تيانشان تورى   ›   جاڭالىقتار   ›   شينجياڭ حابارلارى

تەحنيكانى اتىز باسىنا جەتكىزىپ، بايۋعا ءۇمىت سيلادى

اۋىل شارۋاشىلىعى عىلىم - تەحنيكا ارناۋلى ۋاكىلى پىڭ چاڭجين:

تەحنيكانى اتىز باسىنا جەتكىزىپ، بايۋعا ءۇمىت سيلادى

انار بۇلت / شينجياڭ گازەتىنىڭ ءتىلشىسى حى جياڭ

  ”لاۋپىڭ، بيىلعى جۇڭگو شارۋالار مول ءونىم مەرەكەسىن قالاي وتكىزبەكسىز؟“

  ”قىستاق تۇرعىندارىنىڭ كوكونىستى جاقسى ەگۋىنە، ساتۋىنا كومەكتەسەمىن، مەرەكەنى وتكىزۋ دەگەن سول ەمەس پە!“

  بۇل 9 - ايدىڭ 16 - كۇنى قۇلجا قالاسى پانجين قالاشىعى شياپانجين قىستاعىندا قالاشىق كادرى مەن قىستاق تۇرعىنى پىڭ چاڭجيننىڭ ديالوگى.

  وسى مەزگىلدەگى شياپانجين قىستاعىندا چيەزى، حۋاساي سياقتى كوكونىستەر پىستى، 65 جاستاعى پىڭ چاڭجين ءوز ءۇيىنىڭ كوكونىستەرىن جيناۋعا دا مويىن بۇرا الماي، قىستاق تۇرعىندارىنىڭ اتىزدى باپتاۋىنا جەتەكشىلىك ەتۋمەن قاربالاس بولدى.

  ”پىڭ چاڭجين تانىمالى ’ەگىنجاي بىلگىرى‘ ءارى قۇلجا قالاسىنىڭ اۋىل شارۋاشىلىعى عىلىم - تەحنيكا ارناۋلى ۋاكىلى. كوپتەگەن شارۋانىڭ بايۋىندا ونىڭ ەڭبەگى زور“. قۇلجا قالالىق اۋىل شارۋاشىلىعى تەحنيكاسىن جالپىلاستىرۋ پۋنكتىنىڭ تەحنيگى پارحات ءيۇسۇپ: پىڭ چاڭجين وتباسىنىڭ كۇن نۇرى جىلىجايى قۇلجا قالاسىنىڭ قۇرىلعىلى اۋىل شارۋاشىلىعى دامۋىنىڭ ۇلگىسى، - دەدى.

  بۇرىن پىڭ چاڭجين دە قىستاقتىڭ وزگە تۇرعىندارى سياقتى ”ءداستۇرلى 3 كوكونىستى“ − كارتوپ، ءبايساي، ءسابىز عانا ەگە الاتىن، كىرىسى دە ماردىمسىز ەدى. تالاي رەتكى ساتسىزدىكتەن كەيىن ول كاپۋستا، شيلانحۋا، كۇلگىن كاپۋستا سياقتى كوكونىستەردى ەگىپ تابىسقا جەتىپ، كىرىسى ەسەلەپ ارتتى. بۇل ونىڭ كوكونىس ەگىمشىلىگىن دامىتۋ سەنىمىن بەكەمدەي ءتۇستى. وسىدان كەيىن ول كۇمبەزشە لاپاس سالىپ كوكونىس ەكتى، ونان سوڭ جىلىجايدا كوكونىس ەگىپ، تاعى دا تابىسقا جەتتى.

  2014 - جىلى پىڭ چاڭجين قىستاق تۇرعىندارىن باستاپ پانجين قالاشىعى چاڭپان كوكونىس ەگىمشىلىگى كاسىپتىك سەلبەستىك كووپەراتيۆىن قۇرىپ، 100دەن استام شارۋا وتباسىنىڭ كىرىستى ارتتىرۋىنا باستاماشىلىق ەتتى.

  سودان كەيىن پىڭ چاڭجين ءار جىلى كوكونىس مايساسىن كوپتەپ جەتىلدىرىپ، جەتىلدىرگەن كوكونىس مايساسىن قىستاق تۇرعىندارىنا تەگىن تاراتىپ بەردى؛ پارحات قىستاق تۇرعىندارىنىڭ كوكونىس ەگۋىنە جەتەكشىلىك ەتۋ قىزمەتىن ىستەدى. كوكونىس ەگەتىن قىستاق تۇرعىندارىنا پىڭ چاڭجين ۇدايى ەسىك الدىنا بارىپ تەحنيكالىق جاقتان جەتەكشىلىك ەتىپ وتىردى.

  قىستاق تۇرعىنى ءانۋار ابىلا پىڭ چاڭجيننىڭ جەتەكشىلىگىندە 4 مۋ جەرگە سىناق رەتىندە كاپۋستا ەگىپ تابىسقا جەتتى. وسى جىلدىڭ سوڭىندا ءانۋار ءوزىنىڭ تاپقان پايداسىن باسقا قىستاق تۇرعىندارىنا ايتقاننان كەيىن، ءتىپتى دە كوپ قىستاق تۇرعىندارى كوكونىس ەگۋشىلەردىڭ قاتارىنا قوسىلدى. قازىر شياپانجين قىستاعىندا كوكونىس ەگىلگەن جەر اۋدانى بۇرىنعى 10 نەشە مۋدان شوعىرلى، تۇتاسقان 200 مۋدان اسىپ، ەگىلگەن كوكونىس تۇرلەرى بازار جاعدايىنا ساي كەلدى.

  ”پارتيانىڭ جاقسى ساياساتىنىڭ ارقاسىندا بايىدىم، مەن بايىعان ەكەنمىن، ءتىپتى دە كوپ ادامدى بىرگە بايۋعا باستاۋىم كەرەك“، - دەدى پىڭ چاڭجين.

  2016 - جىلدان باستاپ پىڭ چاڭجين كوكونىس مايساسىمەن تەگىن قامداۋدى تەك شياپانجين قىستاعىمەن عانا شەكتەمەدى. قۇلجا قالاسىندا قيىنشىلىعى بار وتباسىلارى، جاڭادان قوسىلعان ەگىمشىلىك وتباسىلارى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى... كىم قاجەت ەتسە، قايسى ورىن قاجەت ەتسە، بارىنە تەگىن جەتكىزىپ بەردى. ول، ءبىر جاعىنان، قىستاق تۇرعىندارىنا ەگۋ ءادىسىن ۇيرەتسە، ەندى ءبىر جاعىنان، ساتۋ جولىن كەڭەيتۋگە بار كۇشىن سالدى.

   6 جىلدان بەرى ول قوعامداعى ءار سالاعا قۇنى 500 نەشە مىڭ يۋاندىق ءبىر ميلليون تۇپتەن استام كوكونىس مايساسىن بەردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.