قارتتارعا ۇيلەستىرىپ قىزمەت وتەۋ جۇرت جۇرەگىن جادىراتتى

قۇمىل:

قارتتارعا ۇيلەستىرىپ قىزمەت وتەۋ جۇرت جۇرەگىن جادىراتتى

انار بۇلت / شينجياڭ گازەتىنىڭ ءتىلشىسى ۋي يۇڭگۇي

　　”وي، قىزمەت وتەۋ اترەتى مە؟ ءدارىم تاۋسىلىپ قالعان ەدى، تاعى ءبىر قاپ اكەلىپ بەرۋگە قولعابىس ەتەسىزدەر مە؟“

　　”جارايدى، دەرەۋ بارامىز“.

　　9 - ايدىڭ 15 - كۇنى قۇمىل قالاسى يجوۋ رايونى حۇيتاي ءدارى - دارمەك بولشەك ساتۋ تىزبەكتى شەكتى سەرىكتەستىگى دۇكەنىندەگى ەرىكتى قىزمەت وتەۋ اترەتىنىڭ مۇشەسى سول ماڭداعى شاعىن اۋماق تۇرعىنى شۇي يۇڭكاڭنىڭ تەلەفونىن قابىلداعاننان كەيىن، 15 مينۋت ىشىندە - اق ءدارىنى ۇيىنە جەتكىزىپ بەردى.

　　”مەن بۇقارا ءۇشىن ناقتى ءىس ىستەيمىن“ امالياتتىق قيمىلى ورىستەتىلگەننەن بەرى، قۇمىل قالالىق ەمدەۋ قامتاماسىزداندىرۋ مەكەمەسى ءتۇرلى شارالار ارقىلى قارتتارعا ەمدەۋ جاعىنان قىزمەت وتەدى. مۇنىڭ ىشىندەگى ءبىر ءتۇرى − ءارقايسى ەمدەۋ قۇرىلىمدارىن ۇيىمداستىرىپ، تىزبەكتى ءدارىحانالاردان قۇرام تاپقان ەمدەۋ قىزمەت وتەۋ شاعىن اترەتىن قۇرىپ، ەمدەۋ، ءدارى - دارمەكتى وتباسىلارىنا جەتكىزۋ قىزمەت وتەۋىن ورىستەتتى. قازىرگە دەيىن ەمدەۋ جونىنەن قىزمەت وتەۋ شاعىن اترەتى 5000 ادام - رەتكە تاياۋ قىزمەت وتەدى.

　　قارتتارعا ۇيلەستىرىپ الەۋمەتتىك قىزمەت وتەۋدى ورىستەتۋ − قۇمىل قالاسىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ ءبىر ماڭىزدى مازمۇنى. وسى تۇردەگى قىزمەت وتەۋ قارتتاردىڭ كوڭىلىن جابىرقاتقان ىستەردى شىنايى شەشىپ، قالا تۇرعىندارىنىڭ القاۋىنا بولەندى.

ەمدەۋ قامتاماسىزداندىرۋىندا قارتتار الدىمەن ويلاستىرىلاتىن بولدى

　　جۋىقتا قۇمىل قالاسىنىڭ تۇرعىنى مىڭ فانبين جۇبايىن ەرتىپ قالالىق ەمدەۋ قامتاماسىزداندىرۋ مەكەمەسىنىڭ قىزمەت وتەۋ زالىنا وزگە جەردە ەمدەلۋ بويىنشا امبولاتوريادا ەسەپ جابۋ كاسىبىن بىتىرۋگە كەلدى. قىزمەتكەردىڭ جول كورسەتۋىمەن قارت جۇبايلار ”قارتتارعا الدىمەن تيىمدىلىك جاساۋ“ تەرەزەسىنە كەلدى دە، 5 مينۋتقا جەتپەيتىن ۋاقىتتا شارۋالارىن ءبىتىرىپ ۇلگىردى.

　　”مەن بۇقارا ءۇشىن ناقتى ءىس ىستەيمىن“ امالياتتىق قيمىلى بارىسىندا قۇمىل قالالىق ەمدەۋ قامتاماسىزداندىرۋ مەكەمەسى قارتتاردى ەمدەۋ قامتاماسىزداندىرۋ بويىنشا قولايلى قىزمەت وتەۋمەن قامداۋ جونىندە 10 ءتۇرلى شارانى ورتاعا قويدى، مۇندا ارناۋلى قىزمەت وتەۋ تەرەزەسىن بەلگىلەۋدەن سىرت، قارتتارعا ەمدەۋ قامتاماسىزداندىرۋ بويىنشا قىزمەت وتەۋدە ”جاقىن ماڭدا ءبىتىرۋ“ شاراسى ارقىلى امبولاتوريادا ەمدەلەتىن سوزىلمالى ناۋقاستىڭ سيپاتىن تۇراقتاندىرۋ، سىرت جەردە ەمدەۋ بويىنشا وتكەرمەلەپ دياگنوز قويۋدى ەستەلىككە الۋ سياقتى قىزمەت وتەۋلەرىن بەلگىلەنگەن ەمدەۋ قۇرىلىمدارىنا دەيىن كەڭەيتىپ، قارتتاردىڭ ءنومىر الۋ، ەمدەلۋ، ءدارى الۋ، ەسەپ جابۋدا شىرەتتە تۇرىپ، كۇتۋ ۋاقىتىن قىسقارتتى ءارى قارتتاردىڭ ەمدەۋ قامسىزداندىرۋ كاسىبىنە قىزمەت وتەۋ ارناسىن كەڭەيتىپ، ينتەرنەت جەلىسىندە، جەلىدەن تىس تۇگەلدەي ۇيىندەگىلەردىڭ، تۋىس - تۋعان، دوس - جاراندارىنىڭ وكىلەتتى بىتىرۋىنە مۇمكىندىك جاسادى.

　　سونىمەن بىرگە قۇمىل قالالىق ەمدەۋ قامتاماسىزداندىرۋ مەكەمەسى قوعامعا ىستىق لەنيالى تەلەفون ءنومىرىن جاريالاپ، وزگە جەردە ەمدەلۋدى ەستەلىككە الۋ، تىزىمدەۋ جۇمىسىن اتقارىپ، قارتتاردىڭ وزگە جەردە ەمدەلىپ، ەسەپ جابۋ بارىسىندا ءدوپ كەلگەن ماسەلەلەرىن دەر كەزىندە ءبىر جاقتى ەتتى. قازىرگە دەيىن قۇمىل قالاسىندا قارتتاردىڭ وزگە جەردە ەمدەلۋى، شيپاحانادا جاتۋى جونىنەن ءبىر ورىندا ەسەپتەن كوتەرگەندەر 3000 ادام - رەتتەن استى، وزگە جەردە ەمدەلۋ امبولاتوريا اقىسىن ءبىر ورىندا ەسەپتەن كوتەرگەندەر 7000 ادام - رەتكە تايادى.

قولايلى قىزمەت وتەدى، شىنايى سۇيىسپەنشىلىك كوڭىلدى جادىراتتى

　　قۇمىل قالاسى يجوۋ رايونى سالىق مەكەمەسىنىڭ قىزمەت وتەۋ زالىندا 65 جاستاعى قالا تۇرعىنى شۇي سۇيچين تەبىرەنە: ”سەندەرگە راقىمەت، سەندەردىڭ قىزمەت وتەۋلەرىڭ، راسىندا، جاقسى ەكەن“، - دەدى.

　　جاقىندا شۇي سۇيچين ەرلى - زايىپتىلار ءۇي ساتىپ الۋ بەكىمىنە كەلىپ، سالىق مەكەمەسىنەن قاتىستى راسمياتتاردى سۇراستىرا كەلدى. قىزمەت وتەۋ زالىنا كىرە سالىسىمەن ءىس بىتىرۋگە جەتەكشىلىك ەتۋشى 2 قارتتى ارناۋلى ورىنعا باستاپ اپارىپ وتىرعىزدى. جاعدايدى ۇعىسقاننان كەيىن، تاپسىرۋعا ءتيىستى ماتەريالداردى ءبىر - بىرلەپ ءتۇسىندىردى، سونداي - اق توقتام سالىق سوماسىن ەسەپتەۋىنە كومەكتەستى، كەڭەس سۇراۋ تەلەفون ءنومىرىن جازىپ قالدىردى... ەتەنە قىزمەت وتەۋ 2 قارتتى ايرىقشا تەبىرەنتتى.

　　بيىل يجوۋ رايوندىق سالىق مەكەمەسى كوڭىلدى جادىراتاتىن كوپتەگەن شارالاردى اتقارىپ، قارتتاردى قولايلى قىزمەت وتەۋمەن قامدادى، زەردەلى اسپاپتان پايدالانىپ سالىق ىستەرىن بىتىرۋگە شاماسى جەتەتىن قارتتارعا ارناۋلى ادام تۇتاس بارىستا جەتەكشىلىك ەتتى، زەردەلى اسپاپپەن سالىق ىستەرىن بىتىرۋگە شاماسى كەلمەيتىن قارتتاردى تىزىمگە الىپ زالعا كىرگىزۋ جانە سالىق ىستەرىن تەرەزەدە ءبىتىرۋ بويىنشا قىزمەت وتەدى. سونىمەن بىرگە سالىق ىستەرىن ءبىتىرۋ زالى جاسىل وتكەل اشىپ، قارتتاردى شىرەتكە تۇرعىزباۋعا، كەلگەن زامان بىتىرۋگە، ارناۋلى كۇتىپ الۋعا قىزمەتكەر دايىندادى.

　　قارتتار زەردەلى اسپاپقا جەتىك بولماعاندىقتان، بانكە سەكىلدى فينانس قۇرىلىمدارىندا جۇمىس بىتىرۋدە ۇنەمى قيىنشىلىققا ءدوپ كەلەدى. وسىعان مەڭزەس، حالىق بانكەسىنىڭ قۇمىل قالالىق ورتالىق تارماق بانكەسى قاراستى رايونداعى فينانس قۇرىلىمدارىنىڭ فينانستىق قىزمەت وتەۋدى قولايلىلاندىرۋ قىزمەتىن ناقتى، ەگجەي - تەگجەيلى ىستەۋىنە جەتەكشىلىك ەتتى. جاسىل وتكەل اشىپ، ”قارتتارعا مەيىرىمدىلىك سيلاۋ تەرەزەسىن“ اشىپ، ۇيىنە دەيىن بارىپ قىزمەت وتەۋ، قارتتار قانىق بىلەتىن امانات اقشا داپتەرشەسىن جانە بانكە كارتچكاسىن اشۋ سياقتى كاسىپتەردى ساقتاپ قالدى... مىنە وسىنداي ءتۇرلى شارالار قارتتاردىڭ كاسىپ بىتىرۋىنە قولايلىلىق جاراتىپ، كوڭىلدەرىن جادىراتتى.

قارتتاردى ايالاپ، قارتتارعا كومەكتەسىپ، قارتايعاندا كوڭىلدى تۇرمىس كەشىرۋىنە مۇمكىندىك جاسادى

　　9 - ايدىڭ 10 - كۇنى قۇمىل قالاسى يجوۋ رايونى لييۋان ءمالىسى شينشي قىستاعىندا تۇراتىن 69 جاستاعى قىستاق تۇرعىنى شۋە ىنگۋاڭ بىلاي دەدى: ”ەستۋگە قاراعاندا، شينجياڭعا كومەكتەسۋگە كەلگەن شيپاگەرلەر كوپشىلىكتىڭ ناۋقاسىن تەگىن كورەدى ەكەن، مەن تاڭەرتەڭ ەرتەمەن كەلدىم. شينجياڭعا كومەكتەسۋگە كەلگەن شيپاگەر ماعان اۋرۋدان ساقتانۋعا قاتىستى كوپتەگەن بىلىمدەردى ايتىپ بەردى، ولارعا كوپتەن - كوپ راقىمەت ايتامىن“.

　　سول كۇنى قۇمىل قالالىق شۇعىل جاعدايعا توتەپ بەرۋ، باسقارۋ مەكەمەسى حىنان ولكەسىنىڭ 13 - توپتاعى شينجياڭعا كومەككە كەلگەن ەمدەۋ اترەتىن شينشي قىستاعىندا تەگىن ەمدەۋ ورىستەتۋگە ۇسىنىس ەتتى، مۇندا قارتتاردىڭ دەنساۋلىعىن تەكسەرۋدى ءتۇيىن ەتتى.

　　9 - ايدىڭ 8 - كۇنى زەردەلى تەلەفون ىستەتۋ كۋرسىن تامامداعان قالا تۇرعىنى جاڭ جيانشيۋ قۋانىشتى تۇردە جۇڭگو بىرلەسپە حابارلاسۋ قۇمىل بولىمشە سەرىكتەستىگىنىڭ ەرىكتىلەرىنە العىس بىلدىرە: ”مەن زەردەلى تەلەفون ىستەتۋدى اقىرى ۇيرەنىپ الدىم، ۇيدەگىلەرمەن ەكراندا سويلەسىپ قانا قويماي، قول تەلەفوننان كينو، تەلەۆيزور دا كورە الاتىن بولدىم“، - دەدى.

　　سول كۇنى جۇڭگو بىرلەسپە حابارلاسۋ قۇمىل بولىمشە سەرىكتەستىگى قۇمىل قالالىق قارتتار داشۋەسىمەن سەلبەسە وتىرىپ، ”قارتتار قاۋىمىنىڭ سيفر جىلعاسىنان اتتاپ وتۋىنە جانە زەردەلى قول تەلەفون قولدانۋىنا كومەكتەسۋ“ تاقىرىبىندا كۋرس اشتى، كۋرسقا 100دەن استام قارت قاتىناستى. كۋرس بارىسىندا وسى سەرىكتەستىكتىڭ ەرىكتىلەرى قارتتاردىڭ زەردەلى تەلەفوننان پايدالانۋدى، سونداي - اق ۇدايى قولدانىلاتىن جۇيەلەردى مەڭگەرۋىن بەتپە - بەت ۇيرەتتى.

　　بالعاشىق دوپ ويىنى قۇمىل قالاسىنداعى قارتتار قاۋىمى اراسىندا كەڭ نەگىزگە يە. بيىل جىل باسىنان بەرى قۇمىل قالالىق قارتتار دەنە تاربيە قوعامى 13 مايدان بالعاشىق دوپ جارىسىن ۇيىمداستىردى. ”قازىر الاڭىمىز بارعان سايىن جاقساردى، كوك مايسا توسەلىپ قانا قويماي، شىراقتار دا ورناتىلدى، قارتتاردىڭ قيمىلعا قاتىناسۋ بەلسەندىلىگى بارعان سايىن جوعارىلادى“، - دەدى قۇمىل قالاسى بالعاشىق دوپ قوعامىنىڭ ءتوراعاسى شيا ۋيگۋاڭ.