تيانشان تورى   ›   جاڭالىقتار   ›   شينجياڭ حابارلارى

التىن كۇزدە اۋىل - قىستاق اناعۇرلىم كورىكتەنىپ، مول ءونىم جىلىندا جىگەر - قايرات اناعۇرلىم تاسقىنداي ءتۇستى

— رايونىمىزدىڭ جەر - جەرى جۇڭگو شارۋالار مول ءونىم مەرەكەسىن قۋانىشپەن تويلادى

□ انار بۇلت / شينجياڭ گازەتىنىڭ تىلشىلەرى

  التىن كۇزدەگى جيىن - تەرىن مەزگىلى تاعى كەلدى، تاعى ءبىر جىلعى مول ءونىم مەرەكەسى. 4 - رەتكى جۇڭگو شارۋالار مول ءونىم مەرەكەسى قارساڭىندا بىرنەشە كۇننەن بەرى تيانشان الابىندا وزىندىك ەرەكشەلىككە يە كورىكتى اۋىل - قىستاقتار تۇرلىشە تاسىلدەرمەن مول ءونىمدى قۇتتىقتادى.

بايتاق جەردەن التىن ءدان توگىلىپ

شاتتىقپەن مول ءونىمنىڭ ماۋەلى جەمىسىن تەردى

  ۇمىتكە تولى اتىزداردان التىن ءدان توگىلىپ، شارۋالار قۋانىشپەن جىل سايىن مول ءونىم الدى.

  9 - ايدىڭ 22 - كۇنى 5000 مۋ جەرگە ءتۇرلى جەمىس ورمانى ەگىلگەن ونسۋ اۋدانى توپقان قالاشىعى جاڭا قىستاعىندا قىستاق تۇرعىنى چىن حۇي ەڭ جاقسى الما مەن جاڭعاقتان ءبىر شارباق تاڭداپ الىپ، ەرتەسىندە كورشى قىستاقتا وتكىزىلەتىن مول ءونىم مەرەكەسى قيمىلىندا كورمەگە قويۋعا دايىندالدى. بيىل ول ەرتە پىساتىن الما مەن جاڭعاقتان قۋانىشپەن مول ءونىم الدى.

  ”بيىل ەگىمشىلىكتى باسقارۋ تەحنيكاسى ارناعا تۇسكەندىكتەن، اۋىل شارۋاشىلىق ونىمدەرىن العاشقى وڭدەۋ ءوندىرىس جەلىسى دەر كەزىندە قۇرىلىپ، ساتىلىم بازارى ەرتە اشىلىپ، قىستاق تۇرعىندارى نە ەكسە دە تۇگەلدەي ءتۇسىمدى بولىپ، مول ءونىم الدى. مول ءونىم مەرەكەسى كەلگەندە كوپشىلىكتىڭ بارلىعى ءوز ۇيلەرىنىڭ اۋىل شارۋاشىلىق ونىمدەرىن كورمەگە قويعىسى كەلدى“، - دەدى توپقان قالاشىعى جاڭا قىستاعى پارتيا ياچەيكاسىنىڭ شۋجيى چىن شياۋلۇڭ.

  9 - ايدىڭ 22 - كۇنى مارالباسى اۋدانى اناركول اۋىلى قۇمبوعۇز قىستاعىندا قىستاق تۇرعىنى ياسىن ءيۇسۇپ تراكتورىن ايداپ، 1 - توپتاعى ماقتانى جاقىن ماڭداعى ءشيىت ايىرۋ زاۆودىنا جەتكىزىپ، ماقتانىڭ ساتۋ سوماسىن ءماز - مەيرام قولىنا الدى.

  بيىل مارالباسى اۋدانىندا ءبىر ميلليون مۋعا تاياۋ جەرگە ماقتا ەگىلدى، مۇنىڭ ىشىندە جوعارى ولشەمدى ەگىس اتىزى 200 مىڭ مۋ بولىپ، ماشينامەن 740 مىڭ مۋ جەرگە ماشينامەن تەرىلەتىن ماقتا ەكتى. اۋىل شارۋاشىلىعى تەحنيكتەرى ماقتا ەگىنشىلەرىنىڭ ماشينامەن ەگۋىنە، ءدارى شاشۋىنا، جيناۋىنا جەتەكشىلىك ەتتى، بۇكىل اۋداندا ماقتا ەگۋ، ساۋدالاۋ، ساقتاۋ جانە تاسىمالداۋ، توقىما جانە كيىم - كەشەك وڭدەۋ سىندى تۇتاس كاسىپ تىزبەگى العاشقى ادىمدا قالىپتاستى.

دوڭگەلەك داۋلەتتىلىكپەن قاۋىشىپ

كىرىستى ارتتىرۋ ەسەبىن ەگجەي - تەگجەيلى جاسادى

  9 - ايدىڭ 22 - كۇنى كورلا قالاسى جاڭاءشار اۋىلى جاڭاءشار قىستاعىنىڭ تۇرعىنى ادىل يمىن وتباسىنىڭ المۇرت باعىنان شاتتىق كۇلكى، شادىمان ءۇن كوتەرىلدى، جاڭاءشار قىستاعىنىڭ ”المۇرت باعىنداعى اڭگىمەلەر“ تاقىرىبىنداعى المۇرت مول ءونىم مەرەكەسى وسى ارادا وتكىزىلىپ جاتتى.

  ”بيىل المۇرتتىڭ ءتۇسىمى جانە ساپاسى وتە جاقسى، قازىرگە دەيىن جارتىسى ساتىلىپ كەتتى. مەنىڭ دولبار ەسەبىم بويىنشا بولعاندا، بىلتىرعىدان 20 مىڭ يۋان ارتىق ساتۋ مۇندا تۇرعان شارۋا. بۇل ءۇشىن قىستاق كادرلارىنىڭ ءبىزدىڭ كىرىستى ارتتىرۋىمىزعا قولدارىنان كەلگەنشە كومەك كورسەتكەندىگىنە العىس ايتۋعا ءتيىسپىز“، - دەدى ادىل قۋانا.

  9 - ايدىڭ 22 - كۇنى شونجى اۋدانى بانجيەگوۋ قالاشىعى ياۋجانزى قىستاعىنداعى قىستاق مادەنيەت الاڭىندا وزگەشە لاعىمان جەۋ جارىس قيمىلى وتكىزىلدى. جارىسقا قاتىناسقان قىستاق تۇرعىندارىنىڭ اپىل - قۇپىل قوماعايلانا جەگەن كەيىپتەرى جارىستى تاماشالاۋعا كەلگەن قىستاق تۇرعىندارىن كۇلكىگە قارق قىلدى.

  قيمىلدى ۇيىمداستىرعان ياۋجانزى قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى تاڭ پەيكى بىلاي دەدى: سوڭعى جىلدارى ياۋجانزى قىستاعى ورگانيكالىق ءبيداي ەگۋدەن وڭدەۋگە، ساتۋعا دەيىنگى ءبىر تىزبەكتى جاسىل كاسىپ سالاسى تىزبەگىن قالىپتاستىرىپ، كاسىپ سالاسىنىڭ قۇن تىزبەگىن جوعارىلاتتى. بيىل قىستاق تاعى ۇن مانەرلەۋ زاۆودى مەن ورگانيكالىق دايىن كەسپە زاۆودىن كەڭەيتىپ سالدى، بۇل ەكى زاۆود تۇگەلدەي وندىرىسكە قوسىلعاننان كەيىن، شارۋالاردىڭ كىرىسىن ارتتىرۋ تىزبەگىن ونان ارى جوعارىلاتادى. مەجەگە قاراعاندا، بيىل قىستاق تۇرعىندارىنىڭ جان باسىندىق ورتاشا كىرىسى بىلتىرعى نەگىزدە تاعى 1000 يۋاننىڭ ۇستىندە ارتادى ەكەن.

ۇزدىكسىز كۇرەس جۇرگىزىپ

العىس ايتۋ پەيىلىنەن جازبادى

  ”بيىل ءبىزدىڭ ءۇيدىڭ ءجۇزىمىنىڭ ساپاسى وتە جاقسى بولدى، قازىرگە دەيىن 40 مىڭ يۋانداي جاس ءجۇزىم ساتتىق، قالعانىن مەيىز قىلىپ كەپتىرىپ ساتامىز، مەجەمەن تاعى 10 توننا مەيىز كەپتىرەمىز“، - دەدى 9 - ايدىڭ 22 - كۇنى ءپىشان اۋدانى ءپىشان قالاشىعى لاڭگار قىستاعىنىڭ تۇرعىنى ۋاڭ جيانفاڭ.

  ”پارتيا مەن ۇكىمەت جىبەرگەن اۋىل شارۋاشىلىعى تەحنيكتەرى ماعان ەگىن ەگۋدىڭ، باپتاۋدىڭ اناعۇرلىم عىلمي تەحنيكاسىن ۇيرەتتى، قازىر ءبىزدىڭ ءۇيدىڭ ءجۇزىمىنىڭ ساپاسى جوعارىلادى، مەن ءوز تاجىريبەمنەن پايدالانىپ، اناعۇرلىم كوپ ەگىنشى وتباسىلارىنا كومەكتەسسەم دەيمىن“، - دەدى ۋاڭ جيانفاڭ.

  9 - ايدىڭ 22 - كۇنى كوكتوعاي اۋدانى تۇرعىن اۋىلى تولەۋبايقىزىل قىستاعىنىڭ كەڭ جايلىمىندا مول ءونىم مەرەكەسىن قۇتتىقتاۋ ءۇشىن وتكىزىلگەن قوي باسەكەسى جينالىسى ەرەكشە قىزىعىمەن بۇكىل اۋىلداعى كوپتەگەن باعىمشىلىق وتباسىلارىن قاتىناسۋعا باۋرادى. تولەۋبايقىزىل قىستاعىنداعى باعىمشى وتباسى ساياحات ساتىلقان بۇدان بىلاي ءوزىنىڭ كەڭەيىپ كەلە جاتقان باعىمشىلىق سەلبەستىك كووپەراتيۆى تۇعىرىنان پايدالانىپ، عىلمي باعىمشىلىق تاجىريبەسىن ۇيرەتىپ، باسقا باعىمشى وتباسىلارىنىڭ كىرىسىن ارتتىرۋىنا جەتەكشىلىك ەتىپ، ءىس جۇزىندىك ارەكەتى ارقىلى پارتيا مەيىرىن اقتايتىندىعىن ءبىلدىردى.

  تۇرعىن اۋىلىنىڭ باستىعى تاسقىن ءسىلامقان: اۋىلىمىزدىڭ جىل سايىن مول ءونىم الۋ مەرەكەسىنەن پايدالانىپ قوي باسەكەسى جينالىسىن وتكىزۋىندەگى ماقساتى قالىڭ ەگىنشى - مالشىلاردىڭ سول ارادا پكىر اۋىستىرىپ، عىلمي مال باعۋعا دەگەن ىرىقتىلىعى مەن بەلسەندىلىگىن شىنايى كۇشەيتۋ، - دەدى.

  (ءتىلشى جاڭ جىلي، قاتىناسقان تىلشىلەر حان چين - يان، دۋ جيانحۇي، گى يوۋجۇن، جاڭ رۇيلين، جاڭ تيڭ)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.