حالىق گازەتى اۆتورلى ماقالا جاريالادى
«اۋىل شارۋاشىلىعىنىڭ، اۋىل - قىستاقتىڭ رەفورماسىنىڭ، دامۋىنىڭ جاڭا تارتىمدى تاراۋىن جازايىق — باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىنان شولۋ»
شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. حالىق گازەتى 9 - ايدىڭ 23 - كۇنى «اۋىل شارۋاشىلىعى، اۋىل - قىستاق رەفورماسىنىڭ، دامۋىنىڭ جاڭا تارتىمدى تاراۋىن جازايىق − باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارى تۋرالى جالپى شولۋ» اتتى اۆتورلى ماقالا جاريالادى.
”اۋىلداستاردىڭ جاقسى تۇرمىس كەشىرۋىنە مۇمكىندىك جاساۋ پارتيامىزدىڭ باستان - اياق بۇلجىمايتىن اۋەلگى ماقساتى، بورىشى، كوممۋنيستىك پارتيا وسى ءىستى ويداعىداي ىستەپ، ۇزدىكسىز جاقسى جاۋاپناما تاپسىرۋ كەرەك. بۇكىل پارتيا، بۇكىل ەل، بۇكىل قوعام كەدەيلىكتەن ارىلتۋدان قامال الۋ رۋحىن زور كۇشپەن اسقاقتاتىپ، قايراتتانا ۇمتىلىپ، ءوز كۇشىنە سۇيەنىپ ءومىر ءسۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزۋ كەرەك“، - دەپ اتاپ كورسەتتى بيىل 9 - ايدىڭ 14 - كۇنى باس شۋجي شي جينپيڭ شانشي يۇيلين قالاسى سۇيدى اۋدانى جاڭجيابيان قالاشىعى حاۋجياچياۋ قىستاعىندا قىزمەت تەكسەرگەندە.
ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندە اسا ماڭىزدى ورىنعا قويۋعا تاباندى بولىپ، كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام ورناتۋدىڭ بەلگى سيپاتتى ينجەنەرياسى رەتىندە قاراپ، ادامزات تاريحىنداعى كولەمى ەجەلدەن بولماعان، تەبىنى ەڭ زور، يگىلىككە كەنەلگەن جان سانى ەڭ كوپ كەدەيلىكتەن ارىلتۋدان قامال الۋ شايقاسىن ۇيىمداستىرىپ ىلگەرىلەتىپ، اۋىل - قىستاقتى گۇلدەندىرۋ ستراتەگياسىن باستاپ، اتقارىپ، اۋىل شارۋاشىلىعىنىڭ، اۋىل - قىستاقتىڭ تاريحي سيپاتتى تابىسقا قول جەتكىزۋىن، تاريحي سيپاتتى وزگەرىس تۋىلۋىن ىلگەرىلەتتى. باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋىنىڭ ءمانى زور، مازمۇنى باي، يدەياسى تەرەڭ، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ، بۇكىل پارتيانىڭ، بۇكىل قوعامنىڭ كۇش شىعارىپ اۋىل - قىستاقتى گۇلدەندىرۋدى ىلگەرىلەتۋ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋ، جۇڭحۋا ۇلتىنىڭ ۇلى گۇلدەنۋىنىڭ اۋىل شارۋاشىلىعى، اۋىل - قىستاق، شارۋالار جاڭا تاراۋىن جازۋ جونىنەن ەرەكشە ماڭىزدى جەتەكشى مانگە يە.
ماقالا 8 بولىمگە بولىنگەن: اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى، ءسوز جوق، باستان - اياق بۇكىل پارتيا قىزمەتىنىڭ اسا ماڭىزدى ورنىنا قويۋ كەرەك؛ اۋىل - قىستاقتى گۇلدەندىرۋ ستراتەگياسىن اتقارۋدى جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تۇتقاسى ەتۋ؛ ونەركاسىپ ارقىلى اۋىل شارۋاشىلىعىن جەبەۋ، قالا ارقىلى اۋىلعا دەم بەرۋ، ونەركاسىپ پەن اۋىل شارۋاشىلىعى ءوزارا تيىمدىلىك جەتكىزۋ، قالا مەن اۋىلدى ءبىر تۇلعاندىرۋ سىندى جاڭاشا ونەركاسىپ پەن اۋىل شارۋاشىلىعى، قالا مەن اۋىل قاتىناسىن قالىپتاستىرۋ؛ استىق حاۋىپسىزدىگى مەن وسى زامانعى جوعارى ءونىمدى اۋىل شارۋاشىلىعىنىڭ ءوزارا بىرلىگىن جۇزەگە اسىرۋ؛ شارۋالاردىڭ كىرىسىن ارتتىرۋ اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەكتى مىندەتى؛ ءوزىن باسقارۋ، زاڭمەن جونگە سالۋ، مورالمەن جونگە سالۋ ءوزارا ۇشتاسقان اۋىل - قىستاقتى جونگە سالۋ جۇيەسىن اقاۋسىزداندىرۋ؛ شارۋالار تىنىش ءومىر، شات - شادىمان تىرشىلىك كەشىرەتىن كورىكتى مەكەن قۇرۋ؛ پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جالپى بەتتىك باسشىلىعىن كۇشەيتۋ.
ماقالادا مىنالار باسا دارىپتەلدى: ”اۋىل شارۋاشىلىعى الەمدەگى ۇلى كاسىپ“. بىزدە پارتيا باسشىلىعى سىندى ساياسي ابزالدىلىق بار بولعاندىقتان، سوتسياليزمنىڭ ءتۇزىم ابزالدىلىعى بار بولعاندىقتان، سان ميلليونداعان شارۋالاردىڭ جاسامپازدىق رۋحى بار بولعاندىقتان، كۇشتى ەكونوميكالىق قۋات تىرەگى بار بولعاندىقتان، اۋىل - قىستاقتى گۇلدەندىرۋ ستراتەگياسىن اتقارۋ سىندى وسى ءىرى ءىستى ويداعىداي اتقارىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن ۇزدىكسىز اشا الامىز. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندە اسا ماڭىزدى ورىنعا قويۋعا تاباندى بولىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، جۇڭگوشا سوتسياليستىك اۋىل - قىستاقتى گۇلدەندىرۋ جولىمەن ءجۇرىپ، قالا، اۋىلدىڭ وڭىرلىك دامۋ پارقىن ءۇرتىس كىشىرەيتىپ، اناعۇرلىم پارمەندى شارا ارقىلى اناعۇرلىم قۋاتتى كۇش ۇيىستىرىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋ اياق الىسىن جەدەلدەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا اۋىل - قىستاقتى گۇلدەندىرۋدىڭ كوركەم كارتيناسىن قۇلشىنا ايشىقتايىق!
