تيانشان تورى   ›   جاڭالىقتار   ›   ساياحات

شينجياڭعا كەلىپ شاڭعى تەبۋگە دايىندالىڭىز

اۆتورى: جاڭ شياۋمي

  ٴتىلشىنىڭ التاي ايماعى كوكتوعاي حالىقارالىق قار شاڭعى دەمالىس ورنىنان ۇعىسۋىنشا، قار شاڭعى دەمالىس اۋماعى 9 – ايدىڭ 15 – كۇنى تاڭ سارىدەن باستاپ قار جاساپ، جۇمىس باستاۋعا دايىندىق جاساعان.

  بۇرىنعى شاڭعى تەبۋ مەزگىلى 1 – ايدان 3 - ايعا دەيىن بولاتىن، قازىر قار شاڭعى الاڭى بيىل 10 – ايدان كەلەر جىلى 5 -، 6 – ايعا دەيىن تيجارات جۇرگىزەتىن بولدى. شينجياڭ التاي ساياحات دامىتۋ توبى شەكتى سەرىكتەستىگىنە قاراستى تاييۇن ساياحاتقا قارجى قوسۋ سەرىكتەستىگىنىڭ باس ديرەكتورى ۋاڭ لەي بىلاي دەدى: ”بىلتىر 9 – ايدىڭ 26 – كۇنىنەن باستاپ قار جاساعانبىز،بيىل بىلتىرعىدان 11 كۇن ىلگەرى جۇمىس باستادىق“.

  9 – ايدىڭ 15 – كۇنى، التاي ايماعى كوكتوعاي حالىقارالىق قار شاڭعى دەمالىس اۋماعىندا 20 قار جاساۋ ماشيناسى ٴبىر ۋاقىتتا قار جاساپ، 10 – ايدىڭ 1 – كۇنى جۇمىس باستاۋعا دايىندالدى. (سۋرەتتى ۋاڭ لەي تۇسىرگەن)

  سول كۇنى 20 قار جاساۋ ماشيناسى ٴبىر ۋاقىتتا جۇمىسقا كىرىسىپ، توقتاۋسىز قار جاسادى. 10 – ايدىڭ 1 – كۇنىنەن بۇرىن 3.4 كيلومەتر ۇزىندىقتاعى 1 – ٴنومىرلى شاڭعى جولىنىڭ ساپاسى شاڭعى تەبۋ ولشەمىنە جەتكىزىلەدى.

  وسى قار ماۋسىمىندا كوكتوعاي حالىقارالىق قار شاڭعى دەمالىس اۋماعى اسپالى ورىندىقتى اسپالى كۇيمە، 6 شاڭعى جولى، ٴبىر تاقتامەن سىرعانايتىن باقشانى تىڭنان قوسىپ، جۇمىس باستاعاننان كەيىن، دەمالىس رايونى مەجەمەن 2022 – جىلى 6 – ايدىڭ 1 – كۇنى تيجارات جۇرگىزەدى.

  شينجياڭ جىبەك جولى حالىقارالىق دەمالىس اۋماعى مەن التاي ايماعى التاي قالاسى گەنەرال تاۋى قار شاڭعى الاڭىنىڭ قاتىستى جاۋاپتىلارى دا 10 – ايدىڭ سوڭىنان باستاپ قار جاساپ، اۋا رايى جاعدايىنا قاراي 11 – ايدىڭ باس شەنىندە جۇمىس باستاۋدى جوسپارلاعانىن ٴبىلدىردى.

  ٴتىلشىنىڭ اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، قازىر بۇكىل شينجياڭدا جيىنى 66 قار شاڭعى الاڭى بار، ولار تيانشاننىڭ تۇستىگى مەن تەرىستىگىندەگى بارلىق جەردە بار، ٴۇرىمجى قالاسىنىڭ ماڭى، التاي ايماعى، سانجى حۇيزۋ اۆتونوميالى وبلىسى، قارامايلى قالاسى، ىلە قازاق اۆتونوميالى وبلىسى، اقسۋ ايماعى سياقتى جەرلەردە ۇيىرمە قۇراۋ ۇلگىسىندە دامىعان.

  شينجياڭنىڭ جەر – جەرىندەگى قار شاڭعى الاڭدارىنىڭ ەرەكشەلىگى ۇقسامايدى، التاي ايماعىنداعى قار شاڭعى الاڭدارى شينجياڭنىڭ سىرتىنداعى ساياحاتشىلاردى نەگىز ەتىپ، قار شاڭعى تەبۋگە، دەمالۋعا تاعى سپورتتى قوسۋعا ٴتىپتى دە بەيىم؛ ٴۇرىمجى قالاسىنىڭ توڭىرەگىندەگى قار شاڭعى الاڭدارى شينجياڭداعى ساياحاتشىلاردى نەگىز ەتەدى؛ باسقا وڭىرلەردەگى قار شاڭعى الاڭدارى ٴوز جەرىنىڭ ساياحاتشىلارىن نەگىز ەتەدى.

  ”قار ماۋسىمىنىڭ ۇزارۋى توڭىرەكتەگى ساياحاتتى اناعۇرلىم ويداعىداي جەبەيدى. سونىمەن بىرگە، جەر – جەردەگى قار شاڭعى الاڭدارى جازعى ساياحات نەگىزدىك قۇرىلعىلارىن جالعاستى پايدالانىپ، تاماشا تۇردە ساياحات كاسىپ كۇيىن تولىقتايدى“، - دەدى اۆتونوميالى رايوندىق مادەنيەت جانە ساياحات مەڭگەرمەسى بايلىق قاينارىن اشۋ باسقارماسىنىڭ قىزمەتكەرى چۋ بين.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.