□ گازەتىمىزدىڭ رەداكسياسى
1
تاۋ - وزەن بەينە سۋرەت كوركى بولەك، كۇز ءسانى تامساندىردى ەلتىپ ەرەك.
9 - اي، بايتاق دالا مول ونىممەن تولىستى، ءساليقالى زامان تۇرمىستى مولىقتىردى. 9 - اي، وتاننىڭ شينجياڭى جونىنەن ەرەكشە ماڭىزعا يە.
2020 - جىلى 9 - ايدىڭ 25 - كۇنى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى بەيجيڭدە اشىلىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ۇلى ساپارى تاعى ءبىر بەلەستى قارسى الدى. باس شۋجي شي جينپيڭ ماجىلىسكە قاتىناسىپ ءارى ماڭىزدى ءسوز سويلەپ، بىلاي دەپ باسا دارىپتەدى: ”كەزەكتە جانە بۇدان بىلايعى ءبىر مەزگىلدە شينجياڭ قىزمەتىن ويداعىداي ىستەۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك“.
”قوس 100 جىلدىق“ كۇرەس نىساناسى توعىسقان شەشۋشى ساتتە، ۇلى مۇرات، اسقاق سەزىم تيانشان الابىندا شارق ۇرىپ تۇرعان شاقتا، باس شۋجي شي جينپيڭنىڭ ماڭىزدى ءسوزى جاڭا داۋىردە شينجياڭ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەپ، العا باسۋ بەتالىسىن ايقىن كورسەتتى.
”جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ“، بۇل پارتيا ورتالىق كوميتەتىنىڭ شينجياڭ قىزمەتىنە قويعان ءتۇبىرلى تالابى، اسىرەسە، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ پارمەندى كەپىلى.
ەكپىندەي ىلگەرىلەگەن ءبىر جىل. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا باستان - اياق تاباندى بولىپ، ”جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى“ شينجياڭ قىزمەتىنىڭ بارلىق جاعىمەن ساباقتاستىرىپ، شينجياڭ قىزمەتىنىڭ باس نىساناسىن مىقتاپ يگەرىپ، كوممۋنيستەردىڭ اۋەلگى ماقساتى مەن بورىشىن جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ءىس جۇزىندىك ارەكەتىنە اينالدىرىپ، تيانشان الابىندا ”كورىكتى شينجياڭ قۇرىپ، وتان ارمانىن بىرگە جۇزەگە اسىرۋداي“ تاريحي جاۋاپنامانى قۇلشىنا جازدى.
ىستەر كەلەر قانشالاپ، ەجەلدەن - اق قات - قابات؛ جەر مەن اسپان اينالاد، كۇن - ءتۇن وتەر قىستالاپ. وسى ءبىر جىلدا، دۇنيە جۇزىندە 100 جىلدا بولماعان زور وزگەرىس الدىندا، 365 كۇن داۋىل تۇرىپ، ناجاعاي وينادى، ءاربىر كۇن شىت جاڭا سىن - سايىس پەن سىناققا تولى بولدى؛ وسى ءبىر جىلدا، جۇڭحۋا ۇلتىنىڭ ۇلى گۇلدەنۋىنىڭ جارقىن كەلەشەگىن بەتكە العاندا، 365 كۇن اسقاق ارىن اسپانمەن تالاسىپ، ءاربىر كۇن شىت جاڭا ومىرشەڭدىك پەن ۇمىتكە تولى بولدى.
وسى ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم 25 ميلليون ءار ۇلت كادر، بۇقاراسىن ىنتىماقتاستىرىپ، باستاپ، العان بەتتەن قايتپايتىن كۇرەس رۋحىمەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا اياق باستى؛ ”قانشا قيىن بولعان سايىن، سولعۇرلىم العا ۇمتىلاتىن“ ساياسي جاۋاپكەرشىلىك ارقالاپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، شينجياڭ قىزمەتىنىڭ جاڭا جاعدايىن اشتى؛ ”جۇڭحۋا ۇلتىنىڭ بەرەكەلى شاڭىراعىنداي“ قاراپايىم ىنتا - ىقىلاسپەن ۇلتتاردىڭ كەڭىنەن ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەپ، جۇڭحۋا ۇلتى ورتاق تۇلعا تانىمىن ءار ۇلت بۇقاراسىنىڭ كوڭىل تۇكپىرىنە تەرەڭ تامىر تارتقىزدى...
وسى ءبىر جىل جۇڭگو كوممۋنيستىك پارتياسىنىڭ 100 جىلدىق مەرەي تويىنا تۋرا كەلدى، ءبىر عاسىرلىق جاپا - ماشاقات پەن نۇر - شۇعىلا ”بيىلىك دەگەنىمىز حالىق، حالىق دەگەنىمىز بيلىك“ دەگەن ماڭگىلىك اقيقات بولىپ ۇيىستى. اۆتونوميالى رايوندىق پارتكوم ”حالىقتى وزەك ەتكەن“ دامۋ يدەياسىن جاڭا داۋىردەگى ايبىندى ساپارعا كەستەلەپ، ءار ۇلت كادر، بۇقاراسىن باستاپ، باس شۋجي شي جينپيڭ كورسەتكەن باعداردى بەتكە الىپ توسقاۋىلداردى تالقانداپ، العان بەتتەن قايتپاي ىلگەرىلەدى.
2
گۇلدەنگەن، كورىكتى شينجياڭ، ەڭ اۋەلى، جاراسىمدى، ورنىقتى شينجياڭ بولۋعا ءتيىس. قوعام ورنىقتىلىعى مەن باياندى تىنىشتىق شينجياڭدا بارلىق لوگيكانىڭ باستاماسى، بارلىق باقىتتىڭ قاينارى.
ۇرىمجىدەن بەيجيڭگە دەيىن، ءجيى اشىلعان شينجياڭعا ساياتىن ماسەلەلەر جونىندەگى اقپار جاريالاۋ ماجىلىستەرىندە ەل ءىشى - سىرتىنداعى اقپارات قۇرالدارى ەڭ نازار اۋدارعان، اقپارات مالىمدەمەشىلەرى ەڭ كوپ تانىستىرعان ماسەلە ”شينجياڭنىڭ جاراسىمدىلىعى، ورنىقتىلىعى“ بولدى؛ كوكتەم مەن جازدان كۇز بەن قىسقا دەيىن، شينجياڭعا كەلىپ قارجى قوسىپ، كاسىپتى گۇلدەندىرگەن ساۋداگەرلەردىڭ، ساياحاتتاعان، سەرۋەندەگەن ساياحاتشىلاردىڭ كوڭىلىندەگى ەڭ تەرەڭ سەزىنىسى ”شينجياڭ جاقسى جەر“ بولدى.
”قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولۋ“ − جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ وزەكتى ءمانى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ ”شينجياڭ قىزمەتىنىڭ باس نىساناسىن مىقتاپ يگەرۋ كەرەك“ دەپ باسا دارىپتەدى. اماليات باس نىسانانىڭ تۋ، باعدار ەكەندىگىن، باس نىسانانى مىقتاپ يگەرۋدىڭ شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى مادەنيەتپەن نارلەندىرۋدىڭ، حالىقتى بايىتىپ شينجياڭدى گۇلدەندىرۋدىڭ، شينجياڭدى باياندى كوركەيتۋدىڭ جەتەكشىلىك ۇقىعى مەن ىرىقتىلىق ۇقىعىن يگەرۋ ەكەندىگىن دالەلدەدى.
بۇگىنگى شينجياڭدا ەل امان، جۇرت تىنىش، زامان جاقسى، دەسەدە، بۇل استە قوعام ورنىقتىلىعى مەن باياندى تىنىشتىققا ىقپال ەتەتىن ءتۇرلى حاۋىپتەر مەن كومەسكى قاتەرلەردىڭ جوعالىپ كەتكەندىگىن بىلدىرمەيدى، استە قارۋ - جاراعىمىزدى جيناستىرۋعا، بويىمىزدى كەڭگە سالۋعا بولاتىندىعىن بىلدىرمەيدى. بولشەكتەۋ مەن بولشەكتەۋشىلىككە قارسى تۇرۋ كۇرەسى ۇزاق ۋاقىتتىققا، كۇردەلىلىككە، قيان - كەسكىلىككە يە، كىمدە - كىمنىڭ دە سەلقوستىق جاساۋىنا، سالعىرتتىققا سالىنۋىنا بولمايدى. ءبىر جىلدان بەرى، اۆتونوميالى رايوندىق پارتكوم لاڭكەستىككە قارسى تۇرىپ، ورنىقتىلىقتى قورعاۋ سىندى ارقاۋدى باستان - اياق مىقتاپ شيراتىپ، ۇزاق ۋاقىت ەڭبەك ەتۋ، ۇزاق ۋاقىت شايقاس جۇرگىزۋ يدەياسىن ورناتىپ، تاۋقىمەت تانىمىن كۇشەيتىپ، تومەنگى شەكتە ويلاۋدى كۇشەيتىپ، كەشەندى شارا قولدانىپ، ۇستىنەن وڭاۋ مەن تۇبىرىنەن وڭاۋدى تەڭ جۇرگىزىپ، شينجياڭ قوعامىنىڭ كەلەلى جاعدايىنىڭ ۇزدىكسىز ورنىقتى بولۋىنا، ۇزاق ۋاقىت ورنىقتى بولۋىنا شىنايى كەپىلدىك ەتتى.
”ەلدى زاڭمەن الاڭسىز ەتۋگە“ تاباندى بولىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، تياناقتاندىرىپ، زاڭمەن جونگە سالۋ رۋحىن اسقاقتاتىپ، مەملەكەتتى جاپپاي زاڭمەن جونگە سالۋ تالاپتارىن شينجياڭ قىزمەتىنىڭ ءار سالاسىندا تياناقتاندىرىپ، زاڭمەن جونگە سالۋ ويىن جانە زاڭمەن جونگە سالۋ ءتاسىلىن قولدانىپ حاۋىپ - قاتەردەن ساقتانىپ، ماسەلەنى ءبىر جاقتى ەتىپ، قايشىلىقتى شەشىپ، ورنىقتىلىقتى قورعاپ، سوتسياليستىك زاڭمەن جونگە سالۋ تۋىن تيانشان الابىندا اسقاق جەلبىرەتتى؛ ”جونگە سالۋدى نەگىز ەتۋگە“ تاباندى بولىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرتشىلىق ات سالىساتىن، زاڭمەن جونگە سالۋ قامتاماسىز ەتەتىن قوعامدىق جونگە سالۋ ءتۇزىلىسىن ۇزدىكسىز كەمەلدەندىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن جاسامپازدىقپەن ورناتىپ، نەگىزگى ساتىنىڭ نەگىزىن ىشكەرىلەي بەكەمدەپ، وسىزاماندانعان جونگە سالۋدىڭ جاڭا سالتىن كۇشەيتتى...
بيىلعى كوكتەمنىڭ ءبىر كۇنى، ۇرىمجىدەگى حالىقارالىق ۇلكەن بازاردا، شاڭحاي سەلبەستىك ۇيمىنىڭ باس حاتشىسى ۆلاديمير نوروۆ شينجياڭ ءبيىن قىزىعا بيلەدى. ۆلاديمير نوروۆ پەن 21 ەلدىڭ جۇڭگوداعى ەلشىلەرى مەن ديپلوماتتارى شينجياڭدا ءۇرىمجى، قاشقار جانە اقسۋ سياقتى جەرلەردى ارالادى، ولار مەكتەپتەرگە، كاسىپورىندارعا، مەشىتتەرگە، سونداي - اق تۇرعىندار وتباسىلارىنا بارىپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدىڭ تابىستارىن شىنايى سەزىنىپ، ءار ۇلت حالقىنىڭ شىن جۇرەكتەن شىققان باقىت سەزىمىن جان - تانىمەن سەزىندى... ولار شينجياڭنىڭ قوعامى ورنىقتى جانە حالقى تىنىش ءومىر، شات - شادىمان تىرشىلىك كەشىرگەن تاماشا جاعدايى شينجياڭعا ساياتىن وسەك - اياڭعا بەرگەن ەڭ جاقسى جاۋاپ ەكەندىگىن ايتتى.
ادالدىق ادام كوڭىلىن مەيىرگە بولەر. بۇگىنگى شينجياڭنىڭ بايتاق دالاسىنا كوز جىبەرسەڭىز، قوعام ورنىقتىلىعى كەمەسى تولقىن جارا العا ىلگەرىلەپ، ورنىقتى قاداممەن الىسقا تارتىپ بارادى، باياندى تىنىشتىق جەلكەنى جەلدە بيىك جەلبىرەپ، اسقاق اۋەنمەن العا ىلگەرىلەۋدە. ەشقانداي كۇش حالىقتىڭ باقىتقا، تىنىشتىققا دەگەن تالپىنىسىنا بوگەۋ بولا المايدى، شينجياڭ قىزمەتىنىڭ باس نىساناسىن مىقتاپ يگەرسەك، ءبىز العا باسۋ باعدارىنان ماڭگى اداسپايمىز.
3
جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا الابى بايتاق، ۇلت سانى كوپ شەكارا وڭىردەگى ولكە - رايون جۇرت تىلەگىن قالاي ۇيىستىرىپ، رۋحتاردى ءبىر - بىرىنە سۇيەۋ ەتتى؟
تاريحي تاجىريبەلەر بىزگە ءىس قانشا ۇلى بولعان سايىن، كەڭ كولەمدە يدەيالىق ورتاق تانىمدى سونشا ۇيىستىرىپ، قۇدىرەتتى رۋحاني كۇش سومداۋ كەرەك ەكەندىگىن ءتۇسىندىردى.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ: ”جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ءار ۇلتتىڭ ۇلى ىنتىماعىن ۇزدىكسىز بەكەمدەۋ كەرەك“ دەپ باسا دارىپتەدى. ارادا ءبىر جىل وتپەي، ورتالىقتىڭ ۇلت قىزمەتى ءماجىلىسى اشىلىپ، جۇڭحۋا ۇلتى ورتاق تۇلعا تانىمىن بەرىك ورناتۋ جاڭا بيىككە كوتەرىلدى، باس شۋجي شي جينپيڭ: ”جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋ كەرەك“، ”جۇڭحۋا ۇلتى ورتاق تۇلعا تانىمىن بەرىك ورناتۋ جاڭا داۋىردەگى پارتيانىڭ ۇلت قىزمەتىنىڭ ’ارقاۋى‘، بارلىق قىزمەتتى وسىعان شوعىرلاندىرۋ كەرەك“ دەپ باسا دارىپتەدى.
جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولۋ − جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ماڭىزدى مازمۇنى، شينجياڭنىڭ ۇلت قىزمەتىن جاقسى ىستەۋىندەگى ءتۇبىرلى بويسۇنۋ ولشەمى، اسىرەسە، شينجياڭداعى ءار ۇلتتى قامتىعان جۇڭحۋا ۇلتىنىڭ ءتۇبىرلى مۇددەسىنىڭ تياناعى، ورتاق ەركىنىڭ تياناعى.
ارقاۋىن تارتسا اۋ جايىلادى، نەگىزىن يگەرسە، قالعانى وڭىنا باسادى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعان ءبىر جىلدان بەرى، اۆتونوميالى رايوندىق پارتكوم جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى مىقتاپ يگەرىپ، جاڭا داۋىردەگى، جاڭا جاعدايداعى ۇلت قىزمەتىن تىڭعىلىقتى جاقسى ىستەپ، ۇلتتار ىنتىماعى، العاباسارلىعى ىستەرىنىڭ جاڭا جاعدايىن اشتى.
وسى ءبىر جىلدا جۇڭحۋا ۇلتى ورتاق تۇلعا تانىمى كادرلار تاربيەسىنىڭ، جاستار مەن ورەندەر تاربيەسىنىڭ، قوعامدىق تاربيەنىڭ تۇتاس بارىسىنا ءسىڭىرىلىپ، ورگاندارعا، كاسىپورىندارعا، الەۋمەتتىك اۋماقتارعا جەتكىزىلىپ، جوعارى، ورتا، باستاۋىش مەكتەپ ساباقحانالارىنا جەتكىزىلىپ، ”ءۇشتىڭ ءبىر - بىرىنەن ايرىلا الماۋى“، ”بەستى شىنايى مويىنداۋ“ جۇرت جۇرەگىنە تەرەڭ ۇيالادى. ”شينجياڭ ەجەلدەن كوپ ۇلت شوعىرلى قونىستانعان ءوڭىر“، ”شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس مۇشەلەرى“ − بۇل تاريح شىعارعان قورىتىندى ءارى 25 ميلليون تيانشان پەرزنتتەرىنىڭ ىنتا - ىقىلاسى مەن ورتاق تانىمى.
وسى ءبىر جىلدا، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى ۇدايىلانىپ ورىستەتىلدى. تيانشان الابىنا تارالعان ۇلتتار ىنتىماعى اۋلالارىنان شىن كوڭىلدەن شىققان شات كۇلكى ءۇنى شارىقتادى؛ مىڭ شاقىرىمعا ۇشقان قۇستاي زىمىراعان ”ۇلتتار ىنتىماعىنىڭ بەرەكەلى شاڭىراعى“ اتتى كەزەكشى پويەزدارى كۇن سايىن نىعايعان ەتەنە سۇيىسپەنشىلىككە كۋا بولدى. كەڭىنەن ارالاسۋ، جالپى بەتتىك ىشتەسۋ، تەرەڭدەي توعىسۋ بارىسىندا، ءار ۇلت اناردىڭ دانىندەي تىعىز ۇيىسىپ، ۇلتتار ىنتىماعىنىڭ تىلەكتەس شەڭبەرى بارعان سايىن ۇلعايدى.
وسى ءبىر جىلدا، ۇلتتار ىنتىماعىندا، العاباسارلىعىندا وزات ورىن قۇرۋ قيمىلى وركەندەي قانات جايدى. ۇلتتار ىنتىماعىنداعى، العاباسارلىعىنداعى ۇلگىلى ورىن قۇرۋدان ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋعا دەيىن، ۇلتتار ىنتىماعى حيكايالارى ءار كۇنى جارىققا شىقتى، ۇلتتار ىنتىماعىنىڭ ونەگەلەرى بارلىعىمىزدىڭ جانىمىزدان تابىلىپ، ۇلتتار ىنتىماعى قالا تۇرعىندارى شارتناماسىنا، قىستاق ەرەجەسى، تۇرعىندار شارتناماسىنا، وقۋشىلار ەرەجەسىنە جازىلدى... ارەكەت داعدىسىنا اينالىپ، كۇندەلىكتى تۇرمىسقا ءسىڭىپ، كۇن نۇرى، اۋا سياقتى كەم بولسا بولمايتىن زاتقا اينالدى.
وسى ءبىر جىلدا، شينجياڭدى مادەنيەتپەن نارلەندىرۋ ينجەنەرياسى ىشكەرىلەي اتقارىلدى. شام ساۋلەسى جارقىراعان مادەنيەت اۋلالارى اۋىل - قىستاق مادەنيەتىن گۇلدەندىرۋدىڭ پارمەندى تۇتقاسىنا اينالىپ، بارلىق جەردە گۇل اشقان مادەنيەت ينجەنەريالارى كوكتەمگى سامال مەن جاڭبىرداي جۇرت جۇرەگىن نارلەندىرىپ، كوزدىڭ جاۋىن الاتىن مادەنيەت ونىمدەرى ادامداردىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىردى. گۇلدەنىپ دامىعان مادەنيەت ىستەرى مەن مادەنيەت كاسىپ سالاسى سوتسياليستىك وزەكتى قۇن كوزقاراسىنىڭ ساناعا ءسىڭىپ، كوڭىلگە ۇيالاۋىن، رۋح سومداپ، ادام تاربيەلەۋىن ىلگەرىلەتتى.
...
بيىلعى ”1 - مامىر“ كەزىندە، بىلەگى ۇزىلگەن ۇل بالانى قۇتقارۋ - ەمدەۋ ءۇشىن، كۇنلۇن تاۋىنىڭ ەتەگىندەگى حوتاننان ورتالىق قالا ۇرىمجىگە دەيىن جۇرگىزىلگەن قيان − كەسكى ءومىر ۇتىلامالى جارىسى تالاي ادامنىڭ كوزىنە ىستىق جاس الدىرىپ، كوڭىلىن تەبىرەنتتى. ءبىر كىشكەنتاي ورەن ءومىر - ءولىم تارتىسىندا قالعاندا، سول بەيتانىس ءار ۇلت اعا - باۋىر، اپەكە - سىڭىلىلەر مەيىرلى قوس قولدارىمەن، جالىندى جۇرەكتەرىمەن ەتەنە تامىرلاستىقتىڭ نە ەكەندىگىن، تاعدىرلاستىقتىڭ نە ەكەنىن جاندى تۇردە ءتۇسىندىردى.
اماليات مىنانى تالاسسىز دالەلدەدى: جۇڭحۋا ۇلتى ورتاق تۇلعا تانىمى − مەملەكەت تۇتاستىعىنىڭ نەگىزى، ۇلتتار ىنتىماعىنىڭ ارقاۋى، رۋحاني كۇشتىڭ جان جۇيەسى. جۇڭحۋا ۇلتى ورتاق تۇلعا تانىمىن بەرىك ورناتساق، ءبىز بارلىق قيىنشىلىق پەن سىن - سايىستاردى جەڭەتىن قۇدىرەتتى سەنىمگە جانە كۇشكە يە بولا الامىز. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتاردىڭ ۇلى ىنتىماعىن بەكەمدەسەك، شينجياڭداعى ءار ۇلت كادر، جۇرتشىلىعى يدەيادا جاماندى الاستاپ، جاقسىنى اسقاقتاتىپ، توركىنىن تۇزەپ، قاينارىن اداقتاپ، سۇيىسپەنشىلىك جاعىندا ءبىر - بىرىنە قۇرمەت ەتىپ، ءوزارا سەنىم ارتىپ، ءىس - ارەكەتتە ءبىر نيەت، ءبىر تىلەكتە بولىپ، قيىندىقتى بىلەك بىرىكتىرە جەڭىپ، جۇڭحۋا ۇلتىنىڭ ۇلى گۇلدەنۋى نىساناسى جولىندا تىعىز ۇيىسا الادى.
تاپتاپ ءوتىپ تار كەشۋدى، داڭعىل جولعا نىق قادام تاستادى. بۇگىنگى شينجياڭنىڭ اسپانى شايداي اشىق، جاعدايى جاقسى. پارتيانىڭ 100 جىلدىق كۇرەس جۇرگىزۋ بارىسىنان شينجياڭنىڭ ۇلت قىزمەتىن جاقسى ىستەۋدىڭ تاريحي ورنى مەن ماڭىزدى بورىشىن يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ تاريحي قاجەتتىلىگىن، ايرىقشا ماڭىزدىلىعىن جانە رەال باعىتتامالىلىعىن تەرەڭ تانىپ، ءار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن مىقتاپ ورناتۋعا جەتەلەپ، ۇلتتاردىڭ ورتاق رۋحاني مەكەنىن قالىپتاستىرساق تيانشان ۇلاندارى، ءسوز جوق، قول ۇستاسا سەلبەسىپ تاماشا بولاشاقتى بىرگە اشىپ، جۇڭحۋا ۇلتى ۇلى داڭقىنان بىرگە يگىلىكتەنەتىن بولادى.
4
دامۋ − ۇلتتىق وڭىرلەردەگى ءتۇرلى ماسەلەلەردى شەشەتىن باس كىلت، شينجياڭنىڭ باياندى تىنىشتىعىنىڭ ماڭىزدى نەگىزى، حالىقتى باقىتقا كەنەلتۋدىڭ تەتىگى.
”دامۋ − جوبا باعدارناماسىنىڭ اسقاق ىرعاعى، حالىق − جوبا باعدارناماسىنىڭ ەڭ ۇلكەن نەگىزگى“، ”جوبا باعدارناماسىنىڭ بارلىق جەرىندە حالىقتى وزەك ەتۋ ايگىلەنگەن“... 6 - ايدىڭ باسىندا، «شينجياڭ ۇيعۇر اۆتونوميالى رايونىنىڭ حالىق شارۋاشىلىعى مەن قوعامدىق دامۋىنىڭ 14 - بەسجىلدىق جوباسى جانە 2035 - جىلعا دەيىنگى بولاشاقتىق نىسانا باعدارناماسى» جاريالانا سالىسىمەن، قالىڭ توراپتاستاردىڭ قىزعىن تالقىسىنا ءتۇستى. توراپتاعى لەبىزدەردەن ءبىز پارتيا مەن حالىق جۇرەگىنىڭ بىرگە سوعاتىندىعىن، دامۋ مەن حالىق تۇرمىسىنىڭ بىتە قايناسقاندىعىن ۇعىندىق.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ: ”حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولۋ كەرەك“، − دەپ باسا دارىپتەگەن بولاتىن. حالىق تۇرمىسىن جەتەكشى باعىت ەتكەن دامۋ ”كىم ءۇشىن، كىمگە سۇيەنۋ“ سىندى ءداۋىر سۇراۋىنا ايقىن جاۋاپ بەردى، شينجياڭنىڭ ەكونوميكالىق، قوعامدىق دامۋ قۇلشىنىس بەتالىسىن ايقىن كورسەتىپ بەردى.
ءبىر جىلدان بەرى اۆتونوميالى رايوندىق پارتكوم جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ”6 نى ورنىقتىرۋ“ قىزمەتىن جاقسى ىستەپ، ”6عا كەپىلدىك ەتۋ“ مىندەتىن تياناقتاندىرىپ، ورنىقتىلىق پايداسىن، ىندەتتەن ساقتانۋ پايداسىن، ساياسات پايداسىن ۇزدىكسىز شىعارىپ، جوعارى ساپالى دامۋدىڭ تەبىنى مىعىم بولدى.
دامۋ جونىندەگى جالپى ورنالاستىرۋ اناعۇرلىم ۇيلەسىمدى بولدى. ”10 ۇلكەن كاسىپ سالاسىن“ جەتەكشى ەتكەن وسى زامانعى كاسىپ سالاسى جۇيەسى جەدەل قالىپتاستى، شينجياڭنىڭ بارلىق جەرىن ساياحاتتاۋ، ”نانىن“ توڭىرەكتىڭ ءتورت بۇرىشىنا ايگىلەۋ، ”جەمىسىن“ شار تاراپقا جەتكىزۋ... وزىندىك ەرەكشەلىكتەگى ابزال كاسىپ سالالارىنىڭ دامۋ جارقىن تۇيىندەرى ارت - ارتىنان بايقالدى، 1 - ، 2 - ، 3 - كاسىپتەردىڭ توعىسا دامۋىندا تىڭ جاعداي جارىققا شىقتى؛ ”3 اتتى اربانى“ قوزعاۋشى كۇش ەتىپ، نىساندارعا قارجى قوسۋ تىڭ قارقىن بايقاتتى، تۇرعىنداردىڭ تۇتىنۋىندا تىڭ بەينە جارىققا شىقتى، سىرتقى ساۋدادا تىڭ ارتۋ جۇزەگە استى... جاڭادان كوركەيگەن جانە ءداستۇرلى، كولەم جانە ەرەكشەلىك، قۇرىلىم جانە ءتاسىل، قازىر جانە بولاشاق سياقتى دامۋ جاعىنداعى كوپتەگەن ديالەكتيكالىق لوگيكالار كاسىپ سالالارىنىڭ ورنالاسۋىن ساپالىلاندىرۋدا ونان ارى ايقىندالدى.
دامۋدىڭ ۇلكەن ارناسىنىڭ نەگىزى مىعىم بولدى. ءتۇيىندى سالالاردا رەفورما ۇزدىكسىز تەرەڭدەپ، تىرەكتى كاسىپ سالالار توبى جەدەل قۇرىلىپ، ”ۇقىقتى تومەنگە بەرۋ، باسقارۋ، قىزمەت وتەۋ“ رەفورماسى ىشكەرىلەي ىلگەرىلەپ، ”ۇزاعاندا ءبىر رەت بارۋ“ جاڭا كۇيگە اينالدى؛ جاڭاشا قالا - قالاشىقتاندىرۋ قۇرىلىسى تىڭعىلىقتى ىلگەرىلەپ، “ءبىر شەڭبەر، ءبىر بەلدەۋ، ءبىر توپ“ قالا ورنالاستىرۋى بويىنشا ءار ۇلت بۇقاراسىنىڭ بولاشاق تۇرمىسىنىڭ تىڭ كەڭىستىگى تۇلعالاندى؛ ”باعالى بايلىق“ ۇستانىمىن امالياتتا بارىنشا ايگىلەپ، ەكولوگيالىق ورتانى قورعاۋدىڭ قۇرىلىس ونىمدىلىگى كورنەكتى بولدى، ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ“، ”كومىر قىشقىل گازىن بەيتاراپتاندىرۋ“ كۇندەلىكتى تۇرمىسپەن قابىستى، كورىكتى شينجياڭدا اسپان اناعۇرلىم كوك، تاۋ اناعۇرلىم جاسىل، سۋ اناعۇرلىم تۇنىق جاڭا جاعداي جارىققا شىقتى؛ سولتۇستىك شينجياڭ كۇننەن - كۇنگە كوركەيدى، وڭتۇستىك شينجياڭنىڭ تەبىنى ارىندادى، كونە كاسىپ سالالارىنىڭ دەڭگەيى جوعارىلاپ، جاڭا كاسىپ سالالارى جەتىلىپ، وڭىرلىك سايكەستى دامۋدىڭ جاڭا داۋىردەگى تىڭ داستانى جازىلدى.
دامۋ جالپى ارناسى اناعۇرلىم كەڭەيدى. شينجياڭ وڭىرلىك ابزالدىلىعىن ساۋلەلەندىرىپ، سىرتقا ەسىك اشۋ دانەكەرى مولايىپ، سىرتقا ەسىك اشۋ دەڭگەيى جوعارىلاپ، اشىق ەكونوميكالىق ءتۇزىلىس جاڭالانىپ، جىبەك جولى ەكونوميكالىق بەلدەۋى وزەكتى رايون قۇرىلىسىنىڭ تابىسى مول بولدى، ”ءبىر پورت“، ”ەكى رايون“، ”5 ۇلكەن ورتالىق “، ”شەكارا وتكەلى ەكونوميكالىق بەلدەۋى“ قۇرىلىسىندا تىڭ ىلگەرىلەۋشىلىككە قول جەتتى، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ جاڭا بيىگى جەدەل تۇلعالاندى؛ شينجياڭعا باعىتتامالى كومەكتەسۋ ابزالدىلىعىنان ويداعىداي پايدالاندى، دارىندى، نىسان، قارجى، تەحنيكا، ۇستانىم، مادەنيەت سياقتى فاكتورلار بايتاق شينجياڭ دالاسىنا ءنار بەرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگى ۇزدىكسىز كورنەكتىلەندى.
اسقار تاۋ باسىنان الىسقا كوز جىبەرسەڭ، وزەندەردىڭ جوڭكىلە اققان ايبىندى كورىنىسىن ءتىپتى دە انىق كورەسىڭ. جاڭا دامۋ ۇستانىمىنىڭ دۇرىس جەتەكشىلىگىندە، جاڭا دامۋ ارناسىنىڭ كەڭ اياسىندا اسقاق ارمانمەن قايراتتانا العا ۇمتىلدى، شينجياڭنىڭ جوعارى ساپالى دامۋ جولى شەكسىز نۇرلى، كەزىندەگى شالعاي، مەشەۋ شەكارا ءوڭىر ارشىندى قاداممەن داۋىرگە ىلەسىپ، ارشىندى قاداممەن دۇنيە ءجۇزىن بەتكە الۋدا، بولاشاققا شەرۋ تارتۋدا.
5
حالىق تىلەگى ەڭ ۇلكەن ساياسي. كوممۋنيستىك پارتيا بيلىككە قول جەتكىزۋدە، بيلىكتى قورعاۋدا حالىقتىڭ تىلەگىن قورعادى. حالىق تۇرمىسىن قامتاماسىزداندىرۋدا جانە جاقسارتۋدا حالىق تىلەگىنە يە بولۋ − بيلىك جۇرگىزىپ وتىرعان پارتيانىڭ ەڭ مەيىرگە تولعان تاباندىلىعى سانالادى.
بيىل 7 - ايدا مەملەكەتتىك كەڭەس اقپارات كەڭسەسى «شينجياڭداعى ءار ۇلتتىڭ تەڭدىك ۇقىق − مۇددەسىنىڭ قامتاماسىز ەتىلۋى» اق تىستى كىتابىن جاريالادى، ءسوز - سويلەمدەرىندە ازاماتتىق ۇقىق − مۇددەدەن ساياسي ۇقىق − مۇددەگە دەيىن، ەكونوميكالىق ۇقىق − مۇددەدەن مادەنيەت ۇقىق − مۇددەسىنە دەيىن، بارىندە ”ادام“ دەگەن ءسوز مەن مۇندالاپ تۇر... شينجياڭنىڭ ادامدىق ۇقىق ىستەرىنىڭ العا باسۋىن اڭعارتىپ، حالىقتى وزەك ەتۋ سىندى دامۋ يدەياسى ساۋلە شاشتى.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ كەدەيلىكتەن ارىلتۋ، جۇمىستاندىرۋ سياقتى حالىق تۇرمىسى قىزمەتىن ەسىنەن شىعارمادى. ءبىر جىلدان بەرى باس شۋجيدىڭ ىقىلاستى تاپسىرماسىن ەستە بەرىك ساقتاعان اۆتونوميالى رايوندىق پارتكوم حالىقتىڭ تاماشا تۇرمىسقا دەگەن تالپىنىسىن كۇرەس جۇرگىزۋ نىساناسى ەتىپ، كەدەيلىكتەن ارىلتۋدان قامال الۋ شايقاسىندا باتىلدىقپەن جەڭىسكە قول جەتكىزىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى حالىققا ءتيىمدى ينجەنەريالاردى ۇزدىكسىز ىلگەرىلەتىپ، كوممۋنيستەردىڭ اۋەلگى ماقساتى مەن بورىشىن حالىق تۇرمىسى باقىتىنىڭ قۇن تالپىنىسىمەن توعىستىردى.
2020 - جىلى 11 - ايدىڭ 14 - كۇنى − اسىلىندەگى ادەتتەگىدەي ءبىر كۇن تاريح بەتىندە قالدى. وسى كۇنى اۆتونوميالى رايوندىق حالىق ۇكىمەتى دۇنيە جۇزىنە سالتاناتتى تۇردە شينجياڭداعى ياركەن قاتارلى كەدەيلىكتەن ارىلماعان ەڭ سوڭعى 10 اۋدان كەدەي اۋدان تىزىمدىگىنەن شىعارىلدى دەپ جاريالادى. وسىلايشا شينجياڭداعى 35 كەدەي اۋدان تۇگەلدەي كەدەيلىك قالپاعىن الىپ تاستاپ، مۇلدە كەدەيلىك ماسەلەسى تاريحي سيپاتتى شەشىم تاپتى.
كەدەيلىكتەن ارىلتۋدان قامال الۋ شينجياڭداعى ەڭ ۇلكەن حالىق تۇرمىسى ينجەنەرياسى. ءبىر جىلدان بەرى بۇكىل رايونداعى ءار ۇلت كادر - بۇقاراسى تولىق جەڭىسكە جەتپەيىنشە استە تىنبايتىن جىگەرمەن تاباندىلىق كورسەتىپ، قيىندىقتاردى جەڭىپ، قاجىرلىلىقپەن ىستەپ، ناقتى ىستەپ، كەدەيلىكتەن ارىلتۋدان قامال الۋ شايقاسىندا شەشۋشى سيپاتتى جەڭىسكە قول جەتكىزىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام قويدى. ەكىنشى 100 جىلدىق كۇرەس نىساناسىنا قادام قويعان جاڭا ساپاردا، بۇكىل رايوندا جوعارى مەن تومەن كەدەيلىكتەن ارىلتۋدان قامال الۋ ۇلى رۋحىن زور كۇشپەن اسقاقتاتىپ، قايتا كەدەيلەسۋدەن ساقتانۋدىڭ باقىلاۋ - تەكسەرۋ جانە كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى تىڭعىلىقتى ىلگەرىلەتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، ءۇمىت اتىزىندا باقىتتىڭ جاڭا تاراۋىن جالعاستى جازدى.
بۇقارانىڭ مۇددەسىندە كىشكەنە ءىس بولمايدى، بارىنە دە سۇيىسپەنشىلىكپەن قاراۋ كەرەك. ءبىر جىلدان بەرى حالىققا ءتيىمدى ينجەنەريا شينجياڭنىڭ حالىق تۇرمىسى قىزمەتىن ويداعىداي ىستەۋىندەگى قۋاتتى تۇتقاعا اينالدى: جۇمىستاندىرۋدى ءبىرىنشى ورىنعا قويۋعا تاباندى بولىپ، كاسىپ ارقىلى ادامدى الاڭسىز ەتىپ، كاسىپ ارقىلى ادامدى ورنىقتىرىپ، كاسىپ ارقىلى كىرىستى ارتتىراتىن ۇتىمدى اينالىمدى قۇلشىنا جۇزەگە اسىرىپ، ورنىقتى جۇمىستانۋدىڭ ارقاسىندا سان مىڭداعان وتباسىلار باياندى باقىتقا كەنەلدى؛ وقۋ - اعارتۋدى الدىمەن دامىتۋعا تاباندى بولىپ، ءار باسقىشتاعى، ءار تۇردەگى وقۋ - اعارتۋ قاتار ىلگەرىلەتىلىپ، ”ەكىنى ازايتۋ“ ساياساتى تياناقتانىپ، وقۋ - اعارتۋدىڭ تەگىنە قايتقاندىعىن ءتىپتى دە ايگىلەدى؛ حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويۋعا تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى يگەرىپ، ناقتى يگەرىپ، جان - جاقتىلى يگەرىپ، جالپى حالىقتىڭ دەنساۋلىعىن تەگىن تەكسەرۋدى ۇزدىكسىز ورىستەتىپ، جالپى حالىقتىق دەنە شىنىقتىرۋ ءار ۇلت بۇقاراسى تۇرمىسىنىڭ جاڭا سالتىنا اينالدى... ءاربىر حالىققا ءتيىمدى ينجەنەريانىڭ اتقارىلۋى، ءاربىر حالىق تۇرمىسى ماسەلەسىنىڭ شەشىلۋى ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىر - شاپاعاتىن شىنايى سەزىندىردى.
بۇگىنگى كۇندە كەڭ كوسىلگەن تارىم ويپاتىنان اسقار التاي تاۋلارىنا دەيىن، ايبىندى پامير ۇستىرتىنەن ىرىستى ىلە وزەنى اڭعارىنا دەيىن، قالا، اۋىلداردىڭ وراسان زور وزگەرىسى، تاۋ - وزەندەردىڭ اسەم كورىنىستى كارتيناسى جايىلىپ جاتىر، تالىقپاي تالپىنۋدىڭ، قاجىرلى ەڭبەكپەن بايۋدىڭ ءداۋىر ماداق جىرى اسقاق شىرقالىپ، اۋىل - قىستاقتى گۇلدەندىرۋدىڭ، بىرگە بايۋدىڭ كەڭ تىنىستى سيمفونياسى شارىقتادى.
حالىق تۇرمىسى حالىق تىلەگىمەن توعىسىپ، حالىق تىلەگى حالىقتىڭ كۇش - قۋاتىن ۇيىستىردى. پارتيانىڭ جاپپاي باسشىلىعىن حالىقتىڭ نەگىزگى تۇلعالىق ورنىمەن ۇشتاستىرۋعا تاباندى بولىپ، كوزقاراس وزگەرىسىن تۇزىمدىك كەمەلدەنۋمەن بىرلىككە كەلتىرىپ، جوعارى ساپالى دامۋدى جوعارى ورەلى تۇرمىسپەن سايكەستىرىپ، حالىقتى وزەك ەتۋدەي دامۋ يدەياسىن بۇلجىماستان امالياتتا ايگىلەسەك، ءسوز جوق، حالىقتىڭ قولداۋى مەن قۋاتتاۋىنا قول جەتكىزۋگە، سونداي - اق ءار ۇلت حالقىنىڭ بەلسەندىلىگىن، ىرىقتىلىعىن، جاسامپازدىعىن ەڭ زور دارەجەدە قاۋلاتۋعا، وتاننىڭ شينجياڭىن ءتىپتى دە كوركەم ەتىپ قۇرىپ شىعۋعا بولادى.
6
اسقار - اسقار تاۋلاردىڭ دا بارىنەن بيىك شىڭى بولادى، توعىز قابات پاتشا كيىمىنىڭ دە ۇستايتىن جاعاسى بولادى. شينجياڭ قىزمەتىن جاقسى ىستەي الۋ - الماۋدا، ەڭ ءتۇبىرلىسى، پارتيانىڭ باسشىلىعى پارمەندى دە قۋاتتى بولعان − بولماعاندىعىندا.
اماليات مىنانى دالەلدەدى: شينجياڭ قىزمەتىن ويداعىداي ىستەۋدىڭ تەتىگى پارتيادا. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ ”پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋدى“ باسا دارىپتەگەن بولاتىن.
الايدا جۇرگەن جولىمىزعا قايىرىلا قاراساق، شينجياڭ قىزمەتىندە قول جەتكەن بارلىق تاجىريبەلەر مەن ناتيجەلەر پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق، ۇيتقىلىق رولىن تولىق ايگىلەپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ايقىن ابزالدىلىعىن تەرەڭ ايگىلەدى. ”پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولۋ“ جۇڭگو كوممۋنيستىك پارتياسىنىڭ بيلىك جۇرگىزۋ تاجىريبەسىنىڭ عىلمي قورىتىندىسى، اسىرەسە، العا باسۋ جولىندا جاپا - ماشاقاتتان، قاتەردەن، كەدەرگىدەن قورىقپاي، جەڭىستەن - جەڭىسكە جەتۋدەگى ەڭ ۇلكەن سەنىمى.
سان تاۋلاردان ايباتى اسقان دەسى مىڭ، ەلدىڭ مىزعىماس تىرەگى بولعان وسى شىڭ. بيىل كوكتەم مەرەكەسى وتە سالىسىمەن، پارتيا تاريحىن ۇيرەنۋ تاربيەسى تيانشان الابىندا جالپى بەتتىك ورىستەتىلدى. تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، پارتيانىڭ 100 جىلدىق كۇرەس جۇرگىزۋ ساپارىندا مۇرات - سەنىمدى بەكەمدەپ، ەكپىندەي العا باسۋعا كۇش - قۋات قابىلدادى، بۇكىل رايونداعى ءار دارەجەلى پارتيا ۇيىمدارى مەن پارتيالى كادرلار اناعۇرلىم ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي قۇرىلىستى ءبىر تۇتاس جەتەكشىلىككە الىپ، پارتيانىڭ ءتۇرلى قۇرىلىستارىن كۇشەيتىپ، پارتيانى جاپپاي، قاتاڭ باسقارۋ جاۋاپكەرشىلىگىن تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، باياندى تىنىشتىق جاعدايىن ساقتاپ، باياندى جونگە سالۋ ىستەرىن جۇزەگە اسىردى.
وسى ءبىر جىلدا، ”پارتيا تۋى تيانشاندى نۇرلاندىردى“ نەگىزگى تاقىرىپتىق پارتيا كۇنى قيمىلى ىشكەرىلەي ىلگەرىلەتىلىپ، جايناعان پارتيا تۋى قۇمدى ءشولدى، قارلى دالا ءۇستىرتتى نۇرلاندىردى، وسكەلەڭ نانىم، بەرىك سەنىم، ءسوزسىز، جەڭىسكە جەتەتىن سەنىم كوممۋنيستەردىڭ قان تامىرىمەن، رۋحىمەن توعىستى.
وسى ءبىر جىلدا، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى ىشكەرىلەي ورىستەتىلىپ، بۇقارا ءۇشىن ناقتى ءىس ىستەپ، قيىن ماسەلەلەردى شەشۋ قيمىلى بارىسىندا بۇقارالىق لۋشيانعا تاباندى بولىپ، باس ماقسات تانىمىن كۇشەيتىپ، كوممۋنيستەردىڭ اۋەلگى ماقساتى مەن بورىشى تيانشان الابىنا جارىق ساۋلەسىن شاشتى.
وسى ءبىر جىلدا، كەدەيلىكتەن ارىلتۋدان قامال الۋدىڭ نەگىزگى شايقاس مايدانىندا، ىندەتتەن ساقتانۋ - تىزگىندەۋدىڭ ءبىرىنشى شەبىندە، جوعارى ساپالى دامۋدىڭ ەڭ الدىڭعى لەگىندە، پارتيالى كادرلار ەڭ اۋىر جاپا - ماشاقاتپەن الىسىپ، جۇكتىڭ ەڭ اۋىرىن كوتەرىپ، ارەكەتى ارقىلى سەرتىن امالياتتا ايگىلەپ، جاۋاپكەرشىلىك ارقالاۋ ارقىلى ادالدىعىن ءتۇسىندىردى.
وسى ءبىر جىلدا، قاھارماندار تابيعات قوينىنا قايتتى، ءبىز ىستىق كوز جاسىمىزدى توگە ءداۋىر ونەگەسى لاچين بايەكەنى، كەدەيلىكتەن ارىلتۋدان قامال الۋدىڭ مەملەكەتتىك ۇلگىسى ليۋ حۋدى ەسكە الامىز؛ وسى ءبىر جىلدا، قاھارماندار قاسىمىزدان شىقتى، ءبىز جالىندى جانارىمىزبەن ”1 - شىلدە“ وردەنىنىڭ يەگەرى ۋي دىيوۋ، مامەتجان ءومارعا قۇرمەت بىلدىرەمىز...
”مەن توراڭعى رۋحىنا جارشى بولامىن“، ”بيڭتۋان رۋحىنىڭ امالياتتا ايگىلەۋشىسى بولامىن“... بيىل 8 - ايدان بەرى ورتالىقتان جەرگىلىكتى ورىندارعا دەيىن، ءارقايسى نەگىزگى اقپارات قۇرالدارى ۇسىنعان ”جۇڭگو كوممۋنيستەرىنىڭ رۋحاني شەجىرەسى“ جەلىلەس حابارلارى بۇكىل قوعامدى جاپپاي نازار اۋدارۋعا جانە ات سالىسۋعا تارتتى. توراڭعى رۋحى مەن بيڭتۋان رۋحىنىڭ شينجياڭنىڭ بايتاق دالاسىندا دۇنيەگە كەلىپ، حالىق اراسىندا تامىر تارتۋى نەشە ۇرپاق قۇرىلىسشىلاردىڭ شەكارا وڭىردە تامىر تارتۋىنىڭ، شەكارا وڭىرگە ءوزىن ارناۋىنىڭ شىنايى بەينەسى. ۇلى رۋح ۋاقىت پەن كەڭىستىكتەن ءوتىپ، زامان وتكەن سايىن جاڭالانىپ، بۇكىل رايونداعى قالىڭ پارتيالى كادرلاردى اۋەلگى ماقساتتى شىڭداپ، بورىشتى وتەپ، سەنىمنەن كۇش - قۋات الىپ، العا باسۋ بەتالىسىنان جازباي، جاڭا ۇزاق جورىقتا پارتيانىڭ، حالىقتىڭ، ءداۋىردىڭ ءۇمىتىن اقتايتىن جاڭا شۇعىلالى ناتيجەلەر جاراتۋعا جىگەرلەندىرۋدە.
باس شۋجي شي جينپيڭ بىلاي دەپ اتاپ كورسەتتى: پارتيامىزدىڭ اۋەلگى ماقساتى مەن بورىشى − شينجياڭداعى ءار ۇلت حالقىن قامتىعان جۇڭگو حالقىن باقىتقا كەنەلتۋ، شينجياڭداعى ءار ۇلتتى قامتىعان جۇڭحۋا ۇلتىنىڭ گۇلدەنۋىن جۇزەگە اسىرۋ. شينجياڭ قىزمەتىن جاقسى ىستەۋدىڭ بورىشى داڭقتى، جاۋاپكەرشىلىگى اۋىر، قازىر ەڭبەك ەتىپ، پايداسىن بولاشاقتا كورەتىن ءىس.
شالقار تەڭىز ۇلان - قايىر، جەلكەن جايىپ كەمەمىز، نىسانانى بەتكە الىپ تولقىن جارىپ كەلەمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، باس شۋجي كورسەتكەن بەتالىستى بويلاي ءبىر جاعادان باس، ءبىر جەڭنەن قول شىعارىپ، قول ۇستاسا العا ىلگەرىلەيىك.
ءبىزدىڭ ساپارىمىز شەتسىز دە شەكسىز جۇلدىزدار الەمى، ءبىزدىڭ الدىمىز اسپانمەن تالاسقان ارايلى شاپاق.
