انار بۇلت / شينجياڭ گازەتىنىڭ ءتىلشىسى جىڭ ي - يۋان 9 - ايدىڭ 22 - كۇنى ۇرىمجىدەن حابارلايدى. 9 - ايدىڭ 22 - كۇنى 14 - كەزەكتى مەملەكەتتىك سپورت جارىسى ساداق اتۋ بويىنشا ايەلدەردىڭ يمەك ۇشتى ساداق اتۋدان جەكەلەردى ىرىكتەۋ جارىسى شانشي ولكەسىنىڭ چاڭان چاڭنيڭ ەكولوگيالىق دەنە تاربيە جاتتىعۋ، جارىس بازاسىندا وتكىزىلدى، شينجياڭ ساداق اتۋ قۇراماسىنىڭ 22 جاستاعى قىز ساڭلاعى يۇي مىڭتيڭ قولا مەدال الۋ سايىسىندا جياڭسۋدىڭ ايگىلى ساڭلاعى، توكيو وليمپيادا سپورت جارىسىنىڭ ساڭلاعى ياڭ شياۋلەيدى قاتاردان قالدىرىپ، ۇشىنشىلىكتى يەلەدى. شاڭحايلىق ايگىلى ساڭلاق ۋ جياشين بەيجيڭدىك لي جياماندى جەڭىپ اعا جۇلدەگەر بولدى.
”شينجياڭ ساداق اتۋ قۇراماسىنداعى 3 ساڭلاق جەكەلەردى ىرىكتەۋ جارىسىنا قاتىناستى، الدىڭعى كەزەكتى مەملەكەتتىك سپورت جارىسىنا قاتىناسقان ان چيشۋان، لي شينشين ەكەۋى 2 - اينالىمدا توسقاۋىلعا ۇشىرادى، الايدا جاڭا ساڭلاق يۇي مىڭتيڭ بۇگىنگى ىرىكتەۋ جارىسىندا ەرەن ونەر كورسەتىپ، ءوزىن جەڭدى، سونداي - اق شينجياڭ ساداق اتۋ قۇراماسىنىڭ كەلەسى جارىستارىنا جاقسى باستاما سيلادى“، - دەدى شينجياڭ ساداق اتۋ قۇراماسىنىڭ جەتەكشىسى ۋىن ليجياڭ.
تانىستىرۋعا قاراعاندا، يۇي مىڭتيڭ 2017 - جىلى ءۇرىمجى قالالىق دەنە تاربيە، سپورت مەكتەبىنەن شينجياڭ ساداق اتۋ قۇراماسىنىڭ شوعىرلى جاتتىعۋىنا قاتىناسىپ، 2020 - جىلى مەملەكەت دارەجەلى سپورت ساڭلاعى بولىپ باعالانعان.
