تيان زىڭفۋ:
تۇزكول قالاشىعىن تىنىش ءومىر، شات - شادىمان تىرشىلىك كەشىرەتىن باقىتتى مەكەنگە اينالدىرامىز
□ انار بۇلت / شينجياڭ گازەتىنىڭ ءتىلشىسى ۋي يۇڭگۇي
التىن كۇز مەزگىلىندە اراتۇرىك اۋدانى تۇزكول قالاشىعىنداعى حۋانسايحۋ كولىنىڭ كورىنىسى كوز تارتىپ، قۇستار سايراپ، گۇلدەردىڭ حوش ءيىسى اڭقيدى. كول بويىنداعى شەت - شەگىنە كوز جەتپەيتىن سازدى ساحارا مەن الىستاعى قارلىق مۇزدىعىنىڭ كوركى ءبىر - بىرىمەن جاراسىم تاۋىپ، بايتاق دالا توسىندە جايىلعان رەڭدى سۋرەتتەن اۋمايدى.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى تۇزكول قالاشىعى دامۋ اياق الىسىن جەدەلدەتىپ، حۋانسايحۋ كولىن وزەك ەتىپ، ەكولوگيالىق اۋىل - قىستاق ساياحاتىن زور كۇشپەن دامىتىپ، شارۋالار شاتتىعى ساياجايىنان 11ىن، ساياحاتشىلار ايالداماسىنان ەكەۋىن تىڭنان سالىپ، ساياحات كورىنىسى، جاسىل اۋىل شارۋاشىلىعى ونىمدەرىن تەرۋ - ءۇزۋ، ءدامدى تاعامدار تۇتىنۋ شوعىرلى ءبىر تۇلعالانعان اينالمالى ساياحات جەلىسىن قالىپتاستىرىپ، 180 نەشە ەگىنشى - مالشىنىڭ جۇمىستانۋىنا، شارۋاشىلىق قۇرۋىنا دەم بەرىپ، ءبىر جىلدان بەرى جان باسىندىق كىرىستى 3500 يۋان ارتتىردى.
”وسى جىلدا تۇزكول قالاشىعىنىڭ باسقا كاسىپ سالالارىندا دا تىڭ سەرپىلىستەر مەن دامۋشىلىقتار بولدى“. جۋىقتا تۇزكول قالاشىعى پارتكومىنىڭ شۋجيى تيان زىڭفۋ تىلشىگە وسىلاي دەدى.
تۇزكول قالاشىعى ارتۇڭگە قىستاعىنداعى قۇمىل قالاسى شينيۋانچيان ەسەك باعىمشىلىعى كاسىپتىك سەلبەستىك كووپەراتيۆى تاماشا ونىمدىلىككە قول جەتكىزدى. بۇل كووپەراتيۆ قالاشىق جاعىنان ەنگىزىلىپ ىرگە تەپكەن بولاتىن. ءبىر جىلدان بەرى قىستاق قولداۋ ساياساتىن بەلسەندىلىكپەن تياناقتاندىرىپ، 229 ەگىنشى - مالشى وتباسىن ساۋىن ەسەك باعۋعا جۇمىلدىردى جانە ولارعا كومەكتەستى. بيىل 9 - ايدىڭ 3 - كۇنى 229 ەگىنشى - مالشى وتباسى سەلبەستىك كووپەراتيۆىنەن 247 مىڭ 320 يۋان پايدا ءبولىسىن الىپ، ءار وتباسىنا ورتا ەسەپپەن 1000 نەشە يۋاننان اينالدى.
تۇزكول قالاشىعى ”ناۋبايشىلار كوشەسىندەگى“ ون نەشە ناۋبايحانانىڭ ساۋداسى كۇسەت. ”بيىل ساياحاتشى كوپ، ساۋدا جاقسى، كۇنىنە 200 − 300 نان ساتىپ، ايىنا 3000 − 4000 يۋان اقشا تابا الامىز“، - دەدى ناۋبايشى ۇستا تۇرعۇن اپەز.
”نان كاسىپ سالاسىن دامىتۋ ارقىلى قىستاق تۇرعىندارىنىڭ ۇيلەرىنىڭ ماڭايىندا - اق شارۋاشىلىق قۇرىپ كىرىسىن ارتتىرۋعا بولادى“. تيان زىڭفۋ بىلاي دەدى: قىستاق تۇرعىندارىن جاقىن ماڭدا جۇمىستانۋعا، شارۋاشىلىق قۇرۋعا جەتەكتەۋ ءتۇيىندى قىزمەتتەردىڭ ءبىرى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، تۇزكول قالاشىعى پارتكومى اۋداندىق پارتكومنىڭ باسشىلىعىندا، ءماجىلىس رۋحىن مۇقيات ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى شىن مانىندە جاقسى يگەرىپ، كاسىپ سالاسىن دامىتۋدى جەدەلدەتۋ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ، تۇزكول قالاشىعىن ەرەكشە ەگىن، مال شارۋاشىلىعى اۋىل - قالاشىعى ەتىپ قالىپتاستىرۋ جولى مەن نىساناسى جونىندە اناعۇرلىم ايقىن تانىم، اناعۇرلىم كوكەي تەستى تىلەك، اناعۇرلىم بەرىك سەنىم ورناتتى.
”جۇڭتو بيولوگياسى“، ”يۇيلۇڭ ءسۇت شارۋاشىلىعى“، ”بيڭشۋە جەمىس شارۋاشىلىعى“... ءبىر جىلدان بەرى تيان زىڭفۋ قالاشىق پارتكوم القاسىنداعىلاردى باستاپ 7 كاسىپورىننىڭ تۇزكول قالاشىعىنا ىرگە تەبۋىن نەمەسە بولىمشە قۇرۋىن جەبەدى، 80 نەشە ەگىنشى - مالشى ءوز جەرىندە، جاقىن ماڭدا جۇمىستانىپ، جان باسىندىق ايلىق كىرىستەرى 3000 يۋاننان استى.
2020 - جىلى تۇزكول قالاشىق پارتكوم كەڭىنەن تەكسەرىپ - زەرتتەۋ ارقىلى شىرعاناق ەگىمشىلىگى جانە بوزەرمەن ەگىمشىلىگى بازاسىن قالىپتاستىرۋدى ۇيعارادى، قازىر 3000 مۋ جەردە شىرعاناق ورمانى، 80 بوزەرمەن جىلىجايى سالىنىپ بولدى. باعىمشىلىق كاسىبى جاعىندا تۇزكول قالاشىعى باعىمشىلىق ءىرى وتباسىلارىن بەلسەندىلىكپەن جەبەپ، بۇكىل قالاشىقتا 550 سەمينتال سيىر باعىلاتىن كولەم قالىپتاستىردى.
ءبىر جىلدان بەرى تۇزكول قالاشىعى وقۋ - اعارتۋ، دەنساۋلىق ساقتاۋ، سۋ ىستەرى، تۇرعىن ءۇي سياقتى جاقتاردا ءبىر توپ نەگىزدىك قۇرىلعىلار مەن الەۋمەتتىك قىزمەت وتەۋ قۇرىلعىلارى نىسانى قۇرىلىسىن جۇرگىزىپ، نەگىزگى كوشەنى جارىقتاندىرۋدى، كورىكتەندىرۋدى، جاسىلداندىرۋدى جۇزەگە اسىرىپ، ءدامدى تاعام، زات ساتىپ الۋ، سەيىل - سەرۋەن، كوڭىل اشۋ ءبىر تۇلعالانعان جالپىلىق قىزمەت وتەۋ ورتالىعىن سالدى، سونداي - اق اۆتوكولىك توقتاتۋ الاڭىن، جاياۋلار كوشەسىن، بۇقارالىق سەيىل - سەرۋەن الاڭىن تىڭنان قۇردى.
2020 - جىلى تۇزكول قالاشىعى اۋىل - قىستاق ەكونوميكاسىنىڭ جالپى كىرىسىن 75 ميلليون 320 مىڭ يۋانعا جەتكىزىپ، سايكەس مەزگىلدەگىدەن ％6.01ارتتىردى؛ ەگىنشى - مالشىلاردىڭ جان باسىندىق تازا كىرىسىن 26 مىڭ 327 يۋانعا جەتكىزدى.
بيىل تيان زىڭفۋ داڭقپەن ”اۆتونوميالى رايوندىق تاڭداۋلى پارتيا ىستەرى قىزمەتكەرى“ اتاعىن الىپ، اۆتونوميالى رايوننىڭ ماراپاتتاۋىنا يە بولدى.
”ىستەيتىن ىستەر ءالى كوپ. كەلەسى قادامدا ءبىز ءتۇرلى كاسىپ سالاسىنىڭ دامۋىن ۇزدىكسىز جاقسى يگەرىپ، ەگىنشى - مالشىلاردىڭ كىرىسىن ورنىقتى ارتتىرۋعا شىنايى كەپىلدىك ەتەمىز. سونىمەن بىرگە نەگىزدىك قۇرىلعىلار قۇرىلىسىن ۇزدىكسىز جاقسى يگەرىپ، الەۋمەتتىك قىزمەت وتەۋ ورەسىن ۇزدىكسىز جوعارىلاتىپ، بۇقارا ءۇشىن كوبىرەك ناقتى ءىس، جاقسى ءىس ىستەپ، تۇزكول قالاشىعىن بۇقارا تىنىش ءومىر، شات - شادىمان تىرشىلىك كەشىرەتىن باقىتتى مەكەنگە اينالدىرامىز“، - دەدى تيان زىڭفۋ.
