اۆتونوميالى رايوندىق ساياسي كەڭەس ورتاق تانىم ۇيىستىرۋ قىزمەتىن كۇشەيتۋ جانە جەبەۋ جونىندەگى پىكىردى قاراپ ماقۇلدادى
ورتاق تانىم ۇيىستىرۋدى مىندەت وتەۋدىڭ تۇتاس بارىسىنا، ءار جاعىنا ءسىڭىرۋ كەرەك
انار بۇلت/شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 24 - كۇنى ۇرىمجىدەن حابارلايدى. 9 - ايدىڭ 24 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 17 - رەتكى ءماجىلىسى «ساياسي كەڭەس شينجياڭ ۇيعۇر اۆتونوميالى رايوندىق كوميتەتىنىڭ حالىق ساياسي كەڭەسىنىڭ ورتاق تانىم ۇيىستىرۋ قىزمەتىن كۇشەيتۋ جانە جەبەۋ جونىندەگى پىكىرىن» (تومەندە قىسقارتىلىپ «پىكىر» دەلىنەدى) قاراپ ماقۇلداپ، يدەيالىق - ساياسي جاقتان جەتەكتەۋدى كۇشەيتۋ، ساياسي كەڭەس مۇشەلەرىنىڭ ورتاق تانىم ۇيىستىرۋ قىزمەتىن ويداعىداي ىستەۋ، قوعامعا باعىتتالعان ورتاق تانىم تاراتۋ قىزمەتىن ويداعىداي ىستەۋ، جۇڭحۋا ۇلتىنىڭ ۇلى گۇلدەنۋىنىڭ وڭ ونەرگياسىن كەڭىنەن توپتاۋ سياقتىلارعا ايقىن ولشەم جاسادى.
2020 - جىلى 9 - ايدا مەملەكەتتىك ساياسي كەڭەس «حالىق ساياسي كەڭەسىنىڭ ورتاق تانىم ۇيىستىرۋ قىزمەتىن كۇشەيتۋ جانە جەبەۋ جونىندەگى پىكىردى» باسىپ تاراتتى. اۆتونوميالى رايوندىق ساياسي كەڭەس بۇعان ايرىقشا ءمان بەرىپ، بيىل جىل باسىندا «پىكىردىڭ» العاشقى نۇسقاسىن جازۋعا كىرىسىپ، كەڭ كولەمدە پىكىر الۋ، ىشكەرىلەي زەرتتەۋ - تالقى جۇرگىزۋ ارقىلى ءار جاقتىڭ وزگەرىس ەنگىزۋ ۇسىنىستارىنان 35ىن جيناقتاپ، رەتتەپ شىعىپ، ەڭ سوڭىندا مەملەكەتتىك ساياسي كەڭەستىڭ پىكىرىن ءتۇپ نۇسقا ەتە وتىرىپ، اۆتونوميالى رايوندىق پارتكومنىڭ ساياسي كەڭەس قىزمەتى ءماجىلىسىنىڭ رۋحىمەن ۇشتاستىرىپ، مەملەكەتتىك ساياسي كەڭەستىڭ جانە وزگە ولكەلىك، قالالىق ساياسي كەڭەستەردىڭ جاقسى ادىستەرى مەن اۆتونوميالى رايونداعى ءار دارەجەلى ساياسي كەڭەستەردىڭ جاقسى تاجىريبەلەرىن قابىلداپ، 6 جاقتاعى 24 تارماق قىزمەت پىكىرىن قالىپتاستىردى.
«پىكىردە» مىنالار اتاپ كورسەتىلدى: ساياسي كەڭەس ۇيىمى ورتاق يدەيالىق - ساياسي نەگىزدە، حالىق ساياسي كەڭەسىنىڭ ءتۇزىم اينالىمى، دەموكراتيالىق ءتارتىبى جانە ءونىمدى قىزمەتى ارقىلى پارتيانىڭ قۋاتتاماسىن قوعامنىڭ ءار سالاسىنىڭ ورتاق تانىمىنا اينالدىرىپ، حالىق ساياسي كەڭەسىن پارتيانىڭ ءتۇرلى قىزمەتتەرگە باسشىلىعىنا تاباندى بولۋدىڭ جانە كۇشەيتۋدىڭ ماڭىزدى شەبىنە اينالدىرۋعا، پارتيانىڭ جاسامپاز نازارياسىمەن ءار ۇلت، ءار سالا ۋاكىلدەرىن، قايراتكەرلەرىن ىنتىماقتاستىرۋدىڭ، تاربيەلەۋدىڭ، جەتەكتەۋدىڭ ماڭىزدى تۇعىرىنا، ورتاق يدەيالىق - ساياسي نەگىزدە قايشىلىقتاردى شەشۋدىڭ جانە ورتاق تانىم ۇيىستىرۋدىڭ ماڭىزدى ارناسىنا اينالدىرۋعا قۇلشىنىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا جۇرت تىلەگىن ۇيىستىرىپ، كۇش - قۋات توپتاۋ كەرەك.
«پىكىردە» مىنالار بەلگىلەندى: ساياسي كەڭەس پارتيا باسشىلىق گرۋپپاسىنىڭ ساياسي باسشىلىعىن كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى تۇزىمىنە تاباندى بولىپ، ۇيرەنۋ، تاربيەلەۋ، باۋلۋ ءتۇزىمىن تياناقتاندىرۋ كەرەك. ورتاق تانىم ۇيىستىرۋدى مىندەت وتەۋدىڭ تۇتاس بارىسىنا، ءار جاعىنا ءسىڭىرىپ، سىرلاسۋ، كەڭەسۋ ءتۇزىمى مەن ارناۋلى كوميتەتتەردىڭ سالا بويىنشا مۇشەلەرمەن بايلانىس جاساۋ ءتۇزىمىن كەمەلدەندىرىپ، سالانى سۇيەنىش ەتىپ، سالالىق ەرەكشەلىككە يە ءماسليحاتتاسۋ، ۇكىمەت ىستەرىن كەڭەسۋ قيمىلدارىن ورىستەتۋگە شابىتتاندىرۋ كەرەك.
«پىكىردە» مىنالار ايقىندالدى: قوعامعا باعىتتالعان ورتاق تانىم تاراتۋ قىزمەتىن ويداعىداي ىستەپ، مۇشەلەردىڭ بۇقارامەن بايلانىس جاساۋ ءتۇزىمىن ورناتىپ، ”شينجياڭ ساياسي كەڭەس. يۇيلۋ لەكسيا مىنبەرى“ قىزمەت مەحانيزمىن كەمەلدەندىرىپ، ورتاق تانىم تاراتۋ ارناسىن بەلسەنە كەڭەيتۋ كەرەك. از ۇلت سالاسىنداعى جانە ءدىن سالاسىنداعى مۇشەلەردىڭ ارناۋلى تاقىرىپتىق ۇيرەنۋ - تەكسەرۋ جۇرگىزۋ، سالا بويىنشا كەڭەسۋ سياقتى قىزمەتتەرىن ويداعىداي ىستەپ، پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەرمەن، جاڭا قوعامدىق جىكتەگى قايراتكەرلەرمەن تىلدەسۋ، بايلانىس جاساۋ مەحانيزمىن ورناتىپ، شەتەلدەگى چياۋباۋلارمەن كەڭىنەن ىنتىماقتاسىپ، بايلانىس جاساپ، ساياسي كەڭەستىڭ سىرتقا باعىتتالعان اۋىس - كۇيىس قىزمەتىن ورىستەتىپ، جۇڭحۋا ۇلتىنىڭ ۇلى گۇلدەنۋىنىڭ وڭ ەنەرگياسىن كەڭىنەن توپتاۋ كەرەك.
«پىكىردە» تاعى قىزمەتتەردى قامتاماسىزداندىرۋ جونىندە تالاپتار قويىلدى.
