□ گازەتىمىزدىڭ شولۋشىسى
ءبىر رۋح بار − ۋاقىت پەن كەڭىستىكتى باسىپ وزىپ، توقتاۋسىز جالعاسىپ، سان مىڭداعان ەڭبەكشىنى قايراتتانا العا ىلگەرىلەۋگە، تىنباي كۇرەس جۇرگىزۋگە ىنتالاندىراتىن؛ ءبىر رۋح بار − ۋاقىت وتكەن سايىن جاڭارىپ، ماڭگى ەسكىرمەيتىن، ەكىنشى 100 جىلدىق كۇرەس نىساناسىنا قاراي قادام تاستاعان جاڭا ساپاردا نۇرلى شۇعىلا شاشاتىن. مىنە بۇل ”قىزمەت ورنىن ءسۇيىپ، كاسىپتى قادىرلەۋ، ۇزدىك بولۋعا ۇمتىلۋ، قاجىرلىلىقپەن كۇرەس جۇرگىزۋ، باتىلدىقپەن جاڭالىق اشۋ، اتاق - ابىرويعا بەرىلمەۋ، ۇلەس قوسۋعا پەيىل بولۋ“ سىندى ەڭبەك ەرى رۋحى، ماڭايىمىزداعى قاراپايىم ەڭبەك ارقىلى كەرەمەت ناتيجە جاراتقان ءاربىر ەڭبەكشىنىڭ بارلىعى وسىنداي رۋحتىڭ امالياتتا ايگىلەۋشىسى، اسقاقتاتۋشىسى سانالادى.
باس شۋجي شي جينپيڭ بىلاي دەپ اتاپ كورسەتتى: ”ەڭبەك ەرلەرى ۇلتتىڭ ەگەيلەرى، حالىقتىڭ ونەگەسى، رەسپۋبليكانىڭ ارداگەرلەرى“. ەڭبەك ەرلەرى سان ميلليونداعان ەڭبەكشىلەردىڭ كورنەكتى ۋاكىلدەرى، ولار الدىمەن ويلانىپ، الدا ءجۇرىپ، الدىمەن ىستەپ، بەينەتكە شىدامدى، ازاپقا ءتوزىمدى بولىپ، قالتقىسىز ۇلەس قوستى. ەڭبەك ەرى رۋحى جۇڭگو حالقىندا بولاتىن ۇلى جاسامپازدىق رۋحىن، ۇلى كۇرەس رۋحىن، ۇلى ىنتىماق رۋحىن، ۇلى ارمان رۋحىن جاندى ءتۇسىندىرىپ، وتانشىلدىقتى وزەك ەتكەن ۇلت رۋحى مەن رەفورما جاساۋدى، جاڭالىق اشۋدى وزەك ەتكەن ءداۋىر رۋحىن تولىق ايگىلەدى.
جاڭا جۇڭگو قۇرىلعان 70 نەشە جىلدان بەرى ءار سالادان، ءار كاسىپتەن ەڭبەك ەرلەرى توپ - توبىمەن جارىققا شىقتى، ”باسىن بايگە تىگىپ، ۇلكەن مۇنايلىق اشقان“ ”قۇرىش ادام“ ۋاڭ جينشيدەن حالىق ءۇشىن قىزمەت ىستەۋدىڭ سوڭعى ايالداماسى جوق دەيتىن ”الەۋمەتتىك قاتىناس شەبىنىڭ قورعاۋشىسى“ لي سۋليگە دەيىن، ونان ”جالعىز جاپا شەكسەم دە سان مىڭداعان وتباسىلارىنا قولايلىلىق جاراتامىن“ دەيتىن ”جاڭا ءداۋىردىڭ لەي فىڭى“ شۇي حۋعا دەيىن... تالاي - تالاي ەڭبەك ەرلەرى ءوز قىزمەتىن تياناق ەتىپ، قاجىرلىلىقپەن كۇرەس جاساپ، قالتقىسىزدىقپەن ءوزىن ارناپ، ۇلەس قوسۋعا پەيىل بولىپ، قاراپايىم كەزدەردە وزگەشە حيكايا جازىپ، قاراپايىم قىزمەت ورنىندا كەرەمەت ناتيجە جاراتتى. ءداۋىر مەيلى قالاي وزگەرسە دە ەڭبەك قۇن جاراتاتىن، كۇرەس ارمانعا جەتكىزەتىن قاعيدا وزگەرگەن ەمەس. ەڭبەك ەرى رۋحى سان مىڭداعان ەڭبەكشىنى سوتسياليستىك توڭكەرىس، قۇرىلىس جانە رەفورما جاساۋدىڭ ۇلى ساپارىندا دەن قويا قاجىرلىلىقپەن ىستەۋگە، ءۇنسىز ۇلەس قوسۋعا باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ەسە قوسۋدا.
تيانشان الابىندا دا ءبىر توپ ەڭبەك ەرلەرى جاسامپازدىق، جاڭالىق اشۋ، شارۋاشىلىق قۇرۋ اسقاق سەزىمىمەن جاڭا داۋىردەگى جۇڭگوشا سوتسياليستىك شينجياڭ قۇرۋدىڭ جان تەبىرەنتەرلىك تاراۋىن جازۋدا. بوران - شاشىنعا قاراماي، وتان شەكاراسىن قورعاعان ”پامير قىرانى“ لاچين بايەكە، تەحنيكانى بەرىلە زەرتتەگەن تەمىر جول كولىكتەرى جابدىقتارىن رەمونتتاۋدىڭ ”بىرەگەيى“ جيا يۇڭچيڭ، تەحنيكادا جاڭالىق اشۋعا قۇمارتقان مۇناي الابىنىڭ ”ءىرى ەل ۇستاسى“ تان ۋىنبو... ءدال وسىنداي ءبىر توپ ەڭبەك ەرلەرى پارتيانىڭ ۇنىنە ءۇن قوسىپ، قالىڭ ەڭبەكشىنى باستاپ قايراتتانا ۇمتىلىپ جاڭالىق اشقاندىقتان عانا، شينجياڭنىڭ بايتاق دالاسى بىر - بىرلەگەن دۇنيە كەرەمەتىن جاراتتى، قوعامنىڭ بەت - بەينەسىندە وراسان زور ءتۇبىرلى وزگەرىستەر تۋىلىپ، ەكونوميكالىق دامۋ تاريحي تابىسقا قول جەتكىزدى.
وسى ەڭبەك ەرلەرىنىڭ بويىنان ءبىز قىزمەتىن ءسۇيىپ، كاسىبىن قادىرلەگەن، قاجىماعان - تالماعان كاسىپتىك تالپىنىسىن كوردىك، ۇزدىك بولۋعا ۇمتىلۋ، اسقار شىڭعا باتىلدىقپەن شىعۋ رۋحىنىڭ كۇش - قۋاتىن كوردىك. ولار اقىل - پاراساتتارى مەن جاسامپازدىق سيپاتتى ەڭبەكتەرى ارقىلى تەحنيكانىڭ العا باسۋىن، قوعامنىڭ دامۋىن ىلگەرىلەتىپ، ءبىزدىڭ تاماشا تۇرمىسىمىزدى جاراتتى؛ ولار ”ەڭبەك ماعان جازىلماسا دا بولادى، ەڭبەك سىڭىرۋدە مەن بولماسام بولمايدى“ دەيتىن رۋحي دەڭگەيدە ءىستىڭ بارىسىمەن ەمەس، ناتيجەسىمەن ساناساتىن، ءىستىڭ پايدا - زيانىمەن ەسەپتەسپەي، اتاق - ابىرويعا قۇمارتپاي، ۇلەس قوسۋعا پەيىل بولىپ، ەڭبەكشىلەردىڭ ەڭ جارقىن رۋحاني كەلبەتىن سومداپ، وتاننىڭ ءۇمىتىن اقتاۋدىڭ، حالىققا قىزمەت ەتۋدىڭ وسكەلەڭ تالپىنىسىن ايگىلەدى.
”جەڭىس مىڭ ماشاقاتتان كەلەدى. اناعۇرلىم تاماشا تۇرمىس سولعۇرلىم ماشاقاتتى قۇلشىنىستى قاجەت ەتەدى“. سوتسياليزم ىستەۋمەن كەلگەن، جاڭا ءداۋىر كۇرەسپەن كەلگەن. جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ جاڭا ساپارى باستالدى، جاڭا داۋىردە كۇرەس جاساپ العا ىلگەرىلەۋدىڭ دابىلى الدەقاشان قاعىلدى. جاقسىدان ۇيرەنۋدى داعدىعا اينالدىرۋ كەرەك. جاڭا ءداۋىردىڭ كۇرەسكەرى جانە ارمانعا قۇلاش سەرمەۋشى رەتىندە، ءبىز ەڭبەك ەرلەرىنەن ۇيرەنىپ، ەڭبەك ەرلەرى سەكىلدى ءبىر كاسىپتى ىستەسە، سول كاسىبىن ءسۇيىپ، سول كاسىپتىڭ مايتالمانى بولىپ، سول كاسىپكە ىسىلىپ، ءاربىر بولماشى ىستەردى دە ويداعىداي ىستەپ، ءاربىر مىندەتتى ورىنداپ، ءاربىر قىزمەت جاۋاپكەرشىلىگىن اتقارۋدا رۋح قالىپتاستىرىپ، ماڭداي تەرىمىزبەن ارماننىڭ اق گۇلىن سۋارىپ، قوس قولىمىزبەن تاماشا بولاشاق جاراتىپ، ۇلى وتاندى، وتاننىڭ شينجياڭىن بارعان سايىن تاماشا ەتىپ قۇرىپ شىعۋىمىز كەرەك.
