تيانشان تورى   ›   جاڭالىقتار   ›   ماڭىزدى حابارلار

شي جينپيڭ 2021 - جىلعى جۇڭگۋانسۇن تالقى مىنبەرىن بەينە ەكران تاسىلىمەن قۇتتىقتادى

  9 - ايدىڭ 24 - كۇنى مەملەكەت ءتوراعاسى شي جينپيڭ 2021 - جىلعى جۇڭگۋانسۇن تالقى مىنبەرىن بەينە ەكران تاسىلىمەن قۇتتىقتادى.

  □ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 9 - ايدىڭ 24 - كۇنى بەيجيڭنەن بەرگەن حابارى. 9 - ايدىڭ 24 - كۇنى مەملەكەت ءتوراعاسى شي جينپيڭ 2021 - جىلعى جۇڭگۋانسۇن تالقى مىنبەرىن بەينە ەكران تاسىلىمەن قۇتتىقتادى.

  شي جينپيڭ بىلاي دەپ اتاپ كورسەتتى: كەزەكتە دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى كەڭەيۋدە، تەرەڭدەۋدە، دۇنيە ءجۇزى ەكونوميكاسىن جانداندىرۋ اۋىر سىنعا ءدوپ كەلۋدە، دۇنيە جۇزىندەگى ەلدەر عىلىم - تەحنيكا جاعىنداعى ەسىك اشۋدى، سەلبەسۋدى كۇشەيتىپ، عىلىم - تەحنيكادا جاڭالىق اشۋ ارقىلى الەمدىك ماڭىزدى ماسەلەلەردى شەشۋدىڭ جولى مەن ءتاسىلىن بىرگە قاراستىرىپ، ءداۋىر سىنىنا بىرگە توتەپ بەرىپ، ادامزاتتىڭ بەيبىتشىلىك پەن دامۋ سىندى وسكەلەڭ ءىسىن بىرگە جەبەۋدى اناعۇرلىم قاجەت ەتىپ وتىر.

  شي جينپيڭ بىلاي دەپ باسا دارىپتەدى: بۇگىنگى دۇنيە جۇزىندە عىلىم - تەحنيكانى دامىتۋ ءۇشىن، ءسوزسىز، الەمدىك كوز ايا بولۋ قاجەت. ءداۋىر تىنىسىن يگەرىپ، ادامزاتتىڭ ءوندىرىسى مەن تۇرمىسى قويعان تىڭ تالاپپەن تىعىز بايلانىستىرۋ كەرەك. جۇڭگو عىلىم - تەحنيكادا جاڭالىق اشۋعا باسا ءمان بەرىپ، الەمنىڭ عىلىم - تەحنيكادا جاڭالىق اشۋ ىستەستىگىن ىلگەرىلەتىپ، اناعۇرلىم اشىق پوزيتسيامەن حالىقارالىق عىلىم - تەحنيكا اۋىس - كۇيىسىن كۇشەيتىپ، الەمدىك جاڭالىق اشۋ تورىنا بەلسەنە ات سالىسىپ، نەگىزدىك زەرتتەۋدى بىرگە ىلگەرىلەتىپ، عىلىم - تەحنيكا جەتىستىكتەرىن كادەگە جاراتۋدى جەبەپ، ەكونوميكالىق دامۋدىڭ تىڭ قوزعاۋشى قۋاتىن جەتىلدىرىپ، ءبىلىم مەنشىك ۇقىعىن قورعاۋدى كۇشەيتىپ، ماڭداي الدى جاڭالىق اشۋ ەكولوگياسىن قالىپتاستىرىپ، عىلىم - تەحنيكالىق ىزگىلىك ۇستانىمىن سومداپ، الەمدىك عىلىم - تەحنيكالىق جونگە سالۋدى كەمەلدەندىرىپ، ادامزاتتىڭ قۇت - ىرىسىن ونان ارى ارتتىرۋعا كۇش سالادى.

  شي جينپيڭ بىلاي دەپ باسا دارىپتەدى: جۇڭگۋانسۇن −جۇڭگوداعى تۇڭعىش مەملەكەتتىك دەربەس جاڭالىق اشۋدان ۇلگى كورسەتۋ اۋماعى، جۇڭگۋانسۇن تالقى مىنبەرى −الەمدىك عىلىم - تەحنيكادا جاڭالىق اشۋ اۋىس - كۇيىس سەلبەستىگىن بەتكە العان مەملەكەت دارەجەلى تۇعىر. جۇڭگو جۇڭگۋانسۇننىڭ جاڭا كەزەكتەگى الدىمەن اتقارۋ، الدىمەن سىناق ەتۋ رەفورماسىن ورىستەتۋىن قولدايدى، دۇنيە جۇزىندە وزىق عىلىم - تەحنيكا باقشا رايونىن جەدەل قۇرىپ، الەمدىك عىلىم - تەحنيكادا جاڭالىق اشۋ اۋىس - كۇيىس سەلبەستىگىن جەبەۋگە تىڭ ۇلەس قوسادى.

  2021 - جىلعى جۇڭگۋانسۇن تالقى مىنبەرى سول كۇنى بەيجيڭدە اشىلدى. نەگىزگى تاقىرىبى −”پاراساتتىلىق. سالاماتتىق . كومىر قىشقىل گازىن بەيتاراپتاندىرۋ“، عىلىم - تەحنيكا مينيسترلىگى، جۇڭگو عىلىم اكادەمياسى، جۇڭگو عىلىم - تەحنيكا قوعامى، بەيجيڭ قالالىق حالىق ۇكىمەتى بىرگە وتكىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.