تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

ءبىزدىڭ مەرەكەمىز . جۇڭچيۋ丨حوتان جەرگىلىكتى ايكۇلشەسى: باس قوسۋعا كۋا بولىپ، تاماشا تىلەكتەردى ۇيىستىردى

انار بۇلت / شينجياڭ گازەتىنىڭ ءتىلشىسى بارشا تەگىس

  9 – ايدىڭ 15 – كۇنى تال ءتۇس، حوتان قالاسى نۇرباق ءمالىسى گۇلقاتقات ايكۇلشە – پراندىك دۇكەنىندە قاريدارلار ەسەپ داپتەرىندەگى جىپىرلاعان قالىڭ ينفورماتسيانىڭ اراسىنان وزدەرىنىڭ تاپسىرىس بەرگەن ينفورماتسياسىن تاۋىپ، ونداعى تاپسىرىس سانى بويىنشا اقشا تاپسىرىپ زات الدى.

  ٴبىر ۋاقىتتا حوتان قالا رايونىنان 20 نەشە كيلومەتر قاشىقتىقتاعى جيا اۋىلى شاحءمالى قىستاعىنداعى حوتان مينحۋان ازىق – تۇلىك مانەرلەۋ شەكتى سەرىكتەستىگىنىڭ ايكۇلشە جاساۋ سەحندا 10 نەشە جۇمىسشى ۇستەمە جۇمىس ىستەپ، جەرگىلىكتى ايكۇلشە جاساپ جاتتى.

  9 – ايدىڭ 16 – كۇنى حوتان مينحۋان ازىق – تۇلىك مانەرلەۋ شەكتى سەرىكتەستىگىنىڭ جۇمىسشىلارى مەن شينجياڭ ينجەنەريا شۋەيۋانىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى بىرلىكتە ايكۇلشە جاساۋدا. سۋرەتتى انار بۇلت / شينجياڭ گازەتىنىڭ ءتىلشىسى بارشا تەگىس تۇسىرگەن

  ”ءار جىلى جۇڭچيۋ مەرەكەسىنە تاياعان ۋاقىت ەڭ قاربالاس كەز“، - دەدى گۇلقاتقات ايكۇلشە – پراندىك دۇكەنىنىڭ قوجايىنى گۇلجاميلا ابدۇل.

  گۇلقاتقات ايكۇلشە – پراندىك دۇكەنىن گۇلجاميلا 2007 – جىلى اشقان. ون نەشە جىلدان بەرى ول جاساعان قولمەن جاسالعان ايكۇلشەلەردىڭ ىستەتكەن ماتەريالى تاماشا، ءدامى وزگەشە بولعاندىقتان، حوتان قالاسىنداعى كوپتەگەن مەيمانسارايلاردىڭ ەرەكشە ازىق – تۇلىگى ەتىپ تاڭدالدى. ”ايكۇلشە – جۇڭحۋا ۇلتىنىڭ ءداستۇرلى تاعامى، ءبىز توتەنشە ۇناتىپ جەيمىز. ءبىز ونى’ىنتىماق كۇلشەسى‘ دەپ تە اتايمىز، بىرگە تۇيىلگەن كوپ ءتۇرلى قيما ماتەريالدار بەينە ىنتىماقتى جۇڭحۋا ۇلاندارى سەكىلدى“، - دەدى گۇلجاميلا.

  ون نەشە جىلدان بەرى، گۇلقاتقات ايكۇلشە – پراندىك دۇكەنىنىڭ اي كۇلشە رەتسەبى ۇزدىكسىز جاقسارىپ، قاريدارلاردىڭ پىكىرىنە ساي، گۇلجاميلا ايكۇلشەنىڭ ءتاتتىسىن ازايتىپ، كۇلشەنىڭ قامىرىن جاساعان كەزدە جۇمىرتقا قوسىپ، ۇگىلمەلىلىگىن ارتتىردى، تاعى دا كوپتەگەن ادامدار ونى ۇستاز تۇتىپ، ونەر ۇيرەندى. قازىر ول تاربيەلەگەن وقۋشىلاردان 20 دان استان ادام قولمەن جاسالاتىن ايكۇلشە دۇكەنىن اشتى.

  ”مەن جاساعان ايكۇلشە سانسىز وتباسىنىڭ باس قوسقان تاماشا ساتىنە كۋا بولدى، مەن مۇنى ماقتانىش ەتەمىن“، - دەدى گۇلجاميلا.

  حوتان مينحۋان ازىق – تۇلىك مانەرلەۋ شەكتى سەرىكتەستىگىندە ايكۇلشە جاساۋعا شەبەر گۇزالنۇر قاسىم بۇرىن حوتان قالاسىندا 4 اي ايكۇلشە جانە ٴتاتتى پراندىك جاساۋ تەحنيكاسىن ۇيرەنگەن بولاتىن.

  حوتان مينحۋان ازىق – تۇلىك مانەرلەۋ شەكتى سەرىكتەستىگىنىڭ قىزمەتكەرلەرى جۇڭچيۋ مەرەكەسىنىڭ ايكۇلشەسىن تاپسىرىس بويىنشا جاساۋدى تەزدەتۋدە. سۋرەتتى انار بۇلت / شينجياڭ گازەتىنىڭ ءتىلشىسى بارشا تەگىس تۇسىرگەن

  ”حوتاننىڭ جەرگىلىكتى ايكۇلشەسىنىڭ“ ءدامدى بولۋىنىڭ قۇپيالىعى − تولىق، تازا جاڭعاق دانىنە روزا گۇلى توسابى، كۇنجىت، ماقسارى سياقتى ماتەريالداردىڭ بولكا ۇنتاعى ارالاستىرىلعانىندا، گۇزالنۇر شيكىزاتتى ەشقاشان دا اياماي، ءاربىر كۇلشەنىڭ ىشىنە ۇلكەن ءبىر ۋىس جاڭعاق ءدانى مەن ۇقساس مولشەردەگى بولكا ۇنتاعىن قوسادى.

  شينجياڭ ينجەنەريا شۋەيۋانىنىڭ شاحءمالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ كومەگىندە، 2019 – جىلى 6 – ايدا حوتان مينحۋان ازىق – تۇلىك مانەرلەۋ شەكتى سەرىكتەستىگى سەرىكتەستىكتى تىزىمگە الدىرۋ، ماركا مەن قوراپتى جوبالاۋ، زاۆود ۇيلەرىن سالۋ، جۇمىسشى – قىزمەتكەرلەردى تاربيەلەۋ سياقتى ىستەردى ءساتتى ورىندادى، قىزمەت اترەتى تاعى ساتۋ جولىنا بايلانىس جاساپ، ازىق – تۇلىك زاۆودىنىڭ تەزىرەك ىسكە قوسىلۋىنا كومەكتەستى.

  گۇزالنۇر تىلشىگە بىلاي دەدى: ”قولمەن جاسالعان ايكۇلشەنى جاساۋ قيمانى تەڭشەۋ، قيمانى ولشەۋ، قيمانى وراۋ سياقتى كوپ جۇمىس تارتىبىنەن وتكىزىلۋى كەرەك، قازىر زاۆودتا 10 تۇراقتى قىزمەتكەر، 10 ۋاقىتتىق جۇمىسشى بار، بارلىعى توڭىرەكتەگى شارۋالار، ولار ايىنا 2000 يۋان نان 3000 يۋانعا دەيىن ەڭبەكاقى الادى“.

  ”قىستاقتاعى كەيبىر ايەلدەر سىرتقا شىعىپ جۇمىس ىستەي المايدى، سەرىكتەستىك ولاردىڭ ءۇيدىڭ ماڭىندا جۇمىسقا ورنالاسۋ ارمانىنىڭ جۇزەگە اسۋىنا كومەكتەستى. جەرگىلىكتى ايكۇلشە جاساۋ شيكزاتىن تۇگەلدەي قىستاق تۇرعىندارى قامدادى، سونداي – اق اۋىل شارۋاشىلىعى ونىمدەرىنىڭ ساتىلۋ ماسەلەسى دە شەشىلدى“، - دەدى شينجياڭ ينجەنەريا شۋەيۋانىنىڭ شاحءمالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى شياۋ پان.

  جۇمىسشىلار ءازىل – قالجىڭ ايتىسىپ قامىر يلەپ، قيماسىن تەڭشەپ، قالىپقا سالىپ، پىسىرىپ، قوراپتاپ، قاتتى قاربالاستىققا ءتۇستى. ايكۇلشەنىڭ حوش ءيىسى تۇتاس زاۆود رايونىن قاپتادى ءارى ولاردىڭ تۇرمىسىنا دا ءسىڭىپ كەتتى ...

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.