تيانشان تورى
تيانشان تورى   ›   جاڭالىقتار   ›   ماڭىزدى حابارلار

ءداۋىر ساۋالىنا جاۋاپ بەرىپ، العا باسۋ بەتالىسىن نۇسقادى

− ءتوراعا شي جينپيڭنىڭ 76 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىنا قاتىناسقاندىعىنىڭ ءارى سويلەگەن ماڭىزدى ءسوزىنىڭ ءمانى كەلەلى، ىقپالى تەرەڭ

  شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. 9 - ايدىڭ 21 - كۇنى مەملەكەت ءتوراعاسى شي جينپيڭ بەينە ەكران تاسىلىمەن 76 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىنا قاتىناستى ءارى «سەنىمدى بەكەمدەپ، ۋاقىتتىق قيىنشىلىقتى بىرگە جەڭىپ، اناعۇرلىم كوركەم دۇنيە ءجۇزىن بىرگە قۇرايىق» دەگەن تاقىرىپتا ماڭىزدى ءسوز سويلەدى. مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي تىلشىلەرگە ءتوراعا شي جينپيڭنىڭ ءسوزىنىڭ كەلەلى ءمانى مەن تەرەڭ ىقپالىن تانىستىردى.

  ۋاڭ ي بىلاي دەدى: كەزەكتە، 100 جىلدىق وزگەرىس پەن عاسىرلىق ىندەت قاباتتاسىپ، ءدۇمپۋ تۋدىردى، الەمدىك جونگە سالۋ جۇيەسى مەن حالىقارالىق ءتارتىپ جەدەل وزگەرىپ، دۇنيە ءجۇزى جاڭا اۋمالى - توكپەلى، رەتتەلۋ مەزگىلىنە ءوتتى. ءبىز قايتكەندە ىنتىماقتاسا وتىرىپ، ىندەتتى جەڭۋگە ءتيىسپىز؟ دۇنيە ءجۇزى ەكونوميكاسى قايتكەندە تەز ارادا قالپىنا كەلەدى؟ مەملەكەتتەر ارا، اسىرەسە، ءىرى ەلدەر ارا تاتۋ قاتار تۇرا الا ما، جوق؟ بىرلەسكەن مەملەكەتتەر ۇيىمى وزەكتى رولىن قالاي ساۋلەلەندىرۋ كەرەك؟ بۇل بۇكىل دۇنيە ءجۇزى ءدوپ كەلىپ وتىرعان كەلەلى داۋىرلىك ساۋال، ادامزاتتىڭ بولاشاقتاعى دامۋ بەتالىسىنا قاتىستى، ءار ەل تاريح اعىنىنا ۇيلەسەتىن دۇرىس تالعام جاساۋى ءتيىس.

  ۋاڭ ي بىلاي دەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جۇڭگو جاپپاي دوڭگەلەك داۋلەتتى قوعام ورناتتى، قازىر تاسقىنداعان جىگەرمەن ەكىنشى 100 جىلدىق كۇرەس نىساناسىنا قاراي ارشىندى قادام تاستاۋدا. بيىل ءارى جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەندىگىنىڭ 50 جىلدىعى، جۇڭگو مەن بىرلەسكەن مەملەكەتتەر ۇيىمىنىڭ سەلبەستىگىنىڭ تابىسى قوماقتى ءارى جاڭا تاريحي باستامادا تۇر. بىلتىر بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعى جەلىلەس جوعارى دارەجەلىلەر ماجىلىسىنە قاتىناسقاننان كەيىن، ءتوراعا شي جينپيڭ بىرلەسكەن مەملەكەتتەر ۇيىمى جينالىسىنىڭ جاي تالقىسىنا تاعى قاتىناستى ءارى ماڭىزدى ءسوز سويلەدى، ادامزاتتىڭ تاعدىرلاس ورتاق تۇلعاسىن قۇرۋ تۋىن بيىك ۇستاپ، حالىقارانىڭ ىنتىماقتاسا وتىرىپ ىندەتكە قارسى اتتانۋىنا سەنىم ۇستەپ، الەمنىڭ بىرگە دامۋىنا بەتالىس نۇسقاپ، دۇنيە ءجۇزىنىڭ وزگەرىسىنە توتەپ بەرۋ ءۇشىن ايبىندى جوبا جاساپ، ءىرى ەل كوسەمىنىڭ تەرەڭ كورەگەندىگىن جانە دارقان سۇيىسپەنشىلىگىن تولىق ايگىلەدى.

  ءبىرىنشى، جاڭا تيپتى ايدارشا ۆيرۋس وكپە قابىنۋ ىندەتىن جەڭۋگە جۇڭگونىڭ ۇلەسىن قوستى. كەزەكتە، ىندەت ءالى دە بۇكىل الەمگە لاڭ سالۋدا، ىندەتكە قارسى توسقاۋىل شايقاستىڭ جەڭىسىنە قول جەتكىزۋ ءار ەل حالقىنىڭ كوكەي تەستى تىلەگى. ۆاكسينا ىندەتتى جەڭۋدىڭ پارمەندى قارۋى، الايدا، ”ىندەت ۇلتشىلدىعى“ ءالى دە قاباعات بەلەڭ بەرۋدە. ءىشىنارا ەلدەر ”پالەنى باسقاعا اۋدارىپ، جاۋاپكەرشىلىكتەن ات - تونىن الا قاشىپ“ جانە ساياسي سايقالدىققا باسىپ، حالىقارانىڭ ىنتىماقتاسا ىندەتكە قارسى اتتانۋ كەلەلى جاعدايىن اۋىر دارەجەدە ءبۇلدىردى. ءتوراعا شي جينپيڭ بىلاي دەپ باسا دارىپتەدى: وسى رەتكى ىندەتتىڭ ەكپىنى سۇراپىل بولعانىمەن، ءبىز تۇبىندە جەڭىپ شىعامىز. حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، عىلىم رۋحىن اسقاقتاتىپ، عىلمي پوزيتسيا ۇستانىپ، عىلىم زاڭدىلىعىنا بويسۇنىپ، دالمە - ءدال ساقتانۋ - تىزگىندەۋ مەن شۇعىل جاعدايعا توتەپ بەرۋدى، ءبىر جاقتى ەتۋدى ۇدايىلاندىرۋدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ كەرەك. حالىقارالىق بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، ىندەتتىڭ شەكارا اتتاپ تارالۋ حاۋىپ - قاتەرىن بارىنشا تومەندەتۋ كەرەك. ۆاكسينانى الەمدىك الەۋمەتتىك ءونىم ەتىپ، وركەندەپ كەلە جاتقان ەلدەردىڭ قولجەتىمدى جانە كوتەرىمدى بولۋىنا شىنايى كەپىلدىك ەتۋ كەرەك، قازىرگى كەزەك كۇتتىرمەيتىن جۇمىس −− ۆاكسينانى بۇكىل الەم كولەمىندە ءادىل، ۇيلەسىمدى ۇلەستىرۋ. ءتوراعا شي جينپيڭ بىلاي دەپ قايتالاي دارىپتەدى: جۇڭگو تۇتاس جىلدا شەتەلدەردى 2 ميلليارد دانا ۆاكسينامەن قامداۋعا قۇلشىنادى، ”جاڭا تيپتى ايدارشا ۆيرۋس ۆاكسيناسىن اتقارۋ جوسپارىنا“ 100 ميلليون دوللار جىلۋ اتاۋ نەگىزىندە، بيىلعى جىل ىشىندە وركەندەپ كەلە جاتقان ەلدەرگە تاعى 100 ميلليون دانا ۆاكسينا تەگىن تارتۋ ەتەدى. جۇڭگو بۇكىل الەمنىڭ ۆيرۋستىڭ تەگىن عىلمي جولمەن انىقتاۋىنا ۇزدىكسىز قولداۋ كورسەتەدى جانە ات سالىسادى، ءارقانداي فورماداعى ساياسي سايقالدىققا باتىل قارسى تۇرادى.

  ءتوراعا شي جينپيڭنىڭ اسقاق تا ايبىندى ءسوزى بۇكىل الەمنىڭ ىندەتكە قارسى اتتانۋىنا سەنىم ۇستەپ، ىندەتكە عىلمي قارسى اتتانۋعا جۇڭگو تاجىريبەسىن ۇسىنىپ، ىندەتكە ىنتىماقتاسا قارسى اتتانۋعا ايقىن بەتالىس كورسەتىپ، جۇڭگونىڭ ءار ەلمەن ۋاقىتتىق قيىنشىلىقتى بىرگە جەڭەتىن، ىندەتتى قول ۇستاسا جەڭەتىن بۇلجىماس ەركىن بەينەلەپ، جۇڭگونىڭ ۇستانىپ وتىرعان ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋ ۇستانىمىن اسقاقتاتىپ، حالىقارالىق قوعامنىڭ كەڭ كولەمدى جاقسى باعاسىنا جانە ايرىقشا القاۋىنا يە بولدى.

  ەكىنشى، بۇكىل الەمنىڭ دامۋىن ىلگەرىلەتۋ ءۇشىن جۇڭگو باستاماسىن جاريالادى. ىندەت بۇكىل الەمنىڭ كەدەيلىكتى ازايتۋ جەتىستىگىنە اۋىر دارەجەدە سوققى بەرىپ، جاڭادان گۇلدەنگەن بازار ەلدەرىنىڭ ەكونوميكاسىنىڭ ارتۋى باياۋلاپ، كليمات وزگەرىسى، استىق حاۋىپسىزدىگى سياقتى الەمدىك داعدارىس ۇزدىكسىز ۋشىعىپ، تۇستىك - تەرىستىك ەلدەرىنىڭ ”دامۋ پارقى“ ءۇرتىس كەڭەيىپ، دۇنيە ءجۇزى ەكونوميكاسىنىڭ جاندانۋى قيىنداپ، 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋ قاتاڭ سىن - سايىسقا ءدوپ كەلدى. ءتوراعا شي جينپيڭ بىلاي دەپ اتاپ كورسەتتى: دامۋ حالىقتى باقىتقا كەنەلتۋدىڭ تەتىگى. ىندەت اكەلگەن اۋىر سوققى الدىندا، الەمدىك دامۋدىڭ تەڭگەرىمدى، سايكەستى، سيىسىمدى جاڭا كەزەڭگە قادام تاستاۋىن بىرگە ىلگەرىلەتۋ كەرەك. ءتوراعا شي جينپيڭ الەمدىك دامۋ باستاماسىن سالتاناتپەن العا قويدى، ونىڭ وزەكتى مازمۇنى −− دامۋدى الدىڭعى ورىنعا قويۋعا تاباندى بولۋ، حالىقتى وزەك ەتۋگە تاباندى بولۋ، جالپىعا ءتيىمدى، سيىسىمدى بولۋعا تاباندى بولۋ، جاڭالىق اشۋ ارقىلى دەم بەرۋگە تاباندى بولۋ، ادام مەن تابيعاتتىڭ قاتار ءومىر سۇرۋىنە تاباندى بولۋ، ارەكەتتى باعدار ەتۋگە تاباندى بولۋ، كوپ جاقتى دامۋ سەلبەستىگىنىڭ سايكەستىلىگىن، ونىمدىلىگىن ارتتىرۋدى ىلگەرىلەتىپ، كەدەيلىكتى ازايتۋ، استىق حاۋىپسىزدىگى، ىندەتكە قارسى اتتانۋ جانە ۆاكسينا، دامۋ قارجىسىن توپتاۋ، كليمات وزگەرىسى جانە جاسىل دامۋ، ونەركاسىپتەنۋ، سيفرلى ەكونوميكا، ۇلاستىرۋ، تۇتاستىرۋ سياقتى سالالارداعى سەلبەستىكتى ءتۇيىندى ىلگەرىلەتىپ، الەمدىك دامۋدىڭ تاعدىرلاس ورتاق تۇلعاسىن قۇرۋ.

  ءتوراعا شي جينپيڭ ورتاعا قويعان الەمدىك دامۋ باستاماسى بەيبىتشىلىك پەن دامۋ سىندى ءداۋىر نەگىزگى تاقىرىبىنا ۇيلەستى، جۇڭگونىڭ جاپپاي دوڭگەلەك داۋلەتتى قوعام ورناتۋداعى قۇندى تاجىريبەسىن قامتىدى، ءار ەل حالقىنىڭ اناعۇرلىم تاماشا تۇرمىسقا تالپىنعان كۇشتى تىلەگىمەن ۇندەستى، دامۋ كەڭەستىك ءتارتىبىن حالىقارالىق سەلبەستىكتىڭ اناعۇرلىم ماڭىزدى ورنىنا قويىپ، ءار ەلدىڭ نازاردى دامۋعا شوعىرلاندىرۋىنا، ىنتىماقتاسا دامۋىنا، بىرگە دامۋىنا ارەكەت باعدارناماسىن ازىرلەدى، يدەيالىق قوزعاۋشى كۇش قوستى. بۇل باستاما جۇڭگونىڭ بىرلەسكەن مەملەكەتتەر ۇيىمىنىڭ الەمدىك دامۋدى سەرپىلتۋدەگى سەرىكتەستىك قارىم - قاتىناسىنا كۇش ۇستەگەن ماڭىزدى جارناما، حالىقارالىق قوعامنىڭ بىرىككەن كۇش قالىپتاستىرۋىنا، 2030 - جىلعا دەيىنگى باياندى دامۋ كەڭەستىك ءتارتىبىن جەدەل تياناقتاندىرۋعا پايدالى. ءبىز دۇنيە جۇزىندەگى ءار ەلدىڭ الەمدىك دامۋ باستاماسىنا بىرگە قاتىناسىپ، ءبىر - ءبىرىنىڭ دامۋ ستراتەگيالارىن ۇشتاستىرۋدى تەرەڭدەتىپ، ءتۇيىندى سالالارداعى سەلبەستىكتى بىرگە ىلگەرىلەتىپ، الەمدىك دامۋ ىستەرىنىڭ اناعۇرلىم جارقىن بولاشاعىن اشۋىن قارسى الامىز.

  ءتوراعا شي جينپيڭ تاعى مىنالاردى جاريالادى: جۇڭگو وركەندەپ كەلە جاتقان ەلدەردىڭ ەنەرگياسىنىڭ جاسىل، تومەن كومىر قىشقىل گازدى دامۋىنا بارىنشا قولداۋ كورسەتىپ، شەكارا سىرتىندا كومىر ەلەكتر نىساندارىن ەندىگارى جاڭادان سالمايدى. بۇل ءتوراعا شي جينپيڭنىڭ بىلتىر جۇڭگونىڭ 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى جۇزەگە اسىرۋعا، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا كۇش سالاتىندىعىن جاريالاعاننان كەيىنگى جۇڭگونىڭ الەمدىك كليمات وزگەرىسىنە توتەپ بەرۋدە دەربەس قولدانعان تاعى ءبىر ماڭىزدى شاراسى ءارى جۇڭگونىڭ الەمدىك جاسىل قالپىنا كەلۋدى جەبەۋدەگى ىرىقتىلىقپەن قوسقان تاعى ءبىر بەلسەندى ۇلەسى بولىپ، ادام مەن تابيعاتتىڭ تىرشىلىك ورتاق تۇلعاسىن قۇرۋداعى باتىل بەكىمى مەن ءىس جۇزىندىك ارەكەتىن ايگىلەدى.

  ءۇشىنشى، جاڭاشا حالىقارالىق قارىم - قاتىناس ورناتۋعا جۇڭگو دارىپتەمەسىن العا قويدى. بيىل قىرعي قاباقتىق سوعىس اياقتاعاندىعىنىڭ 30 جىلدىعى. قىرعي قاباقتىق سوعىستا جەڭىپ شىققان ەشكىم جوق، دۇنيە ءجۇزى ونىڭ زاردابىن ابدەن تارتتى. ادامدى الاڭداتاتىنى، ءبىز قىرعي قاباقتىق سوعىس وي جەلىسى سارقىنشاقتارىنىڭ قايتا بەلەڭ بەرگەندىگىن، وكتەمدىك ساياسيدىڭ قايتا ەتەك العاندىعىن، ءىشىنارا ەلدەردىڭ يدەولوگيانى بەلگى ەتىپ، وڭىرلىك قىرقىسۋدىڭ تار شەڭبەرىن قالىپتاستىرىپ، دەموكراتيانى، ادامدىق ۇقىقتى جەلەۋ ەتىپ وزگە ەلدەردىڭ ىشكى ىسىنە كيلىگىپ، وزگە ەلدەردىڭ دامۋىنا كەدەرگى بولعاندىعىن كورىپ وتىرمىز. ءتوراعا شي جينپيڭ بىلاي دەپ باسا دارىپتەدى: بەيبىت داميتىن دۇنيە ءجۇزى تۇرلىشە فورماتسياداعى وركەنيەتتەردى ارقالاۋى ءتيىس، ءسوز جوق، وسىزاماندانۋعا بەتتەۋدىڭ الۋان ءتۇرلى جولىن قامتۋى ءتيىس. دەموكراتيا الدەبىر ەلدىڭ پاتەنتى ەمەس، قايتا ءار ەل حالقىنىڭ ۇقىق - مۇددەسى. بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىعىن كۇش سالا اسقاقتاتىپ، تار شەڭبەر مەن تەكە تىرەستىكتەن كەشۋ كەرەك. كەڭەسۋگە، قارسىلاسپاۋعا، سيىسىمدى بولۋعا، قاقپايلاماۋعا تاباندى بولىپ، مۇددەنىڭ توعىسۋ ءتۇيىنىن كەڭەيتىپ، ەڭ ۇلكەن سەنترلەس شەڭبەر سىزۋ كەرەك. جۇڭحۋا ۇلتى بەيبىتشىلىك، تاتۋلىق، جاراسىمدىلىق ۇستانىمىن جالعاستىرادى جانە وعان تالپىنادى. ءبىز بۇرىن باسقالارعا شاپقىنشىلىق جاساعان ەمەسپىز، بۇدان كەيىن دە باسقالارعا شاپقىنشىلىق جاسامايمىز، باسقالاردى باسىنبايمىز، زورەكەر بولمايمىز.

  ءتوراعا شي جينپيڭ كوكىرەك سارايىن اشاتىن ايبىندى سوزىندە مەملەكەت پەن مەملەكەتتەردىڭ، اسىرەسە، ءىرى ەلدەردىڭ تاتۋ قاتار تۇرۋى دۇنيەنىڭ دۇرىس جولى ەكەندىگىن اتاپ كورسەتتى، ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قارىم - قاتىناس ورناتۋدىڭ ماڭىزدى ءمانىن قايتالاي دارىپتەدى، تۇراقسىزدىق جايلاعان حالىقارالىق قارىم - قاتىناسقا اناعۇرلىم كوپ ورنىقتىلىق سيپات ۇستەدى. جۇڭگو ۇزدىكسىز دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى، الەۋمەتتىك ونىمدەردىڭ قامداۋشىسى بولادى، جۇڭگونىڭ شىت جاڭا دامۋى ارقىلى دۇنيە جۇزىنە ۇزدىكسىز جاڭا وراي ازىرلەيدى.

  ءتورتىنشى، الەمدىك جونگە سالۋدى كەمەلدەندىرۋگە جۇڭگو جوباسىن ازىرلەدى. قازىر اتقارىلىپ وتىرعان حالىقارالىق جۇيەنىڭ وزەكتى قۇرىلىمى −− بىرلەسكەن مەملەكەتتەر ۇيىمى، قازىرگى حالىقارالىق ءتارتىپتىڭ وزەكتى ۇستانىمى −− كوپ جاقتىلىق. بىرلەسكەن مەملەكەتتەر ۇيىمى ۋستاۆىنىڭ باس ماقساتى اسقاقتاتىلسا، كوپ جاقتىلىق امالياتتا ايگىلەنسە، ادامزاتتىڭ ىرىس - قۇتى قورعالادى جانە داميدى؛ بىرلەسكەن مەملەكەتتەر ۇيىمىنىڭ ورنى السىرەسە، كوپ جاقتىلىق سوققىعا ۇشىراسا، دۇنيە جۇزىندە بىلىقپالىق قاپتاپ، قالىڭ ورتاشا، شاعىن مەملەكەتتەر ونىڭ سوققىسىنا الدىمەن ۇشىرايدى. كەزەكتە، ءىشىنارا ەلدەر كوپ جاقتىلىققا قايتا ورالۋدى جەلەۋ ەتىپ، قيت ەتسە بولدى ”قاعيدا نەگىزىندەگى حالىقارالىق ءتارتىپتى“ قورعايمىز دەپ بايبالام سالىپ وتىر، ءىس جۇزىندە ءوزىنىڭ ەركى مەن ولشەمىن باسقالارعا زورلاپ تاڭىپ، جاپپاي قابىلدانعان حالىقارالىق زاڭ - ەرەجەنىڭ ورنىنا از ساندى ەلدەردىڭ جاساعان قاعيداسىن پايدالانىپ وتىر. ءتوراعا شي جينپيڭ بىلاي دەپ ايقىن اتاپ كورسەتتى: دۇنيە جۇزىندە ءبىر عانا جۇيە بار، ول بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە. ءبىر عانا ءتارتىپ بار، ول حالىقارالىق زاڭدى نەگىز ەتكەن حالىقارالىق ءتارتىپ. ءبىر عانا ەرەجە بار، ول بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيپتەرىن نەگىز ەتكەن حالىقارالىق قارىم - قاتىناستىڭ نەگىزگى ولشەمى. بىرلەسكەن مەملەكەتتەر ۇيىمى ناعىز كوپ جاقتىلىق تۋىن بيىك ۇستاپ، حالىقارالىق ءتارتىپتى ورنىقتىرۋعا كۇش سالىپ، حالىقارالىق قارىم - قاتىناستىڭ دەموكراتيالانۋىن جانە زاڭمەن جونگە سالىنۋىن ىلگەرىلەتۋ جاقتارىندا الدىڭعى لەكتە ءجۇرىپ، حاۋىپسىزدىك، دامۋ، ادامدىق ۇقىق سىندى 3 ۇلكەن سالاداعى قىزمەتتەردى تەپە - تەڭ ىلگەرىلەتىپ، ءار جاقتىڭ كوپ جاقتىلىق جونىندەگى ۋادەسىن ناقتى تياناقتاندىرۋ كەرەك.

  ءتوراعا شي جينپيڭنىڭ بايىمىنىڭ تۋى ايقىن بولىپ، مۇلدە كوپ ساندى ەلدەردىڭ ورتاق ءۇنىن جەتكىزدى، جۇڭگونىڭ ناعىز كوپ جاقتىلىققا تاباندى بولۋ جونىندەگى سالتاناتتى ۋادەسىن بەينەلەدى، بۇل الەمدىك جونگە سالۋ جۇيەسىنىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋ جاعىنداعى ءىرى ەلدىڭ ارقالاعان جاۋاپكەرشىلىگى، بىرلەسكەن مەملەكەتتەر ۇيىمىنىڭ ورنى مەن رولى جونىندەگى باتىل قولداۋى. جۇڭگو بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيپتەرىن ۇزدىكسىز ۇستانىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، ناعىز كوپ جاقتىلىقتى كۇش سالا اسقاقتاتادى جانە امالياتتا ايگىلەيدى.

  ۋاڭ ي بىلاي دەدى: 100 جىلدىق ەكپىندەي ىلگەرىلەۋدە، اۋەلگى ماقساتتان اينىماي، ءور اسۋدا بورىش ارقالاپ وتىرمىز. ءبىز شي جينپيڭ جاڭا ءداۋىر جۇڭگوشا سوتسياليزم يدەياسى مەن شي جينپيڭنىڭ ديپلوماتيا يدەياسىن جەتەكشى ەتىپ، جاڭا داۋىردەگى جۇڭگوشا ەرەكشەلىككە يە ءىرى ەل ديپلوماتياسىن جاپپاي ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بىرلەسكەن مەملەكەتتەر ۇيىمىنىڭ ءتۇرلى ىستەرىنە اناعۇرلىم بەلسەندىلىكپەن، ىسكەرلىكپەن ات سالىسىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى دامىتۋ، كەمەلدەندىرۋ ءۇشىن قاجىماي - تالماي قۇلشىنىس جاساپ، ادامزاتتىڭ بەيبىتشىلىگى مەن دامۋ ىستەرىن جەبەۋ ءۇشىن اناعۇرلىم زور ۇلەس قوسامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.