□ انار بۇلت / شينجياڭ گازەتىنىڭ ءتىلشىسى چىن چياڭۋي
9 - ايدىڭ 23 - كۇنى قۇتىبي اۋدانىنداعى تيانشان ونەركاسىپ باقشاسى جەڭىل ونەركاسىپ جانە توقىماشىلىق كاسىپ سالاسى باقشاسىندا شينجياڭ ۋيمەي ماقتا ونىمدەرى وتباسىلىق توقىما بۇيىمدارى شەكتى سەرىكتەستىگىنىڭ قىزمەتكەرلەرى ءوندىرىس سەحىندا وسى سەرىكتەستىكتىڭ ونىمدەرىن تىكە تاراتىلىمدا تانىستىردى. □ سۋرەتتى انار بۇلت / شينجياڭ گازەتىنىڭ ءتىلشىسى شيە لۇڭ تۇسىرگەن
”بۇل تۇردەگى ماقتالى كورپەنىڭ شيكىزاتى شينجياڭنىڭ ۇزىن تالشىقتى ماقتاسى، ماقتا توسەۋ تەحنيكاسىنان پايدالانىپ جاسالعان، جيەگىن قولمەن كومكەرىپ تىككەن، سيپاپ كورسەڭ توتەنشە جۇمساق...“ 9 - ايدىڭ 23 - كۇنى سانجى حۇيزۋ اۆتونوميالى وبلىسى قۇتىبي اۋدانى تيانشان ونەركاسىپ باقشاسى جەڭىل ونەركاسىپ جانە توقىماشىلىق كاسىپ سالاسى باقشاسىندا شينجياڭ ۋيمەي ماقتا ونىمدەرى وتباسىلىق توقىما بۇيىمدار شەكتى سەرىكتەستىگىنىڭ قىزمەتكەرى جوۋ ۋىنجيڭ دوۋيىندا تىكە تاراتۋ بولمەسى ارقىلى كاسىپورىننىڭ ءوزى وندىرگەن تازا ماقتادان جاسالعان توسەك بۇيىمدارىن تانىستىرىپ جاتىر.
24 جاستاعى وسى جۇرگىزۋشى سەرىكتەستىكتىڭ ساتۋشىسى ەكەن. ءداستۇرلى ساتۋشىعا ۇقسامايتىنى ول تىكە تاراتۋ ارقىلى جۇمىس جۇرگىزەدى.
”مىنا تىكە تاراتۋ ەسەپ ءنومىرىن بيىل 4 - ايدا جاڭادان اشقانبىز، كەزەكتە مەملەكەتتىڭ جەر - جەرىندە 10 مىڭنان استام قاريدارى بار، ءار كۇنى تاپسىرىس مولشەرى 500 − 800 داناعا جەتەدى“، - دەدى جوۋ ۋىنجيڭ.
سەرىكتەستىكتىڭ زاۆود اۋماعىنا بارعانىمىزدا، بارلىق جەردە توراپتا ساتۋشىلار بار ەكەندىگىن بايقادىق.
ءوندىرىس سەحىندا ساتۋشى جۋ ۋىنلي ءوندىرىس جەلىسىنىڭ الدىنا وتىرىپ، تىكە تاراتۋ بولمەسىندەگى 600دەن استام كورەرمەنگە ماقتالى استاردىڭ ءوندىرىلۋ بارىسىن تانىستىرۋمەن بىرگە، كەز كەلگەن ۋاقىتتا كورەرمەندەرمەن سويلەسىپ، سۇراقتارىنا جاۋاپ بەردى. سىرۋ سەحىندا ءبىر ساتۋشى ماقتالى كورپەنى سىرۋ بارىسىن تىكە تاراتىپ جاتىر. دايىن زات قويماسىنىڭ ەسىك الدىندا ءبىر جەدەل جەتكىزۋ جۇك اۆتوكولىگى توقتاۋلى تۇر، 2 جۇمىسشى جەدەل جەتكىزۋ تاپسىرىس ءنومىرى جاپسىرىلعان جولدامالاردى اۆتوموبيلگە تيەپ جاتىر، بۇل بۋىندى دا ءبىر ساتۋشى قىزمەتكەر تىكە تاراتىپ تۇر. كاسىپورىننىڭ ماقتالى كورپەنى ءوندىرۋ، جاساۋ تۇتاس بارىسى تۇگەلدەي تىكە تاراتۋ ءادىسى ارقىلى تۇتىنۋشىلاردىڭ الدىنا جايىپ سالىنادى ەكەن.
”2019 - جىلى توراپتا ساتۋدىڭ ىڭعايىن بايقاپ، تىكە تاراتۋ ءادىسى ارقىلى سەرىكتەستىكتىڭ ونىمدەرىن تانىستىرا باستادىق. باستابىندا توراپ جۇلدىزدارىنا زات ساتقىزىپ ەدىك، ءونىمى دەگەندەي بولمادى. 2020 - جىلى سەرىكتەستىك ساتۋشى قىزمەتكەرلەردى قابىلداپ، ءوندىرىس سەحتارىندا تىكە تاراتۋ جۇرگىزگەندە ءونىمى ويلاعانداعىمىزدان دا جاقسى بولدى“، - دەيدى سەرىكتەستىكتىڭ باس ديرەكتورى جوۋ جيانحۋا.
شينجياڭ ۋيمەي ماقتا ونىمدەرى وتباسىلىق توقىما بۇيىمدار سەرىكتەستىگى 2016 - جىلى قۇرىلعان، زەرتتەۋدى، جوبالاۋدى، ءوندىرۋدى، ساتۋدى شوعىرلى ءبىر تۇلعالاندىرعان، تازا ماقتادان جاسالعان توسەك ورىن بۇيىمدارى كاسىپورنى، اۆتوماتتى تۇردە تالشىقتان تورماقتا جاساۋ 3 ۇلاسپالى جەلىسى بار، ماقتالى استار، سىرىلعان كورپە، جۇقا كورپە، توسەك كورپە - جاستىقتارى سياقتى 9 ۇلكەن جەلى بويىنشا 100دەن استام ءونىم وندىرەدى.
”ونىمدەرىمىز جاقسى بولسادا، ايگىلەنبەي قالۋدان الاڭدايمىز. بۇكىل مەملەكەتتەگى ءتىپتى دە كوپ تۇتىنۋشىنىڭ شينجياڭنىڭ ماقتادان جاسالعان ونىمدەرىن ءتۇسىنۋى ءۇشىن، سەرىكتەستىك ينتەرنەت جەلىسىندە جانە ينتەرنەت جەلىسىنەن سىرت، جارىسا ساتۋ ۇلگىسىن اتقاردى. بىلتىر سەرىكتەستىكتىڭ ساتۋ سوماسى جاڭا رەكورد جاراتىپ، 27 ميلليون يۋانعا جەتىپ، سايكەس مەزگىلدەگىدەن 40 پايىزدان استام ارتتى، ينتەرنەت جەلىسىندە جانە ينتەرنەت جەلىسىنەن سىرت ساتۋ سوماسى نەگىزىنەن تەڭ بولدى“. جوۋ جيانحۋا تىكە تاراتىپ ساتۋ سوماسى دا بىرتىندەپ جوعارىلاعاندىعىن ايتتى. قازىر تىكە تاراتىپ ساتۋ سوماسى سەرىكتەستىكتىڭ ساتۋ جالپى سوماسىنىڭ ％20تەيىن يەلەدى. كەزەكتە بۇل سەرىكتەستىكتىڭ كۇنىنە ورتا ەسەپپەن تۇتاس تۇعىردا تىكە تاراتىپ ساتۋ مولشەرى 1000 دانادان استى.
قۇتىبي اۋدانى ساپالى ماقتا ءوندىرۋ بازاسىنىڭ ءبىرى، قازىر بار توقىماشىلىق، كيىم - كەشەك، مانەرلەۋ كاسىپورنى 17گە جەتىپ، جوبالانعان جىلدىق ءوندىرىس جالپى قۋاتىندا توقىما ءجىپ ءبىر ميلليون ۇرشىققا، جىلىنا وندىرەتىن توقىما كيىمدەر ءبىر ميلليون 500 مىڭعا، جىلىنا وندىرەتىن ماقتالى كورپە 320 مىڭعا جەتتى.
”بىلتىر ىندەتتىڭ ىقپالىنا ۇشىراعاندىقتان، جەرگىلىكتى ۇكىمەت كاسىپورىنداردىڭ اۋىرتپالىعىن جەڭىلدەتۋ ءۇشىن، سەرىكتەستىكتىڭ 3 جىلدىق ءۇيدى جالعا الۋ اقىسىن ازايتتى، كەشىرىم ەتتى، بۇل شارا ءبىزدىڭ بيىل جاڭا ءوندىرىس جەلىسىن ساتىپ الۋداعى قارجى قىسىمىن باسەڭدەتتى. ساتۋدىڭ قاۋىرت مەزگىلىن قارسى الۋ ءۇشىن، جاڭا ءوندىرىس جەلىسىن 10 - ايدىڭ ورتالارىندا وندىرىسكە قوسپاقشىمىز. مولشەرلەۋىمىزشە، سەرىكتەستىكتىڭ ماقتالى كورپە ءوندىرۋ قۋاتى 30 پايىزعا تاياۋ جوعارىلاپ، توراپتا كۇندىك ساتۋ مولشەرى 5000 دانا شاماسىندا بولادى. كەلەسى قادامدا ءبىز جاڭا ونىمدەردى زەرتتەپ ءوندىرىپ، ءونىم تۇرلەرىن مولايتىپ، ايگىلى ماركانى ايگىلەۋدى جوسپارلاپ وتىرمىز“، - دەدى جوۋ جيانحۋا.
