تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

اۋىل - قىستاقتى گۇلدەندىرۋ سيمفونياسىن شىعانداتىپ، قىستاقتى كورىكتەندىرۋ، حالىقتى بايىتۋ جىرىن تامىلجىتا شىرقادى

—2021 - جىلعى جۇڭگو شارۋالار مول ءونىم مەرەكەسىن قۋانىشپەن قارسى الايىق (3)

انار بۇلت / شينجياڭ گازەتىنىڭ ءتىلشىسى ليۋ شياڭ

  كۇز كوركى كوز تارتىپ، كۇز سامالى جان جادىراتتى. تيانشان الابىندا ءار ۇلت بۇقاراسىنىڭ جۇزدەرىنەن مول ءونىم شاتتىعى ەستى. بۇل كەدەيلىكتەن ارىلتۋدان قامال الۋدان اۋىل - قىستاقتى گۇلدەندىرۋگە قادام باسۋداعى العاشقى مول ءونىم ماۋسىمى. كەڭ كوسىلگەن قۇنارلى ەگىنجاي ادامدى وزىنە ءتانتى ەتەتىن اۋىل - قىستاقتىڭ مول ءونىم كارتيناسىن كوز الدىڭىزعا اكەلەدى.

  جاسىل القاپتان اتتاپ ءوتىپ، تاعى تىڭ بەلەسكە كوتەرىلدى. كەڭ - بايتاق اۋىل - قىستاق كۇش - قۋاتقا تولى ءارى ءۇمىت سيلاۋدا.

  بيىل جىل باسىنان بەرى، شينجياڭ كەدەيلىكتەن ارىلتۋدان قامال الۋ جەتىستىگىن ۇزدىكسىز بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، كوپ جاقتى كۇش سالىپ، ”اۋىلعا“ ۇزدىكسىز جالىندى تىرشىلىك تىنىسى مەن ومىرشەڭدىك كۇش ۇستەدى. قىستاق كورىكتى، حالىق بايىعان، كاسىپ سالاسى گۇلدەنگەن ايبىندى بولاشاق جاڭا داۋىردەگى اۋىل - قىستاقتى گۇلدەندىرۋ جولىندا بىرتىندەپ جۇزەگە اسۋدا.

ساياسات ارقىلى قامتاماسىزداندىردى، ۇشتاستىرۋ مەحانيزمىن اقاۋسىزداندىردى

  ابدەن پىسقان جەمىستەر بۇتاقتا سامسىپ تۇر، ياركەن اۋدانى ىشقۇل اۋىلى باقىت قىستاعىنىڭ تۇرعىنى قاسيەت تۇرۇپ كوز الدىنداعى كورىنىستەردى كورىپ، جۇزىنەن كۇلكى ەستى.

  قاسيەت ورمان قورعاۋشى، جايشىلىقتا جەمىس اعاشىن باعىپ - باپتاۋعا جاۋاپتى بولادى. ونىڭ دەن قويا باپتاۋىندا وسى جەمىس ورمانى بۇگىنگى تاڭدا مول ءونىم بەردى، ونىڭ كوڭىلى دە ماقتانىش پەن قۋانىشقا تولدى.

  قاسيەت كەدەيلىك قالپاعىن الىپ تاستاعانىمەن، قانتتى نەسەپ اۋرۋىنا شالدىققاندىقتان، قاۋقارسىز ەڭبەككۇش ەسەپتەلىپ، قايتالاي كەدەيلەسۋ حاۋپى ورىن تەپكەن - دى. جەرگىلىكتى ۇكىمەت قوعامدىق قامتاماسىزداندىرۋدىڭ ەڭ تومەنگى شەگىنەن تۇسىرمەۋ ساياساتى ارقىلى ونى الەۋمەتتىك يگىلىك سيپاتتى قىزمەت ورنىنا ورنالاستىرىپ، تۇراقتى كىرىسى بولۋىنا شىنايى كەپىلدىك ەتتى. قازىر ونىڭ وتباسىنىڭ جىلدىق جان باسىندىق تازا كىرىسى 10 مىڭ يۋاننان استى.

  شينجياڭ قامتاماسىزداندىرۋى تياناقتانعان، سايكەستى، كادەگە جارايتىن ساياسات - مەحانيزمدەرىن اقاۋسىزداندىرىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى بار كۇشپەن ويداعىداي ىستەدى. شينجياڭ قالپاق الىنعانىمەن جاۋاپكەرشىلىكتى توقتاتپاۋ، قالپاق الىنعانىمەن ساياساتتى توقتاتپاۋ، قالپاق الىنعانىمەن كومەكتەسۋ - سۇيەمەلدەۋدى توقتاتپاۋ، قالپاق الىنعانىمەن باقىلاۋ - باسقارۋدى توقتاتپاۋ سىندى ”ءتورتتى توقتاتپاۋ“ ساياساتىن قاتاڭ تياناقتاندىرىپ، ”سەگىزدى وزگەرتپەۋدى“ ورىنداپ، ”سەگىزگە شىنايى كەپىلدىك ەتۋدى“ جۇزەگە اسىرىپ، كەدەيلىكتەن ارىلتۋدان قامال الۋ جەتىستىگىن امالدىڭ بارىنشا بەكەمدەپ، كەڭەيتىپ، كولەمدى قايتالاي كەدەيلەسۋ تۋىلماۋدىڭ تومەنگى شەگىن باتىل ساقتادى.

  كەدەيلىكتەن ارىلعان وڭىرلەرگە، كەدەيلىكتەن ارىلعان بۇقاراعا اناعۇرلىم ءجيى قامتاماسىز ەتۋ تورىن مىقتاپ توقۋ ءۇشىن، بيىل جىل باسىنان بەرى، اۆتونوميالى رايون جۇمىستاندىرۋدىڭ جوعارى ساپالى دامۋىن جەبەۋ، اۋىل - قىستاقتىڭ تۇرعىن ءۇي قۇرىلىسىن باسقارۋ جانە وقۋ - اعارتۋ، سالاماتتىق جاعىندا كەدەيلىكتەن ارىلتۋدان قامال الۋ جەتىستىگىن بەكەمدەۋ، كەڭەيتۋ سياقتى 50 نەشە ساياساتتىق حۇجاتتى ىركەس - تىركەس شىعارىپ، قىزمەتتە بوستىق، ساياساتتا اقتاڭداق قالدىرماۋعا شىنايى كەپىلدىك ەتتى؛ «اۆتونوميالى رايون قازىناسىنىڭ اۋىل - قىستاقتى گۇلدەندىرۋدى ىلگەرىلەتۋمەن ۇشتاستىرۋ كومەك قاراجاتىن باسقارۋ ءادىسى» سياقتى ساياساتتىق حۇجات جاساپ، كەدەيلىكتەن ارىلعان 32 اۋداننىڭ اۋىل شارۋاشىلىعىنا ساياتىن قازىنالىق قاراجاتتاردى ءبىر تۇتاس جوسپارلاۋ، رەتتەۋ ساياساتىن اتقارۋىن ۇزدىكسىز قولدادى.

  اۆتونوميالى رايوندىق اۋىل - قىستاقتى گۇلدەندىرۋ مەكەمەسىنىڭ بەرگەن ساندى مالىمەتىندە كورسەتىلۋىنشە، بيىل جىل باسىنان بەرى رايونىمىز كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا پايدالانۋ بويىنشا جالپى 32 ميلليارد 473 ميلليون يۋان قارجى ورنالاستىرىپ، 3193 نىسان اتقاردى، كەزەكتە 1838 نىسان اياقتادى.

كاسىپ سالاسى گۇلدەندى، شارۋالاردىڭ كىرىسىن ارتتىرۋعا دەم بەرۋدىڭ ءادىسى جاسالدى

  تاياۋدا لوپ اۋدانى ناۋا اۋىلى باشقاراقىر قىستاعىنداعى 200 مۋ جەردەگى پاميدوردىڭ جۇمىسى دابىرالى ىستەلدى.

  ”وسى بىرنەشە كۇندە قىستاق تۇرعىندارى پاميدور ۇزۋگە، ءبولىپ سۇرىپتاۋعا، قوراپتاۋعا، كولىككە تيەۋگە ۇيىمداستىرىلدى، وسىدان كەيىن قاشقار، اقسۋ سياقتى جەرلەرگە ساتىلادى“، - دەدى لوپ اۋدانى جينمەي كوكونىس ەگىمشىلىگى كاسىپتىك سەلبەستىك كووپەراتيۆىنىڭ جاۋاپتىسى ليۋ چىڭفي.

  لوپ اۋدانىنداعى جينمەي كوكونىس ەگىمشىلىگى كاسىپتىك سەلبەستىك كووپەراتيۆى بيىل 3 - ايدا اۋىلدىڭ قولداۋىندا، جەردى اينالىمعا سالۋ ۇلگىسى ارقىلى 200 نەشە مۋ جەرگە ەگىلگەن پاميدوردى كوتەرمەگە الىپ، جەرگىلىكتى ورىنداعى قىستاق تۇرعىندارىنان 50 نەشە ادامدى جۇمىستانۋعا باستادى.

  ”سەلبەستىك كووپەراتيۆىندە جۇمىستانعان قىزمەتكەرلەردىڭ جىلدىق كىرىسى 20 مىڭ يۋاننان اسادى، ءبىز 2022 - جىلى تاعى دا 200 نەشە مۋ جەردى مولايتىپ، كاسىپ سالاسىن زورايتۋمەن بىرگە، اناعۇرلىم كوپ قىستاق تۇرعىندارىن جۇمىستاندىرۋدى جوسپارلاپ وتىرمىز“، - دەدى ليۋ چىڭفي.

  ياركەننىڭ بارقىت ءشوبى، كەريانىڭ روزا گۇلى، گۇمانىڭ ازىقتىق ساڭىراۋ قۇلاعى، قاعىلىقتىڭ ەتتى كەپتەرى، شەريانىڭ اسىل تۇقىمدى قويانى... سوڭعى جىلدارى رايونىمىزدىڭ جەر - جەرى كاسىپ سالاسىنىڭ دامۋىن كورنەكتىلەندىرىپ، جۇمىستانۋ بەتالىسىنا دەم بەرىپ، حالىقتى بايىتۋ كاسىپ سالاسىن ۇزدىكسىز دامىتىپ، زورايتىپ، ”ءبىر اۋداندا ءبىر كاسىپ“، ”ءبىر قىستاقتا ءبىر ءونىم“ بولۋ كاسىپ سالاسى دامۋ ارناسىن قالىپتاستىرىپ، ءبىر وتباسىندا ءبىر نىسان بولۋداي كىرىستى ارتتىرۋ نىسانىن جۇزەگە اسىردى.

  كاسىپ سالاسى گۇلدەنسە، اۋىل - قىستاق گۇلدەنەدى؛ كاسىپ سالاسى جاندانسا، تۇتاس جۇيە جاندانادى. ”14 - بەسجىلدىق“ مەزگىلىندە شينجياڭ بازاردى باعدار ەتۋدەن جازباي، ەرەكشە بايلىقتى تياناق ەتىپ، تۇتىنۋ سۇرانىسىنا ۇيلەسىپ، كاسىپ سالاسىنىڭ دامۋ زاڭدىلىعىنا سايكەسىپ، ءتيىمدى ساياساتتاردان ويداعىداي پايدالانىپ، كەدەيلىكتەن ارىلعان وڭىرلەردىڭ كاسىپ سالاسىنىڭ كەيىنگى باياندى جەتىلۋىن كۇشەيتەدى.

داۋىرمەن بىرگە ىلگەرىلەپ، ”مول ءونىم“ ارناسىن كەڭەيتتى

  بىرنەشە مۋ جەرگە ەگىن ەگىپ، بۇكىل وتباسىنداعىلار ابىگەرگە تۇسۋدەن ءبىر ادام 1000 مۋلىق ەگىنجايدى باسقارۋعا دەيىن سانجى قالاسى يۇيشۋگوۋ قالاشىعى يۇڭجين قىستاعىنىڭ تۇرعىنى ما يۇڭحۋ اتىز باسىندا اۋىل شارۋاشىلىعىنىڭ وسىزاماندانۋىنىڭ ۇزدىكسىز دامۋىنا كۋا بولدى.

  ”بۇرىن اكەلەرىمىز ەگىن سالۋدا كۇش - قۋاتىن، زەيىن - زەردەسىن سارقا جۇمساسا دا، ءبىر جىلدا ماردىمدى اقشا تابا المايتىن“. ول بىلاي دەدى: قازىر بۇعان ۇقسامايدى، جاقسى داۋىرگە جەتتىك، ەگۋدەن ءونىم الۋعا دەيىن جالپى بارىستا تەحنيكالىق جەتەكشىلىك بار، سونداي - اق بارلىعى ماشينالاندىرىلدى، ءونىم كىرىسى تۇگەلدەي قامتاماسىز ەتىلدى.

  وسى بىرنەشە جىلدا ما يۇڭحۋ جىجۇڭ كاسىپورنىمەن تاپسىرىستىق سەلبەستىك جاساسۋ ارقىلى ەككەن جىجۇڭ جۇگەرىسى مەن جىجۇڭ ءبيدايىنىڭ جىل سايىن ءتۇسىمى تۇراقتى بولىپ، مول ءونىم الدى.

  بۇگىنگى تاڭدا بىرلەسىپ جەر تەگىستەۋ، دالمە - ءدال تۇقىم سەبۋ، سۋ ۇنەمدەپ تامشىلاتىپ سۋارۋ، توپىراق قۇرامىنا قاراي تىڭايتقىش بەرۋ، ۇشقىش اپپاراتپەن ”ءبىر بۇركىپ، ۇشتەن ساقتانۋ“، كومبايىنمەن ورۋ سياقتى وزىق ماشينادان جانە تەحنيكادان پايدالانىپ، جەردەن كىرىستى ارتتىرۋدىڭ كومەسكى كۇشى ونان ارى قاراستىرىلدى.

  ءداۋىردىڭ جويقىن تولقىنى جوڭكىلە العا ىلگەرىلەپ، تۇرمىس ءتاسىلىن جاڭالادى ءارى ويلاۋ فورماسىن وزگەرتتى. ”سالەمەتسىزدەر مە! بۇل شامعۇر ۇنتاعى، شامعۇر قاعى سياقتى ونىمدەر، قورەكتىك قۇنى ەرەكشە جوعارى...“، كەلپىن اۋدانى ەلەكتروندى ساۋدا ىستەرى الەۋمەتتىك قىزمەت وتەۋ ورتالىعىنىڭ تىكە تاراتۋ بولمەسىندە اچال قالاشىعى تۇرا قىستاعىنداعى شامعۇر ەگۋشى شارۋا سامەت سالام قىسقا بەينە كەسكىن تۇعىرى ارقىلى جان كۇيەرلەرىنە شامعۇر ونىمدەرىن تانىستىردى.

  بىلتىر 7 - ايدا قىستاق وتكىزگەن 1 - توپتاعى ەلەكتروندى ساۋدا كۋرسىنا قاتىناسقاننان كەيىن، سامەت ەلەكتروندى ساۋدا تۇعىرىندا اۋىل شارۋاشىلىق ونىمدەرىن ساتۋدى ۇيرەنىپ، ءوزى ەككەن شامعۇردى تۇگەلدەي ساتىپ قانا قويماي، تاعى قىستاق تۇرعىندارىنىڭ اۋىل شارۋاشىلىق ونىمدەرىن ساتۋىنا كومەكتەستى.

  شارۋالار ”ينتەرنەتتەن پايدالانىپ“ ساتىپ الۋ مەن ساتۋدا كوپ يگىلىككە كەنەلدى. سوڭعى جىلدارى شينجياڭ اۋىل - قىستاقتىڭ ەلەكتروندى ساۋدا الەۋمەتتىك قىزمەت وتەۋ جۇيەسىنىڭ دارەجەسىن كوتەرىپ، ساپالىلاندىرۋ، اۋىل - قىستاقتىڭ ەلەكتروندى ساۋدا زات اينالىمى، جەتكىزۋ جۇيەسىن قۇرۋ، اقاۋسىزداندىرۋ، اۋىل - قىستاقتىڭ وسى زامانعى ساۋدا اينالىمى جۇيەسىنىڭ تيبىن جاڭالاپ، دارەجەسىن جوعارىلاتۋ سياقتى ءبىر قىدىرۋ شارالار ارقىلى شارۋالاردىڭ ”مول ءونىم الۋ جولىن“ ۇزدىكسىز كەڭەيتتى. ساناقتا كورسەتىلۋىنشە، بيىلعى جىلدىڭ العاشقى جارتىسىندا شينجياڭدا اۋىل شارۋاشىلىق ونىمدەرىنىڭ ينتەرنەتتە بولشەك ساتىلۋ سوماسى 7 ميلليارد 416 ميلليون يۋان بولىپ، سايكەس مەزگىلدەگىدەن %30.36 ارتقان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.