4 - رەتكى ”جۇڭگو شارۋالار مول ءونىم مەرەكەسى“ كەلۋ قارساڭىندا
شي جينپيڭ بۇكىل ەلدەگى قالىڭ شارۋالار مەن اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىن ىقىلاسپەن حال سۇرادى
اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتىپ، قالىڭ شارۋالاردىڭ تۇرمىسىن كۇننەن - كۇنگە جاقسارتۋدى باسا دارىپتەدى
شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. 4 - رەتكى ”جۇڭگو شارۋالار مول ءونىم مەرەكەسى“ كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ شارۋالار مەن اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىن ىقىلاسپەن حال سۇرادى.
شي جينپيڭ بىلاي دەپ اتاپ كورسەتتى: بيىل جىل باسىنان بەرى ءبىز جاڭا تيپتى ايدارشا ۆيرۋس وكپە قابىنۋ ىندەتى، تاسقىن - سەل جاراتىلىستىق اپاتى سياقتى قيىنشىلىقتاردى جەڭىپ، استىق جانە اۋىل شارۋاشىلىعى وندىرىسىندە قۋانىشپەن مول ءونىم الدىق، اۋىل - قىستاق جاراسىمدى، ورنىقتى، شارۋالار باقىتتى، ساۋ - سالامات بولىپ، جاڭا جاعداي اشۋدا، وزگەرىسكە توتەپ بەرۋدە، كەلەلى جاعدايدى ورنىقتىرۋدا ماڭىزدى رول اتقاردى.
شي جينپيڭ بىلاي دەپ باسا دارىپتەدى: ۇلت گۇلدەنۋ ءۇشىن، اۋىل - قىستاق، ءسوز جوق، گۇلدەنۋ كەرەك. ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىنا قادام تاستاعاندا، اۋىل شارۋاشىلىعى، اۋىل - قىستاق، شارۋالار قىزمەتىنىڭ ماڭىزدى ءتۇيىنى اۋىل - قىستاقتى گۇلدەندىرۋدى جاپپاي ىلگەرىلەتۋگە قاراي تاريحي بۇرىلىس جاسادى. ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى كەلەلى ساياساتتارىن، باعىتتارى مەن شەشىمدەرىن، ورنالاستىرۋلارىن دايەكتىلەندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتىپ، قالىڭ شارۋالاردىڭ تۇرمىسىن كۇننەن - كۇنگە جاقسارتا بەرۋ كەرەك.
