جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس باسىپ تاراتقان «ءبىلىم مەنشىك ۇقىعىندا قۋاتتى ەل قۇرۋ باعدارلاماسى (2021 - جىلدان 2035 - جىلعا دەيىن)» 9 - ايدىڭ 22 - كۇنى جاريالانىپ، ەلىمىزدىڭ ءبىلىم مەنشىك ۇقىعىندا قۋاتتى ەل قۇرۋدى جەدەلدەتۋى جونىندە جاپپاي ورنالاستىرۋ جاسادى.
باعدارلامادا مىنالار اتاپ كورسەتىلدى: جۇڭگولىق ەرەكشەلىكتەگى، دۇنيە جۇزىلىك دەڭگەيدەگى ءبىلىم مەنشىك ۇقىعىندا قۋاتتى ەل قۇرۋ مەملەكەتتىڭ وزەكتى باسەكەلىك قۋاتىن جوعارىلاتۋ، جوعارى دەڭگەيدە سىرتقا ەسىك اشۋدى كەڭەيتۋ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋ، حالىقتىڭ كۇن سايىن ارتىپ وتىرعان تاماشا تۇرمىسقا قاجەتىن قاناعاتتاندىرۋ جونىنەن كەلەلى ماڭىز الادى.
باعدارلامادا مىنالار ورتاعا قويىلدى: 2025 - جىلعا بارعاندا، ءبىلىم مەنشىك ۇقىعىندا قۋاتتى ەل قۇرۋ كورنەكتى ونىمدىلىككە قول جەتكىزىپ، ءبىلىم مەنشىك ۇقىعىن قورعاۋ اناعۇرلىم قاتاڭ بولىپ، قوعامنىڭ رازىلىعى ءبىرشاما جوعارى دەڭگەيگە جەتىپ ءارى سول دەڭگەيدى ساقتاپ، ءبىلىم مەنشىك ۇقىعىنىڭ بازار قۇنى اناعۇرلىم كورنەكتىلەنىپ، ايگىلى ماركا باسەكەلىك قۋاتى ايتارلىقتاي جوعارىلايدى. 2035 - جىلعا بارعاندا، ەلىمىزدىڭ ءبىلىم مەنشىك ۇقىعىنىڭ جالپىلىق باسەكەلىك قۋاتى دۇنيە ءجۇزىنىڭ الدىڭعى لەگىنە ءوتىپ، جۇڭگولىق ەرەكشەلىكتەگى، دۇنيە جۇزىلىك دەڭگەيدەگى ءبىلىم مەنشىك ۇقىعىندا قۋاتتى ەل نەگىزىنەن قۇرىلادى.
باعدارلامادا سوتسياليستىك وسىزاماندانۋدى بەتكە العان ءبىلىم مەنشىك ۇقىعى ءتۇزىمىن ورناتۋ، حالىقارالىق وزىق دەڭگەيدەگى شارۋاشىلىق - ساۋدا ورتاسىنا دەم بەرەتىن ءبىلىم مەنشىك ۇقىعىن قورعاۋ جۇيەسىن ورناتۋ، جاڭالىق اشا دامۋعا ىنتالاندىراتىن ءبىلىم مەنشىك ۇقىعى بازار اينالىمى مەحانيزمىن ورناتۋ، حالىققا قولايلى، حالىققا ءتيىمدى ءبىلىم مەنشىك ۇقىعى الەۋمەتتىك قىزمەت وتەۋ جۇيەسىن ورناتۋ، ءبىلىم مەنشىك ۇقىعىنىڭ جوعارى ساپالى دامۋىن جەبەيتىن گۋمانيتارلىق قوعامدىق ورتا قۇرۋ جانە دۇنيە ءجۇزىنىڭ ءبىلىم مەنشىك ۇقىعىن جونگە سالۋىنا تەرەڭدەي ات سالىسۋ سياقتى 6 جاقتا ءبىلىم مەنشىك ۇقىعىندا قۋاتتى ەل قۇرۋدىڭ ءتۇيىندى مىندەتتەرى ورنالاستىرىلىپ، ۇيىمدىق باسشىلىقتى كۇشەيتۋ، شارت - جاعدايمەن قامتاماسىز ەتۋدى كۇشەيتۋ جانە باعالاۋدى، ساراپتاۋدى كۇشەيتۋ سياقتى 3 جاقتا ۇيىمدىق قامتاماسىز ەتۋ تالاپتارى العا قويىلدى.
