بۇكىل رايوننىڭ ساياسي كەڭەس قىزمەتى تاجىريبەلەرىن اۋىستىرۋ ءماجىلىسى اشىلدى
جاڭا داۋىردەگى ساياسي كەڭەس قىزمەتىنىڭ جوعارى ساپالى دامۋىن ىلگەرىلەتەيىك
انار بۇلت / شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 25 - كۇنى ۇرىمجىدەن حابارلايدى. 9 - ايدىڭ 24 - كۇنى تۇستەن كەيىن بۇكىل رايوننىڭ ساياسي كەڭەس قىزمەتى تاجىريبەلەرىن اۋىستىرۋ ءماجىلىسى ۇرىمجىدە اشىلدى، ورتالىقتىڭ ساياسي كەڭەس قىزمەتى ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جانە مەملەكەتتىك ساياسي كەڭەستىڭ جەلىلەس ماڭىزدى ماجىلىستەرىنىڭ رۋحىن ىشكەرىلەي ۇيرەندى، دايەكتىلەندىردى، جاڭا داۋىردەگى جەرگىلىكتى ساياسي كەڭەس قىزمەتىن جاسامپازدىقپەن جاقسى ىستەۋ جاعىنداعى ۇيرەنۋ اسەرلەرى مەن قىزمەت تاجىريبەلەرىن اۋىستىردى، جاڭا داۋىردەگى ساياسي كەڭەس قىزمەتىنىڭ جوعارى ساپالى دامۋىن ىلگەرىلەتتى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ورتالىقتىڭ ساياسي كەڭەس قىزمەتى ماجىلىسىنەن بەرى بۇكىل رايونداعى ءار دارەجەلى ساياسي كەڭەستەر شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، دارەجەلەس پارتكومنىڭ باسشىلىعىندا نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا شوعىرلاندىرىپ، ارناۋلى كەڭەس قۇرىلىمى قۇرىلىسىن كۇشەيتىپ، مىندەت وتەۋ تاسىلىندە، ءادىس - امالىندا جاڭالىق اشىپ، پارتكومنىڭ وزەكتى مىندەتىنە ءونىمدى قىزمەت وتەپ، ءتۇرلى قىزمەتتەردى ايتارلىقتاي ورىستەتتى. جاڭا داۋىردەگى ساياسي كەڭەس قىزمەتىنىڭ زاڭدىلىعى جونىندەگى تانىمدى تەرەڭدەتىپ، تاجىريبەلەردى ۇزدىكسىز قورىتىندىلاپ، ماسەلەلەردى بايقاپ، ماسەلەلەردى شەشىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تياناقتاندىرۋعا قىزمەت وتەۋ بارىسىندا تىڭ بەينە كورسەتىپ، جاڭا ىسكەرلىك ايگىلەۋ كەرەك.
ءماجىلىس مىنالاردى باسا دارىپتەدى: ساياسي دەڭگەيدى جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، نازاردى نەگىزگى جاۋاپكەرشىلىككە، نەگىزگى كاسىپكە اناعۇرلىم شوعىرلاندىرىپ، ساياسي كەڭەستىڭ ءتۇزىم ابزالدىلىعىن شينجياڭدى جونگە سالۋ ونىمدىلىگىنە اناعۇرلىم ويداعىداي اينالدىرۋ كەرەك. ساياسي كەڭەس پارتيا باسشىلىق گرۋپپاسىنىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز جوعارىلاتىپ، جوعارى ساپالى پارتيا قۇرىلىسى ارقىلى جوعارى دەڭگەيدە مىندەت وتەۋگە جەتەكتەۋ كەرەك. ساياسي كەڭەستىڭ ۇگىت يدەيا قىزمەتىندەگى كەلەلى ماسەلەلەردى اناعۇرلىم ايقىنداپ، ساياسي كەڭەستىڭ ۇگىت يدەيا قىزمەتىنىڭ باعىتتامالىلىعىن، داۋىرلىك سيپاتىن، ناقتى ونىمدىلىگىن ۇزدىكسىز كۇشەيتۋ كەرەك. ورتاق تانىم ۇيىستىرۋدى ساياسي كەڭەستىڭ ءتۇرلى فۋنكتسيالارىنا ءسىڭىرىپ، جاڭا ساپاردا ەكپىندەي ىلگەرىلەۋ، جاڭا داۋىردە ەڭبەك ءسىڭىرۋ ءۇشىن اناعۇرلىم تەلەگەي كۇش توپتاۋ كەرەك. ساياسي كەڭەستىڭ دەموكراتيالىق باقىلاۋ امالياتىن ۇزدىكسىز تەرەڭدەتىپ، پارتكوم مەن ۇكىمەتتىڭ قىزمەتتى جاقسارتۋىنا، ماسەلەلەردى شەشۋىنە كومەكتەسۋ كەرەك.
ءماجىلىس مىنالاردى تالاپ ەتتى: جاڭا داۋىردەگى شينجياڭنىڭ ساياسي كەڭەس قىزمەتىن كۇشەيتۋدە جانە جاقسارتۋدا، ءسوز جوق، ءتۇيىندى كورنەكتىلەندىرىپ، تەتىكتى يگەرىپ، جۇيەلى كۇش سالۋ، ۇزدىكسىز كۇش جۇمساۋ كەرەك. پارتيانىڭ ساياسي قۇرىلىسىن ماڭداي الدى ورىنعا قويىپ، نازاريامەن قارۋلانۋدى كۇشەيتىپ، ءتۇزىم - مەحانيزمدى اقاۋسىزداندىرىپ، ۇيىمدىق جۇيەنى كەمەلدەندىرىپ، ساياسي كەڭەستەگى پارتيا ۇيىمى مەن پارتيا قىزمەتىنىڭ فورمالىق جاقتان قامتۋدان ونىمدىلىك جاقتان قامتۋعا قاراي ورىستەۋىن ىلگەرىلەتىپ، پارتيانىڭ باسشىلىعى مەن كەڭەستىك دەموكراتيانى بىرلىككە كەلتىرىپ، پارتيانىڭ پارمەندى باسشىلىعى ارقىلى ءماسليحاتتاسۋدىڭ دۇرىس بەتالىسىنا، كەڭىنەن، ىشكەرىلەي ءماسليحاتتاسۋ ارقىلى پارتيانىڭ بۇقارالىق نەگىزىن نىعايتۋعا شىن مانىندە كەپىلدىك ەتۋ كەرەك. نازاردى ءماسليحاتتاسۋدىڭ نەگىزگى جاۋاپكەرشىلىگىنە، نەگىزگى كاسىبىنە اۋدارۋدا تۋراشىلدىقتان تايماي جاڭالىق اشىپ، ساياسي كەڭەستىڭ كەڭەستىك دەموكراتياسىنىڭ كەڭ كولەمدى، كوپ ساتىلى تۇزىمدەنە دامۋىن بەلسەنە ىلگەرىلەتىپ، كەڭەسۋ، ۇكىمەت ىستەرىن اقىلداسۋ ساپاسىن ۇزدىكسىز جوعارىلاتىپ، دەموكراتيالىق باقىلاۋدى ءونىمدى ورىستەتىپ، سالالار قىزمەتىن جانداندىرۋ كەرەك. بىرىككەن كۇش قالىپتاستىرىپ، ءار دارەجەلى ساياسي كەڭەستەردىڭ بايلانىس جاساۋ، جەتەكشىلىك ەتۋىن كۇشەيتۋدە اناعۇرلىم ىلگەرى باسىپ، نەگىزگى ساتى ساياسي كەڭەس قىزمەتىن ناقتىلاندىرۋ، كۇشىن نىعايتۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعاسى ءمۇتالىپ وبۇل ءماجىلىستى باسقاردى. اۆتونوميالى رايوندىق ساياسي كەڭەستىڭ ورىنباسار ءتوراعالارى ءجۇرات يمىن، ياڭ يۇڭ، يىلھام سابىر، ابدۇرىقىپ ءتومۇرنياز، نۇرىم سىمايىلقان، ازەز مۇسا، باس حاتشى گاۋ جياڭحۋاي ماجىلىسكە قاتىناستى.
ماجىلىستە نەگىزگى ساتى ساياسي كەڭەستەرىنىڭ جاۋاپتىلارىنان 6 جولداس پىكىر اۋىستىرىپ، ءسوز سويلەدى.
