انار بۇلت / شينجياڭ گازەتىنىڭ ءتىلشىسى كاڭ حاۋيان 9 - ايدىڭ 23 - كۇنى جاڭاءشاردان حابارلايدى. ”رۇن رۇن ءىنىم، حان حان قارىنداسىم، جۇڭچيۋ مەرەكەلەرىڭ مەرەيلى بولسىن! قاشقارعا كەلىپ تاماشالاپ قايتۋلارىڭدى قارسى الامىن!“ 9 - ايدىڭ 21 - كۇنى كەشتە 10 جاستاعى يمىران امۇت ءبىر جاستاعى قارىنداسىن قۇشاقتاپ تۇرىپ تۇسىرىلگەن بەينە كەسكىندى قيىرداعى گۇيلين قالاسىنداعى ”انار گۇلى“ جۇپ قۇراعان تۋىسىنا جولدادى.
9 - ايدىڭ 11 - كۇنى ”انار گۇلى جوسپارى“ جۇپ قۇراپ تۋىستاسۋعا شاقىرۋ ۇسىنىسى ۋيچات دوستىق شەڭبەرىندە كەڭىنەن تارالدى، قاشقار ايماعى جاڭاءشار اۋدانى ياندۇما اۋىلى اياقىشىگاتۇع قىستاعىنداعى بالاباقشا، باستاۋىش مەكتەپتەگى بالالار بۇكىل ەلدىڭ جەر - جەرىنەن جۇپ قۇراپ تۋىستاسۋ وبيەكتىسىن شاقىردى. شاقىرۋ ۇسىنىسى تارالىسىمەن شار تاراپتان جابال اڭىس كەلدى. ءبىر اپتاعا جۋىق ۋاقىتتا، يمىران امۇتتى قامتىعان 40قا تاياۋ بالا بۇكىل ەلدەگى 13 ولكە، رايون، قالاداعى 30دان استام قالاداعى كەيبىر جەكەمەن، وتباسىمەن جانە ۇجىممەن 36 جۇپ ”انار گۇلى“ بولىپ تۋىستاستى.
اياقىشىگاتۇع قىستاعى كەزىندە بۇكىل ەلدەگى اۋىر كەدەي قىستاق بولاتىن، جۇمىستانۋدى جەبەۋ، باعىمشىلىق پەن اۋلا شارۋاشىلىعىن بار كۇشپەن ىلگەرىلەتۋ ارقىلى 2020 - جىلى كەدەي قىستاق قالپاعىن ءساتتى الىپ تاستاپ، تاريحي سەكىرىستى جۇزەگە اسىردى.
”كەدەيلىكتەن ءساتتى ارىلعانىمەن، قىستاقتاعى ءىشىنارا وتباسىلار تىم بايىپ كەتە المادى. وتە - موتە قىستاقتاعى بالالاردىڭ ەسەيۋ بارىسىندا ءتىپتى دە مول مەيىرىم مەن قامقورلىققا كەنەلىپ، وتاننىڭ جەر - جەرىن ارالاپ كورۋ ورايىنا يە بولۋىن، جۇڭحۋا ۇلتى ۇلى شاڭىراعىنا دەگەن تۇسىنىگىن ءتىپتى دە تەرەڭدەتۋىن ءۇمىت ەتەمىن“، - دەدى ”انار گۇلى جوسپارىن“ باستاۋشى، اۆتونوميالى رايوندىق حالىق ۇكىمەتى كەڭسەسىنىڭ اياقىشىگاتۇع قىستاعىندا تۇراتىن ءبىرىنشى شۋجيى جۋ پىڭچىڭ.
تەلەفوندا سويلەسۋ بارىسىندا كوپتەگەن تۋىستاسقان وتباسىلاردىڭ كورسەتكەن قىزۋ ىنتاسى مەن ىقىلاسى جان تەبىرەنتەدى. ءىشىنارا وتباسىلار تۋىستاسقان وبيەكتىسىنىڭ بويىنىڭ بيىكتىگىن، دەنە سالماعىن جانە اۋەسىن بەلسەنە سۇراستىرىپ، بالالارعا كيىم - كەشەك، وقۋ قۇرالدارى سياقتى تارتۋ ازىرلەدى، تاعى كەيبىر تۋىستاسقان وتباسىلارى شينجياڭعا ارناۋلى كەلىپ بالانى كورىپ قايتۋدى جوسپارلادى.
جىجياڭ داشۋەسى مەديتسينا شۋەيۋانىنا قاراستى بالالار شيپاحاناسى ىشكى سەكراتسيا ءبولىمى پارتيا ياچەيكاسىنىڭ پارتيا مۇشەلەرى قىستاقتاعى تۋما اۋرۋعا دۋشار بولعان 2 بالامەن جۇپ قۇراپ تۋىستاستى، ولار بالالاردى بۇدان كەيىنگى ساۋىقتىرىپ ەمدەۋ ءۇشىن قولدارىنان كەلگەن كومەگىن ايامايتىندىقتارىن ءبىلدىردى.
وسى رەتكى جۇڭچيۋ مەرەكەسىندە ءىشىنارا جۇپ قۇراپ تۋىستاسقان وتباسىلار ايكۇلشە، كامپيت، سۋسىن سياقتى تارتۋلار جولدادى، بۇكىل قىستاقتاعى بارلىق بالالار دەرلىك مەرەكەلىك تىلەك تاپسىرىپ الدى. 8 جاستاعى ءرايلا ياسىن الاقايلاپ بىلاي دەدى: ”جۇڭچيۋدا اي تولادى، تولعان اي باس قوسۋ دەگەن مانگە ۋاكىلدىك ەتەدى. مەن كەلەر جىلعى جۇڭچيۋ مەرەكەسىن جىجياڭدىق اپەكەممەن بىرگە وتكىزگىم كەلەدى!“.
”باس شۋجي شي جينپيڭ ءار ۇلت اناردىڭ دانىندەي تىعىز ۇيىسۋى كەرەك دەگەن ەدى. ءبىزدىڭ بۇل جولى شينجياڭدىق بالالاردىڭ ەل ىشىندەگى باسقا ولكەلەردەگى بالالارمەن جۇپ قۇراپ تۋىستاسۋ قيمىلىن باستاۋىمىزداعى ماقساتىمىز ولاردىڭ كىشكەنتايىنان باستاپ تەرەڭ سۇيىسپەنشىلىك ورناتۋىنا، بالالاردىڭ وتانىمىزدىڭ ۇلكەن شاڭىراعىندا تۇرمىس كەشىرۋ بارىسىندا جىلۋلىق پەن سۇيىسپەنشىلىكتى سەزىنۋىنە مۇمكىندىك جاساۋ“، - دەدى جۋ پىڭچىڭ.
ەڭ كىشكەنە ءبىر جۇپ ”انار گۇلى“ شيزاڭدىق ءبىر جاستان اسقان بالاقاي رۇيساڭ مەن ءبىر جاسقا ەندى عانا تولعان ءماحريا ماحمۇت. رۇيساڭنىڭ شەشەسى ۋيچات دوستىق شەڭبەرىندەگى قيمىلدى كورە سالا تىزگىن ۇشىمەن تەلەفون جالعادى، ول جۋ پىڭچىڭعا بىلاي دەدى: ”شيزاڭ مەن شينجياڭ وتانىمىز ۇلكەن شاڭىراعىنىڭ ماڭىزدى مۇشەسى، ەكى جەردەگى بالالاردىڭ جۇپ قۇراپ تۋىستاسىپ، ۇلتتار ىنتىماعىنىڭ تۇقىمىن كىشكەنتايىنان ءسىڭىرۋى وتە ءماندى سانالادى“.
