تيانشان تورى   ›   جاڭالىقتار   ›   سپورت الەمى

شينجياڭ ۋاكىلدەر ۇيىرمەسى تاعى دا 2 التىن مەدال، ءبىر كۇمىس مەدال، 3 قولا مەدال الدى

  انار بۇلت / شينجياڭ گازەتىنىڭ ءتىلشىسى حۋاڭ شيڭ 9 - ايدىڭ 25 - كۇنى ۇرىمجىدەن حابارلايدى. 9 - ايدىڭ 25 - كۇنى شينجياڭ ۋاكىلدەر ۇيىرمەسى مەملەكەتتىك 14 - كەزەكتى سپورت جارىسىندا شاتتىقپەن مول ناتيجەگە قول جەتكىزىپ، تاعى دا 2 التىن مەدال، ءبىر كۇمىس مەدال، 3 قولا مەدال الدى.

  ەرلەردىڭ كلاسسيك كۇرەس ءتۇرىنىڭ 60 كيلوگرامدىق سالماقتاعىلار شەشۋشى سايىسىندا الدىڭعى كەزەكتى مەملەكەتتىك سپورت جارىسىنىڭ اعا جۇلدەگەرى، شينجياڭ شەبەرى ءتوربات 2گە قارسى 5 ۇپايمەن حىبەي شەبەرى تان حاۋدۇڭدى جەڭىپ، اعا جۇلدەگەرلىكتى ءساتتى ساقتاپ قالدى. وليمپيادا قولا مەدالىنىڭ يەگەرى ءۋاليحان سەرىك قولا مەدال الدى. تاعى ءبىر شەبەر داۋلەتبەك گىماي ەرلەر كلاسسيك كۇرەس ءتۇرىنىڭ 67 كيلوگرامدىق سالماقتاعىلار جارىسىنىڭ قولا مەدالىن الدى.

  سول كۇنى كەشتە وتكىزىلگەن ەرلەردىڭ دەسكى لاقتىرۋ جارىسىندا شينجياڭ شەبەرى ابدۇعاني تۇرعۇن 4 - رەت 60.58 مەترلىك ارالىققا لاقتىرۋداي ناتيجەمەن داڭقپەن اعا جۇلدەگەر بولدى، بۇل شينجياڭدىق جەڭىل اتلەتيكا شەبەرلەرىنىڭ 42 جىلدان كەيىن مەملەكەتتىك سپورت جارىسىندا اعا جۇلدەگەرلىكتى قايتا الۋى.

  ەرلەر قايراڭ ۆولەيبولى شەشۋشى سايىسىندا شينجياڭ گرۋپپاسىنداعى ابدۇحالىقجان ءمۇتالىپ پەن سالام احىمەت كۇمىس مەدال الدى.

  تايچۋانداۋ ءتۇرى بويىنشا ەرلەر 80 كيلوگرامدىق سالماقتاعىلاردىڭ قولا مەدالىنا تالاسۋ سايىسىندا شينجياڭ شەبەرى ءماردان تۇرسۇن ىرىقسىزدىقتان ىرىقتىلىققا ءوتىپ جياڭسۋ شەبەرى يان چىندى جەڭىپ، سيلىق ساحناسىنا شىقتى.

  9 - ايدىڭ 25 - كۇنىنە دەيىن شينجياڭ ۋاكىلدەر ۇيىرمەسى جيىنى 6 التىن مەدال، 6 كۇمىس مەدال، 6 قولا مەدال الدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.