تيانشان تورى   ›   جاڭالىقتار   ›   ماڭىزدى حابارلار

شي جينپيڭنىڭ تاپسىرۋىمەن وقۋ - اعارتۋ مينيسترلىگىندەگى جاۋاپتى جولداس ياڭ جىننيڭگە امانداسا باردى

  شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ تاپسىرۋىمەن وقۋ - اعارتۋ مينيسترلىگىندەگى جاۋاپتى جولداس 9 - ايدىڭ 22 - كۇنى چيڭحۋا داشۋەسىنە بارىپ جۇڭگو عىلىم اكادەمياسىنىڭ اكادەميگى، ايگىلى فيزيكا عالىمى ياڭ جىننيڭگە امانداسىپ، شي جينپيڭ اتىنان گۇل شارباق ۇسىنىپ، شي جينپيڭنىڭ ونىڭ 100 جاسقا تولعان تۋعان كۇنىنە دەگەن قۇتتىقتاۋ تىلەگىن جەتكىزىپ، ونىڭ دەنساۋلىعىنىڭ مىقتى بولۋىن، ۇزاق عۇمىر كەشۋىن تىلەدى.

  ياڭ جىننيڭ 1922 - جىلى 9 - ايدىڭ 22 - كۇنى انحۇيدىڭ حىفەي قالاسىندا دۇنيەگە كەلگەن، وتكەن عاسىردىڭ 40 - جىلدارىندا امەريكاعا وقۋعا بارىپ، سول جەردە وقىتۋشى بولعان. 1957 - جىلى ءالسىز ءوزارا اسەردەگى ءبىرىن - ءبىرى كەسكىن ەتكەن زات قوزعالىسىنىڭ سيممەترياسىزدىعى قاعيداسىن ورتاعا قويعاندىعى سەبەپتى لي جىڭداۋمەن بىرگە نوبەل فيزيكا سيلىعىن العان. ول ورتاعا قويعان ”ياڭ − ميللس ولشەم ءورىسى“ ءىلىمى 20 - عاسىر فيزيكا عىلىمىنداعى ەڭ ماڭىزدى جەتىستىكتەردىڭ ءبىرى سانالادى. 2003 - جىلدان باستاپ ياڭ جىننيڭ وتانعا ورالىپ قونىستاندى ءارى چيڭحۋا داشۋەسىندە وقىتۋشىلىق ىستەپ كەلەدى، ول دارىندىلاردى باۋلۋ جانە باۋراۋ، جۇڭگو مەن شەتەلدىڭ ءىلمي اۋىس - كۇيىسىن جەبەۋ سياقتى جاقتاردا ماڭىزدى ۇلەس قوستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.