ەڭبەكتى ارداقتاۋ، ەڭبەكتى قىزۋ ءسۇيۋ، قاجىرلىلىقپەن ەڭبەك ەتۋ، ادالدىقپەن ەڭبەك ىستەۋ
ەڭبەك رۋحى شينجياڭنىڭ قۇنارلى توپىراعىنا تەرەڭ تامىر تارتتى
انار بۇلت / شينجياڭ گازەتىنىڭ ءتىلشىسى يۇي شي
ەڭبەك − بارلىق باقىتتىڭ باستاۋ كوزى.
جاڭا جۇڭگو قۇرىلعاننان بەرى، پارتيانىڭ باسشىلىعىندا، ەڭبەك رۋحى شينجياڭنىڭ قۇنارلى توپىراعىنا تەرەڭ تامىر تارتتى. سان - ساناقسىز جىر ەتەرلىك ەڭبەك ماداق جىرلارى شينجياڭنىڭ بەتپاق دالادان گۇلدەنۋگە، جۇتاڭدىقتان بايۋعا، توماعا - تۇيىقتىقتان ەسىك اشۋعا، مەشەۋلىكتەن العا باسۋعا بەت الۋىنا كۋا بولدى.
وتە - موتە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەڭبەكتى ارداقتاۋ، ەڭبەكتى قىزۋ ءسۇيۋ، قاجىرلىلىقپەن ەڭبەك ەتۋ، ادالدىقپەن ەڭبەك ىستەۋ سىندى ەڭبەك رۋحى تيانشان الابىن نۇرلاندىرىپ، تارىم وزەنىنىڭ ەكى جاعالاۋىنا شۋاق شاشتى. شينجياڭداعى ءار ۇلت حالقى ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ ۇلى ساپارىندا ”كورىكتى شينجياڭ قۇرىپ، وتان ارمانىن بىرگە جۇزەگە اسىرۋ“ سىندى ەڭبەكتىڭ جاڭا تاراۋىن جازدى.
زامان تىنىش تا تاماشا بولسا، ەل - جۇرت بەيبىت تە بەرەكەلى بولادى. بۇل كۇندەرى، وتان قۇشاعىنداعى شينجياڭ ەڭبەكپەن ارماندى اسقاقتاتىپ، كۇرەسپەن تاماشا تاراۋ جازىپ، جاڭا ساپاردا ارشىندى قاداممەن العا ىلگەرىلەۋدە.
ەڭبەكتى ارداقتاپ، جاسامپازدىقتى القادى
”سىرت، سىرت...“ 9 - ايدىڭ 23 - كۇنى ءۇرىمجى اۋدانى سارداۋان اۋىلىنىڭ سارشوقى قىستاعىندا تازالىقشى ءشامسيا اسەيبەك تاس جولدى سىپىرىپ ءجۇر.
ورتا تازالىقشىسى بولعان 12 جىلدان بەرى، ءبىر جىلداعى 365 كۇندە ءشامسيا دەمالىستى وتە از الادى ءارى ىرىقتى تۇردە باستاماشىلدىقپەن دەمالىس - مەرەكە كۇندەرى ۇستەمەلەپ جۇمىس ىستەيدى.
”شارشامادىم دەسەم وتىرىك بولار، ورتا تازالىعى قىزمەتىن ەشكىم ىستەمەسە، كورىكتى اۋىل - قىستاق قايدان بولسىن؟“ ءشامسيا بىلاي دەيدى: باس شۋجي ورتا تازالىقشىلارىنىڭ قامىن جەدى، بۇل مەنى ىشتەي مەيىرگە بولەپ، تۇلا بويىمداعى قايراتىمدى تاسقىنداتتى.
حالىق تاريحتى جاراتادى، ەڭبەك بولاشاق اشادى.
1950 - جىلى پارتيا مەن مەملەكەت تۇڭعىش رەت ەڭبەك ەرلەرىن ماداقتاپ - سيلادى، 71 جىلدان بەرى، ەڭبەك جاسامپازدىعىن القاپ، ەڭبەك رۋحىن جىرعا قوسۋدى پارتيا مەن مەملەكەت باستان - اياق ۇزدىكسىز دايەكتىلەندىرىپ كەلەدى.
بوران - شاشىننان تايسالمايتىن ەڭبەك جولىندا، پارتيانىڭ شۇعىلاسى تيانشاندى نۇرلاندىردى.
بەيبىت ازات بولعاننان كەيىن، جوقشىلىق پەن دارمەنسىزدىك جايلاعان، سان سالا كوركەيتۋدى كۇتكەن جاعداي الدىندا، شينجياڭ ەڭبەك جاسامپازدىعىنىڭ ماڭىزدى رولى مەن ەڭبەكشىلەردىڭ قوعامدىق تۇرمىستاعى تۇلعالىق ورنىن بارىنشا دارىپتەپ، دابىرالى وتانشىلدىق ەڭبەك باسەكەسى مەن جاڭا رەكوردتار جاراتۋ قيمىلىن باستادى.
1950 - جىلى 4 - ايدا بۇرىنعى شينجياڭ ولكەلىك ونەركاسىپ - كەن مەڭگەرمەسىنە قاراستى اينەك زاۆودىنىڭ جۇمىسشى ۇيىمى ۇيىمداستىرۋ كوميسسياسى بۇكىل زاۆودتاعى جۇمىسشىلاردى ءوندىرىس ەكپىندىلەرى باسەكەسى قيمىلىن ورىستەتۋگە جۇمىلدىرىپ جانە ۇيىمداستىرىپ، ءىس جۇزىندىك ارەكەتتەرى ارقىلى شينجياڭ ازات بولعاننان كەيىنگى العاشقى ”1 - مامىر“ ەڭبەكشىلەر مەرەكەسىن قارسى الدى. وسىدان باستاپ، ەڭبەك جاسامپازدىعى شينجياڭنىڭ قۇرىلىس، رەفورما سياقتى تۇرلىشە مەزگىلىندەگى داۋىرلىك قۋاتتى ۇنىنە اينالدى.
”ەڭبەكشىلەر وزدەرى قوجايىن بولعان مەملەكەتتە، جۇڭگولىقتار الدەقاشان ’1 - مامىر‘ سىندى زاڭدا بەلگىلەنگەن دەمالىس كۇنى بويىنشا، تالاي جىل اتاپ وتكەن وسى مەرەكەگە ادەتتەنىپ كەتتى، بۇل ’1 - مامىر‘ حالىقارالىق ەڭبەكشىلەر مەرەكەسىىنىڭ جۇرت جۇرەگىنە تەرەڭ ۇيالاۋىنىڭ بەلگىسىنە دە اينالدى“، - دەدى اۆتونوميالى رايوندىق باس جۇمىسشى ۇيىمى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى دۋ جيانگاڭ.
سوتسياليزم ىستەۋمەن كەلگەن، جاڭا ءداۋىر كۇرەسپەن كەلگەن.
بۇگىنگى شينجياڭدا مىڭ جىلدىق مۇلدەم كەدەيلىك ماسەلەسى تاريحي شەشىمىن تاپتى! شينجياڭنىڭ وڭىرلىك ءوندىرىس جالپى ءونىم قۇنى 1952 - جىلعى 791 ميلليون يۋاننان 2020 - جىلى ءبىر تريلليون 379 ميلليارد 758 ميلليون يۋانعا ارتىپ، حالىق بۇقاراسىنىڭ ىشەر اس، كيەر كيىم، ءجۇرىس - تۇرىسىندا تاريحي وزگەرىس تۋىلىپ، تيانشان الابىنداعى 10 ميلليوننان استام بۇقارا قۋانىشپەن جاڭا قونىسقا كوشىپ، بارلىق ايماق - وبلىس - قالالار جوعارى جىلدامدىقتى تاس جول داۋىرىنە ءوتىپ، شينجياڭ ەلىمىزدەگى اۋەجايى ەڭ كوپ، اۋە لەنياسى ەڭ ۇزىن ولكە - رايونعا اينالدى... 25 ميلليوننان استام ءار ۇلت ەڭبەكشىلەرى جەر - الەمدى جالت قاراتقان تەلەگەي كۇشىن قاۋلاتتى.
”وسى وراسان زور شۇعىلالى تابىستارعا ’ەڭبەكتى ارداقتاۋ، ەڭبەكتى قىزۋ ءسۇيۋ، قاجىرلىلىقپەن ەڭبەك ەتۋ، ادالدىقپەن ەڭبەك ىستەۋ‘ سىندى ەڭبەك رۋحىنىڭ ارقاسىندا جەتتىك“، - دەپ قارادى اۆتونوميالى رايوندىق پارتكوم پارتيا مەكتەبى پارتيا تاريحىن، پارتيا قۇرىلىسىن وقىتۋ - زەرتتەۋ ءبولىمىنىڭ دوتسەنتى لي يۇيلان.
قاجىرلىلىقپەن ەڭبەك ەتىپ، داۋىرگە باستاماشى بولدى
”قاجىرلىلىقپەن ۇيرەنىپ، ماشاقاتپەن جاتتىعۋ ارقىلى ءبىر ايعا جەتپەي - اق كىلەم توقۋ ماشيناسىنىڭ توقۋ تەحنيكاسىن جەتىك يگەرىپ الدىم“، - دەيدى اقتاۋ اۋدانى فۋشيڭ كىلەم شارۋاشىلىعى شەكتى سەرىكتەستىگىنىڭ سەح مەڭگەرۋشىسى ميھىرگۇل ابدۇكەرىم.
وڭتۇستىك شينجياڭنىڭ شەت - شالعاي تاۋلى قىستاعىنداعى شارۋادان مەملەكەتتىك 1 - مامىر ەڭبەك مەدالىنىڭ يەگەرىنە دەيىن، وشاق باسىنداعى وتباسى ايەلىنەن قىستاق تۇرعىندارىن باستاپ سىرتقا شىققان كاسىپ سالاسى جۇمىسشىسىنا دەيىن... قىزمەت ىستەگەن 5 جىلدان بەرى، ميھىرگۇل قاجىرلى ەڭبەگىمەن، ادال ەڭبەگىمەن جاي جۇمىس ورنىنداعى ەڭبەكشىلەر رۋحىن ءتۇسىندىردى.
باس شۋجي شي جينپيڭ: ”ەڭبەك ەرلەرى ۇلتتىڭ ەگەيلەرى، حالىقتىڭ ونەگەسى، رەسپۋبليكانىڭ ۇلەسكەرلەرى“ دەپ اتاپ كورسەتتى.
2014 - جىلى 4 - ايدىڭ 30 - كۇنى شينجياڭدا قىزمەت تەكسەرگەن باس شۋجي شي جينپيڭ ۇرىمجىدە ەڭبەك ەرلەرىنىڭ جانە وزات قىزمەتكەرلەردىڭ، وزات تۇلعالاردىڭ ۋاكىلدەرىمەن كەزدەستى. ول بىلاي دەدى: ەڭبەك ەرلەرى مەن وزات قىزمەتكەرلەر، وزات تۇلعالار ءوزى قىزمەتتى جاقسى ىستەپ قانا قالماستان، تۇتاس قوعامعا ءوز بويىنان ەڭبەك رۋحىن جانە ەڭبەك كوزقاراسىن تاراتىپ، ىنتالانا ءىس ىستەۋدى، شوگەل ادام بولۋدى، قاجىرلى ەڭبەكپەن بايۋدى تۇتاس قوعامدا جالپى بەتتىك سالتقا اينالدىرۋ كەرەك.
ىقىلاستى ءسوز، شىنايى تاپسىرما كۇرەس ىنتاسىن قاۋلاتىپ، العا باسۋ بەتالىسىن ايقىن كورسەتىپ بەردى. بۇگىنگى شينجياڭنىڭ بايتاق دالاسىنا كوز جىبەرسەك، ءارقايسى شايقاس شەپتەرىنەن ەڭبەك ەرلەرى مولىنان شىقتى، توپ جۇلدىزدار جارقىرادى، ولار قاي - قاشان دا ءداۋىردىڭ ەڭ الدىڭعى لەگىندە تۇرىپ، قالىڭ ەڭبەكشىلەردى جاڭا داۋىردەگى ەڭبەكشى جىرىن بىرگە شىرقاۋعا باستاپ، ەڭبەك رۋحىن ءداۋىردىڭ نەگىزگى اۋەنىنە اينالدىردى.
88 جاستاعى جين ماۋفاڭ 1952 - جىلى اسكەرگە قاتىناسىپ شينجياڭعا كەلگەن. جاڭا جۇڭگونىڭ ءبىرىنشى ۇرپاق ايەل تراكتورشىسى رەتىندە، ول تراكتورمەن ءبىر كۇندە 120 مۋ جەرگە تۇقىم ءسىڭىرىپ، 20 جىلدىق مىندەتتى 7 جىلدا ورىنداۋداي رەكورد جاراتقان؛
”زامانىمىز لەي فىڭى“ جۋاڭ شىحۋا شينجياڭعا 40 نەشە جىل تامىر تارتىپ، شيپاگەرلىك شەبەرلىگى ەلدەن ەرەك بولىپ، 7 تۇردەگى ەمدەۋ جەتىستىگى ەل ىشىندەگى اق تاڭداقتى تولتىرىپ، ۇجىمىن باستاپ 100 نەشە مىڭ ناۋقاستى اۋرۋ ازابىنان ايىقتىردى؛
جۇڭگو قۇرىلىس بانكەسى شينجياڭ بولىمشە بانكەسىنىڭ قىزمەتكەرى لي شياڭداڭ 400 مىڭنان استام جۇمىس ءبىتىرىپ، كۇنىنە ورتا ەسەپپەن 160 جۇمىس بىتىرگەن، ءتۇرلى جۇمىس كەستەسىنەن 1600دەن استامىن تولتىرىپ، بىردە - ءبىر رەت بەلگىلەمەگە قايشى جۇمىس ىستەمەگەن، بىردە - ءبىر قاريدار ءونىمدى ارىزدانباعان.
...
توپ - توپ ەڭبەك ەرلەرى مەن وزات قىزمەتكەرلەردىڭ ءداۋىردىڭ الدىڭعى لەگىندە ءجۇرۋ بارىسىندا، جەڭىس ءانىن شىرقاپ شينجياڭعا كەلگەن 100 نەشە مىڭ ادامدىق قوسىن، اسكەري تىڭ يگەرۋدىڭ العاشقى سوقاسىن شەكسىز - شەتسىز جاپان دالاعا سالدى؛ ەڭبەكپەن جەر - الەمدى شىت جاڭا تۇرگە ەندىرۋدىڭ اسقاق ءان اۋەنى ىشىندە، 1 - تامىز بولات - تەمىر زاۆودى سالىندى، قارامايلى ۇلكەن مۇنايلىعى بايقالدى، لانجوۋ - شينجياڭ تەمىر جولى تۇتاستى... تارىم ويپاتىنان التاي تاۋىنا دەيىن، پامير ۇستىرتىنەن تۇرپان ويپاتىنا دەيىن، بارلىق جەردەن ەڭبەك رۋحى ايگىلەندى.
”ەڭبەك باقىت جاراتادى، ناقتى ىستەۋ ۇلى ءىستى تابىسقا جەتكىزەدى. 100 ميلليونداعان ەڭبەكشى بۇقارا ەڭبەك جىرىن اسقاقتاتقاندىقتان عانا، ءبىزدىڭ بۇگىنگى تىنىش ءومىر، شات - شادىمان تىرشىلىك كەشىرگەن باقىتتى تۇرمىسىمىز بولدى، جۇڭحۋا ۇلتىنىڭ ەڭسە كوتەرۋدەن، بايۋدان قۇدىرتتەنۋگە دەيىنگى ۇلى شارىقتاۋى بولدى“، - دەدى جۇڭگو وڭىرلىك ەكونوميكانى زەرتتەۋ مەكەمەسى شينجياڭ بولىمشە مەكەمەسىنىڭ باستىعى ۋاڭ جاڭفا.
اسقاقتاتا ءتۇسىپ، ەڭبەك ءسىڭىرىپ ارماندى سومدادى
بيىل 4 - ايدىڭ 29 - كۇنى اۆتونوميالى رايوندىق باس جۇمىسشى ۇيىمى ”1 - مامىر“ حالىقارالىق ەڭبەكشىلەر مەرەكەسىن قۇتتىقتاۋ جانە ماداقتاۋ - سيلاۋ جينالىسىن وتكىزدى. لۋ دىڭپيڭ، قۇربانجان تۇرسۇن، تۇرعىن قورعان، سۇڭ يان قاتارلى مەملەكەتتىك 1 - مامىر ەڭبەك مەدالىنىڭ 26 يەگەرى ماداقتالىپ - سيلاندى.
ۇقساماعان شايقاس شەپتەرىنەن كەلگەن بۇل ەڭبەكشىلەردىڭ كەيبىرەۋلەرى اۆياتسيا ىستەرىنە جەلەكتىلەردىڭ كۇشىن قوسۋعا قۇلشىنعان، كەيبىرەۋلەرى بەرىلە زەرتتەۋگە شەبەر بولعان، كەيبىرەۋلەرى تىڭ يگەرىپ، شەكارا قورعاعان، كەيبىرەۋلەرى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ قىزمەتىنە بار كۇشىمەن ات سالىسقان...
جاڭا داۋىردەگى تاريحي كوورديناتادا، تۇرلىشە كۇيدە ەڭبەك ىستەگەن وسى ەڭبەكشىلەر ەڭبەكتىڭ داڭقى مەن قۇنىن ەڭ جوعارى شەكتە ايگىلەدى. ولار ەڭبەك رۋحىمەن جەكەنىڭ تالپىنىسىن كوپتىڭ ارمانىمەن توعىستىرعاندا عانا، اناعۇرلىم تاماشا ”ەڭبەك ەرى جاۋاپناماسىن“ جازۋعا بولاتىندىعىن دالەلدەدى.
قازىر جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى، ەكىنشى 100 جىلدىق كۇرەس نىساناسىنا شەرۋ تارتۋ دابىلى قاعىلدى. جاڭا داۋىردە، جاڭا ساپاردا تيانشان الابىندا ەڭبەك رۋحىن قالاي اسقاقتاتا ءتۇسىپ، جاڭا تاريحي ۇلى ءىستى سومداۋعا بولادى؟
شينجياڭنىڭ 10 ءىرى كاسىپ سالاسىن توڭىرەكتەي وتىرىپ، اۆتونوميالى رايوندىق باس جۇمىسشى ۇيىمى”’14 - بەسجىلدىقتا‘ ەسە قوسىپ، جاڭا ساپاردا ەكپىندەي ىلگەرىلەۋ“ نەگىزگى تاقىرىبىندا ”N+10“ ەڭبەك جانە شەبەرلىك باسەكەسىن ورىستەتتى. 8 - ايدىڭ 5 - كۇنىنە دەيىن، 14 ايماقتىق (وبلىستىق، قالالىق) جۇمىسشى ۇيىمى جانە وعان قاراستى اۋداندىق، قالالىق جۇمىسشى ۇيىمدارى ءتۇرلى ەڭبەك جانە شەبەرلىك باسەكەسىنەن 370 ءتۇر ورىستەتىپ، 3276 مەكەمە - ورىندى قامتىدى، 155 مىڭنان استام ادام باسەكەگە قاتىناستى.
ەڭبەكشىلەردىڭ ساپاسى شينجياڭنىڭ جوعارى ساپالى دامۋى جونىنەن توتەنشە ماڭىزدى، اۆتونوميالى رايوندىق باس جۇمىسشى ۇيىمى بۇكىل رايونداعى كاسىپ سالاسى جۇمىسشىلارى قوسىنى قۇرىلىسى رەفورماسىن تىڭعىلىقتى ىلگەرىلەتىپ، كاسىپ سالاسى جۇمىسشىلارىن يدەيالىق جاقتان جەتەكتەۋ، ولاردىڭ ەسە قوسىپ ەڭبەك ءسىڭىرۋ، ساپاسىن جوعارىلاتۋ، ورنىن جوعارىلاتۋ، قوسىنىن زورايتۋ سياقتى شارالاردى تياناقتاندىرۋدان باستاپ ىسكە كىرىستى، مۇراتى بار، سەنىمنەن اينىماعان، تەحنيكاعا جەتىك، جاڭالىق اشا بىلەتىن، باتىلدىقپەن جاۋاپكەرشىلىك ارقالاپ، ءوزىن ارناۋدى دارىپتەيتىن كاسىپ سالاسى جۇمىسشىلارى قوسىنى ەل بىرلىگىنەن بەرىك قامال ورناتقان تەلەگەي كۇش ۇيىستىرۋدا.
جاستار مەن ورەندەر وتاننىڭ كەلەشەگى، ۇلتتىڭ ءۇمىتى. باس شۋجي شي جينپيڭ: ەڭبەكپەن باقىت جاراتۋ تاقىرىبىندا ۇگىت تاربيە ورىستەتىپ، ەڭبەك تاربيەسىن دارىندى جەتىلدىرۋدىڭ تۇتاس بارىسىنا ءسىڭىرىپ، جوعارى، ورتا، باستاۋىش مەكتەپ سىندى ءارقايسى وقۋ كەزەڭىن جانە وتباسى، مەكتەپ، قوعام ءار جاعىن ساباقتاستىرىپ، جاستار مەن ورەندەردى قاجىرلى ەڭبەكتى داڭق سانايتىن، جان راقاتىن كۇيتتەۋدى نامىس سانايتىن ەڭبەك كوزقاراسىن ورناتۋعا تاربيەلەپ، باستاپ، ەڭبەكتى قىزۋ سۇيەتىن، شوگەلدىكپەن ەڭبەك ىستەيتىن، شەبەرلىكپەن ەڭبەك ىستەيتىن ۇرپاقتان - ۇرپاققا جالعاسقان جوعارى ساپالى ەڭبەكشىلەردى جەتىلدىرۋ كەرەك، - دەپ اتاپ كورسەتتى.
تۋ ۇستاپ، باعدار بەلگىلەپ، رول ۇستاپ جول باستادى.
بيىل 3 - ايدا اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى «اۆتونوميالى رايوننىڭ جاڭا داۋىردەگى جوعارى، ورتا، باستاۋىش مەكتەپتەردەگى ەڭبەك تاربيەسىن جالپى بەتتىك كۇشەيتۋ جونىندەگى اتقارۋ پىكىرىن» باسىپ تاراتىپ، جاڭا داۋىردە بۇكىل رايونداعى جوعارى، ورتا، باستاۋىش مەكتەپتەردەگى ەڭبەك تاربيەسىنىڭ نىساناسىن، مازمۇنىن، ءتۇيىندى مىندەتتەرىن جانە قامتاماسىزدىق شارالارىن ايقىنداپ، بۇكىل رايونداعى جوعارى، ورتا، باستاۋىش مەكتەپتەردەگى ەڭبەك تاربيەسى ساباعىنىڭ ءونىمدى اتقارىلۋىن ىلگەرىلەتىپ، وتباسى، مەكتەپ، قوعام سايكەسە ادام تاربيەلەۋ ارناسىن قۇلشىنا قالىپتاستىردى.
”بۇل تۇتاس قوعامنىڭ ەڭبەك تاربيەسىن كۇشەيتۋدىڭ ماڭىزدى ءمانىن ىشكەرىلەي تانىپ، وسىنى وراي ەتىپ، ءداۋىر ەرەكشەلىگىن ايگىلەيتىن ەڭبەك تاربيەسى جۇيەسىن جالپى بەتتىك ورناتىپ، ەڭبەك تاربيەسى امالياتتىق قيمىلىن كەڭىنەن ورىستەتۋگە مۇمكىندىك جاسادى، شينجياڭ وقۋشىلاردى دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتىپ، ۇلتتى گۇلدەندىرۋ ۇلى مىندەتىن ارقالايتىن ءداۋىر جاڭا ادامدارى بولىپ قۇلشىنا ەسەيۋگە بار كۇشپەن جەتەكتەدى“، - دەدى اۆتونوميالى رايوندىق باس جۇمىسشى ۇيىمى زەرتتەۋ كەڭسەسىنىڭ مەڭگەرۋشىسى چىن ۋىنحاي.
ءبىزدىڭ شينجياڭ جاقسى جەر، تيانشان الابى دۋمانعا بولەنگەن. ءبىر ميلليون 660 مىڭ نەشە شارشى كيلومەترلىك كەڭ - بايتاق دالاعا كوز جىبەرسەك، داڭق ەڭبەكشىلەرگە ءتان، باقىت ەڭبەكشىلەرگە ءتان ەكەندىگىن بىلەمىز.
