تيانشان تورى
تيانشان تورى   ›   جاڭالىقتار   ›   شينجياڭ حابارلارى

2021 - جىلدىق شينجياڭ جىبەك جولى ءجۇزىم شارابى مەرەكەسى باستالدى

  انار بۇلت / شينجياڭ گازەتىنىڭ ءتىلشىسى رىن جياڭ، ءابيبا 9 - ايدىڭ 25 - كۇنى سانجىدان حابارلايدى. 9 - ايدىڭ 25 - كۇنى 2021 - جىلدىق شينجياڭ جىبەك جولى ءجۇزىم شارابى مەرەكەسى سانجى قالاسىندا باستالدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن باستالۋ سالتىنا قاتىناستى ءارى ءسوز سويلەدى.

  شينجياڭ بۇكىل جەر شارىندا شاراپ اشىتىلاتىن ءجۇزىم ەگىلەتىن التىن ەگىمشىلىك بەلدەۋىنە ورنالاسقان. ەلىمىزدە ەڭ ەرتە ءجۇزىم ەككەن وڭىرلەردىڭ جانە ءجۇزىم شارابى اشىتىلعان جەرلەردىڭ ءبىرى، شاراپ اشىتىلاتىن ءجۇزىم ەگەتىن جانە ءجۇزىم شارابىن اشىتاتىن ءىرى ءوڭىر، ەگىمشىلىك كولەمى، ءجۇزىم شارابىنىڭ ءونىم مولشەرى جاعىنان تۇگەلدەي بۇكىل ەلدىڭ تورتتەن ءبىر ۇلەسىن ۇستايدى. ءبىر قىدىرۋ ءبىرشاما ىقپال كۇشكە يە ءجۇزىم شارابى ماركاسى جارىققا شىققان. كەزەكتە اۆتونوميالى رايوندىق پارتكوم مەن ۇكىمەت ءجۇزىم شارابى كاسىپ سالاسىن ”14 - بەسجىلدىقتا“ ءتۇيىندى دامىتىلاتىن ”10 ءىرى كاسىپ سالاسىنىڭ“ ءبىرى ەتىپ، قاتىستى دامۋ جوباسىن جانە كاسىپ سالاسىنىڭ دامۋىنا جەتەكشىلىك ەتۋ پىكىرى قاتارلىلاردى العا قويىپ، شينجياڭدى جىبەك جولى ەكونوميكالىق بەلدەۋىندەگى ساپالى، جوعارى دەڭگەيدەگى ءجۇزىم شارابى وندىرىلەتىن وزەكتى رايون ەتىپ قۇرىپ شىعۋعا قۇلشىنۋدا.

  چىن ۋيجۇن مىنانى اتاپ كورسەتتى: شينجياڭ ”جىبەك جولى ەكونوميكالىق بەلدەۋىندەگى ساپالى، جوعارى دەڭگەيدەگى ءجۇزىم شارابىن وندىرەتىن وزەكتى رايون“ نىساناسىن كوزدەپ، ءجۇزىم شارابى جاعراپيالىق بەلگىسىن قالىپتاستىرۋ، ”تۇنىق سۋ، جاسىل تاۋ − باعالى بايلىق“ سىندى دامۋ جولىن كەڭەيتىپ، ءار ۇلت بۇقاراسىن بايۋعا جەتەلەپ، وڭىرلىك سايكەستى دامۋدى جەبەيدى؛ ءجۇزىم شارابى ارقىلى تۇتاس 1 -، 2 -، 3 - كاسىپ سالاسى تىزبەگىنىڭ جاڭا ۇلگىسىن قالىپتاستىرىپ، ءجۇزىم شارابىنىڭ تۇتاس كاسىپ سالاسى تىزبەگىن كەمەلدەندىرىپ، شينجياڭنىڭ ءتۇيىندى، ەرەكشە كاسىپ سالاسى مەن حالىقارالىق باسەكەلىك قۋاتقا يە ماركالى كاسىپ سالاسىن تۇلعالايدى؛ ءجۇزىم شارابى ارقىلى بۇقارانىڭ تۇتىنۋ دارەجەسى جوعارىلاعان جاڭا تىلەگىن قاناعاتتاندىرىپ، شينجياڭنىڭ بالزام ءجۇزىم شارابىنىڭ بۇكىل ەلدەگى بۇقارانىڭ داستارقانىنان ورىن الۋىنا، حالىقارالىق ساحناعا بەت الۋىنا مۇمكىندىك جاراتادى.

  اۆتونوميالى رايوننىڭ باسشىلارىنان باداي، جاۋ چيڭ، ونەركاسىپ جانە ينفورماتسيالاندىرۋ مينيسترلىگىنىڭ، سونداي - اق جۇڭگو شاراپ كاسىبى قوعامىنىڭ قاتىستى جاۋاپتىلارى، ت. ب قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.