اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 17 - رەتكى ءماجىلىسى جابىلدى
اۋىل - قىستاقتى گۇلدەندىرۋگە دەم بەرۋ ساياسي جاۋاپكەرشىلىگىن ارقالايىق
انار بۇلت / شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 24 - كۇنى ۇرىمجىدەن حابارلايدى. 9 - ايدىڭ 24 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 17 - رەتكى ءماجىلىسى ءتۇرلى كەڭەستىك تارتىپتەرىن ورىنداپ، ۇرىمجىدە جابىلدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
نۇرلان ءابىلماجىن بىلاي دەپ اتاپ كورسەتتى: اۋىل - قىستاقتى گۇلدەندىرۋ ستراتەگياسىن اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرىنىڭ جالپى جاعدايىن كوزدەي وتىرىپ، 100 ميلليونداعان شارۋانىڭ تاماشا تۇرمىسقا دەگەن تالپىنىسىنا بەيىمدەلە وتىرىپ جاساعان كەلەلى شەشىمى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، ساياسي دەڭگەيدى جوعارىلاتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز كۇشەيتىپ، اۋىل - قىستاقتى گۇلدەندىرۋدى ىلگەرىلەتۋدىڭ كەلەلى ماڭىزىن تەرەڭ تانىپ، قىزمەتتەگى جاۋاپكەرشىلىك سەزىمدى، بورىشتىلىق سەزىمدى كۇشەيتىپ، تەرەڭدەي ۇيرەنۋ، جەتە ءتۇسىنۋ، تياناقتاندىرۋ، ناقتىلاندىرۋ جاعىنا ۇزدىكسىز كۇش سالۋ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىنا ساي، كەدەيلىكتەن ارىلتۋدان قامال الۋ ۇلى رۋحىن زور كۇشپەن اسقاقتاتىپ، اۋىل - قىستاقتى گۇلدەندىرۋگە قىزمەت وتەۋدىڭ جانە وعان دەم بەرۋدىڭ ساياسي جاۋاپكەرشىلىگىن باتىل ارقالاپ، اقىل - كەڭەس بەرۋ جانە ورتاق تانىم ۇيىستىرۋ سىندى قوس باعىتتا كۇش سالۋدىڭ ساپاسى مەن دەڭگەيىن قۇلشىنا جوعارىلاتىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە، قوعام ورنىقتىلىعى مەن باياندى تىنىشتىقتى جۇزەگە اسىرۋعا سىندارلى ۇسىنىستاردى قويىپ، ناقتى ءىس ىستەۋ شارالارىن ۇسىنىپ، تەلەگەي كۇش ۇيىستىرۋ كەرەك.
نۇرلان ءابىلماجىن بىلاي دەپ باسا دارىپتەدى: ساياسي كەڭەستىڭ ارناۋلى كەڭەس قۇرىلىمىندىق رولىن ساۋلەلەندىرىپ، اۋىل - قىستاقتى گۇلدەندىرۋ بارىسىنداعى ءتۇيىندى ماسەلەلەر، قيىن ماسەلەلەر جونىندە بەلسەنە اقىل - كەڭەس بەرىپ، اۆتونوميالى رايوندىق پارتكوم مەن ۇكىمەتكە سەلبەسىپ كەدەيلىكتەن ارىلتۋدان قامال الۋ قىزمەتى بارىسىندا قالىپتاسقان ساياساتتىق شارالار مەن مەحانيزمدىك ادىستەردى اۋىل - قىستاقتى گۇلدەندىرۋگە جالپى بەتتىك قولدانۋ كەرەك. كاسىپ سالاسىن گۇلدەندىرۋدى ماڭىزدى ءتۇيىن ەتىپ، ساياسي كەڭەس مۇشەلەرى مەن ماماندار قوسىنىنىڭ پاراساتى توپتالعان ابزالدىلىعىنان ءونىمدى پايدالانىپ، ىشكەرىلەي تەكسەرىپ - زەرتتەپ، تەرەڭدەي كەڭەسىپ، ءبىر توپ ورەلى، قۇندى كەڭەسۋ جەتىستىكتەرىن قالىپتاستىرىپ، ۇسىنىس قويىپ، اقىل - كەڭەس بەرۋ تەبىنىن ۇزدىكسىز ارتتىرىپ، يدەيالىق - ساياسي جەتەكشىلىكتى كۇشەيتىپ، اۋىل - قىستاق دارىندىلارىن، مادەنيەتىن، ەكولوگياسىن، ۇيىمىن جاپپاي گۇلدەندىرۋدى كۇش سالا ىلگەرىلەتىپ، ءار ۇلت بۇقاراسىنىڭ تابىس سەزىمىنىڭ اناعۇرلىم شىنايى دا جەتكىلىكتى، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىز بولۋىنا مۇمكىندىك جاساۋ كەرەك.
نۇرلان ءابىلماجىن مىنالاردى تالاپ ەتتى: پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرۋدىڭ باس تۇعىرناماسى ەتۋگە تاباندى بولىپ، اۋەلگى ماقساتتى، بورىشتى ەستە بەرىك ساقتاپ، جاۋاپكەرشىلىك ارقالاۋدى كۇشەيتۋ كەرەك. العىس ايتا ەكپىندەي ىلگەرىلەپ، ۇلى پارتيا قۇرۋ رۋحىن اسقاقتاتىپ، پارتيانىڭ ساياسات ۇگىتشىسى، يدەيالىق - ساياسي جاقتان جەتەكتەۋشىسى، سالالارداعى بۇقارانىڭ سىرلاسى بولۋ كەرەك. نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتىپ، مىندەت وتەۋ ادىسىندە، مىندەت وتەۋ قابىلەتىن جوعارىلاتۋدا جاڭالىق اشىپ، مىندەت وتەۋ قىزمەتىندە ۇزدىكسىز جاڭا جاعداي جاراتۋ كەرەك.
ءماجىلىس «ساياسي كەڭەس شينجياڭ ۇيعۇر اۆتونوميالى رايوندىق كوميتەتىنىڭ حالىق ساياسي كەڭەسىنىڭ ورتاق تانىم ۇيىستىرۋ قىزمەتىن كۇشەيتۋ جانە جەبەۋ جونىندەگى پىكىرىن» قاراپ بەكىتتى؛ كادرلارعا قاتىستى ىستەردى ماقۇلدادى.
ماجىلىستە اۆتونوميالى رايونداعى ماماندار ”شينجياڭ وسى زامانعى جىلقى شارۋاشىلىعى كاسىپ سالاسى تىزبەگىنە تالداۋ جاساۋ جانە دامىتۋ شاراسى“ ارناۋلى تاقىرىپتىق لەكسياسىن جاسادى.
اۆتونوميالى رايوندىق ساياسي كەڭەستىڭ ورىنباسار ءتوراعالارى ءجۇرات يمىن، ءمۇتالىپ وبۇل، ياڭ يۇڭ، يىلھام سابىر، ابدۇرىقىپ ءتومۇرنياز، نۇرىم سىمايىلقان، ازەز مۇسا، باس حاتشى گاۋ جياڭحۋاي ماجىلىسكە قاتىناستى.
