تيانشان تورى   ›   جاڭالىقتار   ›   شينجياڭ حابارلارى

ءبىر دۇكەندە ءبىر ءونىم بار، نان كاسىپ سالاسى باقشاسىنىڭ بولاشاعى ءتىپتى دە جارقىن

□ انار بۇلت / شينجياڭ گازەتىنىڭ ءتىلشىسى ۋاڭ يايۇن

   9 - ايدىڭ 22 - كۇنى ساياحاتشىلار ءۇرىمجى قالاسى نان مادەنيەتى كاسىپ سالاسى باقشاسىندا نان ونىمدەرىن ساتىپ الۋدا. □ سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن

  ”ءبىر جىلدىڭ الدىندا وسى اراعا كەلىپ كورگەنمىن، بۇگىنگى وزگەرىستىڭ ءتىپتى دە زور ەكەندىگىن سەزىندىم!“، 9 - ايدىڭ 24 - كۇنى تۇستەن بۇرىن ءۇرىمجى قالاسىنىڭ تۇرعىنى ليۋ اتاي جۇبايىمەن بىرگە ءۇرىمجى قالاسى نان مادەنيەت كاسىپ سالاسى باقشاسىن ارالاي ءجۇرىپ تەبىرەنە بىلاي دەدى: ”قازىر نان كاسىپ سالاسى باقشاسى بارعان سايىن جارقىن بولاشاعىن كورسەتىپ وتىر“.

  شينجياڭنىڭ تۇڭعىش توپتاعى ونەركاسىپ ساياحاتىنان ۇلگى كورسەتۋ بازاسى، شينجياڭنىڭ 1 -، 2 -، 3 - كاسىپ سالالارىن توعىستىرا دامىتۋدىڭ ۇلگىسى رەتىندە ءۇرىمجى قالاسى نان مادەنيەت كاسىپ سالاسى باقشاسى 2018 - جىلى 12 - ايدىڭ 25 - كۇنى رەسمي تيجارات باستاعاننان بەرى ونەركاسىپ، ساياحات، مادەنيەت، اس - سۋ، زات ساتىپ الۋ، ءان - ءبي كوركەمونەر ويىندارى شوعىرلى ءبىر تۇلعالانعان ءىرى تيپتى كەشەندى ساياحات نىسانىن قۇرۋعا كۇش سالدى.

  ”بۇرىن ءبىز ازىق - تۇلىكتى كاسىپ سالالاندىرا دامىتۋدى، وسىزاماندانعان زاۆود قۇرۋدى ءتۇيىندى تۇردە كورنەكتىلەندىرگەن ەدىك. قازىر ءبىز مادەنيەت + ساياحات + ونەركاسىپ ۇلگىسى بويىنشا داميمىز“، - دەدى شينجياڭ چۋاڭبو مادەنيەت، ساياحات قارجى قوسۋ شەكتى سەرىكتەستىگىنىڭ ورىنباسار باس ديرەكتورى ۋان چۇنياڭ.

  بيىل ءۇرىمجى قالاسى نان مادەنيەتى كاسىپ سالاسى باقشاسىنىڭ دارەجەسىن جوعارىلاتىپ، جاڭالاۋ جۇرگىزىپ، 30 نەشە ميلليون يۋان قارجى قوسىپ، نان مادەنيەت مۇراجايى، نەگىزگى ەكسكۋرسيالاۋ ارناسى، ”نان +“ سەزىنۋ اۋماعى، ساياحاتشىلارعا قىزمەت وتەۋ ورتالىعى سياقتى 12 اۋماقتى ساپالىلاندىرىپ، دارەجەسىن جوعارىلاتىپ، كورىنىس سەزىمىن، جۇيەلىك سەزىمىن، باستان وتكەرۋ سەزىمىن جانە تارتىمدىلىعىن كۇشەيتىپ، شينجياڭنىڭ اناعۇرلىم كوپ مادەنيەت فاكتورىن توعىستىردى.

  ”شىت جاڭا بەينەگە ەنگەن نان مادەنيەتى مۇراجايىنىڭ اۋدانى 600 شارشى مەتر بولىپ، تۇرلىشە داۋىردەگى نانعا قاتىستى 50گە تارتا ساقتاۋلى بۇيىم كورسەتىلىپ، ءىشىنارا شينجياڭ اس - سۋ كورىنىسى اۋەلگى قالپىنا كەلتىرىلىپ، وسىزاماندانعان عىلىم - تەحنيكالىق فاكتور توعىستىرىلىپ، ساياحاتشىلارعا ناننىڭ تەگى مەن دامۋىن، سونداي - اق وزگەشە تاريحي مادەنيەت جاي - جاپسارىن تىكە تۇيسىنۋگە، اسەر الۋعا مۇمكىندىك جاسادى“، - دەدى نان مادەنيەتى كاسىپ سالاسى باقشاسىنىڭ ءتۇسىندىرۋشىسى گو يۇيشي.

  ءتىلشى نان مادەنيەتى كاسىپ سالاسى باقشاسىنىڭ بۇرىننان بار ەكسكۋرسيالاۋ ارناسىن وڭىرلىك مادەنيەت ءتۇسىن العان قۇرىلىس ەرەكشەلىگىنە يە ”الدى دۇكەن، ارتى الاڭ“ كوشە ۇلگىسىندەگى كورىنىسكە يە ەتىپ، باقشا رايونىنا ورنالاسقان ايگىلى نان كاسىپورىندارى مەن شينجياڭ ءدامدى تاعام كاسىپورىندارىنىڭ ەرەكشەلىگىن ارقاۋ ەتىپ، ”ءبىر دۇكەندە ءبىر ءونىم“ بولۋدى كورنەكتىلەندىرگەندىگىن كوردى. ساياحاتشىلار ءدامدى تاعامداردان ءدام تاتىپ قالماستان، اس ۇيدەگى اينەك تەرەزەلەر ارقىلى ءوندىرۋ - جاساۋ بارىسىن تاماشالاپ، ساياحاتتىق سەزىنۋىن ارتتىرا الادى.

  ”دۇكەنىمىزدىڭ ءار كۇنگى تيجارات سوماسى 1000 يۋاننان اسادى، ەڭ جاقسى بولعان كەزدە 5000 يۋانعا جەتەدى. بەتىنە كۇنجۇت جاعىلعان نان، راۋشان گۇلى نانى جانە لازى نان بارلىعى دا ەرەكشە ءوتىمدى ونىمدەر“. شينجياڭ جياڭشياۋناڭ ازىق - تۇلىك شەكتى سەرىكتەستىگىنىڭ دۇكەندەگى ساتۋشىسى ۋاڭ جىنفىن تىلشىگە مىنانى ايتتى: ساياحاتشىلار نان جابۋدىڭ جالپى بارىسىن كورگەننەن كەيىن، تابيعي تۇردە ءونىمنىڭ ساپاسىنا اناعۇرلىم جوعارى سەنىم ارتادى.

  ”مەن ءتۇرلى نان ساتىپ الىپ قانا قويماي، تاعى نانعا قاتىستى مادەني جاسامپازدىققا تولى كىشكەنتاي سالەم - ساۋقىت ساتىپ الدىم، ايتالىق، جىبەك جاۋلىق، كىلت تۇيرەۋىشى، تۇتقالى ستاكان دەگەندەي“. شينجياڭعا ىسساپارمەن كەلگەن ۋاڭ بو ءبىر دوربا ”شينجياڭ تارتۋىن“ كوتەرىپ الىپتى، شي - انعا الىپ قايتىپ قىزمەتتەستەرىمەن بولىسپەكشى ەكەن.

  ءۇرىمجى قالاسى نان مادەنيەتى كاسىپ سالاسى باقشاسىنىڭ شارۋاشىلىق جۇرگىزۋشىسى − شينجياڭ بايجيا حىڭچىڭ ساياحات باسقارۋ شەكتى سەرىكتەستىگىنىڭ باس ديرەكتورى جي جۇڭۋىن تانىستىرىپ بىلاي دەدى: كەزەكتە نان مادەنيەتى كاسىپ سالاسى باقشا رايونىنا 93 ساۋدا ورنى ىرگە تەپتى، ونىمدەرى بۇكىل شينجياڭنىڭ جەر - جەرىندەگى ساپالى اۋىل شارۋاشىلىق ەرەكشە ونىمدەرىن قامتيدى ءارى ينتەرنەت جەلىسىندە جانە ينتەرنەت جەلىسىنەن تىس ءبىر ۋاقىتتا ساتۋدى جۇزەگە اسىردى.

  ”قاشقار قىزى“ نان مادەنيەتى كاسىپ سالاسى باقشا رايونىندا 4 جىل تيجارات جۇرگىزدى، نەگىزىنەن كەپتەر سورپاسى كوجەسىن جانە شوشىرە ساتادى. دۇكەن قوجايىنى ءلايلى بىلاي دەدى: نان مادەنيەتى كاسىپ سالاسى باقشا رايونىندا ءۇي ماياقىسىن الماۋ، بىرلەسىپ شارۋاشىلىق جۇرگىزۋدە پايداسىنان ازداپ ۇلەس الۋ ۇلگىسى جۇرگىزىلگەندىكتەن، بۇل ارادا دۇكەن اشۋدان قينالمايسىز.

  شينجياڭنىڭ ءدامدى تاعام مادەنيەتىن ايگىلەپ، ەرەكشە ايگىلى ماركا جاراتۋ ءۇشىن، نان مادەنيەتى كاسىپ سالاسى باقشاسى ءار ۋاقىت ءتۇرلى مادەنيەت، ساياحات قيمىلدارىن ورىستەتىپ، باقشا رايونىنىڭ داڭقىن اسىرىپ، ايگىلى ماركانىڭ ىقپالىن كەڭەيتەدى.

  ”ەندى عانا وتكەن جۇڭچيۋ مەرەكەسى دەمالىسى كەزىندە ءبىز ناندى جانە ايكۇلشەنى قولمەن جاساۋ زەرتتەۋ - ۇيرەنۋ قيمىلىن ۇيىمداستىرىپ ورىستەتتىك. 3 كۇندە ەكسكۋرسيالاعان ساياحاتشى 5000 ادام - رەتكە جەتتى“. ۋان چۇنياڭ بىلاي دەدى: مەملەكەت مەرەكەسى كەزىندە 5 ءتۇر بويىنشا نان مادەنيەتى سالتاناتى قيمىلىن ورىستەتۋدى جوسپارلاپ وتىرمىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.