ، ءار ۇلت بىتە قايناسقان قوعامدىق قۇرىلىمدى جانە الەۋمەتتىك اۋماق ورتاسىن ۇزدىكسىز كەمەلدەندىرۋ كەرەك. قامتاماسىز ەتۋ سيپاتىنداعى جالدامالى تۇرعىن ۇيلەردىڭ كولەمى مەن جالداۋ اقىسىنىڭ ولشەمىن ۇيلەسىمدى ارناعا ءتۇسىرىپ، شارتقا ۇيلەسەتىن، قالادا ءۇيى جوق جاڭا قالا تۇرعىندارىنىڭ، جاستاردىڭ تۇرعىن ءۇي قيىنشىلىعىن دەن قويا شەشىپ، قالا ىستەرىنىڭ سايكەستى نەگىزدىك قۇرىلعىلارى، حالىققا قولايلى ساۋدالىق قىزمەت وتەۋ قۇرىلعىلارى سياقتىلاردى كەمەلدەندىرىپ، قونىستانۋعا، تۇرمىسقا جايلى ورتا قالىپتاستىرۋ كەرەك.
ءماجىلىس مىنالاردى اتاپ كورسەتتى: جاقىنعى جىلداردان بەرى، اسىرەسە، اپات سيپاتىندىق اۋا رايى ءجيى، كوپ تۋىلۋ اۋقىمى جارىققا شىعىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىنىڭ كۇردەلىلىگىن، ماشاقاتتىلىعىن ارتتىردى. حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ”ۇكىمەت جەتەكشى بولۋ، تاراۋلار بىرلەسە قيمىلداۋ، قوعام ات سالىسۋ، عىلمي قورعانۋ“ پرينسيبىنە تاباندى بولىپ، اۋا رايى اپاتىن باقىلاۋ - ولشەۋ، الدىن الا مالىمەت بەرۋ، ساقتاندىرۋ، حاۋىپ - قاتەرىن باعالاۋ جانە كليماتقا قاتىستى نەگىزدەمەلىك دالەلدەۋ سياقتى قىزمەتتەردى ويداعىداي ىستەپ، جاۋاپكەرشىلىكتى ونان ارى تياناقتاندىرىپ، جۇيەنى كەمەلدەندىرىپ، بايلىقتاردى بىرىكتىرىپ، كۇشتەردى ءبىر تۇتاس جوسپارلاپ، اسىرەسە، اپات سيپاتتى اۋا رايىنا توتەپ بەرۋ قابىلەتىن ۇزدىكسىز جوعارىلاتىپ، توتەنشە جاعدايعا توتەپ بەرۋ جوباسىن كەمەلدەندىرىپ، ەرتە بايقاپ، ەرتە ساقتانىپ، ەرتە دايىندالىپ، ەرتە اتتانىسقا كەلىپ، ەرتە جويىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن ەڭ جوعارى شەكتە قامتاماسىز ەتۋ كەرەك.
ءماجىلىس مىنالاردى اتاپ كورسەتتى: ”14 - بەسجىلدىق“ كەزىندە ەكونوميكانىڭ، قوعامنىڭ جان - جاقتى سيفرلانا دامۋىن جەدەل ىلگەرىلەتۋ سىندى نەگىزگى جەلىنى مىقتاپ ارقاۋ ەتىپ، ورنىقتىلىق بارىسىندا ىلگەرىلەۋگە تاباندى بولىپ، رەفورمالاۋدى، جاڭالىق اشۋدى تەرەڭدەتىپ، سيفرلىق نەگىزدىك قۇرىلعىلاردىڭ تىرەكتىك قابىلەتىن جوعارىلاتىپ، دەرەكتەر بايلىعى قويماسىن قۇرىپ، كەمەلدەندىرىپ، دەرەكتەر بايلىعىن اشۋدى جانە ودان پايدالانۋدى تەرەڭدەتىپ، اۋىل شارۋاشىلىعى، اۋىل - قىستاق، ونەركاسىپ، قىزمەت وتەۋ كاسىپتەرىنىڭ سيفرلانۋعا بۇرىلىس جاساۋىن ىشكەرىلەي ىلگەرىلەتىپ، سيفرلى ۇكىمەت قۇرىلىسىنىڭ دەڭگەيىن جوعارىلاتىپ، جاڭا بۋىن ينفورماتسيا تەحنيكاسى كاسىپ سالاسىن جاڭالىق اشا دامىتىپ، سيفرلى ەكونوميكانىڭ جاڭا باسىمدىعىن تۇلعالاۋ كەرەك.
ءماجىلىس باسقا دا ىستەردى اقىلداستى.
